泰屋

营业中

休息中

約咗大學同學食晚飯好耐冇見佢啦🐻🐻🍯🍯🍯但係因為大家住得有啲遠 所以都係返中間點旺角食嘢知佢鍾意食泰國嘢就帶佢黎泰屋啦比較近地鐵站行幾分鐘就到啦方便啲唔使行餐死由於我哋兩個人都比較細食所以嗌咗一個飯同埋一個生菜包叫左個原盎椰皇海鮮焗飯 $88呢個椰皇海鮮焗飯就唔係太啱我胃口 雖然有好多人都介紹呢個 不過可能我唔係太鍾意椰汁嘅甜溝埋飯嘅鹹味 所以就麻麻啦 不過佢嘅焗飯入邊都有幾多海鮮每人可以食到蝦啦青口啦魷魚啦等等生菜包$85 生菜包就比較辣 非常之啱我口味 食得好過癮 辣得好爽 我差唔多一個人食晒佢咁嘢飲方面就超級推薦椰青泰國椰青 $42 超級清甜 同銅鑼灣間funh 有得揮 正正正另外朋友就叫咗珍多冰$32佢話普普通通咁啦兩個人食咗$237唔算太貴不過我哋八點幾至好爆 佢就另外加多張枱喺走廊個門口附近俾我哋 變咗有好多人出出入入係咁開門好大風扣左少少分 下次去嘅話一定要打電話

今晚同朋友去食泰國菜, 一行5人柯打了以下菜式 :1. 蒜蓉炒泰國椰菜苗 ($85)2. 泰國金柚鮮蝦沙律 ($98)3. 泰式沙嗲 ($85) - 雞肉, 豬肉各三串4. 泰式珍寶拼盤 (蝦餅, 魚餅, 素春卷, 雞中翼) 大 ($218) 小 ($138)5. 冬蔭公鮮蝦炒飯 ($85)6. 原個菠蘿海鮮炒飯 ($98)7. 泰屋甜品拼盤 ($138) - 有芒果糯米飯, 迷你椰青肉綠豆糯米糍, 椰汁西米糕 × 4, 千層糕 × 2, 芋頭糕 × 2, 蛋菜糕 × 2食物水準正常, 服務好, 侍應會時不時主動幫我哋加水.P.S. 訂位時講明用膳時間為90mins, 不過之後冇人喺出面等位, 我哋可以繼續坐~

呢個芒果沙冰見openrice好多人話好味，所以我都點左飲得出用鮮芒果整，好香濃芒果味正炭燒豬頸肉好大份兩個人勉強先食得完，4個人分都得。燒得好香，入味。記得點個醬汁，酸酸甜甜解左油膩感，令人愈食愈開胃蒜蓉炒椰菜苗呢個苗比較大棵左小小，細棵番會好d,但味道ok,夠獲氣，其他野比較濃味令佢成為一股清泉。黃咖哩牛筋腩份量足夠3人食，牛腩好淋好多，入面仲好多蔬菜配埋帶椰香嘅黃咖哩，一啖接一啖停唔到口一撈起有滿滿的牛腩～叫左蒜蓉包配埋咖哩一齊食好香牛油蒜香味，外脆內軟

繼上次泰國菜晚餐後，泰國菜引一發不可收拾，趁今次與朋友到旺角逛逛走走便尋找附近泰國餐廳，最後選擇了泰屋並預約了座位與朋友一同品嚐餐廳位於彌敦道726號2樓，與銅鑼灣百樂中心同樣是整橦大廈佈滿食肆，有西餐、韓國菜、火鍋及冰室等，而泰國菜就應該到2樓泰屋吧。當日大約6:30pm到達已見餐廳一半座位坐滿，那時我們多慶幸早已預約了座位，所以建議有興趣光顧記得要預約餐廳以綠與啡色為主，頗大膽地全場採用綠色椅子帶出主題色，裝潢更帶點小清新，有草與花的襯托、竹籠吊燈及木製風屏檯上已放有餐具，其後服務員遞上餐牌供慢慢選擇，估不到餐牌會用上與綠色有強烈對比的紫色，2種色調配搭起又頗有泰國風味經過大家一番爭辯後，我當然不會放過選擇青咖喱的權利！食材與咖喱份量頗多，足夠3-4人分享，內裡蔬菜爽口脆身，有四季豆、椰菜花及紅椒等，卻欠缺了泰國圓茄子，而雞件大件頗嫩滑。青咖喱質感如忌廉，呈淺綠色，放入口中先嚐到淡椰香隨後帶出辛辣，有愈吃愈辣的趨勢點了青咖喱當然要撈飯食。酸酸辣辣是泰國菜之特色，將冬陰公融於炒飯等於將其精髓集於飯中，怪不知是餐廳推介之一。炒飯有蔥、蛋、草菇、芫茜及飯上2隻爽口鮮蝦，冬陰公味道不算濃郁

喜歡吃不同類別形式的菜,今次就選了這間泰國野食下,度過飽滿的晚飯~店光線溫和,音樂舒服,也有泰國風味佛像裝潢~.去一定要訂位,7點鐘已全場爆滿,出面排隊等票,好在我同朋友中午訂了位同朋友今晚的策略就係攻飽肚野.*泰式炸蝦餅手打的蝦餅爽口彈牙,酸酸辣辣的醬特別惹味,熱燙燙的吃起來相當過癮*清邁鐵板蠔仔蛋以熱辣的鐵板去做,有火喉,蠔仔飽滿鮮味,蛋味濃郁,沒有失手呢*蝦醬炒飯很喜歡蝦醬，超惹味,鹹鹹香香又好食又飽肚*泰式牛腩湯粉湯頭鮮美，有濃濃的泰式香料味，牛筋跟牛腩肉質軟腍,量都算足夠*鮮芒糯米飯黑糯米煙韌，微暖的白糯米飯，芒果鮮甜不酸,飽肚開胃*椰汁西米露不僅有椰味還有奶味，香甜可口濃郁.埋單4XX左右,飽哂~

好耐無食泰國菜，行過旺角見到個「美食廣場」都靚靚仔仔，就上咗去「泰屋」食。位於彌敦道，位置方便。Wow 下午茶無限添飲？下次黎試下先～一開門口，大大個佛像。之後有個穿西裝的男服務員，佢服務態度超好，殷勤地說「你好啊，歡迎光臨呀」。樓底都好高，而且窗口大，感覺好舒服。一入座，另一個男服務員說拿杯水，仲好好態度：「你好，杯水比你嘅，飲住水先啦。」嘩，今時今日的服務態度，邊到搵？！我當然飲椰青水啦！清甜新鮮，我仲食晒啲椰肉添！Wow 個「原盅椰青海鮮焗飯」賣相好得，真喺成個椰青上，一晚KO 2個椰青，好滾動呀呀呀！Show下有咩海鮮先... 有2個大青口、2個蝦同一些魷魚。飯方面，是full up 成個椰青，好多飯夠2個人食。飯有提子乾、椰子肉粒同青豆紅蘿蔔。加埋啲椰汁漿，fantastic! 食得出得泰國口味。最impressive 嘅，都是啲服務態度，全晚啲服務員都好好，親切。

2019年1月23日。晴。旺角。除咗日本嘢，泰國嘢都係另一至愛～呢日就卜咗枱食呢間泰國餐廳成個場唔算大，建議卜枱，因為餐廳都好受歡迎我哋共點半左右上到去，前面有個無卜枱嘅客，已經要等到八點半先有枱餐牌有晒啲散叫嘅菜式，另外都有套餐，但就四人餐起計醃肉碎生菜包，$85少少辣，多多趣～豬肉好惹味，仲有肉汁，唔會好乾身包成生菜包就更清新份量非常多，生菜食晒仲有好多肉碎，最後撈埋落個飯度加餸，又夾喎！一流！炭燒豬頸肉，$80豬頸肉份量亦絶不欺場肉質爽脆，再加埋個鹹酸醬汁，泰式風味湧晒出嚟～冬陰公鮮蝦炒飯，$85一直都非常鍾意冬陰公湯，有時仲會喺屋企自己煮添～見到餐牌上有呢個冬陰公炒飯嘅組合，覺得好神奇所以喺好奇心驅使之下就嗌咗，想知會係咩味結果原來係好夾喎！冬陰公味還原度高，有香料味、有酸味、配料都齊埋，正！泰國金柚鮮蝦沙律，$98柚子唔似平時啲沙律咁係一粒一粒嘅，呢個沙律嘅柚子係成梳成梳嘅！用料十足～沙律醬亦較濃郁惹味～泰式奶茶，$25色澤金黃，茶味濃厚～清甜好味～～

一班朋友放工，喺中間點-旺角搵個地方食飯。有人想食芒果糯米飯，所以就揀左食泰國野。「泰屋」都係我地第一次試架咋。一行六人，叫咗個四人餐，再加少少其他食物，非常足夠。蜜糖雞中翼：由於太肚餓又未齊人，先叫了雞翼醫肚。新鮮整好，個皮好脆，但裏面唔夠入味。馬拉盞通菜：鍾意佢唔會太咸，通菜都新鮮，幾脆。柚子沙律：柚子甜又多汁，加埋啲腰果、花生脆卜卜，口感豐富。海鮮炒河：海鮮就當然係雪藏架喇，所以無咩味。個河粉都炒得幾好，唔會太乾，又唔會太濕痴住。泰式拼盤：蝦餅魚餅熱辣辣，好有泰式香料嘅香味。咬落好煙韌。串燒（雞牛豬）：燒得過咗火，肉質乾乾地。肉味唔太出，主要食佢個沙嗲醬同泰式辣醬。最後我哋有叫咗個芒果糯米飯做甜品，糯米飯暖暖地，椰漿好香，芒果好甜。P.S. 有個男侍應生好落力工作，亦會跟客人聊天，幾熱情好客。欣賞欣賞！

好耐無食泰國菜啦！今日黎到旺角搵左間泰國菜好似唔錯禁！就黎到 泰屋 食泰國菜唔知好唔好味呢？黎到就有陣泰國味道！印象好重要架嘛！唔錯時間仲早，約6點3左右，未算好多人想食既野好多，但個胃有限，好啦！就要少少野試下先！生菜包賣相簡單，同一般泰國菜既食肆看落並無差異，但食落知道材料好足。香茅、九層塔既味道都食到，好有泰國風味。生菜好清新，配上豬肉碎食口感豐富，份量都唔少呀！冬陰公鮮蝦炒飯賣相吸引，三、四隻大蝦🍤好吸引到眼球，炒飯既顏色均勻，有紅有綠，睇得出師傅擺盤都有花心思落去。冬陰功味唔算太濃，但足夠你食到每種冬陰功材料既味道。泰式青檸鮮魚爐係最後上既菜。望落就知道好足料，鋪滿哂條魚。另外有一大碗魚湯，比客人自己係滾到無乜湯既時候加湯，好貼心呀！兩種魚之中我地揀左鱸魚，因為感覺上烏頭既肉質較粗燥，個人都係鍾意嫩滑d既魚肉。魚肉都算入味，點左魚汁食一定夠哂味，似冬陰功味，同時都食到有青檸既酸味，好開胃，會令人一口接一口喔！椰青清甜可口既椰青令我既泰國菜畫試句號。整體黎講，泰屋 既食物水準令我滿意，環境坐得都舒服，同一大班朋友黎食可以試更多既食物！可能因為禁，夜晚都好旺場呀！

每道菜廚師都有擺下盤先上臺，好既賣相可以吸引到食客既食慾，係幾有心思既，呢點抵讚。生菜包既肉碎略嫌炒得過火，有d老，食落鞋口，不過整體上都ok，因為泰式既香料夠重手，有泰國風味。冬陰功炒飯味道唔算有特色，但都食到泰式既香料味既。

我的午餐系列～第19篇第一次來這裡搵食，整座大廈都是不同類型食店，看來這個系列有排寫說回這家餐廳，用了綠色做餐廳主色，感覺較為新派，當然都有一些傳統的泰國元素在裝修中呈現。座位坐得尚算舒服，整個感覺係舒適。食物方面，午餐選擇都好多款，價錢合理，還可以加$18選擇一款小食：包括有Q版青木瓜沙律或Q版酸辣鳳爪沙律。今次我選擇了Q版泰式青木瓜沙律和香辣雜錦肉片炒粉絲。木瓜沙律口味味道很適合我，份量也可以2人分享，不過有點兒辣，不太吃到辣的朋友要注意。泰式炒粉絲新鮮熱辣，是燙口的那種，這個實屬難得。另外，附送的湯表面看是白色，以為平平無奇，其實係酸辣湯可惜今天師傅重手了少少，炒粉絲鹹了一點點，但整體口味仍然是濃味和好味的，我會再來試試#題外話～餐廳的其中一位男性服務員特別有禮貌、很難得。另外，用餐途中有小朋友在亂叫，很嘈吵，影響了我進食的心情

迷你小食雙拼 ($82)炭燒豬頸肉 ($80)青木瓜沙律 ($78)泰國椰菜苗炒馬拉盞 ($82)青咖喱雞 ($82)印度油酥餅 ($36)冬陰公鮮蝦湯 ($108)🍤🍤🍤呢間樓上泰國餐廳環境唔錯👍🏻坐得好舒服 服務態度亦都好好👩🏻‍🍳食物味道十分地道😋水準以上值得一試👍🏻👍🏻

呢間泰國餐廳係樓上鋪，地理位置十分優越，係旺角站附近。泰式酸辣湯呢碗湯都幾足料，望落有蕃茄仔，草菇，洋蔥，蔥，蒜頭，飲落酸酸地又有香濃香茅味，去過咁多間泰式餐廳，呢間嘅泰式湯暫時黎講算係最好飲，一試難忘。辣椒膏雞粒炒飯原本以為飯名有辣椒兩個字會辣啲，點知只係好微辣，炒飯質感有啲軟，味道一般。泰式香葉肉碎煎蛋飯肉碎辣辣地，炒得夠香夠惹味，上碟時候仲好熱，肉碎又冇乜肥肉唔會好油膩，十分推介呢碟飯。兩碟飯加兩杯凍飲都係$107，都幾抵食，我見隔離台嘅金邊粉好似唔錯，下次可以再來一試其他飯麵。

凍檸茶: 此凍檸茶的茶底很香, 很特別, 濃淡程度也剛剛好, 讚!!! 蒜蓉法包: 烤得很鬆軟, 烤得熱烘烘的, 蒜蓉醬略少了一點... 青木瓜沙律: 青木瓜爽爽的, 脆脆的, 讚!!! 味道也很地道, 酸酸的辣辣的, 讚!!! 炭燒豬頸肉: 啖啖肉, 醬汁也很惹味, 讚!!! 但略嫌炭燒得不夠時間... 泰式乾炒牛肉河: 炒得很乾身, 滿滿的鑊氣, 讚!!! 份量也不少呢!!! 芒果黑白糯米飯: 糯米飯暖烘烘的, 軟糯糯的, 讚!!! 芒果很新鮮, 啖啖肉, 甜蜜蜜, 讚!!! 配搭椰汁一起吃, 一級棒的美味!!! 價錢也很合理, 不錯呢!!!

沒有帶一點期望去試食這間泰菜結果比想像中好我地兩個女仔去每碟野既份量都比我地想像中多因為平時出去食泰菜都係細細碟菜: 本身想叫最普通既馬拉盞炒通菜但後尾見到有馬拉盞秋葵因為秋葵通常都唔會用咁濃味既醬去炒所以就試下LI 個第一下食覺得好好味炒得幾好野味但係食到下面果D 就好咸所以最後就食剩左D 睇下店家有無方法可以令最底既無咁咸飯:平時去食泰菜都一定係食菠蘿炒飯但今次難得同個食得辣既朋友去就試下未見過其他泰菜有既冬蔭公炒飯飯好食(簡潔XD)但蝦無味, 我地食剩左一隻, 雖然明白急凍蝦有機會係咁, 咁會唔會轉用帶子好D ?青咖喱 : 好食, 香, 撈飯一流不過白飯撈就更好因為咁會哂左個冬蔭公炒飯甜品: 我地點左兩舊, 但原來佢會分四舊上, 個人覺得LI 個做法都唔錯, 可以同朋友SHARE味道 正常千層糕味~我地純粹想食~ 但我相信佢真係有落斑蘭葉搞出汁黎做~ 唔係只係用色素芒果西米露: 朋友覺得太甜, 但我覺得正常, 可能因為我地岩岩食既野太濃味, 所以影響左我味覺整體黎講都十分唔錯