泰濃麵 (樂道)

营业中

休息中

✨ 尖沙咀不得不再去我最鍾意食嘅泰式麵檔呀 卡位好舒服面 呢間連鎖店主打 冬陰功湯麵同埋船麵湯底濃郁加上去裝修幾有特色價錢又唔貴所以成日幫襯廣島蠔還湯配飯 廣島蠔好大隻啖啖肉好多隻, 湯底濃郁加上啲豬皮 好咬口浸落啲飯度 食真係好有飽肚感 啲湯配飯就啱啱好喇 另外朋友嗌咗個黑豚肉冬陰功湯和麵 湯底唔太辣但係非常之詩味濃郁 黑豚肉 薄切有六七塊 非常好咬口 加埋我最鍾意嘅 黃麵一流 好飽肚小食拼盤加咗個泰式鳳爪酸酸辣辣幾好味 有啲泰式沙律喺上面酸酸味味好清新 另外點咗個泰式小食拼盤有炸蝦 炸芝士雲吞同雞翼 呢個配搭真係好出色好正呀有其是係嗰啲雲吞真係 好香 特色嘅嘢飲龍眼冰去解一解辣凍冰冰真係幾下火 邊度地點環境乾淨店員上菜速度快又有禮貌真係 同朋友自己食飯首選@siam.noodles#泰濃麵 #銅鑼灣 #船河 #船麵 #SiamNoodles #ThaiNoodle #尖沙咀 #泰國菜 #香港美食💥餐廳資料餐廳：泰濃麵 (尖沙咀) 地址：尖沙咀樂道7號嘉樂大廈地下A舖

又再一次光顧的泰式小店，滿足一下吃船麵的慾望。一如既往以船麵作招牌主打，再配以不同配菜和小食，整體份量豐富，性價比高。雞髀肉 (船湯, 金邊粉 | $69)• 湯底味道濃郁而不感到過分油膩，層次豐富令整碗的配料都充分吸收到湯底的味道。• 雞髀肉是以件塊的形態舖在金邊粉上，口感偏向軟腍嫩滑，均勻入味。• 除了主食雞髀肉之外，還包含了不少配料：秋葵、墨魚丸、白蘿蔔、油渣等，相當豐富。炸芝士雲吞 ($39)• 外皮香口鬆脆，没有過多的油份，包裹著口感煙韌帶點彈性，芝士味道不算太突出，配上酸辣醬味道更為香口。烚唐生菜 配秘制腐乳醬 ($29)• 不過不失的青菜，生菜鮮嫩、爽口。腐乳没有死咸的感覺，頗為香濃，亦帶點辣味。泰式香茅班蘭梳打特飲 ($28)• 班蘭味道清新自然，甜度輕微，吃完各款濃味的主食後飲用，令味道得以平衡。

尖沙咀抵食泰式下午茶樂道有間泰濃麵，專門食泰式船麵，選擇都幾多吓，仲有唔少小食，尋日下午茶時段去，好抵食。雞髀肉船湯，$49無論係雞肉定粉，份量都好多。我哋要咗金邊粉，好滑好入味，主要係個湯底夠味道，肉用咗雞髀肉，所以好嫩好滑，成個粉好易入口。黑豚肉冬陰功湯，$49冬陰功湯底反而淡咗啲，帶有少少辣，如果再濃味啲會更正。份量好足，仲有隻蝦，根本唔係平時嘅下午茶份量。青木瓜沙律、泰式鳳爪，各加$26下午茶仲可以優惠價加配小食，我哋配咗兩款，每款都只係$26，大大份，好正，酸酸甜甜又帶少少辣嘅小食真係勁開胃。小食拼盤，$69想試唔同嘅小食，最鍾意炸蝦餅，好彈牙，雞翼都唔錯。芝士雲吞可能要趁熱食，我哋食嘅時候已經係一舊芝士係入面，拉唔到絲。炸蝦片，$19好鍾意食炸蝦片，卜卜脆，我見仲可以外賣一盒返去慢慢嘆。食完咁多嘢，夜晚嗰餐都唔洗食。

🇹🇭船河 x 冬陰功🇹🇭推介指數 ❤️❤️❤️❤️🤍位於樂道泰式麵，平時lunch 排長龍好多人，有一次準時放飯先食到堂食。今晚約咗朋友响iSquare交收，咁不如過隔離食泰菜😋食店提供泰式粉麵、飯、小食及飲品，選擇不少。點選麵類可自由配搭湯底、主菜及粉麵。🥩船湯 x 頂級安格斯牛肉 x 河粉 HKD89✨船湯底深色，飲落濃厚。主角安格斯牛肉質地軟滑，牛味濃郁。配料有魚蛋、炸豬皮、白蘿蔔、秋葵等，感覺豐富。河粉索哂船湯，更加好味～🐽冬陰功 x 黑豚肉 x 黃麵 HKD69✨黑豚肉熟成度剛好，食落肉質滑且豬味濃。旁邊有鮮蝦、青口、秋葵、蟹柳、雜菌等。冬陰功湯底酸辣平衡，不經不覺湯都飲哂～🔥泰式小食拼盤 HKD69✨拼盤有3款泰式小食，每款2件。金黃色蝦餅食落彈牙帶點蝦鮮味，炸雞翼外脆內juicy，芝士雲吞芝士味突出。🧊泰式碟豆花特飲 /泰式青檸梳打特飲 HKD28@✨深紫色冰凍碟豆花，味道甜甜酸酸。食完脆炸小食，飲啖青檸梳打夠哂清新～總結：-食物 ❤️❤️❤️❤️🤍環境 ❤️❤️❤️❤️🤍服務 ❤️❤️❤️❤️🤍.··🔖 泰濃麵 (樂道) (尖沙咀)🪑尖沙咀樂道7號嘉樂大廈地下A舖

我係素食者，又係芫茜fans，每次點芫茜山走海鮮，厨師都會比多d菇同菜比我，仲要成碗滿哂，真係好有誠意😋😊😊次次食親都想同佢講句多謝~ 芫茜又新鮮又多~個湯又好味， 所以一去再去吖😋

見到呢度咁多好評，又話好地道，諗住去試吓，之前試過銅鑼灣個間不錯，今日去左尖沙咀試一試點知同之前差好遠。叫咗雞肉船麵金邊粉($69)，啲湯一啲都唔濃好似溝咗好多水咁，啲雞肉既雪味重到一個點。。。友人既美國安格斯肥牛船麵($89)加多成$20 但味道好似普通肥牛咁，個冬陰功湯好似又係溝咗好多水既味道。態度不再話下，啲女職員態度好差，我地食左十分鐘，成碗滿既仲要有隻蝦係裡面，佢就隊隻手過黎係一句都無想拎走佢😅，仲要係weekday 2點度，仲有枱，又無人排隊。我同友人都覺得質素差左好多，咁嘅價錢寧願食譚仔😂🙏

同女朋友去尖沙咀行街，佢話想食泰國嘢，好在isquare對面有一間，即刻入去食先。餐廳叫泰濃麵，面積都幾細下，但環境算唔錯。圓枱整齊排列，兩個人坐一張，好鬆動！呢到有泰國野食，但主要係食湯麵，幸好女友都啱食。平均$70一碗麵喺尖沙嘴區算係咁，又有得以優惠價嗌飲品。1️⃣ 頂級美國肥牛船湯薯粉$69船湯幾正，佢無平日咁濃咁重藥材味，並滲出豬骨香，湯底夠熱已經贏咗一半。肥牛有好多片，肉質係中上水平，開初係半生熟，所以放耐左都無變韌。薯粉幼身爽彈掛汁好食。湯底配以魚蛋同炸豬皮，夠正宗。2️⃣黑豚肉冬陰功湯金邊粉$69冬陰功湯同預期有啲出入，因為我地鍾意酸同辣，我會形容佢係入門level，但都OK啦！估唔到嘅係冬陰功係配海鮮，有鮮蝦、蟹柳同青口。黑豚肉同樣地有好多片，所以我認為算抵食。金邊粉正常發揮啦，如果有檬粉就好。3️⃣泰式小食拼盤$69拼盤唔錯，一次過食到三款小食，包括炸蝦餅，仲有雞翼同炸芝士雲吞。蝦餅彈牙，酥炸香口，食多幾件都仲得呀！雞翼都出色，皮脆肉嫩多汁。芝士雲吞好特別，中間除咗芝士外，仲覺得好似有啲年糕咁。每人每樣一件係最佳比例！飲品+$18我哋要咗龍眼冰同青檸梳打。龍眼冰雖然有少少甜，但好

晚餐.餐廳位置都算方便 一出isquare後面就係但座位不算很多 堂食要等位 所以揀咗外賣本身每樣要架$20 分湯要再加$2返到屋企啲食物仲熱嘅 唔錯.1) 香茅斑斕梳打 龍眼冰見食評話梳打係原枝上嘅 外賣就無嚕每杯都用保鮮紙包好 打橫放都唔漏👍🏻香茅斑斕嗰杯嘅香茅味都幾出 個人覺得幾清新龍眼冰都唔會話好甜 夠解渴.2) 小食拼盤要$69都有啲貴不過個芝士雲吞真係好好味 芝士味濃又唔油膩.3) 黑豚肉薯粉 仲有秋葵同魚蛋4) 雞髀肉金邊粉 仲有蟹柳 蝦同青口麵就好夠份量 餸就唔算好多 豚肉同雞肉麵幾滑身 無浸湯食都唔會好乾好硬薯粉比較幼身 唔怕咬唔爛食到胃痛但個人鍾意金邊粉多啲.5) 船湯底6) 冬陰功湯底冬陰功太辣 食唔到好在啲湯夠多 個船湯底都夠兩碗麵味道甜甜鹹鹹咁 夠晒濃味不過食完有啲口渴 好彩有叫嘢飲😆.下午茶好似都幾抵食 下次試吓先

🛶一間人氣幾高嘅泰式船麵店，特色係餸嘅選擇多同特別😎雞肶肉，安格斯牛，和牛，蠔，到龍蝦都有，超脫咗平時船麵嘅限制👍🏻🛶湯嘅選擇有船湯／冬蔭公／清湯，咁食船麵梗係試返船湯，果然係夠濃郁，做到地道風味，唔錯嘅🤤餸就揀咗雞肶肉同安格斯牛，份量ＯＫ，味道都ＯＫ，雞肉幾滑無雪味，而牛肉係有質素的👍🏻至於麵方面薯粉係幾特別嘅選擇，平時泰式麵店未必有，推介大家一戰😋🛶另外叫咗個小食炸芝士雲吞都幾正，佢係類似中式炸雲吞咁大大塊，但入面係包咗軟綿綿芝士，點埋個酸甜醬咁食，個味道配搭好新鮮，值得一試！飲品龍眼冰穩穩陣陣，有好多粒龍眼肉～埋單加埋一$248，性價比未到十分高，但因為有特色所以都值得試，同埋午餐同下午茶時間有多啲優惠會平啲🤑

泰濃麵🇹🇭今日得閒嚟到尖沙咀，一於搵啲好野食😋，帶大家嚟食好有特色風味嘅泰國嘢🇹🇭，內裏裝修都幾靚，都坐得舒服😚，唔會話好逼。🍜頂級美國肥牛船湯薯粉（$69）湯麵嚟講都有好多湯同麵揀😝，今次揀咗受推薦嘅船湯同薯粉，湯濃得嚟唔會好重味精😋，相信都落咗唔少香料，而薯粉都好掛湯😚，吸收哂啲湯嘅精華，肥牛鮮嫩，唔會太韌，好食👍🏻！🍜廣島蠔冬陰功金邊粉（$99）海鮮配上冬陰功🥘是常識吧！呢碗冬陰功非常正宗，少少辣🥵，海鮮味好濃，而廣島蠔🦪都幾足料，4隻都大大隻，金邊粉都幾有口感😆，不妨一試。🧀炸芝士雲吞（$39）雲吞炸得好脆，甜酸醬味道亦都好夾，至於芝士食得出係水牛芝士，好好食😋！🍸泰式蝶豆花特飲（$28）諗住試下啲特色飲品，味道好似蜜糖水🍯，甜甜地，下次再試下其他😏。

我平時唔會寫食評，但今次例外。同朋友想食泰國嘢，搵到呢間💛泰麵店。本身不抱太大期望，但世事就係咁出人意表。落單叫嘢食嘢飲，龍眼冰首先到埗。當我小心奕奕咁係杯嘢飲到挑條頭髮出嚟果陣，本身好alert鋪面情況嘅老細好快走過嚟，主動地問乜事，見到條頭髮即刻二話不說換過杯比我。我本身以為件事到呢到就完。說時遲那時快，樓面擺低杯新嘅龍眼冰，老細一個閃身拎走左我哋枱面張單，再一個轉身換張新嘅，然後講左句：「杯嘢飲我請，唔好意思。」呆若木雞的我反應唔切。兩碗粉隨即送上，我一邊食我嘅粉，一邊問朋友：「有無興趣食雞翼？」朋友口水直流，連連說好。你識做時，我識做，啲雞翼我叫嚟for興趣，食唔食得落，who cares? 雞翼上枱，侍應講左句：「新鮮炸起㗎。」一啖咬落去，本身冬蔭功湯已經令我地胃口大開，脆卜卜嘅雞翼更加完全無令我地失望，又香口又juicy，唔點汁都好好食。臨走埋單，我同老細講：「得喎。」老細話：「多謝，不過可惜杯龍眼冰破壞左個印象吖。」印象？對上一次聽，可能係第一日返工之前阿嫲提我「留個好印象比人呀」果個印象。原來仲有人咁古早咁old school咁堅持，堅持一啲封哂塵嘅文物。「我覺得你頭先

週末去尖沙嘴行街，好掛住泰國嘅地道船麵，所以晚餐就揀咗去食呢間泰國餐廳。我每次去呢間泰國餐廳都一定滿座真係人氣十足，但好彩今次dinner去都唔係排咗好耐隊。佢哋嘅配料、麵底、湯底都可以自由組合，配料有多款選擇多款肉類或海鮮都有，今次我地就叫咗頂級安格斯牛肉船湯金邊粉同廣島蠔冬陰功湯金邊粉，仲有兩杯泰式特飲😋-頂級安格斯牛肉船湯金邊粉船湯配牛肉呢個配搭真係無敵味道好夾👍🏻安格斯牛肉肥瘦均勻剛剛好，食落牛味濃郁帶有牛油香，份量仲有好幾大片添。船湯湯底好鮮甜，仲會配埋炸豬皮同魚蛋口感十足。-廣島蠔冬陰功湯金邊粉蠔肉份量好足料，有成5隻咁多，仲要隻隻都好大🦪 點廣島蠔嘅話配冬陰功湯就真係啱晒，因為冬陰功湯會配埋大蝦，成碗都係海鮮真係好豐富，湯底酸酸辣辣咁配海鮮超夾🤩-食泰國菜當然唔少得叫泰式特飲啦😉 我地叫咗泰式龍眼冰特飲同泰式青檸梳打特飲。梳打係用泰國牌子瓶裝梳打，俾你自己倒入杯。龍眼冰裡面有好多粒龍眼肉，甜甜地當飯後甜點都得呀。

天氣最近轉涼，成日都想食啲熱辣辣既野，睇見openrice尖沙咀粉麵類之中呢間咁多正評決定試試佢！夜晚6點半咁上下黎到，都要等一等先有位，雖然唔駛等好耐，而環境黎講都尚可，唔會話好逼。可以揀餸/湯底同粉類，但晚市就冇set叫，野飲正價，對比午市每款粉都貴$20，唔算特別抵食，連埋加一，齋叫碗粉都$76埋單。咁我就叫左個黑豚肉船湯河粉，都唔駛等好耐，轉個頭就有得食，熱辣辣上，個湯底好濃，好重胡椒味，會不停想連湯食！而個粉仲會跟啲炸豬皮、2粒丸同埋蘿蔔秋葵，有好多配料唔會好齋。連埋炸豬皮食好正，事關佢就算浸左湯都仲係好脆口，有唔同口感。而個蘿蔔就吸收哂個湯既精華咀好入味！但個黑豚肉就冇咩特別，個人覺得有少少韌添，不過都ok，全碗食光光！下次揀午市再黎食先😆同埋都見有唔少小食類，下次要再試埋佢！

放工約咗朋友喺尖沙咀食飯，唔想食太Heavy嘅嘢，揀咗呢間食泰式船麵的餐廳，價錢唔係好貴，裝修到企理。🔸頂級安格斯船麵🐮麵底有幾款可以揀，分別係河粉、金邊粉、薯粉、黃麵，鐘意食飯既話湯飯都有！我就揀左黃麵😛個湯好夠香濃！安格斯牛幾淋幾滑，唔係普通個啲肥牛，配料仲有墨丸、秋葵、蘿蔔同豬皮。🔸小食拼盤有三款野食，每樣兩件，好啱兩個人share😛有炸蝦餅、炸雞翼，比較特別既係炸芝士雲吞，一開始睇menu無為意，係咬落去個陣先食到好重芝士味😆都幾好食！🔸無骨鳳爪呢個都偏辣，辣得好過癮🥵🔸青檸梳打🥤好彩加左杯凍飲可以解解辣，爽！📍#泰濃麵 (#尖沙咀美食)尖沙咀樂道7號嘉樂大廈地下A舖🌟Follow Me on Instagram - Eatistruelove.hk🌟🌟Follow Me on Instagram - Eatistruelove.hk🌟

咁耐無去過旅行，相信大家都好掛住去旅行食好野啦！！！之前喺香港都好少有船麵依樣野但係近呢一兩年比我見到都有幾間食泰麵都幾好食😋今次依一間都係其中一間我覺得幾值得去食嘅🤫裏面嘅裝修都幾有泰國風味，座位都尚算舒服！至於食物方面佢個餐牌嘅嘢食唔算好多，主要都係食船麵，而麵個湯底可以揀冬陰功或者傳統船麵，然後再揀你食咩肉，有牛，豚肉，仲有海鮮添！不過我自己對海鮮敏感所以就會揀返食豚肉，個麵做得好似係泰國旅行嗰陣食嘅風味，當然冇泰國食咁平啦🤭嘢飲方面，見到佢冇得飲泰式奶茶有少少失望🙈不過佢有其他嘢揀的！