泰昌餅家

营业中

休息中

第一次吃，所以不能比較。今次吃沙翁，感覺不油夠甜，不錯。但同行不少人覺得過甜，怕甜者別試好了。

同男朋友去開石板街﹐諗起一路都想試既泰昌蛋撻﹐就算係已經好飽﹐但係都忍唔住要試一試~因為自己係0係上環讀中學﹐以前放開有時都會行下行下行左黎呢度﹐都勾返起好多回憶呀~印像之中對上一次食都應該有成5﹐6年咁耐﹐0個時都仲係舊鋪﹐諗返起都真係好似幾好味架喎。。。好﹗一於今一再複一複佢先~~去到已經係六點幾勒﹐唔係好多人﹐5﹐6個度啦。。。個個都係黎買蛋撻。係等緊既途中﹐見到有D曲奇餅呀。。。蝴蝶酥之類既小食﹐好啦。。。橫掂都係咯﹐都唔爭在買埋勒。捽之買左一個蛋撻﹐一個沙翁﹐一包鳥結糖﹐蝴蝶酥同埋杏仁條。買單好似係四十幾蚊。先講個蛋撻﹐因為新鮮既關係﹐係真係幾好味既。。。但係你話係唔係真係非試不可﹗﹖咁又唔係喎。。。係新鮮出爐既好多都難食有個譜啦﹗好勒。。。再講係佢個沙。。。。。。翁﹗﹗﹗首先想講既係我由細食沙翁食都大﹐我真係從來都無食過一個係可以難食得咁緊要既囉﹗﹗﹗﹗簡直係離晒譜﹗﹗乜野黎架﹗﹗﹖﹖我之前都有睇openrice﹐好多人都話有陣電油味﹐我0個時心諗。。。"無咁激呀嘛﹗﹗﹖﹖"嘩。。。但係真係你唔試過你唔知﹐呢個世界上可以有D咁難食既野既﹗﹗﹖﹖仲夠膽死儸出黎買﹗﹗﹖﹖有無搞

之前見佢咁出名, 係旺角就飲咖啡食佢個撻, 老實就咖啡唔錯, 蛋撻一般, 唔明點解d人會話好好食, 我覺得未至於好好食, 只係不過不失!其實食餅皮蛋撻無須搵泰昌, 超群而家的蛋撻都好食過佢!但最好味既餅皮蛋撻, 我已經搵到了! 得閒都會特登長途拔涉去買返個黎嘆! 當然唔係指超群la!

好耐之前已經想試，不過唔就腳，自己又唔太識去，今日難得去到，就試左個沙翁，根本唔好食，唔係有電油味，而係冇乜味，又唔甜，又冇蛋香，而且係凍，唔知係咪放左好耐。今日仲見冇乜人買添，唔通就正如大家所講，泰昌愈做愈差。不過下次有機會會試埋個蛋撻，沙翁就唔會再買。

因為要坐12M番學的關係, 過往几年的朝早我都會經泰昌(舊址)。日日7:20分左右泰昌就會有新包出爐, 我個人就至鍾情佢既腿旦、餐肉、雞尾包喇！腿旦包-- 煎過的火腿, 長方型厚厚的煎旦(外形似日式甜旦)餐肉包-- 不是太油太肥, 長度厚度適中既午餐肉雞尾包-- 不太多, 不太甜的涵, 岩岩好夠食哂1個包, 唔濟最重要、最正既都係麵包！根據佢既色(深黃)同口感(少少油和甜), 我個人覺得佢係用雞旦+豬油+麵粉揉成的(可能係BUTTER但唔係MARGARINE)。熱騰騰,香噴噴,軟棉棉既麵包真係正到震!唔同的涵料, 麵包都配合得很好! 完全豐富了整個包的口感和味道！雖然腿旦、餐肉、雞尾都唔係泰昌既賣點, 但當您俾$買包既同時, 望見入面有位老人家辛辛苦苦咁搓麵粉, 您買既呢個包, 將會有人情味、懷舊風味同一種感動既感覺呢!!

咁啱經過買個蛋撻黎食. 喺個膠袋拿出黎時先發現個蛋撻o既皮同餡中間有條大空隙!（啫係個皮同餡唔係黐埋一齊）結果食嗰時勁多曲奇皮碎跌落黎．雖然個皮係好香好脆，但似乎宜家水準麻麻喎．．

倒不算壞的，但，也不算是甚麼神化之物啊。蛋撻是，沙翁也是。

蛋撻的確係好味, 尤其是自己鍾意食曲奇皮, 所以對呢度蛋撻就加多d分啦. 曲奇皮焗得鬆化, 唔會太膩. 蛋味都夠香幾滑! 食一個做下午茶好!食蛋撻真係要趁熱食ga! 我多數都係假日買, 4,5點時間, 永遠都要排長龍先買到, 所以保證新鮮焗好, 買就即刻食啦! 以前試過拎返屋企食, 真係差d ga, 無咁好食!沙翁就真係差d 啦. 本身我就唔太鍾意食, 怕佢成口油嘛. 呢度都唔例外, 所以就唔係咁推介啦.

真的估唔到泰昌的沙翁是我食咗成40年嚟最難食的沙翁! 臭油益味及電油味!本人於2月24日在中環泰昌買了蛋撻及沙翁, 蛋撻水準一般, 無特別; 至於沙翁的臭油益及電油味好難食, 我懷疑泰昌用的唔止是萬年油咁簡單, 有可能是工業用油, 否則味道唔會係咁!看完其他食評先發現其他食評人士同樣食出沙翁有臭油益及電油味, 看來泰昌無意換油, 各位長期食其產品的人士小心你的健康了.看來此店出名只不過是因曲奇蛋撻乃其首創及前港督曾光顧.

同事買沙翁蛋撻外賣，路途遙遠已經凍左，不過肚餓都兩款食哂~蛋撻都係不過不失，沙翁呢次砂糖冇融，完完整整，但係食落好勁油益味。收拾垃圾時發現，佢個外賣盒有小孔(但我地個盒冇整開)，應該方便疏氣啩

睇左之前既食評好似近期都係彈既多最近我都食左幾次泰昌蛋撻呢就真係好食，比起旺角分店要好好多皮脆蛋香(係凍左都脆架)不過如果早上八點多去買就熱辣辣d，次次中午一點幾都只係暖.....至於「馳名」沙翁，我第一次試左，嘩好難食！好似炸過龍有一股"loan"味至於服務呢，最近真係麻麻，阿姐愛理不理咁款....

媽咪慕名買泰昌沙翁, 我吃了一啖, 即刻跑入廁所吐了出來. 嘩, 超唔掂, 問題不是凍了那麼簡單, 最致命的是那股油"益"味.應該是用了萬年油的原故. 而沙翁本身又好淋, 唔鬆化, 裡面的氣孔唔多, 又無旦香味.真係愈來愈差勁.

wanna to get some egg tarts for colleagues. well...the owner's attitude is kind of shit-- impolite-- rude-- look at his hands!!!! i'll never buy tarts from themi always think all hot tarts is goodnot worth taking the bad attitude.

the egg tarts are nothing but delicious!!!!!!!!even if they are not freshly baked, they are still tasty!!!!!! need to try!!!

馳名冷冰冰沙翁! 上次我公司的sales請食沙翁，一咬落去，嘩，充滿臭油/電油味，立即打電話投訴及後她們公關回應中環店當時用了過期的油，為了平息此事，她們特別回送兩打蛋撻並會日後多加監察。至於他們的服務態度，女的黑面，白頭的男人常於店內大聲說粗口，她們的公關稱之為老店情懐~