泰之味

营业中

休息中

麗晶商場距離我公司大約5分鐘路程，五日有三日都會去麗晶商場食飯，今日試咗呢間新開泰國餐廳，環境好乾淨。- 泰式雞肉炒金邊粉金邊粉炒得幾乾身，口感彈牙，雞肉嫩滑，撈埋花生粉同辣椒碎之後味道非常豐富。- 香葉肉碎蛋飯肉碎比較瘦，份量好多，一定要將流心蛋黃篤穿再撈埋肉碎一齊食😍，不過略嫌唔夠香辣。- 冬陰功海鮮湯鍋好有泰國氣息，一直點火令冬陰功保持暖笠笠。入面海鮮有蝦同青口，味道好濃郁，酸辣平衡。- 馬拉盞炒通菜份量好多，馬拉盞味道好香，整體味道唔會過鹹。呢個舖位短短六年已經轉咗三次手，泰之味係我認為最好食嘅一間，希望可以長做長有！

今日去附近踩單車 🚴‍♂️，見到呢間好似街坊嘅平民泰國菜，午餐選擇多又經濟，所以決定試一試！🍽️海南雞飯飯量十足，油飯食起來好夠味 🍚，雞肉滑嫩，真係值得讚賞！性價比高 👍。青咖喱豬頸肉飯咖喱汁非常好，餸飯嘅味道恰到好處 🌶️，而且夠辣，令我好快就食完！豬頸肉油脂夠，偏咸了一啲，但搭配飯食正好！👌炒金邊粉每次食泰菜一定要點嘅 🍜，炒得煙煙韌韌，仲有附上辣椒，不夠辣自己加就得，算係一道合格之作！😋千層糕原本想食西米糕，但店員話賣完，於是推薦咗千層糕 🍰。雖然外觀唔太整齊，但咁先顯得係自家製唔係交貨，有驚喜！口感彈牙，唔會太甜，大家可以試試！✨芒果糯米飯芒果夠甜🥭，但可惜糯米底有啲硬，影響咗口感 😕。呢間餐廳非常親民，見到客人帶住嬰兒車，店員仲主動提供位置，真係貼心 💖。特別係佢哋推薦嘅千層糕，令我感受到佢哋真係鍾意自己嘅食物！如果來呢附近玩，可以過來試試，肯定又飽又滿足！🥳地址：泰之味：九龍灣宏光道80號麗晶商場地下G8號舖@chillchill_aloye＠泰之味

【九龍灣•泰之味】@ππππππππππππππππππππππππππππππ牛油果芒果軟殼蟹米紙卷菠蘿海鮮炒飯無骨海南雞飯熱柚子蜜牛油果芒果軟殼蟹米紙卷 口感：米紙透薄煙韌，軟殼蟹炸得脆口唔油膩，夾埋牛油果嘅綿滑同芒果嘅酸甜，層次豐富。 醬汁 有餐廳配芥末沙律醬，味道特別；亦有推介加檸檬汁提鮮，清新醒胃。 菠蘿海鮮炒飯 材料：原個菠蘿上碟吸睛，炒飯足料有蝦、蟹柳、腰果，加黃薑粉同咖喱粉炒出鑊氣。 風味：酸甜開胃，菠蘿浸鹽水後更香甜，飯底夠乾身唔油膩。 無骨海南雞飯 雞肉：雞髀位夠滑，但雞胸略嫌偏硬，醬汁（薑蓉+辣醬）係靈魂。 油飯：香而不膩，份量多，有食評指性價比高 熱柚子蜜 飲品：暖身之選，酸甜平衡，唔會過甜，適合食完濃味菜式解膩。 貼士：部分餐廳用韓國柚子醬沖調，味道更天然；自己煲可加蜂蜜同檸檬片提升風味。餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD 300✨✨✨✨✨✨✨✨✨✨✨✨✨#九龍灣美食 #泰之味 #web3九龍灣泰之味宏光道80號麗晶商場地下G8號舖

泰之味(香港) 地址: 香港九龍灣宏光道80號麗晶商場地下G8號舖4月又又又去泰國啦，泰國菜好惹味，雖然陽光與海灘帶唔到返來香港，但泰國菜在香港都食到架！lunch $65 招牌蟹皇炒飯，有招牌兩字一定要點來試試。調味蝦飯粒盡情吸收包熱飲$68 香茅豬扒，越重香茅味我越愛！豬扒肉質紮實。因在住宅君商場內，定價非常之親民，人均$60幾蚊就食到好豐富的lunch

九龍灣站行過去10分鐘左右，餐廳乾淨不過地方唔算特別大，今日晏晝去食都坐滿晒嘢食選擇都多，見到有套餐價錢會優惠少少，不過單點都唔算特別貴雞牛豬各一串，都燒得香架有個沙嗲醬跟埋，花生味幾好香又濃生菜同肉碎都多，生菜新鮮，肉碎香不過偏辣，不過辣得黎就愈食愈惹味。咩牛嘅部位都有D嘅火車頭，肥牛牛腩牛根牛柏葉牛丸都有。個湯味道甜，加左D辣椒九層塔芽菜，口感多D。不過如果有埋青檸可以自己擠的話就會好D食唔到樣樣都辣，通菜就咁蒜炒就算，無加辣椒，爽爽地唔錯

肉碎生菜包(豬肉) $98豬肉肉碎炒得乾爽食落juicy用洋蔥、辣椒、香葉等材料調味炒得好香十分局惹味生菜份量足大片新鮮爽脆口感、味道層次豐富一啲都唔油膩開胃前菜 香茅黃咖喱牛筋牛腩 $98黃咖喱質地稠身調味偏甜唔食得辣既人都唔怕牛筋有三舊左右保留到軟糯、有膠質既口感又不失彈牙牛腩肉質軟淋、唔乾柴同咖喱好夾 薄餅 $32黃咖喱份量夠足特登嗌左薄餅黎沾咖喱食薄餅香脆可口唔油膩、唔會咬落成口油配埋咖喱一齊食正 生牛肉湯河 $72生牛肉牛味十足瘦多肥少肉質軟淋河粉滑身牛骨湯底香濃暖笠笠冬天食好暖胃 整體而言，餐廳食物味道正宗每道菜都有驚喜坐得都舒服仲會送煙韌椰汁糕不妨一試

位於麗晶花園商場嘅泰國菜餐廳「泰之味✨」，真係好味又抵食，尤其係佢哋嘅下午茶餐，$40已經包一個湯河粉加飲品，真係好抵！😋首先「泰式炒金邊粉」，金邊粉炒得夠鑊氣，酸酸甜甜嘅味道好開胃，仲有啲蝦仁同蛋絲，口感豐富，食落好滿足！🍤🍳再嚟係 「雞扒湯河」，湯底好清甜，雞扒煎得香脆，肉質嫩滑，河粉滑溜溜，吸晒啲湯汁，真係好正！🍜🐔「香茅豬扒撈檬」都係必試，香茅味好突出，豬扒煎得啱啱好，外脆內嫩，撈檬嘅酸辣汁好醒胃，食落好清爽！🌿🐖「吉列魚柳配沙律」都唔錯，魚柳炸得金黃酥脆，肉質鮮嫩，配埋沙律菜，食落唔會太膩。🐟🥗最後要推介嘅係 「白咖喱香茅豬扒焗飯」，白咖喱香濃得嚟唔會太辣，豬扒焗得入味，飯粒吸晒啲咖喱汁，食落好惹味！🍛🌶️總括嚟講，「泰之味✨」嘅食物質素高，價錢又合理，尤其係下午茶餐真係好抵食。👍😊

放工衝入九龍灣搵食點知俾我發現呢間泰菜寶藏行過已經陣陣香茅味飄過 即刻醒神晒！🔥 泰式地道肉碎生菜包生菜籃份量好夠食肉碎炒到乾身唔油膩辣椒份量岩岩好，岩晒香港人口味🌶️🐓 泰之味海南雞半隻上枱自帶仙氣登場皮肉間啫喱層閃閃發光✨佢地個蔥油超好食呀！！🥬 馬拉盞炒通菜鑊氣沖天！埋枱已經聞到超級香！辣椒同蒜頭爆到超香食到停唔到口🤤$258套餐包呢個質素 仲送埋甜品 抵到核爆🤯🥖 蒜蓉包（4件）$32以為平平無奇？錯晒！包身勁脆勁香口蒜蓉牛油絕無呃秤！🦀 牛油果芒果軟殼蟹米紙卷 $86泰越crossover神作！軟殼蟹炸到絲絲分明夾住牛油果creamy + 芒果酸甜點埋個汁 清新感直衝天靈蓋💥兩個人捧住個肚走埋單$376連加一 人均$200有找大家去到九龍灣可以考慮下呀！整體評分:味道: 4.5/5環境: 5/5服務: 4/5抵食: 5/5 泰之味 (九龍灣)📍九龍灣宏光道80號麗晶商場地下G8號舖

有朋友介紹，這裏開了一間泰國菜，今晚便專程來到這裏。這間以綠色為主的泰式食肆，裝修光猛，座位舒適。經典二人晚餐優惠價$258，泰式地道肉碎生菜包、泰之味海南雞半隻、蒜蓉炒通菜、甜品。泰式地道肉碎生菜包，可以選擇辣到，如果小辣，都不算太辣，而且有辣椒的香味，肉碎本身有魚露和青檸汁的味道，層次感豐富，加上生菜包裹着一起吃，可以增加味道層次，又可以減少油膩感。泰之味海南雞半隻，海南雞已經起骨，方便進食，可選擇薑蓉或者泰式酸辣汁來增加層次，個人比較喜歡泰式酸辣汁的味道多一點。蒜蓉炒通菜，通菜軟硬適中，蒜蓉味道香濃，鑊氣十足，即點即炒。甜品是自家製的，甜度適中，煙煙靱靱，非常有口感，吃完這個甜品，都已經非常飽了。

今晚同朋友去間新開泰菜餐廳，餐廳空間好大，座位夠寬落，環境乾淨，呢度傾計食飯就啱晒。餐牌除左可以散叫，仲有二人、四人同六人套餐，價錢真係相當抵，二人餐都有兩款選擇，我哋就揀左其中一個。炭燒豬頸肉：炭香味濃，咬落軟熟有彈牙感，點埋醬汁食夠滋味。馬拉盞炒通菜：炒得碧綠，好夠鑊氣，馬拉盞咸咸香香，好惹味。招牌金不換香芒蟹肉炒飯：食到啖啖蟹肉，上面鋪左蟹籽，咬落卜卜。芒果同蟹肉味道又幾夾喎，炒飯唔算太油，同樣夠鑊氣，好味。薄餅：有6大塊，剛煎好仲係熱，煎得幾金黃焦香，即食就最好食。飲品：跟餐叫港式飲品有半價，凍奶茶叫左少冰少甜，味道剛好。熱奶茶味道就較濃，唔落糖都ok喎。甜品：跟餐送，泰式糕點，唔太甜，幾好。

🥣招牌金不換香芒蟹肉炒飯🥣：💰$108配菜有大量蔬菜，生菜蘿蔔絲等，金不換香味突出，有蟹籽、蟹肉鮮嫩，炒飯炒至粒粒分明，偏乾身，加入香芒切丁，增添左陣清甜果香，帶出蟹肉鮮味。🥣泰之味小食拼盤🥣：💰$138拼盤包括炸魚餅、炸春卷、炸蝦餅、雞卷和豬頸肉，每一樣都獨具特色，魚餅外脆內嫩魚肉鮮香微辣、炸春卷薄脆內餡有大量蔬菜、炸蝦餅鮮甜搭配酥脆外皮，十分可口。雞卷外層金黃酥脆，內部保持肉質多汁。豬頸肉肉質鮮嫩，保留豬肉原汁原味，更附上三種醬汁配搭不同小食。🥤港式奶茶🥤：💰$23竟然有港式奶茶，茶底幾香濃苦澀配絲滑奶香。🥤芒果沙冰🥤：💰$32一大杯超清新，口感好smooth，唔會太甜，芒果味清甜香濃，係真芒果味道！

今晚去咗九龍灣麗晶探朋友，順便喺樓下食埋晚飯，發現到有一間新開嘅泰國餐廳，晚市仲有2/4/6人套餐，二人套餐$238都幾抵食炭燒豬頸肉豬頸肉咬落外皮微焦，肉質爽彈有嚼勁，唔會乾柴，蘸埋泰式醬汁更惹味蒜蓉炒通菜通菜莖夠嫩綠無渣，入口爽脆，蒜味濃但唔會搶喉，食到最後都唔會感覺油膩香芒蟹肉炒飯飯粒炒得粒粒分明夠乾身，芒果甜酸味好突出，同蟹肉嘅鮮味幾夾，當中仲有啲金不換提升香味，整體甜鹹平衡做得唔錯，幾開胃泰式咸檸梳打 $28咸檸醃得夠入味，鹹鹹酸酸，同梳打氣泡好夾！泰式青檸梳打 $28青檸汁夠哂醒神，加埋梳打飲落好清爽無骨海南雞配油飯 $72雞皮薄滑，肉質鮮嫩，而且份量都幾多，油飯香而不膩📌泰之味 (九龍灣)地址：九龍灣宏光道80號麗晶商場地下G8號舖#foodie #美食 #外食 #知己相聚 #foodielife #關注 #foodiehk #hkfood #hkfoodlover #foodinhk #igfoodies #香港 #好去處 #吃貨 #吃貨人生 #香港美食指南 #相機食先 #香港旅行 #香港餐廳 #香港生活 #foodblogger #foodiegram#hongkon

入到呢間餐廳裝修好有泰國風情，餐牌野食都唔會話太貴，質素份量都唔差👍🏻♡炭燒豬頸肉♡豬頸肉配埋醬汁非常惹味，炭燒得黎唔會太焦剛剛好，醬汁食完好開胃😍♡招牌全換香芒蟹肉炒飯♡一開始無睇以為菠蘿，點知食落原來係芒果黎非常特別，又意外地好食，原來芒果都可以用黎炒飯，另外都見到落左唔少蟹肉，份量非常足夠，值得一讚🥰♡馬拉蓋炒通菜♡​馬拉蓋炒通菜炒得非常惹味，醬汁唔會話太鹹，好香口😋😋♡泰式燒魷魚♡魷魚烤到剛剛好金黃色，外皮少少焦口感好彈牙，配埋酸酸辣辣嘅醬汁好開胃又惹味👍🏻

若身處啟德，如害怕畸畸園但「泰」懷念泰菜，九龍城以外、在啟德區邊緣，毋忘穿過晴朗商場往麗晶花園方向，橫過大馬路，步程10分鐘左右又是一個選擇。八十年代中的舊商場，開店數月裝修相對decent的店，已幫襯不下五次，水準穩定，甚至，餸菜味道更穩步上揚。尤其是逢到必點的海南雞飯。在港的雞飯來說及得上中上質素，至少非那些「偽」海南雞那樣無起骨，而且保留皮肉中間的果凍層，雞肉或許未及鮮宰的味，但其質感蘸些薑蓉雞醬也不致太偏離。幾乎經不起落力推銷就點了肉蟹，怕弄得雙手油污，以軟殼蟹代之，即成「咖哩炒軟殼蟹麵包」，炸蟹酥脆不在話下，麵包又是外邊脆內鬆軟。簡單一杯「菠蘿沙冰」也是用心之作，高聳螺旋又濃烈菠蘿味。找不到不再來的理由。

過完個新年，緊係要同男友食翻一份2人經典套餐，享受翻二人世界。套餐裏有肉碎菜包，啖啖肉碎同蔬菜，每一口都係滿載驚喜。肉碎好香，鹹香十足，好有鑊氣，跟住海南雞半隻，雞皮滑嫩，會有兩種醬汁作為配搭，份量足夠。最後嚟到馬拉盞炒通菜，香氣撲鼻，通菜爽脆，配上香辣嘅馬拉盞，味道鮮美。雖然呢個套餐冇飯，但係都已經好夠飽，我地兩個人都食唔曬。而飲品方面，佢哋有各式嘅泰式飲品，但如果唔想飲甜嘢嘅話，亦都可以選擇梳打水。