泰然 (長發廣場)

营业中

休息中

估唔到長發邨有間咁靚泰菜😱裝修好新好靚~ 座位都好舒服 有空間感🥳感覺好舒適 唔似屋村貨仔😎😎餓左一日 加做完運動今餐要食好味d😋 先對得住自己👿金柚子蝦沙律$88份量好多好足料 有隻大蝦🦐放在上面 大蝦🦐夠爽口 食得出好新鮮柚子加左少少辣椒同一d不知明嘅調味料食落好開胃 仲前菜真係好岩！！炭燒豬頸肉 $78好彈牙爽口 加埋醬汁微辣 香口惹味芒果芝士沙冰 $32辣辣地 飲啖芒果沙冰 真係冇得頂😁蟹肉🦀炒飯 $88 夠鑊氣 飯好乾身 粒粒分明 蟹肉🦀算太多 但都食到蟹肉🦀味清清淡淡咁 幾好馬拉盞通菜 $58好野味 配埋清清淡淡既蟹肉炒飯 正👍🏻

岩岩返黎香港冇耐，樓下既餐廳都唔同晒，今日就同阿媽試吓樓下既泰國餐廳，一解懷念泰國之情咁岩坐88號檯，lucky numberLunch 時段，都幾多人幫襯有午市套餐同下午茶套餐，價錢較抵不過tea 要2-4 點我想試試其他野食就單點點左個細既小食拼盤，有雞翼、雞串燒、蝦餅同春卷，好多款式，好鬆脆香口，一次過滿足晒，仲有甜酸醬加沙嗲醬主食就點左菠蘿海鮮炒飯，好大碟，有蝦、魷魚、青口，好足料，炒得好有獲氣仲有泰式乾炒牛河，都好大碟，好有泰國風味叫左個甜品-椰汁西米糕，好重椰香味，裏面仲有粟米同西米，好有口感飲品方面叫左椰汁冰，又係好重椰汁味，正啊同朋友兩個人食到超級飽，仲打包走，平日仲唔洗加一，呢個價錢都唔算太貴下次再encore

青衣係我經常出沒既地方，但係泰國🇹🇭菜就好少，今次黎到呢個屋村商場相當有驚喜，竟有間幾靚既泰國餐廳，入到去裝修簡潔優雅，坐位舒適，價錢都唔算貴，我見有個泰式明爐烏頭魚都係百零蚊，但出面賣緊二三百。我地叫左四個餸菜，食到好飽！月亮蝦餅$88-月亮🌙蝦餅唔係度度有，我覺得係必食，蝦餅彈牙，個邊脆脆地，另外入面加左馬蹄，除左多左份爽口之外，馬蹄可以清熱，中和返蝦餅既熱氣！泰式軟殼蟹咪紙卷$78-有菜、芒果🥭、青瓜、蘿蔔絲同外脆內軟既軟殼蟹，爽脆清新！蟹肉炒粉絲$68-呢個係我私心推介，佢炒得夠乾身，唔油，唔會黐到一舊舊，有蔬菜有蟹肉有蛋。泰式明路花甲鍋$108-熱辣辣煲住，花甲都幾多，入面仲有肉碎同粉絲，湯底係冬陰功味偏甜。

今日我老婆揸車去青衣搵朋友，去到商場有間泰國舖頭，泰國菜我和老婆都很喜歡食，就決定在這裏食午餐，進入餐廳環境寬闊，地方乾淨，而且空間感十足，座位也很舒服，店員也很有禮貌招呼我們坐低，細看餐牌，有很多選擇每一款泰國菜我都很想食，最終叫了這個海南雞飯，海南雞飯他特別的香氣是他的飯，蒸的時候放了香茅南疆，食落口帶有微微的香氣和淡淡的鹹味，不論是配搭雞肉或是米飯都很美味，已海南雞也是沒有骨的，雞肉比較肥美，雞皮滑而不厚，有啫喱狀嘅雞油，食一口雞肉，肉質細嫩有口感還點了一個泰式鳳爪，泰式鳳爪酸酸辣辣的味道，混合酸甜辣的味道令人非常開胃，無骨嘅鳳爪一放入口爽脆口感，非常好味，真的不錯這個泰式大蜆煲粉絲煲，喝一口湯底各種泰式香料都煲到出味，粉絲吸盡大蜆的鮮味及醬汁的味道粉絲比大蜆更加好食

青衣呢個地方真係好少嚟平時食泰國菜一定係去九龍城今日比我發現咗青衣有間性價比非常高嘅泰國菜今日就去試吓見到入面人流都有好多就已經知道質素唔差見到餐牌上面嘅食物種類都有好多價錢相對來講都好平地方非常闊落，樓底又夠高，坐得好舒服，燈光亦都非常充足餐牌上面有好多嘅選擇，價錢比出邊的泰國菜平，性價比真係非常高泰式生蝦$168（ 12 隻） ， 夠凍又夠新鮮，口感爽脆鮮甜，每隻蝦上面都放有辣椒加一片蒜，配埋d 醬汁，甜甜酸酸，真係好好味，每一隻蝦都用玻璃杯放住，非常之特別香蔥蒜蓉包六件$42，麵包外皮非常香口，外脆內軟非常香濃嘅蒜蓉牛油味職員一放低就聞到香噴噴又熱辣辣金柚子蝦沙律$88，份量非常充足，有三隻大蝦放在上面，又夠爽口，新鮮，柚子入面有少少辣椒🌶️洋蔥🧅輕量嘅調味料，帶有少少辣，非常惹味燒大頭蝦三隻$78，大頭蝦嘅size非常大，🦐頭仲非常多膏，食落又夠爽口彈牙啖啖肉，擁有着原汁原味嘅鮮味，擁有着海水大蝦鮮甜嘅味道，旁邊仲放有泰式嘅甜酸汁，甜甜酸酸又有辣味咁炎熱嘅天氣梗係要整返杯珍多冰$26，入面有好多綠色嘅粉條用糯米粉製作非常清甜又爽滑仲有好香嘅椰漿香甜味的確係消暑涼拌

青衣長發邨這間泰菜館，前身是一日式菜館。餐廳內的佈置清新可人，大部份座位是卡位，環境可算頗為舒適。這個小食併盆，賣相尚可，但食材品種不足，熱度亦稍欠。這個是該店推薦的菜式。所謂火山亦不是在枱前有甚麽即席耀眼泡制，詢問後之答覆是在㕑房有用火燻，令筆者有點兒失望。至於排骨則份量充足，味道亦算可口，惜肉質較粗糙，泡制過程未能鎖住肉汁。花甲鍋配料充足，調味亦佳，惜花甲太細小，且花甲肉幾乎全部離殼，用筷子挾起花甲，祇見花甲殼而花甲肉不知所跡。這個牛筋腩煲制作得宜，亦有保温設施。咖喱味道可人，食完牛筋腩再用咖喱汁伴食另再下單的蒜蓉包和印度薄餅，確是一流配搭。蒜蓉包屬即時制作，賣相好，熱度夠且味佳。印度薄餅食去部份才記得影相。此亦屬即時制作，脆口且味道亦佳。亦在下午茶時段光顧該店。青咖喱鷄併蒜蓉包，首次十分滿意，因用鷄胸肉泡制，啖啖肉而無骨，第2次光顧則稍為欠理想，原因乃用了鷄翼鷄槌等部份，吃起來失去了啖啖肉的感覺。至於青咖喱的泡制頗為得宜，咖喱汁味佳且稀濃度恰到好處。這款冬蔭功蝦肉碎炒飯雖是下午茶時段的出品，但制作頗為用心，配料多且味佳。辣度頗濃，喜辣者會欣賞，但不太吃辣的則切記不可下單。這個炒

通常食泰國菜，都會選擇去返九龍城食，但係近日喺青衣都開咗間泰國菜，睇一睇Menu發現個價錢一啲都唔貴，所以今晚就一於去試吓。時間尚早，喺附近行咗一個圈，發現入邊未夠六點都已經有好多人食緊，相信有佢一定嘅吸引力。嘢食嘅種類都幾多，而價錢相對來講都算平。三個人叫咗個雞絲炒金邊粉，一個通菜同埋一份咖喱牛腩，先講個通菜，通菜炒得好脆，蝦醬味好濃郁，但又唔會過鹹，食入口一啲都唔會覺得口渴。雞絲炒金邊粉嘅餸都幾多，成碟金邊粉嘅份量都好大份，少少酸好開胃。咖喱牛腩份量一樣咁大，除咗牛腩之外，仲有好多青紅椒做配菜，牛腩好淋，加埋薄餅一齊食一流。見好多人都食呢個香芒軟殼蟹米紙卷，我哋都忍唔住叫埋一份，芒果好甜，軟殼蟹新鮮炸起，入口好香脆，個米紙卷好薄好彈牙，寫餐飯我好鍾意食呢個前菜。去得食泰國嘢，最後不忘叫返個芒果糯米飯配雪糕，芒果香甜，糯米飯熱辣辣，配埋椰汁係面一齊食好正，又唔會太過甜，不過份量一樣好大份，兩個人食先食得晒。

今晚同個朋友慶祝生日，又唔想出去九龍區，咁啱屋企附近開咗間泰國餐廳，所以今晚就試吓，睇過Menu個價錢都好平民，座位都好舒服，未夠六點去到，都已經好多人食緊。好貼心，一埋位就已經提供左水俾你洗碗洗碟，而家最緊要乾淨呀嘛。食物上菜嘅速度真係好快，叫咗個蝦醬通菜，炒得好脆口，蝦醬好重，但係又唔會覺得鹹，配上炸蒜蓉，好開胃。之後叫咗個咖喱牛腩同埋薄餅，薄餅煎得好酥，咖喱牛腩唔辣，三個人食嘅份量都算幾多，薄餅仲可以點咖喱汁食。叫咗個小食拼盤，大份嘅，種類有八款，啱晒啲朋友可以叫多幾款食，每件小食都炸到好脆，我最欣賞嘅係佢個雞翼，好入味。係我叫咗份雞絲炒金邊粉，分量一樣咁大，金邊粉嘅材料都幾多，酸酸地好開胃。叫咗兩杯芒果沙冰，又唔酸，微甜，食完辣野中和下一流。

估唔到青衣都會有泰國嘢食，仲要新裝修，好自然就入咗去試吓。餐廳食物嘅種類超多而且價錢亦都非常之親民。餐廳入邊嘅人數都幾多下，如果想食的話可能真係要早少少去排隊或者打電話預約。睇完餐牌之後店員亦都好主動同我哋落單，仲主動介紹佢哋嘅招牌菜，服務都相當殷勤。最後我哋叫咗泰式生海蝦，金柚子蝦沙律，香芒軟殼蟹米紙卷，炭燒豬頸肉同埋火山排骨，至於飲品方面就叫咗西瓜芝士沙冰同埋火龍果芝士沙冰。泰式生海蝦嘅賣相十分之好，肉質亦都幾新鮮，食落都幾新鮮。金柚子蝦沙律同香芒軟殼蟹米紙卷作為前菜亦都非常之開胃。炭燒豬頸肉配上泰式酸辣汁味道非常之一流，加上肉質肥美非常好食。而火山排骨亦都非常之有驚喜，肉質比我想像中鮮嫩，肉嘅比例亦都相對之多。飲品亦都唔會過甜，芝士奶蓋嘅比例啱啱好。整體來講呢一餐可算非常之唔錯

今日lunch來到長發邨，被呢間門面裝修充滿泰國Feel的餐廳吸引住，見餐廳入面都幾多客人，餐牌野食又勁多，仲要平民價格，便入去試下，詁吾到水準甘高！！餐廳座位非常闊落，有好多卡位同四人枱，乾淨企理，坐得舒服。午餐同下午茶餐都有，價錢吾貴，平日仲要吾洗加一，非常抵食。<海南雞配油飯(例牌) $68>呢碟海南雞配油飯雖然係例牌，不過詁吾到甘大碟，份量十足，仲有滑滑雞髀肉，而雞肉已經全部去骨，就連雞胸肉都吾會鞋口，肉質保持到嫩滑的質素，入口啖啖肉。油飯份量同樣多，仲充滿油香，非常好食，係必食之選!!<蟹肉炒粉絲 $68>炒粉絲非常大碟，而且配料好多，入口帶有鹹香味道，炒得夠鑊氣，而且非常惹味。<椰汁冰 $26>椰汁冰椰奶味道非常濃郁，而且夠曬冰凍好飲。<泰式豬手煲 $98>充滿醬油味道嘅豬手煲，做得非常出色，豬手肉完全去骨，而且豬手肉炆得入曬味，惹味非常，肉質夠曬嫩滑，膠質好重，就連煲下面嘅菜都吸收曬肉汁精華，絕對值得推薦！！～<豬頸肉生菜包 $88>豬頸肉炒得非常彈牙爽口，味道帶微辣，香口惹味，配青檸汁及新鮮

小胖每次去完迪士尼都會入青衣食嘢，今次就去咗一間靚靚泰國餐廳佢的坐位都幾闊落，頗舒適，環境好靚，好有泰國風味食物的選擇超多，而且價錢合理，佢的份量亦頗多，所以小胖和友人都食唔曬要打包走😅小胖一開始只單了飛天通菜，串燒，煎蠔餅，鮮蝦炒金邊粉，但見對方的蒜蓉包又香又脆，忍唔住都加點咗，無後悔，超好食😋佢的蒜蓉包係厚身長方形，表面炸到金黃但無焦到，咬落去脆之餘，充滿牛油和蒜蓉的香味，超好食，大推佢的串燒係雞和牛，唔會好朝身，咬落去仲有肉汁，佢的醬唔辣又唔會過鹹，配串燒超夾佢的煎蠔餅亦係大推，超多蠔和蛋，每一啖都份量十足佢的飛天通菜都幾辣下，小胖都要邊飲水邊食，但味道不錯👌整體質素不錯，不錯食

青衣高質泰國菜 燒得好靚豬頸肉🐖青衣其實不嬲都好多嘢食，但係就外賣小食呢種類型比較多🤔真係坐得舒舒服服又好食嘅餐廳比較少～ 今次嚟咗青衣食泰國菜有驚喜😆炭燒豬頸肉 $78豬頸肉燒得好靚，成個色澤同賣相都好好！我個人好怕肥膏🥲 佢呢個豬頸肉唔會太肥，肥瘦適中，所以唔會好油膩好負擔～ 肉質實淨 配埋醬汁非常唔錯😆鐵板蠔仔炒蛋 $88鐵板上熱辣辣咁冇得輸😲 蠔嘅份量都幾多 同埋唔細隻 都鮮甜 炒蛋唔會好老 整得唔錯☺️冬陰功海鮮湯 $108一睇個顏色就知道好正 呢款冬陰功酸甜味比較重，但後勁都會食到有辣味🥵唔係啲BB冬陰功 辣味適中成個味道唔錯！呢個價錢比嘅海鮮都算足料～ 細蝦大蝦都有 仲有魷魚同青口 誠意十足😳蟹肉炒飯 $88佢係真材實料真係有蟹肉 呢個值得加分 但就唔算好重味 存在感唔係好大 不過炒飯都做得幾好食 粒粒分明嗰一種🥳呢間餐廳性價比都比較高，價錢非常合理，嘢食又唔差，用餐體驗非常好🥰

好有驚喜竟然係青衣都比我搵到一間咁有質素嘅泰國菜裝修)靚仔舖頭又夠晒大，座位夠晒寬躺，食嘢都食得舒服啲🤭聽講呢度啲海南雞好出名所以我就叫咗半隻海南雞加油飯賣相非常之吸引食落去啲雞好滑身好好味完全唔諧霎霎再加埋漿料有另一番滋味👍油飯好正宗黃色，啲飯唔會一嚿嚿😋再叫咗豬頸肉通菜煲（馬拉盞）煲來到熱辣辣所以啲菜冇咁容易凍哂幾好👍豬頸肉好惹味😋一定要叫生蝦6隻用六隻玻璃杯每一隻杯放在一隻生蝦非常之特別，生蝦食落去非常之新鮮好味🙌最後都好想食埋呢個芒果糯米飯配雪糕真係好滿足好好味😋🙌🙌

今日經過長發商場，諗住係到揾間餐廳醫肚之際，就見到呢間泰然，好耐冇食泰國野既我，二話不說就入左去了餐廳裝修都幾有泰國既特色，而且新淨餐牌選擇十分多，可以滿足吾同人既需要，單點或套餐都抵食先上飲品， 龍眼冰好清甜，行到熱辣辣飲係好解渴。泰式奶茶完全係做到泰國既水準，又香又滑香芒軟殻蟹米紙卷，份量十足，軟殼蟹炸到好香脆，而且係啖啖肉，再加上芒果既酸甜，令人食得好開胃，作為第一道食既菜十分適合泰式乾炒牛河，未食已經聞到香味，牛肉稔身而且有牛味，河粉每條都入曬味，而且條條分明，吾會斷開， 越食就覺得越惹味泰式菠蘿海鮮炒飯，用料十足，海鮮份量好足夠。腰果仲要脆卜卜， 同炒飯一齊食，口感更加好仲叫左個泰式千層糕，係我最鍾意既泰式糕點， 食落好煙靭，而且椰香味好重，食完有好滿足既感覺今餐真係抵食又滿足，黎開附近可以再黎幫襯

青衣長發廣場最近開左間平民泰菜，內裏樓底夠高，無壓迫感算寬敞，座位全是卡座。菜式及飲品選擇頗多，價錢貼地平民化。今日約了久未見面的老友食飯，慢慢聚聚舊也藉此解解少外膳引起的口饞。最快到的是泰式咸魚炒椰菜苗，咸魚味濃撲鼻來，菜苗夠油綠，啱重口味的我。之後來了小食月亮蝦餅，單靠賣相就看不出月亮形，可能是指以脆脆春卷皮炸成的蝦餅未切前是一個圓月亮吧！餡理所當然係蝦肉嚟嘅，食到濃濃嘅香草味。個香芒軟殼蟹米紙卷，賣相不錯。生菜、剛炸醃好香脆的軟殼蟹配上酸酸甜甜的芒果肉加彈牙的粉（我覺得是檬粉）。 一口咬下，嘴裡Q軟、脆口、咬勁通通到位，沾上附來沾醬，酸甜微辣的小清新口味啱今日熱的天氣。食泰菜，我自然就點左個冬蔭功海鮮湯金邊粉，料足，煆鮮彈丶湯調得酸辣啱我，若粉少D湯多點就更佳。這裏的珍多冰，有他們的特色，少了綠豆蓉，多了幾粒5亳咁大的半透明的東西（不知怎形容但好食過癮的），椰味夠，不知有無有沒有加椰糖，反正甜度適中。