泰廚房子 (德福廣場1期)

营业中

休息中

為左同女朋友慶祝紀念日，咁就諗住食完晚餐去睇戲。咁事先買左metroplex戲飛，所以就去左呢間泰廚房子食晚餐。餐牌都幾多唔同選擇。最後我地就叫左沙嗲串燒、菠蘿蝦魷魚炒飯同埋泰式炒鮮蝦金邊粉。但等左半個鐘先有一碟野食，隔離台等到想走，個待應話原來廚房唔夠人手。泰式炒鮮蝦金邊粉味道唔錯，但略嫌d蝦細隻得制，但勝在味道搭救，不錯啦。沙嗲串燒有牛有雞，都燒得幾香口，d泰式幾好。個菠蘿炒飯就好一般，得d菠蘿好食。

從來未見過一間食肆衛生情況可以咁惡劣！！！真係仲衰過街邊檔！！！因為係家庭聚餐，所以叫服務生拿啲碟仔俾我哋share。第一次摞過嚟，大約5隻碟左右。結果全部碟上面都黏住啲乾左嘅類似扁意粉！已經嬲爆問有無搞錯。之後佢哋換左6/7隻新的碟俾我哋。結果啲碟上面都係黏住啲粉，有啲黏住啲飯！有啲仲有類似茄汁嘅跡！！真係火到嚟曬！！！之後佢地收左啲碟，換左啲碗俾我哋！結果部分碗上面依然黏住啲飯！！總共三次。啲服務業全程一句抱歉/唔好意思都無講過。仲眼見佢地將剛剛啲污糟的碟，拿紙巾擦走啲粉啊飯啊就咁放翻落個廚櫃。離曬譜噶咁污糟！太惡劣了！！！！！！

九龍灣隨著郵輪碼頭以及附近有多個新型屋村建成 人流同店舖都越來越多 需求都大了不少來到德福廣場 人流極之多 餐廳都遠比之前增加了尤其係平台位置 今日相約好友到德福食飯 發現左一間泰菜餐廳 見到有位就入左先講！！石屎外表 夠raw 幾鍾意 環境都幾適合食物傾計 個場唔會太光又唔會太暗感覺幾有空間感 樓底都相當之高 位同位之間又有頗大既空間 唔會迫迫夾夾點野食 都容易睇又簡潔湯飯 粉麵 炒飯 選擇都相當充足 可以配合到不同需要既食客好可惜 秋葵水賣晒 未能夠品嚐一下係咩味道有機會既話都要試一試 賣清都一定唔會太差啦！馬拉盞炒椰菜苗 $72出街其實好少會食菜 始終無咩特別又唔化算但我去到泰國餐廳就一定會點菜食因為佢實有馬拉盞炒菜 無論係咩菜都好 都會煥然一新 變成美食！！而家時間食椰菜苗就最穩陣 果然無失望 嫩口又爽脆 KK炒飯 $78精緻外表 亦見內涵用蛋整成網再用黎包裹住炒飯 心思細膩炒飯以茄汁配以蝦肉雞肉等用料炒成米飯粒粒分明 食落彈牙有鑊氣 有水準！！燒烏頭 $128泰式燒魚 惹味又出色 淨係睇個外觀都好吸引 炭火燒成 氣味寧舍吸引加上烏頭啖啖肉 黃油氣而滑 新鮮烏頭先有既特色泰辣汁

今日去九龍灣開會。平時一般都會開到12點啦。點知班上大人1030左右就放左人。咁肚仔餓。就係徳福四圍搵嘢食。咁見到有間泰國嘢仲有早餐賣(因為近11點)。就中左入去。 入到去。。待應都好禮貌咁送上餐牌。之後我見到有西式早餐。。就即刻叫黎試下。 送到面前。俾塊豬扒嚇親。好似面咁大塊😧佢仲配上多士同炒旦添。。味道正正常常啦。但塊豬扒真係幾大塊。同抵食。39蚊 食完都飽住走

一路行一路行搵地方食早餐，近德福有呢間泰式早餐諗住一心去試吓價錢好似又唔貴，又好似唔係甘多人坐得應該幾舒服，一心諗住試吓，點知叫咗個珍寶豬扒(呢度好似比較出名）同埋個泰式早餐（火腿蛋香腸）叫咗成半個鐘都未黎一嚟到塊豬扒其實根本冇煎過（烚熟咗然後加啲油上面）塊火腿一樣最慘連杯泰式凍檸水都係一啲味都冇塊多士根本冇烘過，啲質素真係好差最弊連啲員工都係好新，收錢部機都唔識搞搞左好耐先收到錢下次真係唔會再去！

最近去完泰國都仲心掛掛想食泰國菜，於是放工同男朋友周圍去無意中發現德褔有間泰國菜裝修得幾特別，所以就決定入去試下！泰國菜都係離不開個幾樣，我地依舊係簡左1)冬蔭公湯(小)好多泰國餐廳既冬蔭公湯都一係偏酸(蕃茄味重d)一係就偏椰奶味重d但呢間既冬蔭公湯就味道岩岩好，酸得黎又帶點椰奶味 唔會偏向左單方面配料方面好足料，蝦亦好新鮮大隻！最緊要係無蝦腸，值得加分2)泰式炒椰菜苗曾經聽過一個泰國人話椰菜苗多數都只會係泰國餐廳先有所以每次食泰國菜都一定會叫！泰式炒菜不嬲都好香！有時真係可以炒碟菜就送一碗飯haha3)泰式青咖喱+白飯今次試左佢個咖喱都幾好食，送飯好好食！而且雞肉都好滑身！4)酸辣鳳爪沙律呢樣簡直係開胃菜，基本上每餐都會點酸酸辣辣，食完真係會好開胃！5)經典肉碎生菜包去過泰國先發現原來泰國唔會用生菜包住肉碎咁食，淨係會炒肉碎所以翻到黎香港心掛掛好想食生菜包，哈哈！生菜配肉碎一向都係絕配既～～肉碎炒得夠乾身，又夠香！6)飲品方面就叫左凍泰式奶茶同芒果沙冰泰式奶茶又係泰國菜既特色，中意飲奶茶既可以一試！芒果沙冰就好甜，同其他既分別不大

上星期六打算一家大小去試，由於人多的關係，要求轉另一枱。被拒絕之如，還被那態度不知所謂的男侍應侮辱，公然指著門口對我們說「門口係果邊」，有這麼的人便有這種餐廳，未吃也已經這樣，相信可以好快便換一個新的店。

又有搵食兵團朋友一齊試新餐廳今次係試泰國野，環境唔錯Set lunch 會有個小食，三選一有木瓜沙律，海帶沙律，春卷，沙律有少少辣既，惹味我係掙扎叫冬蔭公海鮮河定紅咖哩雞肉撈米線最後決定試下個撈米線😆紅咖哩味都香，配埋米線又幾特別雞肉份量都算多，如果米線都多少少就好喇雞肉炒金邊粉，有少少酸酸甜甜旁邊會有埋辣粉，可以加香葉肉碎飯，味道有少少偏辣怕辣既朋友就要諗諗喇檸檬茶入面既係青檸🤣仲有一份甜品，平均消費$75-85

於德福廣場看電影後經已到晚飯時間，突然想吃泰國菜又不想到九龍城。這款芒果糯米飯 甜品確實太好吃真心第一推介，暖笠笠的糯米內還有椰絲及芝麻、而芒果亦非常新鮮整體口感非常好。椰子肉雪糕有杏仁、更有炸過的椰絲椰子肉雪糕打得滑。屬必點的甜品。去骨海南雞肉質鮮嫩亦不肥， 配上薑蓉、黑醬油和辣椒醬份外好吃。冬陰功湯酸辣度剛剛好，暖暖的很開胃。裡面還有隻開邊大蝦呢！炸蝦餅啖啖肉咬下去完全沒有油膩感而且很鮮。泰式炒芥蘭很爽口味道剛剛好。順帶一提，店內裝潢很有個性，與一般泰國餐廳很不同。

今晚慶祝同事生日，所以一早上網揾定餐廳，搜尋到德福商場附近有間泰式餐廳，原來大家都未食過喎，大家都無問題就即刻book枱我地一共六人大概六點半到達餐廳，安排坐係沙發位非常舒適！店內環境昏暗，周邊的裝潢例如牆畫，霓虹燈好有特色～餐牌款式不算太多，但樣樣都好吸引，價錢合理～沙爹串燒 （雞）呢碟串燒我地係好食到encore第一次食雞肉串燒D雞肉係錦厚身！厚身之餘，肉質又嫰滑又Juicy！而沙嗲醬則花生味突出～菠蘿蝦魷魚炒飯擺法跟平時的不一樣，有點意外～旁邊的菠蘿已預先切成一片片，一夾就食得！好甜呀而且樣樣都好足料，尤其蝦肉更加新鮮爽口，超滿足啊～干咖喱炒軟殼蟹軟殼蟹絕對係必叫，太喜歡這種軟中帶脆的口感，配不辣的干咖喱岩曬我口味！蒜蓉包本來是用來沾干咖哩軟殼蟹的咖哩，但⋯⋯咖哩醬實在太少了，哈哈！ 不緊要啦，蒜蓉包外脆內軟，蒜香味夠，就錦食已經好滿足！泰式鮮蝦炒金邊粉用蛋皮包住金邊粉，賣相美觀！蝦肉同樣新鮮彈牙，金邊粉幼滑彈牙 ，味道酸酸甜甜好醒胃！今餐全部人都讚好！

德福泰好味@泰廚房子【#supermama開心Share】今次和好朋友去食飯，佢選左屋企附近的一家泰國餐廳佢話呢間「泰廚房子」開左幾個月，同朋友食過，唔錯咁我一定聽地膽話既，食吧！蒜蓉通菜：好甜好脆，而且冇渣，蒜蓉好香，食得過~~~~~~~~~~~~乾咖哩炒軟殼蟹：點多個蒜茸包黎配就正蒜茸包夠香脆，加入甜味為主的乾咖哩醬，好好食軟殼蟹好多肉，又有蟹膏，配上泰式的香甜咖哩，食得好滋味~~~~~~~~炸蝦餅：好多蝦肉，好功夫，味道真唔錯，又有酸辣醬，0岩晒胃口~~~~~~菠蘿蝦魷魚炒飯：又真係幾得，鮮菠蘿切到成條船咁一推就是一件件3角形的甜菠蘿，鮮甜多汁炒飯粒粒分明，又加入了肉鬆、腰果，惹味啊~~~~~~~~~~~~泰式豬手：軟香林滑，泰式的同德國唔同，唔是賣脆口而是賣軟糯入味，呢款水準幾高，仲有半隻雞蛋，幾好味~~~~~~~~~~~~~~~龍眼冰就係好甜好好飲，天氣乾燥，飲杯都幾滋潤泰式奶茶就典型激甜，食泰國菜，一定飲杯泰國特飲呢杯就好香濃泰國味

男友話好耐無食過泰國菜，於是近近地就係九龍灣揀左呢間泰廚房子滿足佢嘅願望。去到嘅時候全場爆滿，雖然有唔少位，都要等咗一陣先入得去。泰式青咖喱可以自選配豬，雞，牛或羊架。咖喱落左好多香料同椰奶，香味重之餘口感亦都綿滑👍🏻黃薑飯（$20）咖喱係無配飯架，所以想咖喱送飯嘅就要另外再叫個飯啦。呢個黃薑飯味道唔錯，份量都夠兩個人分。酸辣鳳爪沙律（$72）酸酸地頗開胃，不過鳳爪有啲少，同埋都幾辣下。冬蔭功湯（小）（$85）一鍋連爐一齊送上黎，保證飲嘅時候都仲係熱辣辣。雖然係細煲，料都落足，夠兩個人分，味道偏辣。芒果糯米飯（$45）芒果酸，糯米飯甜，配搭一齊食口感同味道都幾和諧埋單一人$160左右，價錢合理。

過了一連四日的聖誕節假期, 出去食左好多好東西~~~做冬果日同爸媽去左九龍灣食泰菜, 店名叫"Khap & Ka 泰廚房子"地點好找, 因為係德福廣場平台~ 上次同朋友試過小城知味, 知道附近呢幾間店都係同一個老闆所以專程再入來試試~泰廚房子雖然是吃泰菜, 但比我感覺都很fushion,而且到來都是老友記居多, 應該是附近的居民都很愛這裡用餐~ 我和爸媽點左幾樣菜, 先來是燒雞 - 以hkd 98 來說, 個人覺得幾抵食! 足半隻燒雞, 雞皮燒得香脆惹味, 雞肉都幾嫩滑, 我們再加錢點了白飯來佐, 更加抵肚又美味! 我既泰式海南雞飯配冬瓜湯 - 價位hkd 85, 包半份嫩雞, 再有一大盤雞油飯, 另配冬瓜湯和三色醬, 以晚飯來說個人覺得真係不錯之選! 冬瓜湯飲落味精感唔重, 都幾鮮甜清新, 飲完後冇要飲好多水, 唔錯~ 一大盤雞油飯足夠二人食! 飯粒炒得好香又夠爽, 唔會濕笠笠, 再加上飯上面有少少肉鬆, 增添唔少口感! 泰式海南雞飯-個人覺得好好好嫩滑!!! 尤其係雞皮, 滑到呢~ 真係好想成舊連皮夾肉吞下, 但因為始終唔想咁肥及顧慮健康, 所以就卸左件皮吧~

由於好友要在聖誕節離港，不能與我們好好狂歡，所以，這次放工後，我就先約她吃晚飯，再將手信清單給她。由於她住在德福廣場，不想她走得太遠，所以餐廳就由她決定，而最後，她決定到樓下平台廣場的『泰廚房子』吃泰國菜。餐廳的佔地挺大，能一次容納大量食客，所以，不用等位就可以直接入座。 而餐牌上的菜物選擇多元化，除了有小菜外，還有咖喱、燒烤、炒粉、飯、湯麵及甜品等。 鹽燒烏頭 烏頭大大條的，以厚厚的海鹽包著燒香，而由於在魚皮的保護下，所以魚肉能保留肉汁，而魚肉亦份外嫰滑鮮甜，最重要是味道一點都不鹹，煮得非常有水準。 泰式豬手飯配冬瓜湯 個人來說非常喜歡吃這裏的泰式豬手飯，因為內裏加入了酸菜，可以中和豬手的肥膩感覺，而內裏放加了半隻雞蛋，令整個餸式變得更豐富，豬手香噴噴啖啖肉，口感軟滑，非常入味，佐飯一流。 椰汁西米糕 西米糕帶有濃郁的椰汁香味，口感豐厚軟糯，配上微彈牙的西米粒，非常美味。

今天打算去試試新餐廳 ， 所以就來了這家吃泰國菜的 ， 一開始叫野食落柯打要落兩次， 因為服務員忘記咗， 上菜速度算快， 唯一大問題就是服務員的質素和態度，隔離兩枱叫埋單都要叫幾次， 食物質素十分普通，居然仲要求有加一服務費，毫無服務可言，餐牌上寫贈送甜品，服務員不會主動送上，不說還以為自己在吃泰國餐快餐店，什麼也要自己來，唯一值得讚賞的，就是收錢的速度，助理經理對投訴態度不以為然，對此餐廳只能概括一句，『狗也不吃!』