泰之味

营业中

休息中

街坊力推泰式小店位於彩虹麗晶花園內嘅價錢親民，免收加一，食物有質素，深受附近街坊歡迎。▪️冬陰功明爐烏頭明爐烏頭食得多，加冬蔭功湯底就比較少見，湯底微酸微辣，好啱香港人嘅口味，烏頭肉身較為鮮甜實淨，肉多骨少，一啲都唔腥，加上大量蔬菜粉絲，真係湯都要飲埋。▪️泰皇燒雞（半隻）燒雞即叫即燒，所以仲保留到大量肉汁，肉身都比較鮮嫩，而且外層塗抹左祕制醃料，不失為係餐廳招牌之一。▪️燒泰式豬頸肉去得泰國餐廳，燒豬頸肉就係一定要叫嘅，泰之味嘅豬頸肉燒到外脆內嫩，惹味無比，加上酸酸甜甜嘅醬汁，好快就清晒一碟！