泰廚房子 (德福廣場1期)

营业中

休息中

兩口子帶小友到德福商場附近上training，訓練堂為時一粒鐘，時間剛啱好夠我們去吃完早餐後再去接他....就近在商場附近吃。走了一圈，發現這裡竟然有泰式早餐吃。平時吃慣港式的ABC又或是粥加油器的我，對此當然甚感好奇....除了有泰風味之外，這兒當然亦有較正路的港式ABC式早餐供應，今天太太就點了最普通的甚麼餐肉火腿腸仔煎蛋....愛嚐新的我固然對此全不感興趣....我點的這個餐，最有泰式風味的元素，就只是這個香辣肉碎包了....焦點所在當然是那炒辣肉碎。食時帶點甜甜辣辣頗惹味，料想不到將之夾進麵包中味道又頗夾呢；只可惜包身烘得有點不夠熱脆，不然香氣還會更突出....蒜蓉多士烘得帶微黃咬落脆口，只是蒜油下得量不多稍覺大煞風景；其餘的那片煎餐肉及蛋，對我而言只是屬陪襯角色，吃不吃倒是沒有太大所謂....吃至此，望一望錶，時候過得真快，又是時候去湊我那頑皮小友下課了....

同朋友約係德福食晚飯，傾開想食泰菜，就入去試下，我地叫左豬頸肉通菜煲，鹽燒魚，青咖哩雞配飯。先嚟青咖哩雞，賣相唔似平時食開嘅青咖哩，顏色出奇地綠，上檯時真係會比佢嚇一嚇，食落味道尚可，咖哩味唔太突出，雞肉還可以。之後到豬頸肉通菜煲，賣相及味道都不錯，只係油左些少，食落惹味，送飯一流。最後係鹽燒魚，魚肉質新鮮無腥味亦滑，點埋佢個辣汁好正，做緊晚市快閃優惠$69，都抵食。座位舒服，啱晒同朋友傾下計，服務算不錯。本身想比好評，但因為個青咖哩扣左些少分，所以比左一般，但其他我試嘅食物都好味嘅。

今晚同女朋友二人世界，佢鐘意食泰國野，但又怕出九龍城遠又要等位，所以就近近地響屋企附近覓食好彩之前經過德福見到一間鋪仔係食泰國野，如果唔係又要頭痕諗食咩去到門口店員已經好熱情咁向我地介紹，我地睇下menu，價錢一啲都唔貴，$208已經有一個二人套餐，包哂野飲甜品，相信普通餐廳都搵唔到。店員仲話食滿$250會送一碟泰式魚餅，聽落又幾抵，即管去試下。二人套餐包左約4分1隻燒雞（或海南雞）、生菜包、飛天通菜（或馬拉𦾟芥蘭）、兩個黃薑飯（或蒜蓉包）、兩杯飲品同甜品。我地叫多個芒果糯米飯夠$250，所以就送一碟魚餅。上菜都算快，係幾耐啲野都多到放唔到咁濟，如果坐四人台應該好少少。海南雞就食得多喇, 所以今次揀左燒雞, 唔會好乾, 味道都唔錯亦都好入味送既魚餅, 平時係送春卷, 果晚冇唒所以就改送魚餅, 自己本身係鍾意魚餅多d既, 但唎到既魚餅就唔係話特別好食蒜蓉包唔好食, 好淋, 蒜蓉味亦唔香, 揀返油飯/白飯好過飛天通菜, 好好味!但係我自己本身都食開辣既都覺得辣左d, 而女朋友只食到少少辣, 所以唎碟佢係完全食唔到既, 如果唔食得辣記得問下有冇得少辣/走辣除左飛天通菜, 仲有個生菜包, 唎個

今日去左九龍灣泰廚房子，係德福商場出面既平台，夜晚7點半左右，唔洗book位，都幾多位坐，可能系平日。我地3人坐大枱，所以都好舒服。飛天炒時菜 $62啲菜唔會太林，又唔會太硬👍🏻👍🏻👍🏻👍🏻泰式炒鮮蝦金邊粉$78系外觀上都幾靚，用蛋整到個網甘，有d心思😀但系味道比較普通，冇乜酸甜味道，個蝦都無咩味🤦🏻‍♀️要吱啲青檸汁調味。菠蘿海鮮炒飯 $88一般啦🙇🏻‍♀️比較淡味，唔算好多海鮮，但裝飾上都有點心思😂

服務態度勁差，一定唔會再幫襯！中午同朋友一齊去呢度食飯，個侍應態度真係好差，成間餐廳唔會得一個調味架吓嘛！？因為我比較喜歡食幾多先「了」幾多，我地食到一半，侍應走嚟拎走個調味架，我表示仲未用完，佢一句：冇啦喎！就拎走咗！之後仲要比我聽到佢同另一個侍應笑住咁講：我係米好衰哩.....................啲食物又唔係好味，又要有加一服務費，但服務完全係唔得，仲食到一肚氣！以後一定唔會再幫襯！

假日係德福廣場搵食，簡直係災難！間間都排好長龍！睇完戲打算打道回府之際，經過平台見到呢間Thai 食，冇人排隊，未夠2:30p.m. 已經有下午茶食就入去試下啦！屋企人話平日lunch 都幾貴，而家tea 都係四五十蚊，抵！Satay 雞肉串燒拼魚餅 $42賣相很好，雞肉大大串，肉質新鮮魚餅spicy , 唔食得spicy 要小心！個satay 醬係自己調的，大大碟唔孤寒！KK 一週年 $29 魚蛋粉估唔到咁大碗，仲有青檸梳打，抵到無朋友！魚蛋夠彈牙，河粉又滑！Thai 底乾炒豬肉河 $45不過不失！坐係梳化位，碟炒河食剩三份一，只係停左手一陣傾計，著住sidewalk 衫似係老闆的中老年男人就問食完未，想收左碟河！冇人等緊位，而且仲有位，做咩好似趕人走咁其實sidewalk 呢十年都少左好多人幫襯，真係要改善下服務質素！

一行二人，趁周五晚，選了家泰菜館。點菜方面比較放肆，因為就住樓上，點多了可以外賣帶走。所以，點了：生蝦刺生、蝦餅、小份的冬蔭公、濕炒牛河、烤魚、飛天通菜，還有兩杯飲料。還有一道因為消費超過450元，而送贈的牛肉沙律。蝦刺生、冬蔭公湯，都是相當安全的菜式，每家泰國館的口味都差不多。飛天通菜，炒得很好，通菜爽脆入味。烤魚，朋友說可以，連送的牛肉沙律，那牛肉也做得很軟，很易入口。至於濕炒河，是整碟外賣走的，所以還沒吃。菜式不錯，但真心建議，別選周五、周六晚這種日子來。店裡餐桌多，放得密密麻麻。桌子偏小，食物若點多了，問題相當大。他們出菜的速度快，一個湯(小份的，也有一個大湯碗那麼大，下面還有一個爐燒着保溫)，一碟菜，一碟沙律，兩杯凍飲，桌子就沒空間了。我們還有主食沒上來呢……。侍應走過來跟我們說："你們能快點把湯喝完嗎？騰出位置，我上濕炒河。"  那刻真是相當無語！你那湯用爐火盪着，最少也能分四小碗，我要怎樣快速把它喝完呢？整餐飯，感覺是吃得好急。因為不時會有人問你，這個還要嗎？那個還要嗎？生蝦刺身剩一個時，也被問：這個不要嗎？結果又被迫着快快夾起，免得被收走。我替廚師感到可惜，菜是真的不錯

自從結婚後，任何大時大節都要分開兩家人造節。這次是陪女家造節，到德福平台的泰國餐廳。一行8大1小，我們點了2個二人套餐，再加點小食。⭐️椒鹽豆腐 味道一般⭐️泰式燒雞好好吃，我跟太太都很喜歡吃。味道是有點點鹹，但肉質非常鮮嫩，很值得推介！⭐️生菜包老婆必點的生菜包，今次失手啦。味道偏辣的原故，最後只有老婆自己一個人吃畢。哈哈⭐️咖哩軟殻蟹味道偏甜，有別於我所認識的泰式咖哩，這不太合我的口味，但軟殻蟹是挺大隻的。⭐️鹽焗烏頭我沒有試到，是岳父岳母大人點的🤣

近中秋嘅星期日，收工後唸住買外賣同肥髀食，揀咗呢間泰國菜，去到已經滿座，門外都有人客排隊，個個都係想攞位做節，我睇咗門外餐牌，就入內落單，攞票去門外等，期間見店家將等泰國菜嘅客人帶入旁邊嘅小菜餐廳（同一集團）等客人唔使等太耐（照食泰國菜食物）都幾窩心！食物包裝企理，包裝盒都可入微波爐，醬料都比得足泰式海南雞飯配冬瓜湯（$85）跟兩款醬汁，雞肉已起肉（除雞翼）雞肉略嚡，點酸汁開胃，雞油飯鬆軟，索晒啲雞油，幾香幾好味，冬瓜湯幾熱，湯略味精，配雞飯好味！整體ok青木瓜絲沙律（$68）木瓜絲爽口有咬口，酸酸的，只有微微辣，好開胃！沙嗲串燒（$72/半打）有雞肉牛肉，牛肉粒燒得香，牛肉有咬口，雞肉肥美，醃得入味，點嘅花生醬雖然杰又濃，但有啲油壓味，一般！椰汁千層榚（$38）賣相幾好，但食落有香精味，好假，質地又硬，講真係難食，我同肥髀各食一件就放棄！芒果糯米飯（$45）芒果酸甜好滑無渣，好味，椰汁蓋晒糯米，椰汁太杰太甜，糯米又太硬實，我要用剪刀✂️先可以成功分開成細件，太實了！差熱食好味，但甜品唔得，千層榚嘅味道好假！店員爽手有禮，雖然有客人等得唔耐煩都好好安撫！要改善甜品

近來都喜歡來這裏食早餐，貪其座位寬闊 ，食物豐富，價錢合理。今早又嚟，叫了一個雙拼粉麵早餐 ，送多士和煎蛋還有一杯不用加錢的凍飲。多士很脆，上面的奶和油都非常香 ，蛋就煎得有點老，而且蛋黃都散開了。扎肉魚餅金邊粉- 扎肉彈牙，魚餅內有辣椒粒，所以吃起來有點辣，相當惹味， 金邊粉很滑 ，很有咬口。凍咖啡沒什麼咖啡味，只是黑漆漆的一杯凍飲。埋單39個大樣，算是早餐中不錯的選擇。

男友發現了這家新開的泰國餐廳，這裡環境不錯，非常舒服。我們快九點才來，不用等位子。我們點了木瓜沙律、鹽燒魚、咖喱軟殼蟹和泰式炒菜苗。木瓜沙拉非常開胃，辣得過癮，可是我不太喜歡花生。菜苗炒得不錯，不太鹹，味道適中。咖喱軟殼蟹想不到那麼大份，大概有兩隻在裡面，非常惹味。男友忍不住叫了一碗飯。最後的鹽燒烏頭，本週特惠69元，超值。魚裡釀有香料，味道很好。還伴酸辣醬料。買單兩人合共400幾，算是比較貴，但食物質素好，可以一試。

哩間餐廳很多時我都會同家人去食早餐。9月6日早上約11:10分，我一個到上述餐廳食早餐（早餐時間去到11:30），而當時亦有4至5個食客在內。 我座下後立即叫了個早餐，跟著有位女侍應（後來得知她是位部長，名叫Man)走過來向我說：「先生，今天午巿會有好多人訂咗位！」。 我恍了一下，不明所意，所叫的早餐還未到就趕客走？我問她什麼意思，她就知唔以對！我再問她是否跟其他食客都有講同一翻「今天午巿會有好多人訂咗位！」的話，她說沒有！當時我真係為之氣頂，到底這位部長搞乜嘢？？發生乜事？？不說那個早餐還未到無得食！就算到了，是否要叫客人在只定時間內食完（放題早餐嗎？），唔好阻住做午市？我倒想問下那位部長，一個大人食早餐要食幾耐呀？諗諗下，哩個部長真係搞針對，有時我同小朋友食早餐，小朋友食得慢，便向我們説要埋早餐嘅數，所以要埋單！ 有時我11:20去到食早餐，她又會説：「早餐停咗下單啦」，你間餐廳如果唔想做早餐，又或者不歡迎小朋友的話，請你在餐廳門前注明不歡迎小朋友或食早餐要限時食完。我諗是否過往對這部長沒有多加理會，凡事算吧，而導致她對客人不加尊重呢？難道你要被客人責罵才會檢點？

弟婦生日約埋一家出來吃飯選擇了九龍灣這間泰 廚房子， 門口招牌很細 要小心行過都唔為意，第一次試這間， 室內燈光較暗 可能想romantic d, 週六晚上仍然有位未滿，食物方面 冇骨海南雞肉質好嫩滑， 青咖哩的顏色非常青， 但味道不錯侍應建議我們唔配飯可以配蒜蓉包吃， 青咖哩的豬肉與串燒的豬肉同樣醃過所以不算太鞋， 泰式炒金邊粉味道不錯吃時有微微的甜酸口感，虾肉雖然唔係新鮮的 但是吃起來也不算太死實， 吃夠指定數目送 咖哩波士頓 龍蝦一隻， 但係咖哩偏甜又不辣， 反而炒芥蘭係所有菜式中最辣的，所有菜式份量十足，最细碟既疣係芥蘭了， 甜品方面 椰汁糕 只有甜味明顯椰汁不夠， 香芒糯米飯是黑糯米溝普通糯米的， 吃到有糯米未煮熟 ，失敗之作，有一小细節，埋单時用恒生的信用咭，待應沒有問我便自動扣了cash dollars, 好在我沒有要留用，6人用餐仟鬆蚊找數又送龙虾算抵吃了。

見佢裝修不錯，所以入來試試！點知，極級後悔！叫飲品小冰，點知變多冰！豬手飯味道都算正常，但送的冬瓜湯，就有如芫荽水，不過係送的，仲想點啊？最離譜係個青咖喱，肉同蔬菜同汁，全部分開煮！肉冇味柴皮，蔬菜夠清，青咖哩甜而不辣！同一個餸三種味道，真係太有創意了！到最後才知道飯要另叫，都成十幾紋！不過由於個青咖哩太創新了，所以還是放棄了叫飯！！

最初見到新開未食過, 而且又唔需要等位, 就揀咗呢間試下喺門口撳咗飛, 等咗一陣都冇人出黎帶位, 但入面明明係好多空位所以就就咁行咗入去, 但無奈都係冇人行出黎SERVE於是乎就直接行到去出菜位叫人帶位先有人理一開頭就落咗2碗粉, 加2杯嘢飲一路等等等, 半個鐘後隔離遲過我地10分鐘入黎落單嘅都到咗而另一邊早過我地入黎嘅都食完結果我就問下佢地啲STAFF, 係咪漏咗單當時STAFF答我地, 幫我地問下然後去咗入單機度撳張單出黎問之後見佢行咗去水吧位問問完又冇答我同友人, 咁我地又再等多15分鐘(姐係一共等咗45分鐘)之後再問另一位職員, 佢地又一樣咁去落單機度睇再去水吧位問, 我地收到同樣答覆:幫你問下如是者已經「幫我地問咗2次」,亦未能收到一個答覆, 到底係漏咗?定係整緊?之後又等多15分鐘, 真係冇晒耐性, 大佬都等咗成粒鐘, 則邊啲人都走晒你又冇俾答覆我到底仲要等幾耐我嘢飲都飲完, 就叫佢地叫經理出黎咁如果你話你10分鐘煮好嘅,咁我OK可以等埋, 其實我唔係趕時間但至少你都要俾我一個答案啦?我冇可能無了期等到晚市下話?之後見到佢地啲STAFF同男經理講,男經理望我地一望, 就話「