泰屋

营业中

休息中

泰菜幾時都係咁吸引～我同朋友都好鍾意食泰國野 今次呢間樓上舖又真係唔錯，裝修都有心思！去既時間可能太早，走嗰陣就已經好多人啦！食咗一碟泰國椰菜苗炒馬拉盞，超級惹味而且唔會好辣，個味道真係會上癮！椰汁冰，香濃無得頂！非常香的椰子味道，我自己就好鍾意啦！<原個椰盅海鮮焗飯>椰奶香濃而且味道非常好同返好夾同埋有好多海鮮、蝦、魷魚、青口，焗飯呢樣必食👍🏻份量好多，真係差D食唔晒⋯⋯有心冇力朋友要咗一份泰式炒粉絲，份量真係好大同埋好香熱辣辣送上嚟！最鍾意乾身而且唔會泰勒嘅感覺～冬陰公鮮蝦湯(細)椰味足而且偏酸，唔會太啦！所以都好適合我～勁多料，裏面仲有大蝦，真係一啲都唔馬虎，好開胃🤤好味道！

我哋冇訂座，入座嘅時候店員講明係指定時間要交返個位因為朋友唔食辣，所以次次去親食泰國嘢 ，幾乎都係叫呢幾味第一碟係pad thai 外觀上同好多泰式舖頭一樣，炒好嘅金邊粉出面，包住一層薄薄又金黃色嘅蛋皮加上芫茜，插住香茅，旁邊有啲生嘅芽菜，花生碎同埋辣椒粉揭開蛋皮入面有三隻大大隻嘅蝦仁，金邊粉炒到好均勻，用料都好豐富食得出有好多碎嘅雞蛋絲，芽菜，蔥段，豆干，櫻花蝦，最後仲有啲菜甫添，口感好豐富 椒鹽鮮魷分量都幾多，每一條鮮魷都鎅咗靚靚嘅花，令到味道更加入味炸到香脆，配埋啲炸蒜一齊食，再熱氣都唔緊要 半打嘅串燒揀咗半雞半牛(各3串)，有好香嘅香茅味，上面淋咗啲咖哩汁，旁邊仲有好重花生味嘅沙爹汁點，好濃郁不過啲肉燒到有啲overcooked，所以食落會韌 第二個主菜揀咗豬頸肉炒飯，同樣地好足料，而且份量好大，夠三個人share食！入面嘅豬頸肉軟嫩，切粒更加方便食，加埋啲菜粒，食落又爽口又彈牙最特別嘅係個飯仲有少少美極豉油嘅香味 最後甜品我哋揀咗兩款糕點：一款係椰汁糕，一款係蛋菜糕(即係有蛋花嘅大菜糕)兩隻糕各有特色，椰汁糕係熱辣辣嘅，似係啱啱蒸好，千層嘅效果令到佢好煙韌，食落香甜蛋菜糕係凍

呢間店嘅泰國菜好多元化，唔係淨係生蝦、冬陰功同咖喱炒蟹，試下呢度有個越式牛尾煲，熱辣辣好鬼正，而且裏面又有七色椒，牛尾有好多膠原部份，要慢慢啜同啃，仲有啲洋蔥汁，好滋味。之後當然要睇吓呢度條青檸鮮鱸魚，成條魚大到擺唔晒啲，肉都算滑，而且唔太多骨，配埋個湯俾你慢慢加👍🏼👍🏼最後當然要加埋個甜品，新鮮芒果配黑糯米飯配😻😻真係必要因為加埋椰奶係冇得輸，啲飯係熱辣辣架，好正呀，每人幾啖，食完呢一餐飯真係感到非常滿足。

食泰國嘢唔一定要去九龍城，喺旺角地鐵站附近就有一間泰國菜，地理位置就腳交通夠晒方便。呢度樓底夠高感覺上坐得好舒適，一開始我同朋友急不及待叫咗個海南雞半隻，好彩叫得早，原來七點幾就賣晒啦！七點幾晚飯時間越來越多人，坐到爆曬。講返隻雞，半隻份量都夠晒多，雞下面仲有啲配菜，如果加埋油飯就一流啦。另外我仲叫咗條青檸蒸原隻魷魚，成條魷魚切開一片片原隻上，加埋啲青檸同埋酸汁醬，食落去彈牙有趙口，最鍾意食佢啲魷魚鬚，係開胃嘅好選擇。

旺角泰國🇹🇭菜😍😍😍無得去旅行就食下泰國菜解下個心引先🤣🥳🇹🇭🇹🇭🇹🇭🇹🇭 既裝修！ 朋友唔係咁食得辣！所以我地就叫黃咖哩（$82)🥘！雞～有咖哩雞就緊係想食薄（$36)🥠印度酥餅！浸住咖哩食🍛用浸字係因為多汁😻先岩我心水！椰奶味重要咖啡🍛🇹🇭！雞柳好滑！入面重有好多蔬菜！炭燒豬頸肉（$80)好大碟既豬頸肉🧆炭燒唔會太乾，兩邊燒到d 邊位脆脆地！重可以點醬食🥘🥳馬拉盞炒什菜（$72)少辣好惹味！蝦米辣椒濕炒椰菜，芥蘭，通菜，西蘭花，菇菇s!🥬🥒🥦🥦🥕一人一個🥥椰青（$42l😍！人頭咁大！重手解解暑先啦！多水！椰肉都食埋🥳清甜消暑！涼爽🧊🧊朋友精明地預先book 左位🥰叻仔呀！走個陣出現等位既人潮lu!

天氣越來越熱,所以約朋友食飯都會選擇開胃爽口的泰國菜呢間泰屋位於旺角彌敦道726號2樓鬧市中的位置,方便易搵食完散水唔駛擔心無交通工具入到去感覺環境好清新好乾淨因此餐廳以綠色及咖啡色為主調間隔亦幾寬敞,受疫情影響亦已安排好臨時紙板隔開先來一個開胃前菜泰國金柚鮮蝦沙律份量比想像中多,柚子好清甜又多汁酸酸甜甜又帶一點點微辣的,非常醒胃蝦肉彈牙,加上腰果,花生,口感豐富然後是比較受客人歡迎的生菜包可以看得出青綠色的生菜非常新鮮而醃肉碎亦非常香口不會有太多肥肉所以口感並不油膩肉碎味道不會過鹹以生菜捲好放進口裏,絕對是清爽可口下次再來此店亦一定會encore主菜則選了泰屋鴛鴦農夫包麵包好鬆軟,大大個好抵食所以我們兩個女生是吃不完的中間的材料則有蟹肉粒鳳尾蝦將麵包沾上蛋香味濃郁的咖哩醬連同蟹肉蝦肉一齊食,真的非常美味雖然已經食到幾飽不過女生永遠都有另一個胃用來品嚐甜品叫了個四式甜品碟有齊椰汁西米糕,千層糕,芋頭糕及蛋菜糕個人比較喜歡千層糕和芋頭糕,因為暖暖熱熱的更能食得出糕點的香味最後提提杯泰屋特飲味道有點跟椰汁冰差不多但有多了點西米,芒果等材料非常解渴亦令人喝得滿足

唔知點解一到夏天就想食泰國菜越南菜個啲😍 所以今次同男朋友去左旺角食呢間都超多人黎食既泰屋。 一入去大約六點半已經有啲人 去到七點幾就已經滿座 真係👍🏻😂114-醃肉碎生菜包 $85肉碎唔會太重香料味 反而我更加中意 因為無咁重口味 而且肉汁好多☺️ 配埋生菜真係好正！推介！303-醃酸辣鳳爪 $78 唔算好辣同好酸 但無骨係岩曬我呢啲懶人🤓950-泰國椰青 $42好推介！ 清甜而且啲椰青肉超嫰 飲落好似啫喱口感🥰夠凍！ 飲完簡直透心涼😍403-炒芥蘭（馬拉盞）$72唔太辣 芥蘭正常。801-海南雞飯 $78雞唔算嫰 飯唔會太油 呢個如果個汁再泰式啲應該更好味。

今次黎到旺角呢間泰國野，門口睇見咁大尊佛，就覺得非常之咁有「泰」風呀～裝修格局都係走大排檔路線，圓枱長枱，如果一大班黎食，呢個地方就岩曬喇。抗疫措施方面，都算做足功夫，員工個個都有戴口罩，入門口前都會探一探熱先，所以食落都幾放心既，但限聚令既關係就唔好超過法定人數喇。野食方面，碟碟都勁有份量，如果少人既話，真係會好唔曬，或者只可以試一兩款野，但多人黎食就岩曬，大份抵食。個人最鐘意係個生菜包，肉碎調味好好，有少少辣勁同味道好濃，最緊要出場肉汁好多，夾埋新鮮既生菜黎食就真係一流。另外，個叻喱軟殼蟹都好一流，蟹超得好脆好香，夾埋好有椰香既叻喱一齊食，味道好配合，加埋外面個脆包，都好香口好味。呢間野性價比真係唔差！

想食泰國野唔一定要去九龍城既，旺角泰屋就係另一個抵食既選擇！泰屋係彌敦道726號樓上舖，好容易就搵到！菜單都幾多野食，今次我就先點左最鐘意既生菜包同馬拉盞海鮮炒河粉。依度既生菜包同平時食既有少少搭唔同，佢係加左青檸係入面，所以食落相當清新同開胃，值得一試！炒河粉材炒超豐富，就咁睇海鮮多過粉🤣🤣🤣成碟河粉炒得好乾身，充滿香辣味👍🏻另外點埋我每次食泰國野必點既飛天炒通菜，夠哂辣！食泰菜梗係唔少得泰啤啦😁😁😁最黎叫多份四式甜品就岩岩好入面有椰汁西米榚，蛋菜榚，千層糕同芋頭榚。前兩款凍冰冰，後兩款熱辣辣！

同朋友喺旺角行完街，之後約老公一起吃晚飯。本來打算去呢座食廈樓上吃雞煲，不過有人話想試下 2 樓嗰間「泰屋」。電梯門一打開即見到幾尊佛像，經過屏風往內走便是用餐區。餐廳以一室蘋果綠色為主調，地方光猛開揚，空間感十足，近窗口嘅天花掛滿了綠色植物，環境寫意又有生氣，格調清新。餐牌印刷得很精美，簡潔清晰，而且好多款菜式都有相片可供參考；難得今日有人主動提出要食泰菜，所以點菜任務就一於交由他發辦。先來一客炭燒金沙骨 ($88)，金沙骨非常大件，燒得恰到好處，上桌時還傳出陣陣焦香。一啖咬落，肉質肥瘦均勻，既嫩滑又帶點油脂，肉汁滲透口腔，最正就係仲有骨啜，令人回味再三！接下來是泰式兩麵王 (牛) ($78)，兩麵王可以配豬、牛或雞，如果想配海鮮，就要另加 $10。麵條份量極多，大大碟，而且口感很不錯，外層香脆，內裡帶點濕嫩，有咬口得來又不太熱氣，加上有肉有菜有汁，非常美味！牛肉水準不俗，肉嫩得嚟又夠滑口，而配菜亦用料十足，有芥蘭、紅蘿蔔、西蘭花、椰菜花、玉米筍、草菇等，色彩鮮艷又營養豐富。泰式粉絲雜菜煲 ($78)，呢個雜菜煲做得好有誠意，放咗好多種蔬菜，好似芥蘭、紅蘿蔔，椰菜、玉米筍、紹菜、娃娃

因為成日都喺屋企煮飯既關係，已經好耐無食過泰國菜。今晚忍唔住喇，決定外賣番屋企食。必點既馬拉盞通菜，拎到番屋企仲保持嫩綠，證明師傅炒得岩岩好!醬汁非常惹味，帶點辣味好過癮。串燒拼盤，揀左牛同雞，雞肉好JUICY又滑，牛肉相對失色小小，但絕對唔會燒得過乾，值得一試。黃咖喱牛腩，咖喱較重椰汁味容易入口，牛腩軟綿可口，味道濃郁。除左牛腩，咖喱內仲有不少配料，有西蘭花，蘿蔔同彩椒。食咖哩當然要叫埋印度薄餅，用黎點咖喱一流！菠蘿海鮮炒飯，海鮮有青口、魷魚同蝦仁，蝦仁爽口彈牙，青口亦好肥美。炒飯粒粒分明夠乾身，加埋肉鬆同腰果，口感豐富。終於滿足左我食泰菜既慾望🥰

疫情期間多左喺屋企食飯，日日都係果幾味，偶爾都想加吓餸。睇過介紹，今日試下「泰屋」。位處於食肆林立的彌敦道726號。7點左右人流不算多。出𨋢已經見到不少泰式擺設，都幾有心思。店面不大，環境走簡潔光猛路線。點了3樣餸，店員都細心提醒蒸魚製作需時，要耐心等待。今日唔忙，都無咩所謂。我話想落去等，店員都有提出搞掂打比我。20分鐘後完成，兩袋食物準備就緒。第一味泰式生蝦。有用冰鎮。返到屋企食都仲新鮮爽口。附送的醬汁不算太辣。第二味泰式海南雞半隻。雞味唔算好突出，同埋只係跟港式薑蓉。不過份量好足，幾大隻幾好肉。冬蔭公盲曹。分兩個盒先裝得晒，另有一碗冬蔭公湯。放番落隻碟都幾靚仔。我點了小辣，魚味比較突出。盲曹特點骨肉分明，啖啖肉。呢個煮法唔會腥，成條食晒。湯份量好多，我地分開飲都得。個湯好夠味，好刺激！400幾蚊，好過自己煮。唔錯～

最近天氣熱到一個點，所以食泰國菜刺激一下就最岩。於是放工就黎左泰屋買外賣回家慢慢嘆。整店裝潢都以綠色為主，如不是疫情關係都會選擇在店內享用。餐牌都算多元化幾吸引，價錢約$6x-$1xx左右。炭燒豬頸肉 $80切得夠大塊，份量都幾多。冬蔭公鮮蝦炒飯 $85炒飯炒得粒粒分明之餘，冬蔭公的酸辣幾開胃特別。青咖喱雞 $82 青咖喱雞辛辣度唔高，味道幾香滑。特意點了蒜蓉包$36 配咖喱一同食用。蒜蓉香氣夠，唯咖喱濃稠度再加強點會較好。芒果糯米飯 $48芒果非常香甜，黑白糯米各佔一半。以呢個價錢在旺角來就很抵食。

因為舅父入咗廣華醫院所以嗰人喺旺角食餐廳。一坐低就叫生蝦嚇因為不嬲都好鍾意泰國嘅。呢間餐廳嘅菜真係唔錯。之後好想食個炒通菜炒通菜我覺得佢哋抄得好有 色香味俱全。通常要抄到夠嫩同時有口感，考廚師嘅廚工。佢哋做到所以客人滿意。其實最欣賞佢哋嘅地道凍奶茶。又香畀茶餐廳好飲多100倍。係講真嘅。見到佢哋原來lunch有好多套餐都係好抵食便有實惠。唔夠一佰文一個餐有野飲有湯真係唔錯。而家市道唔好是能夠搵到呢間噉嘅餐廳真係amazed😊

旺角方便，所以通常約fd 都係呢頭搵餐廳今次去左泰屋，叫左個recommended 黃咖哩牛根腩，配蒜蓉包牛根腩好軟腍，特別係牛根，煮至半透明膠質，入口唔哂用力就咬開滿滿骨膠原. 不過個黃咖哩有點偏甜，似港式咖哩味道蒜蓉包香脆，點黃咖哩剛好另外點左個炭燒豬頸肉，份量唔少，肉質爽彈辣椒肉碎炒河味道唔錯，幾香口惹味。但個河粉被炒散. 同埋比較油膩，可能叫番飯會好d冬蔭功鮮蝦炒飯都係推薦既，都幾夠獲氣粒粒分明. 不過冬蔭功味道較弱，要細細品嚐先有估計佢應該落左d冬蔭功湯落飯，不過要炒至乾身又唔會落得太多湯，結果係冬蔭功唔重. 如果另外加冬蔭功香料炒，或者加濃郁版冬蔭功湯汁會好d總體味道都ok. 而唔會太貴都好坐