影片
更多
2021-11-19
52 浏览
尖沙咀抵食泰式下午茶樂道有間泰濃麵，專門食泰式船麵，選擇都幾多吓，仲有唔少小食，尋日下午茶時段去，好抵食。雞髀肉船湯，$49無論係雞肉定粉，份量都好多。我哋要咗金邊粉，好滑好入味，主要係個湯底夠味道，肉用咗雞髀肉，所以好嫩好滑，成個粉好易入口。黑豚肉冬陰功湯，$49冬陰功湯底反而淡咗啲，帶有少少辣，如果再濃味啲會更正。份量好足，仲有隻蝦，根本唔係平時嘅下午茶份量。青木瓜沙律、泰式鳳爪，各加$26下午茶仲可以優惠價加配小食，我哋配咗兩款，每款都只係$26，大大份，好正，酸酸甜甜又帶少少辣嘅小食真係勁開胃。小食拼盤，$69想試唔同嘅小食，最鍾意炸蝦餅，好彈牙，雞翼都唔錯。芝士雲吞可能要趁熱食，我哋食嘅時候已經係一舊芝士係入面，拉唔到絲。炸蝦片，$19好鍾意食炸蝦片，卜卜脆，我見仲可以外賣一盒返去慢慢嘆。食完咁多嘢，夜晚嗰餐都唔洗食。
樂道有間泰濃麵，專門食泰式船麵，選擇都幾多吓，仲有唔少小食，尋日下午茶時段去，好抵食。
雞髀肉船湯，$49
無論係雞肉定粉，份量都好多。我哋要咗金邊粉，好滑好入味，主要係個湯底夠味道，肉用咗雞髀肉，所以好嫩好滑，成個粉好易入口。
黑豚肉冬陰功湯，$49
冬陰功湯底反而淡咗啲，帶有少少辣，如果再濃味啲會更正。份量好足，仲有隻蝦，根本唔係平時嘅下午茶份量。
青木瓜沙律、泰式鳳爪，各加$26
下午茶仲可以優惠價加配小食，我哋配咗兩款，每款都只係$26，大大份，好正，酸酸甜甜又帶少少辣嘅小食真係勁開胃。
小食拼盤，$69想試唔同嘅小食，最鍾意炸蝦餅，好彈牙，雞翼都唔錯。芝士雲吞可能要趁熱食，我哋食嘅時候已經係一舊芝士係入面，拉唔到絲。
炸蝦片，$19
好鍾意食炸蝦片，卜卜脆，我見仲可以外賣一盒返去慢慢嘆。食完咁多嘢，夜晚嗰餐都唔洗食。
张贴
