泰然 (長發廣場)

营业中

休息中

我哋不嬲都好鍾意食泰國菜今日見到呢間鋪係新開無幾耐 就入咗去食啦次次我哋都會叫燒鯽魚 今日都唔例外好明顯佢係即叫即燒肉汁非常豐富 我諗係我食過最多肉汁嘅一間 真係世一當然魚好滑身啦 但又唔係生喎啱啱好 真係做得好好 值得一讚👍🏼另外叫咗招牌焗黃咖喱麵包軟瞉蟹 個咖喱完全唔辣嘅 甜甜地 配麵包一路點一路食 係做得好好 我最怕麵包吸哂水會好似發水麵包咁 但佢唔會呀 仲會保持少少煙靱嘅口感 當然軟瞉蟹都好多啦見到野食咁正 即刻追加泰式明爐花甲鍋果然冇令我哋失望一樣做得咁出色個湯酸酸辣辣 花甲新鮮鮮甜真係超正呀！成個湯都飲晒 一滴不留其實已經好飽喇 但我都仲想再追加個甜品芒果糯米飯芒果就好鮮甜喇 不過白糯米飯就失色咗少少硬咗啲唔夠軟身成個餐配埋啤酒 正！個杯凍架 幾貼心不過整體來講都非常出色好開心的一餐yeah

呢日放假同屋企人去咗青衣行山，夜晚原先諗住去青衣城搵食，但發覺冇咩特別啱食。行多兩步去咗長發商場，估唔到呢個領展管理嘅屋邨商場竟然有間新派泰國菜館，門口睇完餐牌覺得價錢合理，於是入嚟試一試。冬蔭公海鮮湯($108)屋企人話好耐冇食冬蔭公，我就話不如叫個冬蔭公海鮮湯一齊飲下。如果話呢一道菜係最經典嘅泰國菜之一，相信冇乜人會反對。呢煲冬蔭功有好多種唔同海鮮配搭，飲落有濃郁嘅鮮味，酸酸辣辣好惹味，調味唔太辣，易入口。飛天炒通菜($58)睇圖都睇得出好大碟，調味可以，出面有啲舖頭會整得偏咸/重口味，但呢間舖冇犯到呢個錯誤。蟹肉炒粉絲($68)呢碟反而係今餐嘅意外驚喜，原本我想食泰式炒河，但屋企人話想試下呢個。點知碟粉絲又炒得幾乾身爽口，仲有好香嘅蛋味，食到停唔到口。小食拼盤(小) ($108)話就話小食拼盤，但一啲都唔「小」，有蝦餅、春卷、雞肉串燒同埋炸雞翼，屋企人都投降，食到最後都係要我包底。

青衣長期都無啖好食，好開心近月係屋村商場新開泰國餐廳！食過好多次，最抵食係下午茶，不過注意4pm截單，以下午茶黎講比較早完。要讚佢哋員工非常好禮貌，同埋衛生做得好好，親眼睇住佢哋一絲不苟抹枱、隔板、牆邊，值得讚。同埋都算幾好坐，環境裝修幾靚。另外呢度咖啡好香，唔錯架。最鍾意食$52 （牛）船麵，好多餸料，不過對初初食，好似越嚟越咸？牛筋牛腩以前好「林」，呢排食又變左口感，係爽嘅。我唔敢講係好定唔好，口味口感好個人既始終，可能係店家特登調整啦，希望有日變返我鍾意既「林」口牛腩，入口即溶牛筋！黎緊都會繼續支持，如果泰然負責人睇到就好，請好好做落去！青衣真係無啖好食架！！！

平時夜晚經過見到呢家餐廳都排晒隊，於是揀左閒日嘅lunch同屋企人試下～坐落都幾舒服，好多卡位，環境黎講唔算擠逼。嗌左馬拉盞炒通菜，食落去好香口，份量非常充足，辣味恰到好處，食落去唔會太鹹太辣，無蓋過左通菜嘅鮮味！呢碟菜炒得幾有穫氣！另外，個魚餅總共有4舊，佢切開一半所以影相以為會係8舊，食落去幾彈牙！雖然佢係炸，但唔會因為咁而覺得好油～唔洗點個甜酸醬都覺得好好食！再嗌左個燒大頭蝦（3隻），蝦頭非常大，而且蝦肉好新鮮，佢無落任何調味，所以要點隔離個甜酸醬～但其實唔洗點都覺得好新鮮了！！重點係蝦膏好多（由於太好味, 唔記得影相）最尾黎到重頭戲，焗黃咖哩麵包軟殼蟹！一上菜好大舊！除左舊麵包大，連軟殼蟹都大過人！淋埋啲黃咖哩汁，一啖軟殼蟹，一啖麵包，真心好食！重點係唔中意食辣嘅朋友都可以嗌！因為一啲都唔辣！成餐飯最滿足係呢碟

同朋友聚餐㨂左呢間泰國餐廳試吓，估唔到一個合理價錢食到超水準同多款式的食物！首先，不得不讚一讚佢地整體的食物質素，最出色係佢地的火山排骨，肉質口感一食就知係心機野，配埋個汁真係一絕！泰國餐廳少有的菜色。值得推介！跟住我地都試左佢哋唔同總類的食物，粉絲煲惹味、蟹肉炒飯香口夠鑊氣、咖喱配蒜蓉包簡值超讚。蝦刺身必試，醬汁有兩款以杯子獨立放一隻蝦！爽口兼味道有驚喜，喜歡泰色辡味的朋友不容錯過。最後更少不了一個有雪糕的杧果椰汁飯，簡直係完滿。最最最正的係價錢合理，完全係滿足而歸之選！強推！

咁岩去咗青衣搵朋友，又要搵地方食飯，但係好多大商場嘅餐廳都又貴又唔抵，咁岩知道呢個距離地鐵站幾分鐘路程嘅屋村商場，有間新開嘅泰國野，而且個裝修都靚靚仔仔，有信心去試一試！入面有好多好多卡位，岩晒啲鍾意私隱度嘅食客，傾偈都唔怕俾隔離枱聽倒野飲好快就到咗，泰式奶茶係偏甜，但都好似幾泰國飲倒嘅味道，咸檸七都有唔錯水準。值得一提嘅係呢啲特飲都只係貴過普通餐飲4蚊，感覺上叫特飲會抵少少豬頸肉生菜包我真係第一次試，感覺幾新鮮，同埋啲肉好多，食完生菜之後可以撈吓飯串燒直頭係啖啖肉，唔似出面啲好瘦好鞋好乾嘅串燒，豬串燒嘅油會多少少，所以食落再多汁啲蟹肉炒飯好有鑊氣，雖然冇乜泰國香料味，但整體黎講都好有份量同好香，抵食之選馬拉盞炒椰菜苗都係大大份，唔會太鹹就咁食岩岩好雪糕芒果糯米飯我都係第一次食，凍嘅雲呢拿雪糕配暖暖地嘅糯米飯食，感覺幾得意，有少少冰火交融嘅感覺，不過記得提侍應後上，或者食到咁上下先叫，因為都好快上枱叫咗成枱食物都係四百幾蚊，食得超滿足！

同honey返去佢細個時住過嘅屋邨行下。呢度改變都幾大,開咗好多食市。泰然係其中一間新開嘅泰式餐廳,我哋俩個都幾鍾意食泰式美食,於是揀咗呢度開餐。餐廳大部份係卡位,光線充足,两邊墻上壁畫充滿大自然feel, 感覺舒服。睇完餐牌,選擇都好多,而且價錢合理。我哋點咗1️⃣熱好立克、椰青2️⃣印度薄餅3️⃣馬拉盞西蘭花炒蓮藕4️⃣海鮮炒貴刁(小辣)5️⃣芒果糯米飯配雪糕大大個新鮮椰青,清香甘甜,原汁原味,消暑解渴必選！印度薄餅金黃香.酥.軟,就咁食已經好好味,下次加個咖喱,會更加美味！馬拉盞西蘭花炒蓮藕,口感爽脆, 香濃惹味！海鮮炒貴刁份量多,材料足,鑊氣够,貴刁條條分明柔軟,蝦仁彈牙,鮮魷魚爽口,仲加入草菇、蕃茄、雜豆、豆角等多種蔬菜,增加口感。少辣辣,味道吸引！芒果糯米飯配雪糕,雖然芒果少少酸,但清香。暖暖嘅糯米飯上有粒粒脆綠豆,幾特別！再加上香滑冰凍雪糕,大滿足！開心陪伴至愛尋回童年回憶外,亦享受到一頓美食,同親切嘅服務態度！

朋友話好耐無見，約出嚟食番餐，吹吓水談吓心喎。但佢有小朋友要照顧唔方便走太遠，朋友叫到，惟有我呢位好朋友，專程去一趟啦！講真呀！雖然土生土長香港人，都唔係邊度都去過，青衣長發邨就第一次嚟。朋友知我都鐘意食泰國菜，就帶左我嚟屋邨商場入面呢間試吓喎。“當然無問題啦”我們叫左4個餸：海南雞配油飯（例）🌟🌟🌟🌟～ 先講油飯，唔錯。😋😋😋米煮得軟硬適中，味道調較都好，讚。雞份量不少，雞肉嫩滑。👍串燒沙爹半打（3雞3牛）🌟🌟🌟~串燒燒得可以。重點提要點佢d醬汁，精華在醬汁上。🥰🥰蒜蓉鈔上素🌟🌟🌟~如果喜歡吃素嘅人會鐘意呢款菜，因為廚師用左至少6，7種雜菜鈔成一碟，多種維他命都補齊，有草姑，秀珍姑，豆角，粟米芯，芥蘭，椰菜，紅蘿蔔等等鈔成，上面放上爆香蒜粒，清清地，啱晒女士們口味。朋友說略嫌清淡，但對我就剛剛好。正。😍😍😍明爐烏頭～湯底帶點冬陰功酸辣味，烏頭生鮮，也不細條，份量足。👍總觀而言，味道唔錯，而且價錢大眾化，Good。💗💗💗

呢間係青衣新開既泰國菜本身以為屋邨野冇咩特別啦點知有幾有驚喜喎泰式馬拉盞炒椰菜苗椰菜苗除左食泰國菜都好少見所以每次食泰國菜我都幾乎必叫如果你同我一樣鍾意食爽脆口感既話就真係一定要叫加上好有東南亞風味獨有咸香既馬拉盞真係淨係食菜已經令人回味焗黃咖哩麵包軟殼蟹頗有驚喜的一道菜首先不得不讚既係軟殼蟹真係炸得好脆而且軟殼蟹都幾大隻，份量又多，兩個人食每人都食左幾隻咬落又脆又鮮甜咖哩都幾有層次，而且唔會辣，岩香港人口味最唔可以錯過既當然係Ｄ索晒咖哩汁既麵包脆脆地既外皮加上已經索晒Ｄ精華既麵包充滿住咖哩既香氣，超正特別推介埋大家一定要叫埋印度薄餅黎配個咖哩將薄餅點上咖哩汁你會食到香濃既咖哩之餘，依然會品嚐到薄餅既酥香果然咖哩同印度薄餅真係完美配搭冬蔭功湯金邊粉都幾足料的一個冬蔭功湯有各種海鮮而且湯底都好夠味你會食到好多唔同香料味同埋會有陣陣海鮮味金邊粉索晒湯汁，正

喺長發商場地下近排開咗一間新嘅泰國菜館叫做泰然，當日我地一行3人晚餐叫左-印度薄餅(2件)$32、泰式海南雞(半隻)配油飯$98、黃咖哩菠蘿炒花甲$98、喇沙海鮮湯米粉$78、泰式馬拉盞炒椰菜苗$68、椰汁冰$26、芒果芝士沙冰$32 加埋甜品-芒果糯米飯配雪糕$68，最後成餐3人埋單$500免加一，整體食物都算ok，唯一不足之處係現場嘅4人卡位做得太過狹窄，稍為高大少少或大隻啲既人坐落去，會有好逼夾嘅感覺。

今日同屋企人行開青衣，夜晚去到青衣長發商場食飯，見到呢間叫泰然的泰國菜餐廳環境都唔錯就簡咗係呢度食晚餐。泰然既菜色選擇多餐廳大，環境舒服，有格調!好好飲，極力推介呢度既珍多冰~列牌海南雞配油飯，份量足，海南雞肉質鮮嫩配埋油飯，好正既配搭!鮮蝦配金邊粉係我至愛既既泰國菜，份量重要多，超讚!當然唔少得要叫翻幾個蔬菜，香蒜炒芥蘭，蒜味濃，我中意!飛天炒通菜，少少辣，好入味!最後當然唔少得叫埋個甜品一齊share，呢度既芒果糯米飯配雪糕，唔止賣相靚，份量足，重好好味啊！

行經長發商場，記得有間平價泰菜，今日終於可以試下。小弟對於青咖哩同香葉肉碎飯情有獨鍾，諗住健康啲，就簡左青咖哩雜菜+蛋飯($52)，另外仲叫左碟泰式鳳爪($18)。青咖哩偏向水狀亦都比出面其他餐廳嘅無咁甜，但味道唔錯，好餸飯。雜菜有豆角、蓮藕、珍珠粟米芯、紅蘿蔔、西蘭花同泰式茄子仔，好豐富。白飯粒粒分明有咬口，但隻蛋就係白烚嘅，仲要得半隻，如果係煎蛋就更好。但整體唔錯。泰式鳳爪味道一流，鳳爪又多，配啲菜絲一齊食好正，但係啲汁就有啲杰身，不過正正係咁，啖啖都好夠味，唔太似一般出面餐廳果啲係好多汁係底。至於杯齋啡走甜就不過不失。服務方面，啲姐姐好有禮貌，態度親切。縱觀黎講有機會嘅話會再食。

泰然不其然，我想起：處之泰然。雖然不太關事，但食落都有種舒服沙定嘅感覺🤣 坐位好似多數都係闊落嘅卡位，坐得舒服嘅1 火龍果芝士沙冰 $32 　4.5/5少冰嘅話，成杯嘢飲酒基本就係perfect. 裏面嘅冰都碎得可以貼近「綿綿冰」嘅感覺，mix埋芝士，火龍果～ 三隻口味交融得幾好！btw 甜度係無得改嘅。2. 花甲明爐鍋 3.7/5雖然稱為「花甲」，但係大細上好似同「蜆仔」分別唔太大，比較細粒，所以肉都係比較細。所以有啲期望落差。但係，花甲嘅數量都幾多，食到最尾都仲有可以搵到，你話有30隻我都信，quantity 可以彌補返size 嘅。3. 蟹肉炒粉絲 $68 4.2/5炒得多幾夠鑊氣，粉絲真係乾身，蟹肉就雖然唔係好多同埋好突出到，但係杯埋三色切絲，炒粉絲本身都幾夠好食😋4. 豬頸肉通菜煲（馬拉盞）3.2/5味道可以揀少辣。但係如果可以一樣冇咁油就好，浸喺個煲底嘅菜比較油膩同埋偏鹹，最尾要搵杯水浸一浸先食到。 豬頸肉嘅數量唔係好多，肉質一般5. 芒果糯米飯配 雲呢拿雪糕對我來講，成件事都太甜，好似比起出邊嘅芒果糯米飯，更加甜。糯米飯冇咩飯香，又唔係太熱，反而就俾甜味主導咗。

青衣，於我而言，係一個好有感覺的地方，亦都充滿濃厚的感情，呢日來到長發廣場，見到多咗間泰式餐廳，好開心，睇睇吓見到D嘢又幾啱食，咁仲等咩呢？『香茅魚餅』(4件)，早排第二度食過泰式魚餅幾鍾意，所以今次再叫過，之前食嘅係餅狀嘅，今次4件就係圓嘅，應該係橢圓形至门方，一開二變八件，擺成花朵形狀，又靚又有香茅味的魚餅令人食得開胃。『印度薄餅』(2件)，我嘅原意想叫D咖喱來食，咁薄餅好啱吖，但朋友話試吓『明爐花甲鍋』來送薄餅好唔好，當然冇問題喇，明爐魚就試得多，花甲鍋就未試過，同樣有D泰國香料，肉碎，芫茜，酸酸哋，花甲大隻又鮮甜，送薄餅真係唔錯，唔係吓吓都配咖喱嘅。『蟹肉炒粉絲』係我和朋友喜歡的，絲絲蟹肉同炒得乾爽的粉絲係需要D功力嘅。『椰青』係夏天最好的飲品，我同朋友都揀咗佢。

估唔到青衣都開咗一間新嘅泰國餐廳，成個裝修都幾靚，一於就入去試吓呢一間啦。Menu好多款式揀，基本上想食嘅泰國菜都有，而且價錢都唔太貴，咁就可以試好多款唔同嘅嘢啦。來食泰國菜椰青就一定係必揀嘅，呢一個椰青好多水，好甜， $36一個真係好抵飲，呢個真係好推介。其次就係呢一個火龍果沙冰，真係用火龍果肉打出嚟嘅，好好飲好甜，呢個都好推薦大家暑假試吓。泰式海南雞飯亦都係一個必試之選，個雞都幾滑，個油飯都係黃油飯，配埋個泰式醬嚟食真係一流。我哋都叫多咗個蔬菜來試，就係呢一個豬頸肉炒芥蘭，份量都好大份，而且味道好夠。而呢一個泰式生蝦就真係一定要食啦，佢有六隻或者12隻揀，今次就叫六隻啦，個汁有兩款一隻係青色嘅醬汁，另一隻係橙色嘅醬汁，青色就不太辣，好有泰式風味，橙色就有少少辣，但係夾埋個蝦嚟食都好好食好新鮮。最後叫埋個青咖喱同埋燒完隻魷魚，份量都好大份，我哋都食到好飽咁樣離開。