泰斗 (中達大廈)

营业中

休息中

覺得幾喜出望外嘅就係呢一間泰菜竟然有素食嘅餐單，對於一啲短期食緊素又或者長期要食素嘅人係一個非常之好嘅消息，可以令佢哋嘅味道增加好多。今次我哋就叫咗去呢一個泰式三味素鴨試吓，初頭睇佢個名叫做三味，覺得會係用三隻唔同嘅味道煮，但係原來佢嘅口味係類似咕嚕肉嘅酸甜汁味道，十分之開胃。而素鴨並唔係薄薄的一片，佢將佢整到非常之多層厚身，咬落去出面鬆脆，內面比較實啲，有口感。呢度仲會有即叫即燒嘅串燒，一碟有兩串，份量非常之多，而且仲有燒烤的香。仲要提一提佢嘅沙嗲汁，係串燒的最好朋友。仲有係每一次色都不可以缺少嘅泰式金邊粉，呢個金邊粉係我去到泰國每一日都要食嘅嘢。係街邊嘅普通餐廳都可以煮得好好味，呢度嘅味道同泰國簡直一模一樣，一樣甘好味。

同朋友食生日飯，朋友唔想食中菜又唔想食西餐，於是就喺問咗好多朋友嘅意見之下，最終揀咗都係食泰國菜。有少少唔方便嘅係如果揸車嘅話呢都係冇免費泊車，不過都算係尖沙咀區比較方便嘅地方，因為佢嚟地鐵站出口只係一兩分鐘嘅路程，如果泊車嘅話可以泊海港城或者iSquare，最平梗係去海港城嘅海運大廈啦哈哈！講番正題，一上到去唔算好大型嘅餐廳，但係都算幾有泰國風氣，可能餐廳內有好多樹，好有feel🤣🤣唔知點解我覺得佢個Menu好似同所有泰國菜嘅Menu都差唔多咁😂先來呢個刺身蝦！大大隻好好食，我第一夠有連埋辣椒一齊食，但係實在太辣所以頂唔順，但係佢嘅份量都算幾多！同埋佢嘅下好新鮮所以我之後嗰啲就算冇連辣椒一齊食都唔會有腥味！另外仲有一個好好食嘅就係呢個菠蘿海鮮飯，入面有魷魚有青口有蝦，有好多唔同嘅海鮮，同埋佢嘅菠蘿好甜！！呢兩個係我認為全晚最值得推介嘅兩個菜式☺️

等左好耐，終於等到朋友生日，一起來泰斗慶生啦！入到來，環境有分室內同室外，見燈光稍暗，但非常有氣氛。我地4個人，叫左以下幾樣：椰汁雞湯，帶有小小辣，夠香椰汁味同香茅味，好好味啊！串燒三拼，雞，豬，羊，各三串，配酸辣汁。值得一讚的，羊冇羊騷味。小食拼盤(細)有四樣，可以試曬幾樣小食，有炸香茅雞翼，春卷，魚餅同蝦餅。熱辣辣新鮮炸出來，每樣都好惹味。我個人喜歡蝦餅，因為真係好彈牙，配甜酸醬一流！豬肉生菜包，因為有朋友吾食得辣，我地走辣但夠味，有青檸汁味，非常開胃。泰式辣椒膏炒花甲，炒完肉跌曬落底，花甲沒有沙。汁好濃，好香辣椒膏味，配菜有洋蔥，青椒紅椒，口感豐富。泰式金邊粉，賣相吸引，有彈牙既蝦，面既軟硬適中，配有花生碎，配埋青檸汁，酸酸甜甜，忍不住食多幾啖。野飲方面，我們緊係叫泰國出名既椰青啦！椰青夠凍夠甜，飲完我會刮啲肉來食每枱有一大支檸檬凍水，夠曬解渴呢度真係好適合一班人聚會，因為多人可以叫多唔同種類的菜！下次有朋友生日，都會揀返呢度的

大家約出嚟買嘢，行完一輪，又係時候搵個地方食飯，見咁耐冇食泰國嘢，又經過海旁道，一於就去返之前去過呢間泰國餐廳，地方又舒適，有露台，啲嘢食又唔錯。今次都幾好彩，又可以坐喺露台， 呢排雖然天氣炎熱，但係呢個露台都係有一定嘅冷氣吹送，所以唔會覺得悶熱。先來個泰式生蝦，肉質夠爽！而且好似特別大隻。泰式海鮮炒河辣辣地，好滋味的炒河，裏邊仲有好多海鮮，幾足料。令人一試上癮嘅蝦肉黃金卷，脆脆的外層一咬落去，隨之而來係香香嘅餡料泰式燒雞，燒得好香，點啲泰式辣醬食，好開胃。青咖喱豬咖喱汁真係好滑，又夠濃郁。

小弟即將去曼谷工作數天，出發前吃個泰菜，來個未出發，先興奮。 尖咀的「泰斗」，開張數年，之前已推介過它的燒雞，廚師都是泰國廚，手法蠻正宗，在遊客區收費也不算貴，值來。 先吃個「泰式生蝦」$118 生蝦要做得好，新鮮永遠是重點。蝦冰凍爽口，肉紮實，配生蒜片及紅椒粒來吃，再點自家製辣汁非常醒胃，完全 100% 對我個人口味。配杯 mojito，一啖蝦一啖薄荷香，銷魂啊。 必食項目，個人心水之一「泰式燒雞」$168 / 半隻 溫提，此雞製作需半小時，可以先落 order。燒雞上枱熱辣辣，半隻份量依舊不少，皮焦香，味道醃得不錯，雞胸部份也不鞋，不需點醬汁已夠哂味。 加碟「鹹魚炒芥蘭」$98，若果兩個人來拍拖食飯，這三樣餸已剛好喇。 幾乎每枱都見其蹤影的「酸辣青檸明爐魚」$188 原條爐魚邊食邊滾，旁邊有碗酸湯，可以自己倒在爐中 DIY。 酸湯重香茅味，完全不膩，酸味到位，倒在魚上滾熱再即喝，好似太陽咁溫暖。 新嘗試的「香芋雞肉焗飯」$128 兩年無來光顧，食物質素依舊穩定，吃完飯可轉換坐在大露臺與朋友喝喝酒 chill 一下，看看尖咀夜景，也蠻不錯。

正宗泰國嘢，令人首先想起九龍城，但其實尖沙咀都有唔錯的選擇。位於海防道的泰國餐廳，半露天的座位，別具風情。飲品亦都好精緻，仲有泰國Resort中常見的花花做陪襯。先來一個泰式生蝦，朋友仔食得津津有味。唔食得生野的我，就點了一客冬陰公開一開胃，酸中帶辣，好惹味。食泰國菜又點少得咖喱同串燒呢？青咖喱的味道調配得唔錯，質感好杰，適合配薄餅多啲。我哋都點左兩款炸物，滿足一下同行的小朋友。春卷較為普通。但蝦肉黃金卷就令我哋非常驚喜，脆脆的黃金卷內係鮮甜又爽口彈牙的蝦肉，我哋大人都食到停唔到口。燒牛肉牛肉味十足，而且生熟程度剛好。泰式燒雞的味道好特別，係泰北風味，同我地常常食到的泰式有少少唔一樣。作為主食的蔬菜同炒河粉賣相都唔錯，絕不失禮。滿滿的一台食物，逗得我哋兩位靚媽同小朋友都非常高興。一行四人，要食正宗泰國菜，近近地在尖沙咀就可以享受得到。

今日同媽媽嚟咗食dinner，天都未黑就入咗座，揀咗張近街道嘅枱，唔駛驚，呢度都係有冷氣嘅！餐廳唔算話好大，但係都算幾舒服。因為時間都算早，所以都未話好多人～睇完餐牌就決定叫小食拼盤、串燒（雞同牛舌）、炒金邊粉同埋咖喱牛坑腩配薄餅，飲品就叫咗椰青同龍眼冰。先嚟嘅係飲品，椰青夠凍夠甜，好好飲，夠晒解渴！同埋呢個椰青都幾大個。龍眼冰嘅龍眼味道幾濃，不過就有啲太甜～食物方面，首先嚟嘅係小食拼盤，有雞翼、魚餅、蝦餅同春卷，2人嚟講都幾大碟。雞翼係單邊嘅，熱辣辣好香脆，不過就覺得奶粉味好重；魚餅同蝦餅都好香，幾彈牙；春卷就有啲似越南果隻嘅餡，口感幾豐富。再嚟係串燒！串燒配有2隻醬，沙嗲醬就係配雞肉，燒汁就係配牛舌。雞肉有啲肥，牛舌就好好食，好淋身。兩者都燒得好香～炒金邊粉，好大碟，啲蝦好大隻，整體都好好食～咖喱牛坑腩配薄餅，一啲都唔辣，但係咖哩味好香，牛坑腩少韌，配薄餅真係絕配，吸晒啲醬汁！整體嚟講，尖沙咀都比較少有泰國嘢食，而呢間我都幾鍾意，除咗九龍城之外，我諗我都會選擇呢間嘅，係尖沙咀嚟講嘅泰國菜唔算貴，性價比幾高！

雖然食物幾好食但價錢偏貴啦服務員態度一般 未食完野放啲客入嚟圍住我囉未叫埋單又叫人埋單！今時今日咁催法 食都食唔安落丫！唉 失望而走。。。有待改善 希望服務有所改善 太衰了

久違既泰國菜！其實真係咩菜式都中意食，同埋又嗜辣，所以泰國菜都好岩胃口，之前係澳洲，澳洲人都好中意東南亞菜，所以好多東南亞餐廳，果時都成日食Pad Thai，隔左一排冇食泰國野，今日同友人相約都好期待～環境出乎我意料！原來有outdoor，好有feel既一間泰國菜店！有好多食物！不能盡影泰式生蝦(7-8隻)  $118每次食泰國野都會點生蝦！數一數有9隻，有冰挫住，生蝦一定要凍食，口感唔錯，加上蒜片、辣椒一齊食，辣辣地仲過癮串燒沙嗲羊(兩串)  $38都算平，沙嗲唔係淋上面，分開上。肉質可以，但對於中意食羊既人黎講冇乜羶味，會有啲失望，但如果係本身麻麻地食羊，可以叫呢個試下，絕對客易入口咖哩南瓜盅(豬/牛/雞/羊)  $138我就揀左配雞肉，咖哩雞向來都係白飯殺手，可惜南瓜唔係燜至焾身果種，而係比較硬，但原來入面有薯仔，薯仔就燜得焾少少同幾入味，至於雞肉係雞柳長條形狀都唔會過老，咖哩則好重椰奶味，完全唔辣，唔食得辣都可以點大頭蝦粉絲煲  $268好香！蝦已經對半切開左，方便進食，以半隻計既話都有6-7隻。粉絲好香口，用豉油炒過，仲有啲肉碎咁樣，惹味，而蝦都有蒜香，不過肉質略嫌老左少少，

首先order咖喱炒蟹配蒜蓉包，一上菜，阿媽叫我即刻唔好再食，鹹到不得了，無咖哩味。我本人就從來都未食過完全唔脆又無蒜蓉味軟林林既蒜蓉包，呢間野就竟然可以拎咁樣既質素出黎開餐廳！！ 我地首先同一個無著制服既女職員講，佢聽完面黑黑就叫個男經理黎。我地立場係有得換個碟，我地依然想換，但佢話「得番一隻！呢隻係最後。咁你地想退定點？」佢全程無say sorry,叫佢俾menu再點過菜，無俾我地。之後我地再order鹽燒盲曹，炒金邊粉，同埋炒通菜。唔知係咪因爲我地退左佢隻低質但又賣$500既蟹，服務態度更加差！明明同條女order時無話盲曹賣哂，之後先再叫另一個staff同我地講賣哂。咁就真係唔知佢地係故意定真係賣哂。個金邊粉酸到似蕃茄意粉，完全無泰式，唔香，好垃圾！叫支象啤都漏左單，問番個女仔，佢話「你等等！」跟住先走去拎支啤酒黎。兩次落單佢都唔寫低，上菜慢又要漏寫。條女對住我地態度好差，成日都走去角落同另一枱客傾計，明顯係自己朋友，笑哂口，但樓面野又唔點做。唔知二百幾個好評請左幾多打手打？！

餐廳有分室內同半室外，我坐半室外嘅位置，環境比較黑一點，氣氛好好，但我就比較鍾意光猛啲既餐廳😂😂😂😂 泰式鳳爪 $98 鳳爪酸酸甜甜，夏天食好開胃，不過唔算太辣，頗適合香港人嘅口味小食拼盤 $128 拼盤有雞翼、炸蝦餅、炸魚餅、春卷，每款都新鮮炸起，個人覺得蝦餅同魚餅的做得唔錯，蝦餅爽口，魚餅香茅味好重，春卷肉質豐富❤️串燒沙爹豬 $38 串燒微焦，但小小的一串就已經有好多肥肉，不推薦👉🏻👈🏻生菜包 $128 差唔多每次食泰國菜都會點生菜包，好似會健康啲咁😂😂肉粒調味得宜，仲好juicy🙆🏻‍♀️ .鐵板蠔仔蛋 $138 蠔仔蛋用鐵板送上，所以非常熱，雞蛋唔會煎到好乾，仲有幾多嘅蠔仔粒✌🏻整體而言，我覺得價錢有點貴呀～～泰斗地址：尖沙咀海防道38-40號中達大廈4樓全層

早兩年冬天來過，味道不錯而且有室外位置令朋友印象深刻，今晚她特意再約我到此飯聚。由她拍板點了幾款：《柚子沙律 $98》柚子肉夥夥大粒而且清甜份量多，加上炸蒜和酸辣汁提味，連怕辣的我都吃得一口接一口，很開胃。《泰北椰汁蟹肉伴青瓜 $148》這款很新奇，於是一試。白色的是椰汁蟹肉，很creamy，入口帶椰香中加上了蟹肉的甜，而附碟的青瓜用來蘸椰汁蟹肉。青瓜大件，而椰汁蟹肉流質，青瓜根本蘸不到、又放不到汁。《粉絲雜菜煲 $118》雜菜夠腍身，不會太硬；粉絲比一般的粗身及彈牙，而且醬汁令粉絲十分香濃入味，而且夠鑊氣，單是吃粉絲已經很惹味。《明爐魚 $188》烏頭魚已熟，只需加上湯再滾熱就可以，粉絲亦可慢慢煮腍，吸湯入味。湯底酸酸很醒胃，魚肉亦嫩滑，很不錯。近露台位置有電視螢幕在看球賽，但夏天還是坐室內比較舒服。

朋友生日話想食泰國嘢， 最近都常常吃不過一於奉陪到底。 上網找了一間尖沙咀樓上泰式餐廳， 人氣唔錯而且好評不少。 餐廳就在海防道樓上， 很有泰國風情， 還有戶外露台的座位。 天氣很熱都加了帳篷和冷風機唔算太熱。泰式蝦肉炒金邊粉 $108 顏色很悅目， 香氣撲鼻。金邊粉條條入味又帶甜， 舖了很多花生碎並 配上頗多的蝦肉，口感豐富又美味。龍眼冰 龍眼冰清甜滋潤， 帶有龍眼果肉香。酸辣青檸明爐魚烏頭魚$188 這道明爐烏頭魚今晚最期待。 條魚屬於大size，個爐都要有番咁上下 。很喜歡青檸和酸辣的做法， 大量新鮮青檸和香茅， 還有辣椒的辛香，令魚肉鮮味突出， 加上熱辣辣的名爐和大量香料肉碎， 一口接一口吃不停。 加上我們都唔怕魚骨，越吃越滋味。 咸魚炒芥蘭($108)咸魚炒芥蘭劲有鑊氣，鹹香之餘芥蘭爽脆嫩綠。 細看之下，鹹魚份量絕不吝嗇， 並非咸魚蓉， 是實肉鹹魚小塊。 絕對是重口味的惹味小炒。羊肉串燒($38)冇羊羶味， 串燒肉質結實彈牙。來一杯冰凍青檸可樂， 稍減濃味油膩感。 不過稍嫌可樂唔夠氣。 整體感覺菜式美味用心製作。

叫咗個泰式鐵板豬頸肉, 佢嘅醬汁我覺得真係非常之惹味, 除左豬頸肉外, 有青椒, 有黃椒, 有紅椒, 仲有原條胡椒, 多菜又多肉! 青椒紅椒非常之爽脆, 最正嘅就係佢嘅豬頸肉, 切得非常之厚身, 咬落去爽爽, 再加埋佢嘅 醬汁, 配合得天衣無縫小食拼盤基本上成為我食泰國嘢嘅必食之選, 佢有雞翼, 蝦餅,辣魚餅,仲有春捲, 我最鍾意嘅就係蝦餅,非常之彈牙, 佢嘅小食拼盤優點就係唔係太油利,食完都唔會喉嚨痛,魚餅辣辣哋惹味最正嘅就係菠蘿海鮮炒飯,148蚊, 但係個份量絕對值回票價! 多到根本成個菠蘿都裝唔曬!有菠蘿, 再加啲青口, 蝦,豐富咗個口感, 飯嘅味道配合得宜, 食到非常之滿足

平時去開九龍城食泰國野，今日去咗尖沙咀泰斗食，因為朋友食過話好食喎！一去到就見到個大電視，正！可以睇埋世界盃，哈哈！我地坐咗個半outdoor area, 都幾好，有街景。食物方面，我地先叫個平時必食的蝦餅試下呢間野嘅質素，都唔錯，可以同九龍城比下，因為個味道啱啱好，有蝦味  (因為有啲得個咸) 又脆！跟住叫個廚師推介的蝦肉黃金卷，蝦肉多，好脆，不過如果唔食lemon grass嘅朋友就可能唔係好啱食，因為個味好重，同埋有啲油！跟住叫啲肉食喇，叫左個雞中翼，因為個menu圖好吸引，所以叫來試試，不過一般啦，略甜。然後叫左雞串燒，都好入味，唔錯！所有食物都ok，不過個薄餅略嫌太油！飲品方面，我朋友叫左個椰青，都好飲，但唔夠凍，反而我叫個的1664就夠哂凍了。總結，以尖沙咀嚟講，食物同價錢都算係咁，平均$300一人啦！