泰昌餅家

营业中

休息中

第二站,去了蛋撻迷朝聖之地撻皮不是本人喜歡的酥皮,不過牛油皮很鬆脆涼了也好吃不過服務幾差笑容久奉之餘,仲掟蛋撻(高度唔不高,沒有整爛)

相對於$12一個既krispy kreme doughnut，我會支持$3.5既港式沙翁﹗哈……食落都有感情啲。

幫襯了幾年，這兒的蛋撻是曲奇皮，不知何時開始，曲奇皮漸被酥皮所代替，想食曲奇皮的蛋撻都不是那麼容易，加上這兒蛋漿較香，因此路過時都會買來食。看見現在香港有多兩間分店，更近征澳門，真是又喜又憂，喜是可以於不同地方買到，真是方便很多，而且終於能將蛋撻這能代表香港特色的食物衝出香港，憂的是分店多了，能否保持其水準﹖希望我這擔憂是多餘的，能夠保證蛋撻的質量吧!

見到個個人既食評都話沙翁凍左，唔好食，但其實有幾多人知沙翁係要凍食既?沙翁出面有大量既糖粉，如果熱食的話會溶，咁就冇左沙翁獨特既口感啦。我以前都係唔門，不過入左行做餅之後先知道。所以下次唔好批評沙翁唔熱啦

以優惠價買左4個雜錦月餅...低糖真係好好...甜度適中...nice雙黃都雙白都好正常最正係五仁...好足料好香甜度ok整體上比想像中好好多~買得過

veyr nice 蛋撻, texture is excellent, plus the egg custard is not too sweet like other chain stores...must try in central..their egg tart is much bigger in size...if you have a little stomach..one might fill you up for lunch

幾天前與友人過江品嚐美食，特意再吃令人一試難忘的蛋撻。一口咬下去，熱辣辣的，芳香撲鼻。它的曲奇皮真是十分香脆，又唔會話硬，比起其分店完全是不可相提並論。特別試它的蛋，雖然沒有檀島的那麼滑，但是味道都十分香，仲有它是比較便宜的。如果好似小弟喜歡脆皮蛋撻的話，一定會愛上中環這間的產品。

o係老公破釜沈舟找勝香園之時，提醒佢不如行過去泰昌買蛋撻。又有一償心願，蛋撻係我鍾意的脆皮，好好味，蛋好香好甜。$3.5係貴，但試一次無所謂啦。買多一個沙翁，都係$3.5一個。但可能放涼了，不熱，不太好吃。

7月尾一個星期6, 賣完旗之後沿電梯上堅道搭車回家, 途經擺花街, 跟朋友提起呢度o既蛋撻, 朋友流晒口水, 於是就黎左。朋友對蛋撻好滿意, 唔知佢有同感定係受我影響, 佢亦認為蛋係好特別好出色。今次食雞批, 較一般, 個皮好易散, 而且被餡料o既汁整到腍晒, 餡料味道較酥皮好, 都ok, 但唔算好好。黎泰昌, 都係主攻蛋撻啦。見到同賣o既西式蛋糕餅類, 雖然係平, 但係賣相已經麻麻, 唔敢想像食落會點。忘記雞批o既價錢

以前係堅道讀書既時候成日特登行去泰昌(舊址)買蛋撻,沙翁同合桃蛋糕(四方形o固種)(不過D麵包就真係麻麻啦)......o固時真係好好食...由其係熱騰騰既蛋撻,D蛋撻皮真係整得好好食..不過可惜此情不再LU, 我前幾個月去中環(新址)做番同樣既食物--蛋撻,沙翁同合桃蛋糕...D味道簡直差天共地...而家D蛋撻一D都唔特別同街外既蛋撻無異..真係唔知係咪開得分店多搞到D水準差晒...真係想食番以前既味道..好懷念...

中環泰昌既蛋撻係我認為全香港最好味既蛋撻,佢既蛋撻D蛋味夠香,而且個撻皮好重牛油味,好似食緊曲奇餅咁~除左蛋撻外,呢度既沙翁都好好味架,下次食蛋撻不防試畨個~P.S.泰昌餅店始終都係中環間至正!

係附近食完飯, 自從食過佢地o既蛋撻之後就一路都好恨試個沙翁, 上一次太早冇得食之後就更加恨食!! 於是即使頂住個肚, 再冒住超越卡路里限制o既危險都要食!!不過, 失望左少少, 因為唔係岩岩出爐, 而且已經放涼左。/.\"" 不過冇榻晒落黎而且冇腍晒, 都有幾啖係脆脆地口, 都叫ok啦...想像得到熱食效果會好好多。雖然失望, 但係自己撞唔岩時候唔能夠怪人又要期待多一次喇...

行開觀塘, 好surprsie泰昌竟然係到開左間分店, 之前一路都想試, 但係好少去中環個邊, 所以今日二話不說咁走左入去買件蛋摙. 無想像中咁好味, 個餅底係鬆化, 但係唔係好好味個隻, 反而我平時唔鐘意個蛋都覺得好香, 不過口感都係一般~~~ $3.5真係貴左啲

以前在舊址時，真的很好吃！咸的皮跟甜的蛋配合得天衣無縫。不知是不是電爐的關係，沒有以前的香，很有電爐的味道。實在可惜！

前日lunch 專登去觀塘買蛋撻,試一試係唔係真係好味,蛋撻爐上之蛋撻只是微暖,入口都好鬆化,但個皮太燶 皮底黑晒,為什麼咁都賣俾客,有少少失望;迷你麵包以腸仔包最好味,好軟熟,菠蘿紅豆包好乾,應該係焗過火.