泰之味

营业中

休息中

上個月嚟麗晶商場食晏，留意到轉角位有間泰國餐廳，趁今日幫朋友攞啲嘢入嚟九龍灣，就順道來這裡吃頓晚飯。餐廳主打正宗泰菜，內在環境寬敞，佈置優雅，坐得十分舒服。點咗個泰味2人餐，套餐包小食、炒飯、通菜同甜品，另外仲加咗客蒜蓉包同飲品。蒜蓉包色澤非常漂亮，唔會烘到乾晒😊，入口外脆內軟，蒜香味爆燈。炭燒豬頸肉，豬頸肉燒得火候剛好，肉嫩爽脆，可口之餘又有油脂甘香，唔使點醬汁食都啖啖滋味。香芒蟹肉炒飯，炒飯好夠鑊氣，熱辣辣香噴噴，芒果同蟹肉嘅份量都幾多，芒果清甜，蟹肉鮮香，加上飛魚子作點綴，色香味俱全。 馬拉盞炒通菜，通菜炒得好油潤，色澤翠綠，入口爽脆鮮嫩，搭配醬香十足嘅馬拉盞，咸香惹味。千層糕層次分明，入口煙韌軟糯，甜度適中。椰汁紅豆冰，真材實料，紅豆粒粒鬆軟，椰汁香甜，超美味。

中午12:12 分入座, 當時餐廳人數不多，少猫幾個我和朋友下單後等了差不多30 十分鍾還未有得食, 追問過幾次都話煮緊， 再問多幾次， 服務生直情唔理我地， 視而不見, 大佬炒幾個飯洗唔洗半個鐘, 你話人多都情有可原， 大佬全餐廳得果幾個客重要係已經食緊飯， 你地有幾忙呀? 最後一碟飯等咗差唔多50 分鐘先炒好， 重點成個飯炒燶晒, 苦到不得了。 真係第一次去D 咁垃圾的餐廳食D 咁垃圾的食物

女兒放假一齊過去麗晶花園探舅婆，之後去咗商場食午餐，泰之味裝滿簡潔，主打泰國菜。泰之味無骨海南雞飯：海南雞冇骨啖啖肉，皮爽肉滑，點些薑蓉或酸辣醬汁，十分惹味，油飯口感Q彈不軟爛，入口吃得到香氣與層次。泰式滷水豬手飯：豬手肉質軟腍，外皮爽彈，啖啖肉好滋味，膠汁重滷水香，伴飯食更好味。傳統喇沙海鮮湯粉：這碗叻沙湯粉將濃郁的椰奶香氣、豐富的海鮮配料和鮮甜的湯頭完美結合，口感層次豐富，香味濃郁，滑溜的河粉吸滿湯汁非常惹味。配3杯熱飲：熱奶茶口感順滑，充滿茶香和奶香。熱柚子蜜：帶有清香的柚子花香，並带有蜂蜜的甜味。自選泰式豬肉串燒：豬肉外層燒得微焦香脆同帶有陣陣燒烤香氣， 而且成功鎖住肉汁，沙嗲醬味道濃郁，並帶有微微椰香，配搭烤肉好滋味。泰式魷魚粒炸蝦餅：炸蝦餅外層炸得金黃香脆，味道鮮味彈牙，入面仲有粒粒魷魚，口感好豐富。奉送西米椰汁糕：濃郁的椰香在口中散开，清甜不腻有口感。

黃咖哩海南雞**的味道讓我印象深刻。雞肉鮮嫩多汁，搭配上濃郁的黃咖哩醬，香氣四溢。咖哩的香料味道恰到好處，不會過於辛辣，反而帶出雞肉的鮮美，讓人一口接一口，根本停不下來。這道菜不僅色澤誘人，還讓我感受到濃濃的東南亞風情。**泰式明爐烏頭**，這道菜的魚肉鮮嫩，外皮微微焦脆，搭配上特製的泰式醬汁，酸甜適中，讓人食指大動。每一口都能感受到魚肉的鮮甜，搭配著香菜和檸檬的清香，讓整道菜更加清爽可口，特別適合炎熱的夏天。**芒果沙冰**冰沙細膩，芒果的香甜味道讓人心情愉悅。每一口都彷彿在享受夏日的陽光，清涼又消暑，讓我忍不住想要再來一碗。**薄餅**的口感也讓我驚喜，外皮酥脆，內餡豐富，無論是搭配醬料還是單吃，都非常美味。泰之味 (九龍灣)九龍灣宏光道80號麗晶商場地下G8號舖

今日又第二次快閃啟德，因為過嚟搵朋友，佢話帶我去食佢屋企附近嘅一間泰國餐廳，真係見係佢我先山長水遠過嚟。由於我喉嚨痛仲未好返，點嘢食都盡量以清淡為主。見到餐廳菜式都超多嘢揀，午市套餐都幾抵食而且賣相好吸引。見到炒金邊粉勁吸引。無骨海南雞配油飯轉白飯$62個白飯真係超級多，雞肉煙韌。招牌蟹皇炒飯$65呢個炒飯炒到勁香，入面啲材料都好足，每一口都食到蟹肉，個飯面頭仲有啲蟹籽脆卜卜好新鮮。飯的份量都好多。炒通菜$52揀咗蒜蓉炒通菜，啲菜好新鮮。海南雞（半隻）$108海南雞厚切，雞皮好爽口，點埋個豉油辣汁食落好開胃🤤。

經過九龍灣朋友介紹這間地道泰國菜～店內裝修簡約，泰國燈籠🏮、黑白畫掛在牆上，店員服務態度很好～我與朋友點了泰式二人套餐，整體風味地道，只需二百零蚊，性價比高，充滿東南亞風情。 炭燒豬頸肉🐖肉質爽嫩，豬頸肉經過炭火燒烤後，外皮微焦，肉質鮮嫩多汁，炭香濃郁，表面微焦脆口，蘸上酸辣醬汁更添層次，讓人忍不住一口接一口，十分解饞。香芒蟹肉炒飯賣相誘人，芒果清甜平衡了炒飯的油香，蟹肉絲點綴其中，蟹肉鮮甜，混合了熟透的香芒，帶出一種清新的果香，增添鮮味，但炒飯稍嫌濕潤，若更乾身會更理想。 馬拉盞炒通菜鑊氣十足，通菜脆嫩，馬拉盞的鹹香與蝦米鮮味突出，微辣開胃，是整餐的亮點。 朋友點的芒果沙冰冰涼解膩，芒果味天然濃郁，甜度適中，清涼可口。 而我點了原個椰青，清甜新鮮，椰香純粹，作為結尾飲品十分清爽。 總括而言，這套餐風味正宗，適合追求泰式風味及性價比的食客～

今日約咗舊同事敘舊，去咗佢屋企麗晶花園，附近的泰滋味食晚飯，餐廳環境乾淨闊落，各類泰式小菜，價錢吾貴，味道很不錯，值得一試泰味2人餐 $238泰式豬頸肉泰式燒豬頸肉燒得好香口 好滋味招牌全換香芒蟹肉炒飯果然是招牌菜，蟹肉炒飯粒粒分明，香芒入口清甜，好醒胃蒜蓉炒通菜泰式炒通菜都好夠鑊氣，蒜香味濃，好味道甜品甜品是椰汁西米糕，椰香味濃，作飯後甜品一流椰青、泰式鹹檸梳打另外叫了兩款泰式飲品，非常解渴，夏天恩物

前排同朋友去咗九龍灣麗晶花園附近嘅呢間主食泰式味道嘅---🌟泰之味🌟餐廳，餐廳環境乾淨整齊，坐座舒適，唔算逼迫，餐廳選擇豐富，而且店員態度好好👍🏻._.🐖| 燒泰式豬頸肉 |🐖一碟份量都多，熱辣辣上枱非常香，而且每一舊都好惹味，肉質腍身，面頭仲佈滿芝麻粒，增加香口，點埋跟配嘅汁更惹味。.🐥| 無骨海南難（半隻）|🐥無骨啖啖肉，可以揀一隻或半隻，雞肉非常之嫩滑，仲跟配埋海南雞必點嘅醬，好食！.🦀| 招牌金不換芒果蟹肉炒飯 |🦀炒飯嘅配撘有我最愛嘅蟹肉碎，蟹肉碎分量都遍佈炒飯入面，炒飯炒到乾身又惹味，配埋大大粒芒果肉，一解炒飯嘅油膩感👍🏻._.

今日同朋友去咗九龍灣「泰之味」食午餐，叫咗四樣菜，價錢算抵食無骨海南雞配油飯雞肉嫩滑，無骨食起上嚟方便，油飯香唔會太油，配埋姜蔥醬汁好味道，份量好足椰香青咖哩豬頸肉青咖哩夠濃夠香，辣辣哋幾惹味，豬頸肉煎得好香口，薯仔吸曬啲咖哩汁，好味😋香茅雞翼雞翼外皮脆肉嫩，醃得好夠味，唔會太重手，重點系有肉汁🤤芒果糯米飯糯米飯煙韌，芒果夠甜，椰漿味都幾香，食落唔會太膩，做甜品收尾好正環境乾淨，坐得舒服，服務員都幾有禮，上菜速度快。整體嚟講，食物有水準，價錢唔算貴添👍🏻

呢隻海南雞真係好抵食，雞肉好嫩滑，雞皮爽彈，油脂有微微啫喱狀，原價$108，晚市消費滿$300以上可以用優惠價食到，份量有半隻/1隻揀，不過只提供紅醬同蔥油即使串燒雞亦比較好，唯一可惜當日無曬豬，試唔到多一款，不過醬汁重花生醬，裡面仲有少量花生粒另外餐廳嘅豬頸肉都燒得好焦香，外皮微脆，有少少油脂香但係又唔會好肥膩，而且碗撈檬真係好大碗，仲畀成瓶醬自己都倒落食到最後，職員仲送是日甜品馬蹄糕比我地食🥰

前排同朋友去咗間餐廳，點咗辣椒膏炒蜆（小辣）、燒泰式豬頸肉、馬拉盞通菜、兩碗油飯。重頭戲係滿$300加1蚊有半隻海南雞，超抵！辣椒膏炒蜆蜆新鮮肥美，辣椒膏香辣惹味，配啤酒一流！份量略少，食得有啲唔夠喉。燒泰式豬頸肉外焦內嫩，酸辣醬汁開胃，青瓜解膩，香到我哋搶晒食，真想再叫一碟！馬拉盞通菜通菜爽脆，馬拉盞鹹香下飯，香得來但唔會太鹹！油飯飯粒油香濃，配菜汁絕配，兩碗三兩下清晒，大胃王可能要多叫一碗。海南雞，半隻雞皮滑肉嫩，薑蓉醬提鮮，1蚊嘅價錢抵到爆，夠幾個人share！

今晚，我同朋友去咗九龍灣食晚餐。呢間餐廳叫做「泰之味」，聽講佢哋嘅泰國菜好正，所以我哋特登過嚟食下。我叫咗啲泰式串燒，包括豬、牛、雞各兩串，真係好有味，肉質鮮嫩，配埋特製的醬汁，食到我心花怒放。仲有越南炸春卷，外脆內嫩，一口咬落去，啖啖鮮味。香茅雞翼就更加不得了，雞翼烤得恰到好處，香氣四溢，令人食指大動。最後，我哋仲唔可以錯過甜品，叫西米糕已經賣曬，所以叫了千層糕，甜而不膩，口感滑溜，真係完美。今次嘅晚餐真係好滿意，大家都食得開心，之後仲約定下次再來嘗試其他菜式。

好多人介紹呢間泰國菜好正宗，而且價錢平，咁就約埋朋友嚟試吓啦。呢間餐廳嘅價錢好平，而且夜晚仲有二人餐，咩都可以試吓。食泰國菜，最緊要梗係食生菜包啦，佢嘅生菜好爽脆，肉碎有少少辣，襯埋真係好夾，越食越開胃。另外海南雞又係必食，我哋叫咗半隻，估唔到咁大碟，而且雞好滑，完全冇骨，大人小朋友都鍾意食。呢個酸辣鳳爪都好出色，又係冇骨嘅，酸酸辣辣好開胃，本身唔太鍾意食鳳爪都忍唔住食咗好多隻。呢度除咗性價比高之外，服務態度都好好，而且又夠大碟，非常推薦同朋友聚會嗰陣食啊。

辣椒膏炒虎蝦虎蝦size唔算巨型，但勝在肉質爽彈，辣椒膏炒得香口，辣度溫和帶甜，唔會搶晒蝦嘅鮮味。最欣賞係醬汁濃稠度剛好，掛到蝦身之餘，仲可以撈多兩啖飯。如果鍾意東南亞風味嘅微辣菜式，呢道可以一試。 芒果軟殼蟹米紙卷呢個組合幾清新，軟殼蟹炸得脆而不油，芒果清甜，米紙卷皮薄透，包住生菜同少許香草，蘸少少魚露汁，食落爽脆開胃。唯一係軟殼蟹同芒果份量唔算多，當輕食或前菜就啱啱好。 +$1半隻海南雞（惠顧滿$300）見到晚市滿$300可以加一蚊換半隻海南雞，即刻心動！雞肉算滑，皮下脂肪唔厚，醬油同薑蓉都調得幾好，不過雞味未算好突出。以咁嘅價錢（仲要加一蚊咋！）絕對係抵食，人少少又想試多款菜的話，呢個優惠幾貼心。 椰青食濃味菜配個冰凍椰青就最爽，清甜解膩，而且椰肉夠嫩，用匙羹可以輕鬆刮到，唔錯。 另外，晚市有送甜品添，嗰個西米糕都唔錯。

我今日放假，約同好友去位於九龍灣宏光道80號麗晶商場地下的《泰之味》食泰菜，環境舒適，裝修簡約，富有泰國風情。我地點左：🥢主菜📍無骨海南雞飯配油飯 $62雞肉嫩滑又入味，啖啖肉真好食，配油飯絕對一流。📍招牌蟹王炒飯 $65材料豐富又好味，蟹籽混飯好好食。📍蒜蓉炒通菜 $52份量不少，通菜青綠，蒜蓉好味。🥢小食📍香茅豬扒 $48香茅味清香，豬扒好味又好食。📍泰式魷魚粒炸蝦餅 $68蝦餅炸得香脆可口，蝦肉夾著魷魚粒，真材實料，好味道。🥢餐飲：📍凍檸檬茶 $5（跟餐）x 2 清涼解渴。