泰廚房子 (德福廣場1期)

营业中

休息中

最初見到新開未食過, 而且又唔需要等位, 就揀咗呢間試下喺門口撳咗飛, 等咗一陣都冇人出黎帶位, 但入面明明係好多空位所以就就咁行咗入去, 但無奈都係冇人行出黎SERVE於是乎就直接行到去出菜位叫人帶位先有人理一開頭就落咗2碗粉, 加2杯嘢飲一路等等等, 半個鐘後隔離遲過我地10分鐘入黎落單嘅都到咗而另一邊早過我地入黎嘅都食完結果我就問下佢地啲STAFF, 係咪漏咗單當時STAFF答我地, 幫我地問下然後去咗入單機度撳張單出黎問之後見佢行咗去水吧位問問完又冇答我同友人, 咁我地又再等多15分鐘(姐係一共等咗45分鐘)之後再問另一位職員, 佢地又一樣咁去落單機度睇再去水吧位問, 我地收到同樣答覆:幫你問下如是者已經「幫我地問咗2次」,亦未能收到一個答覆, 到底係漏咗?定係整緊?之後又等多15分鐘, 真係冇晒耐性, 大佬都等咗成粒鐘, 則邊啲人都走晒你又冇俾答覆我到底仲要等幾耐我嘢飲都飲完, 就叫佢地叫經理出黎咁如果你話你10分鐘煮好嘅,咁我OK可以等埋, 其實我唔係趕時間但至少你都要俾我一個答案啦?我冇可能無了期等到晚市下話?之後見到佢地啲STAFF同男經理講,男經理望我地一望, 就話「

泰國🇹🇭野係香港都算多今次就黎到九龍灣德福泰廚房子試下我地兩個人分別叫左個下午茶餐1. 泰式豬手飯 豬手都幾大份 肉質都好稔大大碟 又好食 絕對值得推介跟餐叫左杯泰式咖啡尚算可以 唔算太濃味2. 肉丸扎肉河 依個就比較麻麻 同出面食既普通河粉差唔多湯底唔夠味 配料都係唔多相比下 唔算太好食計埋加一 大約$50左右既下午茶 如果係留肚食下午茶既朋友 依間都算係唔錯既選擇環境舒服 服務都算幾好又唔洗點樣等位值得推介既係豬手飯！

星期六黎呢到食返個午餐，2個人叫左一個雞絲炒金邊粉，加一個青咖哩珍寶豬扒飯。佢啲份量勁大，女仔食一半個金邊粉已經飽🙈而佢係超足料架！仲有佢啲辣粉放埋一邊，鐘意食幾辣就自己撈幾多辣粉，對於食唔到太辣嘅我黎講，讚👍🏻至於個珍寶豬扒，真係好大塊，大過我塊面😂個餐仲跟埋野飲，梗係跟返杯青檸梳打啦🤤🤤正丫！

第一次嘗試的泰國菜店，見到有二人套餐，208蚊，就點了泰國菜例牌主菜，海南雞+馬拉盞通菜。嗰雞送上來，分量簡直o嘴，二人餐分量，就係一個雞翼加幾塊雞胸BTW，雞肉仲好老其他菜，味道都係普通正常，唯有食嗮蒜蓉包主食，希望飽肚只想講，唔會有下次

德福廣場的signature元老級餐廳～茜廊，size越變越小，隨後迎來兩間新食肆在左右。泰廚房子，故名思義是泰菜餐廳，週六也供應set lunch （連飲品）價錢由$50多-$80 不等。未知泰廚房子的泰廚是否離開家鄉太久，定還是芑芑吃得九龍城正宗泰菜太多？倒是第一次在香港吃到那麼localized 味道的泰菜！香葉炒肉碎，從來未試過是這樣本地化的味道！只用普通到不能再普通的豉油及糖醃下，加了一片香葉及些少豆角和數條辣椒粗絲同炒，再加老抽蠔油之類上色便成的樣子，味道是完全沒下炒肉碎調味精髓的青檸和魚露般......其實，炒肉碎調味粉包也不難在港找到，費解！馬拉盞炒通菜，完全沒有馬拉盞醬的味道，完全不是那回事！Pan Thai 雞絲炒金邊粉，普普通通，要評份的話，是略低於Average。又是一句百物騰貴吧！ 所有食物的份量都很少！很少！很少！重要的東西，要說三遍！

多年沒有到德福商場，今天發現有不少新餐廳，便選了這間泰國菜餐廳，星期五晚的晚飯時間，等了約15分鐘便有位。 泰式海南雞飯：肉「鞋」、沒有雞味、像吃白切雞一樣。點雞醬有兩款，一款是辣一點的辣醬、另一款是沒有那麼辣的辣醬；😆 真心如果將一碟轉成黑醬油，會開心很多！油飯及湯均只是暖的。泰式金邊粉：很開心這碟粉上檯時是「有煙」、即是「熱」！味道也是普通! 但已比海南雞飯出色很多！結論： 可以一試，但不會再試！！！

呢排食得過份又去搵嘢食🙈入到不是太多客，可能未到晚市，坐落好舒適優閒，我地被牆身幅畫吸引住😊我地幾個是咁叫是咁點，好似餓鬼投胎咁，🙈請睇我地的戰績😂，海南雞飯，雞好滑有雞味又唔肥，香茅黃薑味出。肉碎生菜包好味：肥瘦適中，蔥頭，泰國芫荽，辣椒，炒米配食合得完美，最值得推介是佢地配牛油生菜，貴嘢來㗎又衛生，細細塊葉，一羹一包放入口岩岩好，唔會擺入口時跌到周圍都是，唐生菜我反而擔心不夠衛生，因為泥土種植的。炸蝦餅熱辣辣，猴擒差D燙親😂😋，香脆彈牙，點甜糖醬食絕配。鮮蝦金邊粉賣相普通的泰菜店不會有蛋網冚住，呢d是好花心思和功夫，最可惜就是得3隻蝦少咗d😂唔夠分食囉（貪心🙈🙊），金邊粉炒得軟硬適中，汁的酸甜辣都配合得好，我好鍾意食，今晚整體的菜式我們都話好好食，上菜都夠快，熱辣辣，酸、甜、辣、香口，泰菜真的好岩香港人口味，我地已約好月尾再戰

好耐无同班朋友聚，大家諗住就我所以係九龍灣。訂左台去到發現餐廳竟然人唔多。雖然係落雨，但係都無咁誇張掛。星期六係德福竟然咁冷清都知不妙。點菜上菜後，普通泰國菜菜式，但係價錢真係比中環貴。一碟椰菜苗72蚊分量只有手掌咁大，蝦餅70幾4件味道都係一般，我係上環食都係58蚊渣。冬陰功110大份，5個人儘儘每人半碗既份量。宜家物價貴舖租貴大家都理解，但係分量少到咁，價錢咁到咁，九龍灣之喔，真係超級唔抵食。所以終於明白點解呢間餐廳星期六都咁冷清了

今晚放工想食泰國野，就黎左德福試下新野～叫左個二人set dinner泰式沙律+魚飯 - 不過不失啦，普通左d肉碎炒芽菜 - 無咩特別，不過我個人都ok 芽菜，所以清清地都ok泰式奶茶 - 呢個有d 特別，有陣好特別既香味，雖然唔叫突出，但又幾別青咖哩豬 +油飯 - 咖哩味唔夠出，油飯都唔夠香

今日Happy friday，成班同事一齊出去食飯。因為遲左d出門口，去到本身想食既個間餐廳已經好多人。於是決定近近地去德福平台另邊個幾間餐廳睇下。見到有位，就入左去。D座位都算係幾舒服既，我地落完單之後待應仲覆多次單先走。等左十幾分鐘，終於有野食上枱，可惜係我地無叫到既豬手飯。😅心諗明明都覆左單都上錯？可能睇錯枱號啦😅到等多幾分鐘真係有野上喇！先嚟兩碟雞絲炒金邊粉。一齊上都知道係一次炒，都明既。一碟大一碟細都算啦！但說好的雞絲呢？變左雞粒🤣之後到同事個青咖哩珍寶豬扒。當然又係三個一齊上啦！睇落都唔錯。說好的珍寶呢？係有珍寶size既，但唔係體積，而係面積。感覺似係將厚切豬扒起雙飛薄上，薄到好似肉片咁薄。🤣師父刀工好好呀！最後仲有一個同事叫左紅咖哩牛，遲遲都未到。唔知係咪無人叫所以要夠單先開鑊煮。吹左兩次終於都有得食啦！賣相都好唔錯呀！味道正常。Lunch set仲跟野飲既。我叫左泰奶茶。無系泰國飲既咁甜，味道岩香港人。還好。尼間極其量只可以說係普通一間食lunch既餐廳。如果想食好dd既，未必係首選。明白商場舖租係貴，所以60-70幾蚊個set連野飲都係正常既。

叫咗個泰式海南雞飯+泰式凍檸茶6件白切雞 （還可以）黃油飯 （可能整造型個陣個碗⋯總之有啲味）😅真心唔值$58+「另加一」味道☹️價錢貴💸食環境囉～希望改善啦！無論味道、賣相、香味，都系咁話啦。吸引年輕人入去，老闆要多謝個室內設計師啦～環境系唔錯架。但要食住人地啲客個胃，野食味道⋯難免要改囉。唔系得個漿汁就搞掂架⋯⋯正常普通的黃油飯都⋯⋯唉！場多唔多人食～系一個好好的商業表現⋯泰式凍檸茶～～可以啦。

去到九龍灣德福，見到一間裝修錯及新開泰國菜館，入去試試，點知 "中伏"，點了三樣食品: 1.青咖哩雞，加一碗薑飯 (另計), 2. 炸蝦餅， 3. 炒椰菜苗。 先來青咖哩雞，咖哩無味，雞肉只有雪藏味，雞肉鬆散，之後薑飯，嘩!飯粒細過灰塵，只無飯味，並且似水飯，再來炸蝦餅，又是另一垃圾食物，只有粉味，最後來碟菜，敢去試了向經理投訴並要求全部退去，埋單後經理只計一碟菜價錢，HK$72 加一即是HK $79，我說碟菜未食過，亦唔敢試，最後經理才全部需付款，我便離開。我未試過一間這麼極度勁差之食店。😤😤😤😤

地址稱舖位在平台，左逛右逛原來係德福商場出面平台呢﹗而且洗手間不在食店內，要走出外面輪公廁非常不方便。環境又會嘈得那麼利害，困獸鬥非常應聲喎，刀叉碗碟的碰撞聲再加食客高談寬論，都幾難頂 ﹗不幸地還有個老婦為錢不停用英文喝罵個外藉老公，煩上加煩，依度您屋企咩？返屋企先嘈飽去啦！嚴重嘈音污染，影響情緒及食慾。泰式炒通菜，第一啖熱燙燙香口微辣，不過旱通有乾韌。再食就越來越咸，越凍個汁就更混濁，食到最後菜葉有股苦澀味呢。冬蔭功湯細，明爐上就要耐心等候滾起的一刻才能品嚐喇。終放滾起，殺呀！湯越熱越好味道，剛剛燙嘴最正。湯汁厚厚味香濃，茄膏味帶著酸辣可口開胃，沒有落椰奶？粒草菇又對住我邪笑喇！一啖塞您落口，夠爽又夠甜，一咬爆水﹗最差係蝦肉霉腍，無味道更加無鮮味。薏米冬瓜湯，清清的湯水，近乎沒有味道，欠肉味欠甜味，食完餐飯可以用黎漱口。去骨海南雞飯，消失的雞髀？去了那裡呀？用隻雞翼掩住切口位，師傅您留返自己嘆嗎？何解雞翼及雞膇還有骨呢？做得不夠徹底。只有雞胸雞背脊咬，肉質乾鞋。幸好搭上滑溜雞皮，醃得十分入味不油膩，濃郁甜美再滾上酸醋或辣汁加分不少。雞翼肥美，雞皮較厚，雞油較多，不過肉質比雞胸嫩滑。雞

下午茶時間 係九龍灣 德福商場 除左多快餐 連鎖店之外原來有Thai 野食 見環境好似好新 幾舒服就入左去價錢：下午茶時間有set $35-58 不等 再加一最貴係海南雞飯$58 其他就係 湯河類既 包野飲： 泰式奶茶 檸茶 soda lime 1.叫左雞飯 一般喇 覺得飯有d 太黏 雞個sauce 唔太spicy 都ok幾十蚊唔好太高要求！2.另外叫左扎肉抄金邊粉 $45 連野飲叫左泰式奶茶 一般喇 炒出黎 仲出煙 夠熱有獲氣既都算好唔錯埋單百零蚊下午茶 普通喇

星期五下午放假經過徳福見到有間泰國菜餐廳，又係下午茶時間，所以入左去嘆左個泰式下午茶。見佢下午茶menu都算ok，價錢一般般啦。我地就叫左個扎肉炒金邊粉同埋個雞翼拼魚餅。下午茶包埋飲品，我就叫左杯青檸梳打。真係要講下個炒金邊粉..未試過去一間泰國餐廳食既炒金邊粉係淡茂茂，無咩味既，我地擠哂成粒檸檬，再加埋側邊既花生同辣椒粉先覺得有味...佢無平時食開炒金邊粉既味道，而且賣相又唔討好..真心覺得呢個金邊粉係失敗..呢餐最好食既係個雞翼拼魚餅..魚餅似係普通超級市場買到嗰啲，所以都無咩好講，唔會難食。但個雞翼係有驚喜既，佢每件剪開一半成單骨雞翼，易食得黎又腌得入味，仲炸到脆卜卜，好香口。但整體黎講..試完佢個下午茶，唔會想嘥錢去佢呢度試埋個晚餐