泰屋

营业中

休息中

Encore左好多次 好抵食嘅泰國菜😋💜🌟 冬陰功鮮蝦湯 🌟食飯前飲個冬陰功 酸酸甜甜 超開胃本身少少肚餓 都變到極餓🤣入面嘅蝦好鮮甜 好足料完全唔係為左加鮮蝦呢個title🌟 香芒蟹肉炒飯 🌟本身就咁蟹肉炒飯應該已經好好食蟹肉帶到成個飯好有海鮮味另外加埋芒果 成件事好fresh估唔到芒果同蟹肉可以咁夾好有特色 唔會好似平時泰國餐廳得菠蘿炒飯🤣🌟 泰式炸魚餅 🌟好香脆！唔知點解炸左嘅魚肉(?)好香好惹味有好少少少少嘅辣突然好有東南亞風味🧐🌟 珍多冰/椰汁紅豆冰 🌟同平時泰國餐廳飲到嘅味道差唔多食泰菜配椰汁是常識吧🤪🤑 冬陰功鮮蝦湯 $88 🤑 香芒蟹肉炒飯 $88🤑 泰式炸魚餅 $72🤑 珍多冰 $33 🤑 椰汁紅豆冰 $33

今日同朋友黎左旺角行街，經過e棟大廈發現有好多唔同款式嘅野食😍泰國菜最吸引我地😋一門𨋢門就覺得好有泰式風情。店員好貼心咁安排我地坐窗邊，座位好闊落👍🏻睇下餐牌，有唔少地道嘅食品🤩我地點左以下幾款：泰式蝦餅，食落好香好脆幾彈牙🥰有蝦嘅鮮味。炒飛天通菜，味道辣辣地，有椒絲嘅香味，都好有鑊氣🤤👍🏻馬拉盞海鮮炒河，好多海鮮😍有鮮魷，大蝦同埋青口，加埋少少野菜炒嘅河粉，唔會太油膩。河粉都幾滑😊飲品，我地叫左泰式咸青檸七喜同椰青，咸青檸七喜，飲落好清涼。椰青，好清甜。甜品，芒果糯米飯，芒果好甜😍糯米飯沾上椰醬好夾😋

已經好耐冇食泰國菜了， 我和仔仔都好掛住個芒果糯米飯， 所以早幾日放工就同佢出左旺角食。今次來到泰屋， 仔仔已經自己叫野食， 一口氣叫左以下4樣：⚛泰式沙嗲串燒 （豬，牛各3串） ～ 仔仔真係好細心，記得我每次去食泰國菜都會叫串燒，佢地的沙嗲醬夠香濃有花生碎， 豬和牛都幾腍。⚛泰式香芒軟殼蟹 ～ 軟殼蟹炸得唔錯，配上芒果甜甜酸酸超開胃。⚛泰式蛋包金邊粉伴蝦 ～ 阿仔自己最愛，去邊都要食金邊粉， 幾欣賞佢蛋邊幾靚，入面隻大蝦 👍夠爽。⚛鮮芒果糯米飯 ～ 必點， 鮮芒果夠甜， 黑白糯米飯蒸得軟綿綿， 再加上椰醬一流呀！仔仔走時，已經同我講下次再來食 🤭🤭🤭

疫情下好耐冇得去泰國🇹🇭，唯有食完泰菜當去咗😖。.🥬醃肉碎生菜包 $85肉碎有濃郁嘅檸檬葉味道，味道微辣開胃。肉碎份量多，食晒生菜仲有淨。好彩肉碎香濃但唔過鹹，淨食都好味。.🦐蝦餅 $72蝦餅有粒粒蝦肉，食落爽口彈牙。最緊要係新鮮炸起，熱到燙口。.🥘黃咖喱牛肉 $82黃咖喱味道溫和，口感香滑。咖喱有少量蔬菜同唔少肥牛。.🥠印度薄餅 $36黃咖喱餸飯當然正，但配薄餅就更加正。不過薄餅嘅份量唔多，唔想浪費一大碗咖喱嘅話，起碼要嗌兩份薄餅。.🍡四式甜品碟 $40四式甜品：椰汁西米糕 千層糕 芋頭糕 蛋菜糕四款都太好味！好難只推薦到一款，畢竟四款各有特式，連口感都好唔同。勝在甜味適中，食到原先食材嘅清甜。.🥥泰國椰青 $42厚肉多汁，消暑一流。.🇹🇭泰屋旺角彌敦道726號2樓

限聚令之下，想同幾個朋友出街食飯已經變成係不可能既事。取而代之，我地就決定買外賣返屋企食，既可以一齊食飯，而且計落仲抵啲添！我地去旺角既泰屋買左幾個外賣，再返屋企煮飯，計返每人一百蚊都唔駛。泰式豬手我地自備餐盒，餐廳都好樂意配合，非常好。叫左泰式豬手，裝滿一整盒，而且仲有埋滷水蛋。豬手皮極厚，超正，每一啖都感覺食緊骨膠原咁，而且肥而不膩、口感一流。青咖喱雞咖喱可以選配豬、牛、雞、鴨，而我地就揀返傳統既雞肉。青咖哩既香味都幾濃郁，椰香令口感更順，而且青咖喱比黃、紅咖喱無咁辣，比較易入口。鹽燒鱸魚由於帶唔夠盒，所以都用左兩個外賣盒。燒魚即叫即燒，所以我哋都等咗成40分鐘先有得拎，但係都值得嘅。燒魚充滿香料嘅味道，感覺好似去咗泰國咁，而且燒得啱啱好，食落啲魚肉仲係好滑。芒果糯米飯芒果用咗傳統嘅泰式糯米飯會用嘅芒果，口感比較爽啲，但都好甜。糯米飯就用咗黑白糯米兩款，一次過可以試晒兩種口味。

作為一個打工仔,同自己男朋友想食泰國嘢又唔想去九龍城咁遠,嗰日乖乖地同佢拍拖去旺角搵泰國一樓嘅餐廳。餐廳裝修比較端正,冷氣充足衛生唔錯,我哋最愛嘅就係青咖喱雞。這款青curry好特別,易入口,最緊要唔辣啱曬我哋。入口甘香淡淡椰汁,遠非一般平價茶餐廳可以做得到。真係唔使坐飛機去泰國就可以食到正宗嘅泰國菜。祇有這一家可做到。第二道菜係泰式金邊粉,第一有鑊氣,第二唔算油膩 啱曬我哋女仔視減肥為終身事業。無論服務位置採光,餐廳都係一流嘅享受。😊

之前嚟過726呢度食嘢，知道呢座大廈有好多餐廳，今日咁啱同個同事過開嚟旺角做嘢，就諗住嚟呢度食個lunch，一到樓下有個阿姐，好落力咁派緊傳單，見到佢咁落力為你好，都希望佢得到分數，所以就誤打誤撞嚟到2樓嘅泰屋。呢度嘅lunch set確係平，四人套餐埋單每人都唔使$100。一人餐仲更加抵，仲要免收加一服務費。落單後，店員會先奉上每人一碗冬陰功湯，佢嘅冬陰功湯完全唔辣，酸酸地好開胃。我哋叫咗一個金邊粉，金邊粉有蝦、青口、魷魚各一件，雖然配菜唔太多，但份量都足夠，味道亦唔錯，所以絕對對得住個價錢。咖喱最好就係配法包，我哋揀咗最唔辣嘅黃咖喱，真係完全唔辣，只有香甜嘅味道，蒜蓉法包有三件，烘得非常脆口，真係非常好嘅配搭！咖喱我哋選配咗牛肉，除咗牛肉之外，仲有大量蔬菜，所以都算係一個健康之選！另外叫咗一份泰式豬頸肉，佢嘅肉汁都係帶點酸味，都幾特別。我同同事分別叫咗青檸梳打同埋珍多冰，雖然要加少少錢，但係都抵飲嘅！以今時今日嘅物價嚟講，呢度嘅食物CP值係極高，有機會路過要食個quick lunch嘅話，呢度真係一個非常好嘅選擇！

今日去左試呢間泰國菜可能因為星期日lunchtime所以比較多人門面得2個staff 所以做嘢比較慢啲不過態度先係問題🙀啲員工好冇禮貌野食等左30分鐘以上先到上菜個時都冇講聲唔好意思仲要pak落去咁🙈之後差唔多食完嘅時候先上個餐湯🥴有啲奇怪今日係冬陰功湯 但係好搞笑地 有一舊秀珍菇😯H 海南雞白飯 $68好似好多雞 其實唔係😂因為雞下面有3舊西蘭花所以視覺上 好似好多雞啲雞就不過不失 普普通通咁啦有小小鞋🙈

**泰屋是連鎖的泰國餐廳，在香港九龍都有各有分店，太久沒吃過泰菜，想找些便宜又坐得舒服的泰菜，就選了最方便的旺角分店。泰式生蝦刺身($108)肥厚的，還算新鮮。泰式蠔仔蛋($88)料超級多，蠔仔多得吃不完，好飽。最喜歡是他們的泰式濕炒河($78)，價廉物美，醬汁調得不錯。總體味道不錯，環境也大和舒適，如果想試平價的泰菜也可一試，推介大家點他們的泰式濕炒河，旁邊看到人家的菠蘿炒飯賣相也不錯，大家也可以試試。

想食泰國野又唔想出九龍城，睇食評就去左就腳d旺角呢間分店。食個串燒先，串燒沙爹牛、雞，每樣3支，即燒香噴噴，沾上沙嗲醬贏哂！🥬泰式野當中我特別喜愛椰菜苗，因為泰式煮法能夠輕易去走青味，而且吸汁能力超高。呢個泰式炒椰菜苗一如所料，無失望，好好伴飯～🐥食泰式香茅燒雞，無論叫半隻定一隻，都要有耐性，因為係即燒架！半隻份量足，而且雞皮至雞肉都充滿香茅味，連皮食好香，沾一沾泰式辣醬，入口甜、香、辣，幾好味呀～由芒果糯米飯結束呢餐晚飯就最岩feel～係黑白糯米飯黎架，顏色好靚。香甜嘅椰漿、煙韌糯米飯、鮮甜芒果，好滿足呀！我6點到個陣人唔算多，但係未夠7點就坐滿左。即係要幫襯最好早食或者訂位，唔係就要排隊lu～門口有個像好得意架

吃貨日常❤️係旺角，除左係大型商場食野其實都有好多商廈有好野食呢間可以平平地食個set lunch多款式選擇仲要免加一嘅泰國餐廳🇹🇭我同朋友獨肚餓order左2個lunch set+1個tea set🤪🤪💖午餐：乾炒泰國金邊粉$50+龍眼冰$10好大碟，有唔同類嘅海鮮酸甜度適中，幾開胃👍💖午餐：泰式香葉肉碎煎蛋飯$55 +龍眼冰$10肉碎微辣岩岩好🌶 上菜速度快🤩💖 下午茶餐：春卷拼蝦餅 $45+熱華田（無限添飲）春卷同蝦餅各有4件春卷好足料👍👍蝦餅夠大件，即炸好新鮮😋

好耐冇見過好姊妹，今日難得大家得閒就相約一齊食飯。原本好姊妹呢個時間應該去左泰國，既然去唔到就同佢食泰菜補數啦！ 店內環境乾淨衛生，疫情期間以隔板分隔每一台，做足預防措施，令食客食得安心。 🦐🌶冬陰功鮮蝦湯🍲（$88/細） 冬陰公湯有小和大的份量選擇，我們2個人，選了一個細的，一人可分到2碗。 冬陰公湯味道不會太辣，而且非常濃郁，香茅和椰汁的味道尤為得出，入面仲有兩隻大蝦，又可以一人一隻。🦑椒鹽鮮魷（$82） 椒鹽鮮魷賣相非常吸睛，鋪滿了炸蒜粒和青紅椒粒，吸引又惹味。 鮮魷輕輕炸過，細心地切上條紋，香口又好吃！🍝泰式豬肉炒粉絲（$75） 炒粉絲用上豬肉、椰菜、椰菜花、白菜、雜菇、紅蘿蔔、雞蛋絲等配料炒成，極為豐富，配上泰式風味，不錯！和朋友一人點了一杯飲品，都是點上清新系列，冰涼又解渴❄️ 🍸青檸梳打（$33）🍹龍鳳果梳打（$36）以荔枝和菠蘿粒製成的龍鳳果梳打味道香甜，清新解渴。🥭🥥芒果糯米飯（$48） 芒果糯米飯以白糯米和紫糯米一起製成，賣相非常吸引，放上芒果及淋上暖暖的椰汁，為晚餐畫上完美句號。甜品選擇除了芒果糯米飯外，還有一些泰國糕點選擇呢！

好耐冇見過個fd，約咗星期五夜晚見面食飯，揀咗個好方便嘅地點 — 旺角，佢又話想食泰國菜喎，最後就揀咗呢間餐廳啦😬 係星期五中午餐廳開市個時打去book定夜晚，好彩有book炸，因為夜晚7點到都好似full full地🤣 一坐低就即刻叫野食，好肚餓🤓頭盤叫咗生蝦，我覺得都正正常常冇乜特別，都可以叫黎食😄我地仲叫咗好多肉😍 馬拉盞炒芥蘭：正常，可以叫雞翼：都幾大隻，啖啖肉，記得點醬食好食啲炭燒豬頸肉：好好味！唔會好似其他餐廳咁有啲硬，佢係比較爽口，唔肥唔膩😋👍🏻串燒(揀晒牛): 比較老，覺得唔好食😐整體黎講都ok, 不過不失啦😬

食完好飽既小食之後，同男朋友九點先正式食晚飯，我地揀左食泰國菜。我地叫左四樣野：泰式生蝦刺身、醃肉碎生菜包、泰式粉絲雜菜煲同冬蔭公鮮蝦湯，全部都唔係主食，哈哈。泰式生蝦刺身有六隻，用杯裝住啲生蝦，好得意。生蝦鮮甜，爽口彈牙。醃肉碎生菜包得到盛讚，豬肉好香，充滿豬油香，洋蔥同豬肉溶為一體。生菜好難得俾好多片你包住食，值得一讚。泰式粉絲雜菜煲有唔同蔬菜補充纖維，又有粉絲做主食，唔錯。冬蔭公鮮蝦湯(細) 幾好飲，酸酸辣辣。湯入面唔會有勁多香料要你一路飲一路𦧲返出黎，正。

好食泰國菜今日好掛住泰國菜，但因為已經無車既關係，去九龍城又比較辛苦既原因，今日同男朋友經朋友介紹黎到旺角呢棟大廈２樓食下泰國野。一出電梯就已經見到有泰國菜既香味，見到個埸都爆爆地，但係好好釆咁岩有位，由於太餓啦我地，所以其實見到個餐牌咩都想食。冬陰功食泰國菜一定要飲啦吾洗問，我覺得好幾好飲，蝦都鮮，又吾係太辣，又吾搶味。好香既泰式香料味道不錯，加上個冬陰功湯酸酸辣辣咁好開胃。青木瓜沙律作為前菜，豆角啊花生碎等等唔同嘅配料一齊加啲酸酸辣辣醬汁撈埋都好味，岩晒以家夏天想食Ｄ清新同凍野！豬肉生菜包我最期待既畫面出現啦！呢度既豬肉碎係偏瘦, 唔會好多肥膏, 所以食落都唔覺得油膩,因為有青檸嘅清新同酸味, 值得推介! 最重要夠熱。加埋生菜包住一齊食就真係一流啦！泰屋鴛鴦農夫包男朋友識簡呀，簡個佢自己一個人就可以食晒既野。麵包好鬆軟,吾同出面硬到爆炸～大大個好抵食。中間的材料則有蟹肉粒鳳尾蝦。將麵包沾上蛋香味濃郁的咖哩醬。連同蟹肉蝦肉一齊食,真係好味。