影片
更多
2018-11-21
48 浏览
一間餐廳係咪值得返桌，除咗食物之外，服務同第一印象都會影響呢個決定。今日放工已經攰到傻，約咗朋友去呢間喺尖沙咀樓上嘅泰國餐廳晚飯。朋友食過好幾次，今日佢帶我嚟親身體會點解佢咁喜歡呢一間餐廳。 一出電梯，華麗又神秘嘅裝修，摩登時尚又有少少泰式風情，擺咗一啲佛像裝飾品，用咗少少綠色嘅牆身，感覺其實有啲似置身叢林。凳都未坐低，就即刻有同事傳上2杯有檸檬香嘅水 ，同我哋介紹食物，貼心安排。 喺尖沙咀區嚟講呢度價錢唔算貴，不過不失嘅價錢食物質素又會係點樣呢？點餐之後 菜式分咗兩批先嚟到，我哋開頭以為有菜式落漏單，詢問店員先知原來佢哋因為怕菜式凍曬會分兩次叫廚房起，好貼心等客人食完第一輪先再上第二輪。.蒜香軟殼蟹 $108平時比較少食炸嘢，因為朋友好鍾意食，所以就叫咗一份。一份大約有三隻軟殼蟹，將佢切半，份量都好多，因為知道軟殼蟹成本其實唔平，所以呢個價錢真抵食！炸到外脆內軟，尤其軟殼蟹手腳位比較幼，咬落去香脆到有聲，蟹肉蟹膏都好多，唔係乾爭爭，蒜香味好重。.咖哩南瓜牛肉 $138我係一個南瓜fans，見到佢呢個咖哩會用南瓜原個上，當然唔會錯過。比我想像中真係大！有薯仔，甘筍，洋蔥同埋牛肉，所有份
一出電梯，華麗又神秘嘅裝修，摩登時尚又有少少泰式風情，擺咗一啲佛像裝飾品，用咗少少綠色嘅牆身，感覺其實有啲似置身叢林。
凳都未坐低，就即刻有同事傳上2杯有檸檬香嘅水 ，同我哋介紹食物，貼心安排。 喺尖沙咀區嚟講呢度價錢唔算貴，不過不失嘅價錢食物質素又會係點樣呢？
點餐之後 菜式分咗兩批先嚟到，我哋開頭以為有菜式落漏單，詢問店員先知原來佢哋因為怕菜式凍曬會分兩次叫廚房起，好貼心等客人食完第一輪先再上第二輪。
.
蒜香軟殼蟹 $108
平時比較少食炸嘢，因為朋友好鍾意食，所以就叫咗一份。一份大約有三隻軟殼蟹，將佢切半，份量都好多，因為知道軟殼蟹成本其實唔平，所以呢個價錢真抵食！炸到外脆內軟，尤其軟殼蟹手腳位比較幼，咬落去香脆到有聲，蟹肉蟹膏都好多，唔係乾爭爭，蒜香味好重。.
咖哩南瓜牛肉 $138
我係一個南瓜fans，見到佢呢個咖哩會用南瓜原個上，當然唔會錯過。比我想像中真係大！有薯仔，甘筍，洋蔥同埋牛肉，所有份量都唔少，尤其係牛肉。坊間嘅泰國菜如果有咖哩牛肉，可能大約只有四到五塊，呢個盅入面有大約十塊嘅滑牛肉，食極都未完🌚咖哩汁椰香味重 ，偏向稀，南瓜薯仔都煮得好腍。.
烤薄餅$28
食咖哩一定叫埋薄餅，呢度薄餅嘅好處係每一塊都好薄，好易令到咖哩汁吸收。👍 .
蝦醬炒通菜 $88
呢間炒通菜係泰國菜嚟講唔太油，而且蝦醬味極重，又唔會過咸，份量都唔少。.
泰式蝦肉炒金邊粉 $108
以尖沙咀地段，108蚊嘅金邊粉，呢度足夠兩到三個人share，絕對經濟。金邊粉酸酸甜甜，蝦肉都有大約五粒左右，唔會好濕，好惹味好開胃。拌左好多豆卜同埋花生碎，呢兩樣嘢絕對係精華。.
椰青 $48
其實佢有好多飲品，不過想清清地，所以就叫一個椰青，大過個頭，椰青天然味道好清甜。.
如果唔係朋友帶我嚟，真係唔會知道原來係海防道樓上舖會有呢間咁有feel，質素都唔錯嘅泰國餐廳。我哋入咗時間已經係八點鐘，都仲有人嚟幫襯。最值得一讚係侍應會不斷體貼客人嘅需要，例如斟水換碟， 成餐飯都食得好舒服。😊
张贴
