泰昌餅家

营业中

休息中

睇完佢係電視既介紹第二日專登落去買!3點幾去到已經多人到不得了,我前面起碼有40人,不過為左我心愛既人想食都要照排!結果等左大半個鐘終於都買到啦!我買左蛋撻同沙翁急急腳送去女朋友公司!雖然送到既時候都已經唔熱啦!不過女朋友話好好食,個餅皮好香牛油味,好鬆軟!D蛋唔會過甜真係好得!而個沙翁都OK!唔掛得咁多人排隊啦!真係值得一試再試呀!

果然是港督點名的....我也是別的沒試,就是直接買了蛋塔來試,果然好吃,要是説別家的蛋搭能與泰昌的媲美,我看得搬出馬來西亞的棠記的蛋塔...他另有風味,妳們都可以來這裏比較比較...

講真一句話,有1日同我亞哥喉嚨痛,諗住買個紙杯旦糕食啦,行過泰昌,佢咁出名,就同佢買啦,買左2個紙杯旦糕,番到公司一食,嘩,有無搞錯呀,硬到掉死人呀大佬,根本食唔到,喉嚨唔痛都死啦,真係好失望,只有罷左幾日既旦糕先會變硬架,唔新鮮都放出黎買,幾出名都無用啦,新鋪喎各位,剩係賣得一樣野有鬼用咩,其餘d野都一樣要好先有用架,出左名都無用啦!!以後唔會再幫襯佢!!

今日食完lunch, 經過泰昌, 好奇心驅使下就去睇o下有冇新鮮出爐既蛋撻, 哈哈, 真係俾我見到佢熱辣辣咁拎出黎, 我就入去買左2個試o下, 一食落口, 嘩...好熱呀, 仲燙親條俐添。個蛋漿好厚, 不算太甜, 個曲奇餅底好脆, 可能係新鮮出爐o卦!都可以值得一試, 不過我覺得都幾貴, 最好等新鮮出爐先去買, 唔係就唔抵啦!

長期塞滿人的餅店, 成日都有人黎拍野的...今日見冇咩野做, 落樓下買黎成日同事試下, 蛋撻剛剛出爐, 唯一可以讚係皮薄....其他就冇咩特別...

常聽說泰昌的蛋撻已經今非昔比, 回家時剛好肚餓, 就買個來試試.人家說蛋撻滿是電油味, 吃不出來, 蛋味則略為淡了點, 餅皮雖非最愛, 但曲奇皮亦做得不錯, 脆脆的. 肚餓時能買下一個微溫的蛋撻果腹, 一陣幸福感覺由心而發, 吃後整個人都充實了.

睇size好似好細咁用幾啖就咬得晒但食過就知值得唔會油又好鬆軟加埋適量既糖唔會太甜好好味服務亦無想像中差可能幫我o個位係姐姐仔啦

諗住係總點,水準應該會好好啦,但係好失望囉,買左個蛋撻,又唔熱,又無乜蛋香,且又唔夠滑,都唔係好明點解會咁出名試過觀塘個間,都好過呢間,起碼夠熱先,雖然餅底好厚,正下懷,但係唔係好鬆化,好多餅店都出色過佢\~~

看到先前有食評指沙翁有電油味、蛋tart名過其實，於中環工作的我，便趁今天午飯時間去一試究竟。沙翁：買的時候不是新鮮出爐的。想不到放涼了仍然超好食。口感淡而不膩，入口鬆軟，薄薄的砂糖覆蓋著金黃色的表面，甜度剛好。蛋tart：買的時候是新鮮出爐的。新鮮熱辣當然好食。試過吃旺角分店的，tart皮厚、實而重牛油味，質素一般。相比起來，中環店的tart皮薄而脆，且因剛出爐的關係，香氣四溢。與普通餅店相比，這里的曲奇皮也非浪得虛名呢。希望評語能幫這間老店平反吧。

同事買了蛋撻，她說不好吃，冷冰冰的。我手拿著的沙翁也是冰的，所以叮了幾秒，再倒回袋中的沙糖，勁好味，很有蛋香。可能蛋撻也是要加熱了才好味！

d雜誌話到幾禁好食,咪試食,食到一肚氣,d所謂出名蛋撻同街市d蛋撻無分別,好難食,重要我排鬼禁耐對,凱施餅店d蛋撻好食過佢好多,唔會再幫襯!!

連末代港督都成日幫襯，中環有乜平靚正得過蛋撻？食飯買外賣時買定兩個做下午茶，等做餓餓時去微波爐度叮熱食，口感依然咁好。$3.8廉價歡樂，你話去邊度搵？

吃完Sweet Secrets超級飽足了，但龍一聽到泰昌餅店的大名，又忍不住買個來吃!　當時不是出爐時間，蛋撻拿上手只是微暖。一隻蛋撻賣$3.8，比旺角新世紀分店貴$0.3，味道也不太一樣：分店吃的是實實淨淨曲奇皮，總店的出品質感鬆多了，牛油味也沒那麼重。唯一不變的，是蛋芯都是較小。　吃畢，龍有感元朗寶城的蛋撻更好吃。我不敢下結論，始終吃蛋撻是很講時機的：好餓的人相遇剛出爐的蛋撻，覺得好味的機會是99%!真的，只要沒攤凍，蛋撻比起法式Macaron、英式scone等各國高貴美點，真可一點不輸。　想到這，幾為這款港式小食驕傲的，哈!

20070331走向Pacific Coffee 的路上經過泰昌，忍不住買了一個蛋撻一個沙翁兩個人分。依然是記憶中的味道，尤其蛋撻，因爲還熱著，格外的香滑甜美。沙翁也好，雖炸而不油，雖甜卻不膩，清香綿軟，自有造詣。

蛋撻又貴又麻麻都係鍾意食尖咀果間酥皮多D！！！