可以揀餸/湯底同粉類，但晚市就冇set叫，野飲正價，對比午市每款粉都貴$20，唔算特別抵食，連埋加一，齋叫碗粉都$76埋單。咁我就叫左個黑豚肉船湯河粉，都唔駛等好耐，轉個頭就有得食，熱辣辣上，個湯底好濃，好重胡椒味，會不停想連湯食！而個粉仲會跟啲炸豬皮、2粒丸同埋蘿蔔秋葵，有好多配料唔會好齋。連埋炸豬皮食好正，事關佢就算浸左湯都仲係好脆口，有唔同口感。而個蘿蔔就吸收哂個湯既精華咀好入味！但個黑豚肉就冇咩特別，個人覺得有少少韌添，不過都ok，全碗食光光！
下次揀午市再黎食先😆同埋都見有唔少小食類，下次要再試埋佢！
