泰斗 (中達大廈)

营业中

休息中

是晚約了朋友食飯，來到尖沙咀這家泰斗，好近地鐵站，位置方便，來到現場，感覺有泰國風情，有一半是露天位，我覺得秋冬天來會較舒服，夏天坐在露天位比較熱呀! 不過沒想過這裡有個大電視，還以為急急腳食完就要趕返家睇波，呢度有直播呀! 約埋三五知己來晚飯，邊睇波，都不一定要到酒吧呢! 餐牌內菜式夠多選擇，是晚7時多已很旺場。 吃泰菜、睇波的最佳拍擋 - 啤酒 天氣熱，胃口減半，點些清淡的菜，這款泰式炒雜菜，不辣，味道帶些清甜，有多款菜類集於一身，菜都幾爽口新鮮。 必點的酸辣青檸明爐魚，起初都擔心會好辣，幸好辣道剛好，略厭不夠酸，附有泰式辣醬，魚積嫩滑新鮮，好大條又好肉，吃至最後渴一口魚湯，真心不錯! 蠔仔肉碎豆腐湯，蠔肉多，開胃又解暑，蠔仔都好大粒，不馬虎，味道恰好，用不銹鋼器皿盛著可保持湯溫。

老公今日在尖沙咀見客，放工叫我過去一齊食晚餐，因為佢中午同客人在海防道泰斗食泰國菜，覺得味道很好，環境又有格調，所以叫我去試試！泰斗是樓上鋪，地方雅潔，擺設整齊，燈光柔和。座位舒適！手打炸蝦餅，外層酥脆，肉質彈牙，點些泰式酸辣醬好好味！咖哩海鮮：咖哩味香濃不辣，海鮮有青口、蝦、魷魚和三色椒等。海鮮和咖哩好夾，十分美味！泰式炒河(豬)，炒河是濕炒，材料有豬肉、蔬菜、雲耳等，河粉滑溜，加了個特製獻汁，十分惹味。海鮮炒飯，夠穫氣，飯炒得粒粒分明，十分香口，海鮮有蝦、魷魚、青口。椰汁紅豆冰，椰汁味香濃，紅豆就比較硬左一點。

醉貓炒河醉貓炒河呢個名係既咁特別呢佢仲可以選唔同既食材去炒呢個炒河食開炒牛河的我更係選返牛河啦味道唔錯WO雖然唔知道醉貓既意思係咩除左配菜有少少不一樣但味道和乾炒牛河都十分樣似蝦醬炒通菜炒通菜呢D基本必叫野食啦今次揀選左係蝦醬炒味道會多左陣海鮮既味道通菜既口感都係咁爽脆!! 好味泰式魚肚羹湯呢個湯真係超正必飲既推介可能好多人都會主力飲泰式飲品但係其實要健康D同埋可以試下不同既口味先會知道有咩係高質美食呢個魚肚羹十分足料, 一客可以分成4碗店員好細心的位上的入面有超級多既魚肚同有1/4隻蛋超夠味!! 口感都一流

每天上下班也會經過尖沙咀海防道，「泰斗」Thai Master 位於海防道中達大廈四樓，閒時也會與同事過來午膳，今日卻抽空試試晚餐。周四晚上，七時半已坐無虛席，其人氣確實爆登。鹽燒牛舌 ＆ 牛肉串燒 ($38/2串): 必食牛舌，$19/串，每串兩塊厚切牛舌，集爽彈、滑嫩及富肉汁於一身，非常juicy和香口惹味，配秘製泰式醬汁更為鮮香，二人忍不住encore了四串之多！泰式蝦肉炒金邊粉 ($108): 金邊粉算是爽身，而又不會過濕，是泰菜中非常typical的一樣炒粉，味道酸酸甜甜般，也蠻討好，含鮮蝦肉及大量硬豆腐。泰式海南雞 ($158/半隻): 整碟雞也去了骨 (除雞翼外)，啖啖肉吃起來非常方便，皮夠滑，肉也夠嫩，友人愛吃雞胸，而我有幸把最香滑的雞脾肉全都吃光，簡直是天作之合，雙式醬料分別是薑茸及泰式酸辣醬。咖喱南瓜盅 (豬肉) ($138): 咖喱菜式可免費配白飯/薄餅/蒜蓉包，而肉卻可選配雞/牛/豬/羊，每款同價，咖喱中除了肉外，還有洋蔥及南瓜粒，整體okay，唯南瓜粒不夠熟，稍硬，鮮味未能完全散發。

坐係九龍公圍隔離既餐廳估唔到個view都幾吸引餐廳分左兩邊一邊係半戶外既area, 可以望到九龍公圍夜晚既風光而另一邊就係室入既area, 岩哂我呢d怕熱既人坐泰式生蝦生蝦!! 生既食品最難呃到食客, 一睇就知係生蝦既質素定係新鮮定係差呢個食落個口感係彈牙既, 而且最正我覺得有加分既就係個醬汁!!辣既味度岩岩好, 連埋生蝦辣椒蒜塊一齊放入口完全係完美既享受而且生蝦係勁爽口!! 值得一讚泰嫩海南雞半隻半隻既海南雞份量就已經好多食海南雞我覺得最重要就一定係雞件一定要夠嫩滑, 咁先做到啖啖肉既口感呢度既海南雞完全係合格以上加埋佢既皮食雖然有點罪惡感哈哈

年幾前都黎過泰斗一次，印象都唔錯，估唔到相隔一年再去，水準都仲keep得住。呢到雖然係尖沙咀鬧市，但因為有個半開放既area，所以感覺一d都唔似係尖沙咀，有種好relax既感覺！燒豬頸肉沙律  $128平時成日都係叫燒豬頸肉，呢到一個價可以食燒豬頸肉加埋沙律，當然要一試豬頸肉燒到有少少焦，好香加上d又香又辣既腌料，好惹味而且食甘多肉既同時，又有d菜balance下，食都食得無甘guilty。串燒沙嗲牛 $36／串 ＆ 串燒沙嗲雞 $36／串如果食唔到辣既朋友就真係岩哂，呢到既串燒係偏甜既style，而且兩款肉都燒得好嫩，一d都唔鞋，唔柴皮。點埋個超重花生味既醬汁，其實一人兩串都唔係太夠喉泰式炒椰菜苗 $118食泰國野點少得食椰菜苗菜仔唔會炒得太林，食落仲係好爽口，醬唔係太辣但又夠香，唯一挑剔就係價錢好似貴左少少泰式濕炒河－雞 $108另外叫左個泰式濕炒河，不過食得太興奮，唔記得左要影相個河粉就無太大驚喜，不過份量都幾多，兩個人share食都ok。椰青 $48最後叫左個椰青，個蓋係完全整開左，好方便你刮入面d肉黎食。Overall食物都好滿意，雖然價錢有少少貴，不過尖沙咀鬧市搵一間甘又f

這間泰菜店在海防道，環境幾特別！一半部份分隔為露台位置！有大螢幕可以睇世界杯！！邊食邊睇爽yy個場都幾多人~所以 book定位會好dmenu都幾多選擇~價錢唔算太貴！都食得過。奇異果沙冰，我從未飲過咁好飲既沙冰這杯沙冰質感相當綿滑入口唔會feel到有雪既感覺，所以真係超好飲。味道剛好唔太甜又夠味還有芒果，士多啤梨味道真係100%強烈推介豬肉生菜包！餡料好足~香料又夠多，夠哂香微辣尚算ok, 用生菜包食非常清爽開胃泰式蝦醬炒飯，坦白說蝦醬味道唔算濃郁。但個炒飯炒得幾乾身，配上肉鬆，蛋絲，臘腸，蝦，口感幾好如果蝦醬味濃點就更好員工服務都不錯，成場爆哂，眼見佢地做到好辛苦都無黑面！比個讚你地

<泰斗>位於尖沙咀海防道，位置便利，餐廳空間感寬闊，無敵大露台能飽覽九龍公園的樹景，充滿綠化氣息。看著小雨點落在透明帳篷，“滴答滴答”的聲音，配上暈黃的燈光，情調浪漫。椰汁紅豆冰 $42 Happy Hour下午4-6點，所有飲品有七折優惠。紅豆冰的豆蓉十分綿密，配上濃郁的椰汁，香濃細膩，椰汁的甜度不會隨溶冰而退減，啖啖窩心。芒果沙冰 $58沙冰冰爽刺激，經過舌尖而慢慢沁透芒果蜜甜，配上炸物小食，消暑解膩，如果能更入果肉、椰果，口感更豐富。小食拼盤(細) $128拼盤有4款炸物，我最愛炸蝦餅，蝦肉爽彈，口感飽滿，沾上泰式酸辣醬，十分惹味；香草雞翼已切成單骨，外表脆卜卜，愈吃愈過癮。魚餅軟彈，充滿香茅味道，洋溢泰式風情；素春卷包了雜菜絲和粟米，清新滋味。椰香黃咖喱(雞) $108 +烤薄餅 $28黃咖喱微辣惹味，充滿濃濃椰香，雞肉份量很多，加上配料薯仔、紅椒和洋蔥等，放在烤薄餅上吃，十分夾配。只是烤薄餅不夠酥脆，未能做到一層層起酥的口感，但吸嗦了椰香咖喱汁，尚算吸引。蒜蓉包 $32蒜蓉包熱辣、香脆，帶淡淡蒜香，如能塗上更多牛油，味道更加香郁。把蒜蓉包沾上黃咖喱，也是第二種

約咗朋友係尖沙咀行完街搵嘢食，晚飯時間周圍都好多人，朋友介紹呢間係海防道嘅泰式餐廳地方會大一點，決定去試下上到嚟發現原來佢仲有一個好大嘅騎樓，難怪可以容納到咁多人，不過上到黎都要等咗大概15分鐘先有位，唔緊要最緊要好食補返數生蝦係我去每個泰式餐廳都必叫嘅，呢度嘅生蝦食得出好新鮮，而且個醬汁好惹味另外再叫左一個泰式拼盤，特別鍾意佢嘅炸蝦餅好有味，而且個炸雞翼好細心地係單骨雞翼，好容易食特別想讚一讚佢個咖喱蟹，蟹好新鮮而且好多肉，但係我覺得最出色係佢個咖喱汁，好香，配合埋蒜蓉包係超級超級好食

朋友見呢間所謂嘅泰國菜有211個好評，佢又標榜可以吸煙，所以去試吓。結果，我從來唔會寫食評，但呢間偽泰菜迫我第一次留食評難食同服務差到一個點！我唔知呢間嘢，請左幾多打手先有211個好評，總之永遠black list同朋友預約左七點鐘，寫明要坐outside，因為有煙民。上到去，個待應哥哥安排我地坐出面，但解釋，如果食煙，就要去個角落位食，唔可以响枱度食，呢個係咩玩法？咁我地要求坐返入去涼冷氣。坐返入去見到有泰國人，心諗都唔會差得去邊啦，就叫嘢食，叫左4樣，1. 泰式炒金邊粉2. 雞肉、牛舌、牛肉串燒3. 炸軟殼蝦4. 小食拼盤落單唔洗1分鐘，個泰式炒金邊粉即到，呢個泰式炒金邊粉，食到一陣酸餿味，簡直不知所謂！跟住嚟左個炸軟殼蟹，呢個炸殼蟹把閉咯，一咬，成啖油响你個口，完全得油味，一啲軟腳蟹味都冇！跟住再嚟個小食拼盤，個待應哥哥又搞笑，問我放邊，我答放台囉！小食拼盤有香葉雞翼、蝦餅、魚餅同春卷。個所謂香葉雞翼，只有普通炸雞翼嘅味，蝦餅同魚餅淋到比個亞婆都食到，個春卷先叫正常返。最後等左好耐嘅串燒，每款38蚊兩串，個雞串細串到一個點，連埋沙爹醬食，都食到個陣雪味。個牛肉串好勁，有牛肉干嘅味

愈嚟愈多朋友返咗大陸做野～最大嘅唔同就係話食野嘅選擇少咗～鍾意食泰菜嘅呢位朋友話好耐無食金邊粉(又一位同家姐一樣嘅金邊粉狂熱)，見到呢間環境都以舒服～所以決定嚟試吓～#柚子沙律 $98喺泰國已經怒食柚子沙律嘅豬太郎今日都決定嗌嚟試吓～少少辣好過癮，柚子食落唔會有澀味～清新得嚟好開胃！#泰式蝦肉炒金邊粉 $108朋友最愛嘅金邊粉出場啦！份量多到有啲食唔晒～(三個人嚟食都應該OK～)金邊粉甜味啱啱好～朋友都好滿意啊！#蒜香軟殻蟹 $108一炸出嚟熱辣辣好香～上面嘅炸蒜好香口！軟殻蟹都幾大隻㗎～啖啖肉～美中不足的就係炸的有啲油～#芒果沙冰 $58勁大又滿杯嘅芒果沙冰真係超滿足～今晚食嘅野都比較油～飲杯沙冰感覺好爽～淨係沙冰都覺得有啲飽lol最最最唔OK就只係個日太熱lol 因為間舖係半開放式～想坐耐啲傾計都有啲難～

很久沒有吃泰國菜，今次試試這間位於樓上的食肆。除了室內有座位，還有露台座位，不但一樣有冷氣，還面對九龍公園的大樹，環境很舒服。鹽燒牛舌(兩串) 牛舌不算很大件，其中有一件有點靱，但以$38能有兩串牛舌，也算合理。咖哩蟹 我們最喜歡吃蟹，所以便試試這裏的招牌菜。蟹很大隻而且蟹肉很鮮甜，味道辣辣和甜甜的。現在能以優惠價$398吃到原價$498的咖哩蟹，真的很划算。烤薄餅 吃咖哩一定要配薄餅，但可能我們不是立刻吃，所以覺得薄餅比較硬身和油膩。芒果糯米飯 很少能吃到熱騰騰的糯米飯，而且口感煙靭，椰汁很香，芒果也很甜，是一道很滿意的甜品。

同朋友慶祝生日，來吃個有氣氛的泰國餐廳，位於尖沙咀鬧市。 泰斗位置很近地鐵，而且有個露天位置，可以望街景，對面就是九龍公園，是咱們最有回憶的地方。雖說是露天，但餐廳細心舖好大型透明膠膜，可以看到外面但又可以嘆到冷氣，不用怕蚊咬看過餐牌，點了幾樣先來個小食併盤 細 (128元)有魚餅、蝦餅、雞中翼、素春捲 每樣都係新鮮滾熱辣，點埋個酸汁食，款款都好惹味。雞中翼仲要係開咗邊單骨上，好易食。泰式燒雞半隻 (168元)隻燒雞上嚟已經好香，令人垂涎三尺 雞肉超級嫩滑，雞皮鹹鹹哋再點上酸汁好正。馬沙文咖哩牛坑腩配薄餅 (168元)牛坑腩唔算大塊，但好嫩好有牛味 咖哩汁唔算辣但送飯一流薄餅比較薄同軟，唔油膩，份量比較小，如果可以配多2塊就更好餐廳食物水汁都幾好，而且可以揀要大定要細份，都幾貼心，氣氛亦都唔錯，下次可以再嚟。

露天位唔算太熱, 有冷氣既都, 坐得算舒服, 主要係桌大, 唔會放唔落野~食得泰野,椰汁唔少得, 香港比較少有得飲, 當然黎到緊係飲下!呢到既curry 味道偏甜, 份量多, 配飯食叫餸咁樣食唔錯的,唔辣既味道, 如果辣返小小會更好, 我知道黃curry 辣極有限, 但呢個係直頭無辣味. 加小小辣油會好味d串燒其實係呢到最正既野,  除左本身燒得好食之外, 佢既醬係最好食, 同其他沙爹醬有小小唔同, 比較甜多dd,同埋小小麻味. 我覺得好好食!牛既份量相當多, 我叫左7成, ,但份量多既關係俾左相當高既印象分!口感反而差緊d, 有小小過硬, 醬汁正常既點飯食就唔錯, 因為汁濃小小 配返淡味既飯岩岩好~整體環境唔錯, 價格合理!

食泰國嘢好多人都會諗去九龍城，但其實就響尖沙咀海防道都有一間好好食嘅泰國菜，之前食過唔錯今次同朋友聚餐都揀咗呢一度。原來每個月都有一個優惠表！今期係食蟹！當然食泰國菜就要叫返一隻咖喱炒蟹！咖喱超級香！個汁用來撈飯一流！唔會太辣！蟹亦都好大隻，多肉！肉質鮮甜！當然要點多一份蒜蓉包用來食咖喱啦！蒜蓉包烘得好香脆！牛油蒜蓉味都好香！串燒要左牛肉同雞肉，沙嗲汁超級惹味！有少少花生香！推介！小食拼盤有四款小吃，個人最喜歡一字雞翼，醃得入味！其他也很香口！柚子沙律好開胃！酸酸甜甜，柚子肉好新鮮，食落有爆汁嘅感覺！生蝦非常之肥大肉厚！肉質都好鮮甜！好好食！食得清淡d，所以叫咗清炒椰菜苗！菜苗都算嫩。最後炒金邊粉不會太油，蝦亦爽口！整體來講每道菜都不錯！地點又方便！