泰斗 (中達大廈)

营业中

休息中

同朋友聚會，揀左食泰國野，呢間位於尖沙咀海防道的泰斗，餐廳入去燈光昏暗，好有情調，如果坐近窗邊仲可以見到景色tim!Menu上面都有勁多選擇，侍應亦都好有禮貌同熱心咁向我地介紹食物，我地總共3個人，叫左以下食物：小食拼盤（細） $128拼盤上面有雞翼、蝦餅、春卷同炸蝦，岩岩新鮮炸起，熱辣辣咁上枱，成為今晚晚餐的豐富前菜。金龍蛋（皮蛋蝦餅）$128朋友話未試過，於是叫黎試下，佢地係蝦餅同皮蛋mix埋一齊，口感特別，可以一試。柚子沙律 （少辣） $98一直都好中意食柚子沙律，材料豐富，有柚子、腰果、乾蒜等拌埋一齊，食落有少少辣，配埋柚子，酸酸甜甜又辣辣地，口感不錯，清涼又好食！泰式辣椒膏炒花甲 $168好火辣辣的一道菜，平時少食辣的我都覺得不錯，花甲數量不少，配以青椒、洋蔥、辣椒、蔥等，再用特調醬汁去炒，食落非常惹味！大滿足⋯⋯泰式炒椰菜苗 $118去食泰國菜必點的菜式，食咁多煎炸又辣野，多多少少都要食返啲菜balance XD 尤其係岩岩炒出黎嘅菜更加令人回味，而菜本身夠新鮮，簡單咁勾出食材的美味...大頭蝦粉絲煲 $268呢個煲不得了，蝦數量好多，而粉絲軟硬度適中，食落又夠鑊氣，份量超

星期一至五上班的日子，午餐多數都是買飯盒，放假的日子要對自己好一點，去一間有渡假感覺的餐廳享受悠閒的假日午餐，窩夫與蝦子餅早前便選擇了尖沙咀的樓上泰國菜館泰斗。之前光顧過泰斗吃晚飯，吃午飯還是第一次，由於餐廳是半露天的，感覺光猛。吃泰國菜窩夫必點椰青($48)，泰斗的椰青味道特別清甜。窩夫與蝦子餅平時很少點生菜包，但見到泰斗有鴨肉生菜包($128)，便點來試試看。鴨肉炒得很香很惹味，帶點辣，生菜十分新鮮。小食拼盤(細)($128)共有四款小食，分別是蝦餅、魚餅、香葉雞中翼和素春卷，窩夫特別喜歡蝦餅和魚餅，水準都很高。壓軸的是大頭蝦粉絲煲($268)，鍋子被填得滿滿的，但不見大頭蝦的蹤影。可能因為鍋子的溫度太高，躲在鍋底大頭蝦煮得有點過火，被配角粉絲搶了鋒頭，粉絲煮得很入味，不會太乾或者太濕，最難得的是一點也不油膩。

環境相當靚又有情調既泰菜餐廳，室內坐位連露台座位，可惜我今次食無得欣賞露台景色，坐裡面既位置椰子雞湯$138食泰菜除左飲冬陰公都可以飲椰子雞湯，椰子湯飲落微微酸辣，雞肉嫩滑必叫—冬陰公明爐烏頭$188好大條又新鮮既烏頭，加上冬陰公湯立馬增加鮮味，上面既粉絲吸哂湯既精華，好好食仲好岩而家涼涼地既天氣食南瓜咖哩牛肉$138被圖片吸引所以叫但原本個車瓜係唔食得既，咖哩味道偏甜椰子味濃，裡面材料小左Ｄ，但用個咖哩拌飯都不錯泰式蝦球炒金邊粉$108金邊粉炒得好香口蝦球彈牙

一間餐廳係咪值得返桌，除咗食物之外，服務同第一印象都會影響呢個決定。今日放工已經攰到傻，約咗朋友去呢間喺尖沙咀樓上嘅泰國餐廳晚飯。朋友食過好幾次，今日佢帶我嚟親身體會點解佢咁喜歡呢一間餐廳。 一出電梯，華麗又神秘嘅裝修，摩登時尚又有少少泰式風情，擺咗一啲佛像裝飾品，用咗少少綠色嘅牆身，感覺其實有啲似置身叢林。凳都未坐低，就即刻有同事傳上2杯有檸檬香嘅水 ，同我哋介紹食物，貼心安排。 喺尖沙咀區嚟講呢度價錢唔算貴，不過不失嘅價錢食物質素又會係點樣呢？點餐之後 菜式分咗兩批先嚟到，我哋開頭以為有菜式落漏單，詢問店員先知原來佢哋因為怕菜式凍曬會分兩次叫廚房起，好貼心等客人食完第一輪先再上第二輪。.蒜香軟殼蟹 $108平時比較少食炸嘢，因為朋友好鍾意食，所以就叫咗一份。一份大約有三隻軟殼蟹，將佢切半，份量都好多，因為知道軟殼蟹成本其實唔平，所以呢個價錢真抵食！炸到外脆內軟，尤其軟殼蟹手腳位比較幼，咬落去香脆到有聲，蟹肉蟹膏都好多，唔係乾爭爭，蒜香味好重。.咖哩南瓜牛肉 $138我係一個南瓜fans，見到佢呢個咖哩會用南瓜原個上，當然唔會錯過。比我想像中真係大！有薯仔，甘筍，洋蔥同埋牛肉，所有份

尖沙咀泰國菜食得多 不過呢間都係第一次好特別有露台位置 可以吹吹風或者欣賞街景餐廳唔算好大 但座位闊落小食叫咗香葉雞中翼黑洞中意佢一開二先再炸 細細件好易入口好多木瓜沙律可以揀蝦/魷魚/青口黑洞揀左配青口 沙律分量唔算大對唔食辣嘅朋友可能稍為辣咗少少建議大家問下待應可否小辣另外叫左泰式辣椒膏炒花甲本身都好擔心呢個又會好辣唔知原來甜甜地 非常開胃加白飯食應該一流最後咗個菠蘿海鮮炒飯真材實料 入邊有好多粒菠蘿肉有蝦肉魷魚等配料 黑洞建議大家要撈埋伴碟嘅肉鬆食好惹味飲品方面椰青100分又大個又鮮甜 仲有啖啖椰子肉食朋友仔個杯珍多冰都好香椰奶味整體食物質素吾錯 環境適合一班朋友聚會

今日同約左契媽食飯，揾左間坐得舒服又近地鐵站的泰式餐廳。位於尖沙咀A出口附近的泰斗有室內及室外的用餐區，室外仲可以望到九龍公園的景，好似置身於世外桃源般，遠離城市的煩囂。珍多冰的椰汁味都幾香，而且又唔會太甜。紅豆冰的椰味同樣重，加入香軟的紅豆就成為可口的飲料。小食拼盤係食泰菜必備的！除左有炸蝦餅及魚餅外，仲有齋春卷及方便食用的單骨雞翼。所有小食都炸得金黃又唔會太乾。我的Best Pick為魚餅，魚肉彈牙之餘，仲加入泰式的Herbs係入面，食落比其他味道更豐富香口。餐廳仲有多款串燒可以選擇，除了豬牛雞外，更有牛舌及羊肉可以選擇。串燒沙嗲雞一份有兩串，保持到滑溜溜的肉質外，沙嗲汁更超級香而且富有棷香。鹽燒牛舌有驚喜！雖然牛舌唔算大塊，不過都算厚身，而且燒得夠香口，入口爽口有嚼口但不會韌。另外，個酸酸辣辣的汁超級惹味，食牛舌必點！泰式燒老虎蝦$168有兩隻，少貴，不過食落又覺得幾好食。放上大量的蒜蓉係上面，蝦肉保持到鮮味，而且肉都算幾厚身。隻老虎蝦都幾大隻架，同一隻大叉相若。雖然已經好夠味，不過大家想味道更豐富的話，可以再點埋附上的辣醬，蒜香的蝦加上泰式辣味，就加添了層次。餐廳仲有多款咖哩，

之前網上見有團購，checked openrice佢既commend都唔錯，約埋d貧友仔去試下。叫左d大路野，柚子沙律，炸皮蛋，串燒雞同豬,抄雜菜同咖喱。濕疹人要避食辣野團煎炸熱氣野，已上食物盡量少辣。食物質素平均over stsnard,為獨柸凍可樂累事，杯可樂唔係收得平，竟然唔係枝or罐裝上...係fast food既滊水機....氣水機都算，仲要冇味(仲衰過mcdonal既汽水).早知飲椰青都冇咁嬲。如果唔係汽水太衰我會比“笑“，因為呢到正價唔係平

Autumn 🌾 🍃🍃🍂 I love this season❤ I love this weather💛 so thai so chilled💚🌿🌿..秋天，很愛這種天氣 乾爽舒服，空氣中瀰漫著幸福既感覺。人來人往既尖沙咀鬧市中，在有露天室外既餐廳看著九龍公園既草木吃著午餐，確實有種置身園林當中既感覺，泰有風情`泰舒服了。泰式豬手飯🐽🍚🍴很愛吃豬手，總覺得烹調炆煮既菜式同做人做事一樣，用心機肯花時間 到一定程度既火候就會好吃的。軟淋帶Q既口感`肉不韌容易撕開又入味，就是我喜歡既味道。泰式海南雞飯🐥🍚🍴滑滑既雞`配上黃黃既油飯，就是一碟標準既海南雞飯。如果想健康點 當然可以轉白飯呢，再伴上新鮮蕃茄`爽脆青瓜`青嫩生菜，真是讓我有一個小泰國既感覺呢。噢！這次的午飯時間，泰正斗了。就讓我和這家泰國餐廳談一下短暫既戀愛吧！🍃🍃🍃💚

見到佢最出名嘅就係咖喱炒蟹咁就一定要試吓啦價錢大約三百幾蚊起碼明碼實價，唔係時價啲蟹嘅數量都有限㗎好彩去到即刻hold起一隻先佢仲有個海鮮拼盤都幾吸引㗎不過今次試咗佢個蟹先Wow😮 ，個咖喱汁同出面嗰啲好唔同我覺得好香好香好香因為真係好香，所以我要講三次隻蟹都幾大隻架😋😋叫得咖喱蟹就梗係唔好浪費個咖喱汁啦叫返蒜蓉包，再追加個薄餅薄餅就冇影到相啦個蒜蓉包就好脆，好香呢兩樣配咖喱汁簡直就係絕配辣椒膏炒花甲其實就唔辣，仲帶一啲甜呢度嘅辣椒膏就唔太啱我口味喇但係佢花甲嘅份量真係好多所以都好抵食炒雜菜粉絲煲開頭食嘅時候覺得好好食，亦都好惹味但食得多左之後，就覺得有啲偏鹹整體來講，所有食物我都覺得好好食下次可以再試埋佢嘅海鮮拼盤😋😋

要坐擁九龍公園美景，我鍾意嚟呢度，仲一定要坐露台位，但天氣因素好重要。 趁住秋高氣爽，天清氣朗，同朋友嚟食個午餐。 唯一缺點係啲凳比較矮，我個子唔高，坐左落去有啲似小矮人，笑左！椰汁雞湯叫左細份，大約有四大碗，三個人都好夠飲。 雞是嫩肉，無骨的。 椰味香濃，帶點酸味，好開胃。明爐魚好大條，配左一碗湯汁加上魚身，避免煮乾。 烏頭魚肉雪白彈牙無細骨，仲俾左泰式醬汁蘸嚟食，更有泰國風味。 另外仲有酸辣青檸明爐魚同冬蔭功明爐魚可供選揀。汁燒安格斯牛小排望落有啲似叉燒，食落牛味又幾濃，唔蘸個醬都好夠味。香芋雞肉焗飯熱辣辣，一上枱就聞到好香。 配料多，飯又夠入味，鍋邊仲有脆卜卜嘅飯焦，朋友同我都最愛呢個。享受微微涼風，食吓野傾吓計，望住九龍公園嘅樹景，咁就過左一個寫意嘅下午。

有朋自遠方來，而且還有一個BB小朋友。要找一家坐得舒適又唔貴，而且又接受BB的泰菜餐廳一點也不易。然而我決定帶他們到我平日吃午餐的泰斗。晚上的泰斗比午餐更有氣氛。坐在半露天的枱座，加上秋風的一點涼意，感覺舒適。由於我們一行三人點了幾道菜share.炸軟殼蟹沙律$128這炸軟殼蟹炸得香脆鬆軟，而且唔會好油膩。柚子沙律味道清甜，口感清爽，加上一點點的炸蒜和香脆的軟殼蟹，清新又可口。飛天通菜$88這通菜炒得幾嫩，鑊氣十足，既有馬拉盞風味，又帶點豆醬的味道, 而當中還有一點點辣，認真惹味。泰嫩海南雞$158半隻這海南雞已經去骨，味道不錯，無論雞腿或雞胸的部分都嫩滑軟稔。雞皮下沒有太多的皮下脂肪，沾上泰式辣醬，味道不錯。小食拼盤$158.這拚盤有香葉雞中翼、魚餅、蝦餅、春卷等。雞中翼是單骨的，炸得皮脆肉嫩；魚餅和蝦餅都炸得乾身，口感彈牙而結實。其中蝦餅的蝦味濃郁，幾好吃！春卷就普普通通，不過也不失。是日泰式晚餐，氣氛唔錯，三個人埋單只是五百多，以尖沙咀而言，十分抵食！

難得平時最無主見既姊妹提意去呢間慶祝食生日飯，咁當然非常尊重佢既提意，絕無反對😂，點不知中晒伏，我一早book 左outdoor 枱，餐廳環境係不錯的，我地點左8樣野，由order 到上菜應該不消10-15分鐘，快到我地有點驚訝🙀冬陰公湯完全唔好飲，唔酸，沒有香料味，得個辣，個辣係好似係落左好多辣椒油整辣佢比你飲咁。最基本生蝦刺生，蝦身質感似橡皮，同平時出面以往食的生蝦刺生質感唔同，我覺得個蝦身好似打左野係蝦身入面咁，完全唔爽身大併盤，一般野，冇特出，冇驚喜，炸野唔香口， 炸物都可以做到唔香口都幾勁。青咖啡牛肉（餐牌顯示係三條🌶🌶🌶）但唔辣囉，椰奶味好重，蓋過晒所有味，冇咖哩味，又冇辣味，極度失望。咖哩海鮮完全冇咖哩味，個汁用左勁多蛋花，我覺得似食緊蛋花海鮮，我食左一隻青口，我班姊妹就話成碟海鮮洋蔥多過海鮮。海南雞，正常野，我諗係來貨架啦，唔應該仲有咩問題。羊肉串燒非常失望，無羊味，肉質應該比生粉那到淋晒，可以形容係好似食緊淋身既雞腎，咁大家應該想像到。牛/豬肉燒，同樣非常失望，唔好食，肉質好差，冇預期中串燒風味。就連薄餅都出時，死實實，睇到成塊餅完全索晒油，見到都唔開胃，大家睇下相就

喺尖沙咀搵餐廳確實係有啲困難😵，因為多人又擠迫同埋通常限時又坐得唔舒服，點知一入呢間餐廳簡直出乎我意料之外，有outdoor 位置🤠，有泰國風情嘅餐廳🏝，天氣很熱加了帳篷⛺️同冷氣都不太熱😃。•小食拼盤🍤🌮小食拼盤有四樣，可以食晒幾款泰國小食，好香茅雞翼、春卷🌯、魚餅🥠同蝦餅🍤。熱辣辣新鮮炸出嚟，我個人最鍾意食蝦餅，有香口又彈牙，配上甜酸醬好味一流🤤🤤香黃咖喱牛腩配蒜蓉包🐂🥖食泰國菜梗係要食黃咖喱，呢度黃咖喱好香滑，牛腩又諗又多肉🐂，用蒜蓉包點埋咖喱汁，簡直係最佳配搭😎泰式蝦肉金邊粉🍝顏色很悅目，香氣撲鼻🌬，金邊粉條條入味又帶甜味，面頭舖滿滿滿嘅花生碎🥜，配上頗多蝦肉🦐，口感豐富又好惹味👍🏻😝。

位於大廈入面既泰式餐廳，雖然空間唔大，但係完全冇焗促感，而且仲有露台位置，好有氣氛☺️-豬頸肉份量係超級無敵多，食極都仲有，4-5人share食都冇問題！豬頸肉煮得軟冧，入味。醬汁係類似青木瓜沙律既味道，不過就再稠身d同濃味，微辣，單食食得多會覺得鹹，撈飯食係一流🍚-細份係4人份量，炸物食落冇油膩感，最愛炸蝦餅，蝦膠打得好彈牙，又不失鮮味！雞翼係單骨，甜甜地，成舊放入口都唔係問題，超方便。記得配泰式酸辣醬，係絕配！-用左牙菜墊底，令雞蛋唔會吸收過多既油，內裹既蠔肥美飽滿，一d都唔腥，鮮味十足，真係覺得蠔仲多過d蛋🤣-海南雞🐥仲正就係起哂骨，啖啖肉，而且好嫩滑，雞皮爽口，個人認為咩都唔dim係最好食-雖然炒得比較濕，但係金邊粉冇痴埋一pat同淋哂！蝦肉🦐彈牙，又唔會過鹹，配埋雞蛋，豆腐干，花生粒，口感豐富-菠蘿肉鮮甜，令炒飯都有陣陣甜味，而且炒得乾身，岩岩好，絕對係會令人不停不黎食🤤其實另外仲嗌左冬蔭公湯，都唔錯，唔會過辣，香矛味重，仲有原隻大蝦，值得一試！-好味指數:8.5/10性價比:8/10推薦度:8.5/10

我上幾個月去吃晚餐。 但reception 姐姐態度非常差。因為我是book左位啦。 向我爆粗口。 雖然餐飯就好好味。 但我希望你公司給予我正式道歉同賠償。 請你司自重及以後有所改善。