泰妃雞 (已結業)

放工去左旺角行街，諗黎諗去都唔知食咩好，行行下見到呢間泰妃雞，記得好耐之前係上環食過一次覺得幾好食，就決定再食多次啦！首先一定要點招牌菜海南雞飯，比我想像中大碟，雞肉又香又嫩滑，加埋佢個辣辣地的醬汁食真係一流，果然同我好多年前食時仲保持到水準馬拉盞通菜，又係好大碟炒得好香又唔會太咸，好食見到餐廳門口有檔串燒檔咁好似幾正，就決定食返幾串串燒，叫左豬牛雞各一，最正係牛肉串，香濃牛味又唔會'un'，值得一試！