泰之味

营业中

休息中

朋友介紹麗晶有間性價比高嘅泰國野"泰之味" ，今日放假一於去試下佢⭐冬蔭功海鮮湯有兩隻大蝦、兩隻青口、 魷魚圈、魷魚鬚、幾款唔同種類嘅菇、蕃茄仔，飲落有d辣，不過飲落好香，仲好鮮味，正😋⭐招牌蟹肉炒飯好大碟，好抵食🤤個面有好多蟹籽，驟眼望埋去就已經有好多蟹肉，仲有蛋、菜、紅蘿蔔絲，仲加埋辣椒炒，食落少少辣，不過好惹味😋炒飯唔會炒到好乾身，飯粒粒粒分明，一啖食落去，就食得出蟹嘅鮮味⭐椰汁沙冰落枱就比佢嘅外型吸引左，好大杯😍好香椰汁味，真材實料，正呀😋⭐芒果糯米飯食泰國野必食嘅甜品今次同平時食嘅好唔同，平時係椰汁係液體，今次li個係沙律醬嘅狀態糯米飯夠痴，芒果清甜，唔酸，唯一美中不足入係醬唔係多，因為個人喜好，自己鐘意多醬🤭

泰式海鮮乾炒河最愛嘅炒河之一😍河粉彈牙，海鮮又炒得恰好，同埋海鮮份量都比較多，魷魚彈牙！仲有兩舊大青口😍牙菜又爽口彈牙～一齊食口感豐富又美味😋 加上炒得勁有鑊氣，令到炒河到有別一番風味😳😳無骨海南雞配油飯雞皮帶金黃色，食落皮爽肉滑既海南雞 雞肉入口嫩滑，油飯粒粒分明有咬口🍚好食😚😚泰之味三寶撈檬豬扒真心唔錯～大大份同埋又多肉！加埋泰式醬汁一齊撈檬粉，好易入口😋泰之味📍九龍灣宏光道80號麗晶商場地下G8號舖

最近又有朋友搬新居 探佢同時當然唔少得去探索下佢住果頭附近有咩食啦🤣 今次就揾咗呢間主打街坊生意嘅平靚正嘅泰菜館 價錢親民 而且每道菜份量十足 性價比都幾高😗 雖然擺盤未必最精緻 但勝在價格合理 份量夠多 加埋小食好有驚喜 大推炸蝦餅呀😍-🍜火車頭湯粉 $72牛肉湯底清澈得嚟都好夠味 配菜都好足料 有份量唔少嘅生熟牛肉片 夠呀田嫩滑 仲有彈牙牛丸 芽菜等 好豐富呀😙-🐷泰式滷水豬手飯 $68豬手一份都有好多塊 滷得好入味 皮同脂肪部分膠質滿滿 加上酸汁中和番唔會好膩✨ 滷汁都比得好足 撈飯一流🤩-🍤泰式魷魚粒炸蝦餅 $68炸蝦餅外層炸得金黃香脆 入面好彈牙 仲有粒粒魷魚 口感好豐富😙 小店都做到呢個心意同水準真係會加分😍 一份有六塊 每塊都大大件 兩個人share最啱-🍢泰式串燒 3串 $36有齊豬牛雞各一串 串燒嘅燒烤味都突出 個沙嗲汁都幾香口 仲有少少花生粒 肉感唔會乾柴🔥-📍泰之味 (九龍灣)九龍灣宏光道80號麗晶商場地下G8號舖

放工經過諗住喺屋苑商場求其食餐，點知意外幾好食，而且待應有禮有笑容。 ✦ 海南雞飯份量多，雞肉嫩滑、無骨，有雞味。兩隻醬汁都做得唔錯，薑蓉略油，個人鍾意酸辣多啲，更加將雞嘅鮮味提昇。油飯好食，香口、熱辣辣。 ✦ 冬蔭功海鮮湯驚喜，天寒地凍之選。係用類似邊爐嘅細鍋上，保持熱辣辣。湯好濃郁、咸辣適中，而且湯料份量十足，幾乎佔咗半兜，包括大蝦、青口、魷魚片、魷魚鬚等。好滿足。 ✦ 馬拉盞通菜同樣份量多，有鑊氣，咸度適中、香口惹味。

泰菜癮起，在網上找泰菜餐廳時發現這家於九龍灣新開張的泰菜館，有午市套餐及下午茶餐，決定到訪一嚐。店員親切友善，主動建議我們小食配搭不同的醬汁，上菜速度快，座位寬闊舒適。我們點選了2款午市套餐、1份小食及1份甜品，午餐包含飲品一杯，性價比高，更不收加一服務費。主食份量充足，我們特別喜歡菠蘿豬頸肉粒炒飯，豬頸肉口感爽嫩，配搭酸甜清新的菠蘿粒及菜絲，口感層次豐富。芒果糯米飯讓我們感到驚喜，芒果非常香甜，糯米飯軟硬度適中，煙韌可口，充滿椰香。

街坊力推泰式小店位於彩虹麗晶花園內嘅價錢親民，免收加一，食物有質素，深受附近街坊歡迎。▪️冬陰功明爐烏頭明爐烏頭食得多，加冬蔭功湯底就比較少見，湯底微酸微辣，好啱香港人嘅口味，烏頭肉身較為鮮甜實淨，肉多骨少，一啲都唔腥，加上大量蔬菜粉絲，真係湯都要飲埋。▪️泰皇燒雞（半隻）燒雞即叫即燒，所以仲保留到大量肉汁，肉身都比較鮮嫩，而且外層塗抹左祕制醃料，不失為係餐廳招牌之一。▪️燒泰式豬頸肉去得泰國餐廳，燒豬頸肉就係一定要叫嘅，泰之味嘅豬頸肉燒到外脆內嫩，惹味無比，加上酸酸甜甜嘅醬汁，好快就清晒一碟！

九龍灣性價比高街坊泰式料理🤩無骨海南雞配油飯雞肉非常嫩滑，每一口都充滿了雞汁香氣，而且去骨更方便食用。油飯粒粒分明，入口軟中帶韌，充滿濃濃的雞湯香味。另外，配搭辣椒醬和薑蓉蘸料尤其出色，提升了整個層次。雞扒配沙律雞扒外層煎得金黃酥脆，但內裡依然保持嫩滑多汁，火候控制剛剛好。搭配沙律清爽解膩，不同的水果搭配沙律醬酸甜適中，酸酸甜甜很開胃。火車頭湯粉湯底香氣濃郁，牛骨和香料的融合讓人胃口大開。湯底滲入每一根粉條，再搭配薄切的牛肉、牛筋、牛腩和獨特的蔥香，風味豐富。特別是擠上一點檸檬汁、更添清新感，加上薄荷葉和九層塔等香草點綴後，整碗湯粉更加令人回味。泰式串燒（雞、牛、豬）每串肉都醃得入味且烤得適度，外層略帶焦香，內裡柔嫩多汁。雞肉串偏嫩滑，味道清新；牛肉串則充滿紮實的肉香，口感稍彈牙；豬肉串則甜鹹適中，煙燻香氣十足。凍奶茶茶底香濃但不過苦澀，奶香與茶味比例均衡，順滑無比。

泰之味呢間餐廳新開咗冇幾耐，今次同朋友嚟到九龍灣係呢間餐廳食晚飯，環境非常寬敞潔淨，座位舒適，食物份量十足。泰之味小食拼盤份量十足又有賣相嘅小食拼盤，包括有蝦餅、魚餅、春卷、雞卷、豬頸肉，特別喜愛春卷和蝦餅，春卷外皮酥脆，內餡鮮甜多汁；蝦餅香氣撲鼻而來，內餡鮮美多汁，口感層次豐富。泰式燒豬頸肉燒至外層金黃酥脆，肉質鮮嫩多汁，搭配特製嘅酸甜醬料，呢種醬料既能夠中和肉類油膩感，又能帶層次口感。菠蘿海鮮炒飯金黃色炒飯顆粒分明，口感豐富，而且融合了海鮮鮮味與菠蘿嘅果香同酸甜味，菠蘿果肉不單止增加咗口感，仲中和咗炒飯油膩感。

📍 泰之味@九龍灣天氣轉冷，食泰菜夠晒惹味暖胃，今次去到屋企附近嘅泰之味試下店舖乾淨企理，餐牌都有齊晒泰國菜嘅標準菜式，兩個人叫咗呢d:燒泰式豬頸肉$78+油飯$18太子仔必食嘅豬頸肉，有炭燒嘅香味，入口juicy唔會太乾，配埋秘製醬汁，醒神開胃椰香青咖喱雞$88+蒜蓉包$32青咖哩好香🤤，加咗椰汁所以帶少少甜味，中和咗青咖喱嘅辛辣，雞肉本身有燒過再加入咖哩，咬落多咗一份焦香，肉質剛好，蒜蓉包好脆口，用來沾青咖哩超級滿足😋蒜蓉炒椰菜苗$88椰菜苗好翠綠，唔會過老，菜框位亦夠爽口最後一讚，原本餐牌上寫椰香青咖喱豬頸肉，店員見我哋已嗌咗個燒豬頸肉就提議青咖哩可以配其他，小小建議顯示貼心服務❤️

今日到啟德那邊工作、經過麗晶花園、感覺好耐都未來過這裏食嘢、眼前見到一間搶眼的泰國餐廳、名稱叫做泰之味、在我思考期間、餐廳侍應已經熱烈地向我招呼、於是我便入內、餐廳內裝修雅潔、簡單的哩、又有一個親切感覺.我點了一客爐燒豬頸肉撈檬、一客泰式魷魚粒炸蝦餅、一客泰式串燒三串、一客馬拉盞炒通菜和一個芒果沙冰.首先上菜的是爐燒豬頸肉撈檬、 豬頸肉燒得香脆亦切得很大塊、 香口好味、檬粉加上切絲的青瓜和花生碎、淋上廚師特製的醬汁、很好味跟住上菜的是馬拉盞炒通菜、 通菜幼嫩、炒得有鑊氣、馬拉盞帶微辣、惹味好食跟住是泰式魷魚粒炸蝦餅、蝦餅做得好出色、爽口彈牙、再加入魷魚粒、口感豐富、這配搭幾特別、 好食跟住上菜的是泰式串燒、包括豬肉、牛肉、雞肉各一串、串燒烤得很香口、加上沙爹醬、惹味好食、芒果沙冰、香滑好食、配泰式香辣菜式、剛好中和辣味、又帶出泰國菜的香料烹調方式和特別風味、正、下次等我再嚟時、試埋其他泰國菜式

Lunch 有咩快靚正之選？想簡簡單單食泰國菜？「泰之味」都係一個唔錯嘅選擇👍🏻「泰式雞肉炒金邊粉」金邊粉炒得好香，雞肉鮮嫩，好味👍🏻「香茅豬扒撈檬」豬扒煮得剛剛好，香茅味道夠濃，檬粉配上酸辣汁，好開胃🍋「傳統喇沙海鮮湯粉」喇沙湯底濃郁，蝦夠彈牙，粉條吸收咗湯汁，食落非常好味🦐「菠蘿豬頸肉粒炒飯」菠蘿的酸甜味同豬頸肉的鹹香結合，炒飯粒粒分明，味道層次豐富🍍下次再來試其他菜式！😋✨🤤

去朋友屋企等夜啲開party先食少少嘢打底，路過呢間開咗冇耐嘅街坊泰國菜. 餐廳座位都算寬敞舒適幾光猛. 店員姨姨話冇加一‼️咁就試吓啦. 可樂同雪碧$10罐便利店價都算抵. ⭐️小食拼盤呢個拼盤有五款食物而且大大份$138 都算抵. 蝦餅、魚餅、春卷、豬頸肉、雞卷，每款有幾塊. 蝦餅好彈牙，春卷炸得香口餡料都幾好食，豬頸肉好咬口亦好爽，個人大愛呢三款. 一班人食最正唔使煩. ⭐️火山排骨店員話係剛剛推出嘅新產品，Menu冇㗎，$128 有五大支豬肋骨，賣相都有心思，排骨肉都算軟腍幾入味，加上酸酸地嘅醬汁同香蔥好開胃.

聽同事講公司附近開左間新既泰國菜餐廳，又有幾多lunch set選擇，於是就過去試吓。雖然係新開嘅餐廳，但中午時間過去都唔使排隊，一去到就即刻入得👍泰式炒金邊粉：份量偏少，全碟就係得兩隻蝦，味道偏甜，冇咩鑊氣，同埋都濕左d~香茅豬頸肉撈檬：本身落單係落左香茅豬扒撈檬，但上到黎個碟變左豬頸肉😂，見佢個賣相都幾好又夠厚切就唔換了，配料有蔬菜絲、蘿蔔絲、花生碎、炸蒜、蔥，撈汁自己落，撈檬幾好食，個汁夠酸，岩我口味！呢間餐飲既熱奶茶係泰式奶茶，雖然唔太岩口味，但又幾特別！