泰之味

营业中

休息中

📍     泰之味🌍📝整體評分：8／１０⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝唔係朋友嫁左入九龍灣麗晶呢邊，都無機會入黎搵食，樓下超級抵食泰國料理，消費$300有得加$1換購海南雞半隻，但我地食飽先發現呢個優惠，錯過左。▸泰式生菜包◂＄98✿ 我食親泰國菜都必叫嘅生菜包，高低在於細節位，呢間肥瘦恰到好處，鮮嫩多汁，帶有濃郁的魚露、檸檬草和辣椒香氣，若隱若現散發蒜香。▸泰式豬牛雞串燒◂＄78豬牛雞各兩串，肉分別經過特製醬料醃製，烤至外皮微焦，陣陣燒烤的炭香，內裡依然 juicy。串燒搭配泰式沙嗲蘸醬，幼滑濃稠沙嗲醬有粒粒花生，可惜給得不多。▸泰式海鮮濕炒河◂＄98河粉吸滿濃郁的醬汁，搭配新鮮蝦、魷魚、青口等多款海鮮，河粉炒得勁有鑊氣味，澆上醬汁不但唔會蓋過，令到河粉濕潤卻不失嚼勁。▸芒果沙冰◂＄32點可以唔點杯芒果沙冰，新鮮芒果打成，好fresh!

今日到訪九龍灣，朋友提議我地去商場餐廳「泰之味」，話呢度嘅套餐都幾抵食😜我哋兩個人就order咗個二人餐，食泰國菜最經典就係要嗌「生菜包」，呢度嘅「肉碎生菜包」用咗泰國香料、洋蔥爆炒，醒胃得嚟唔會太酸，同埋好怕平時辣椒搶咗原有嘅味道，呢度個辣味就平衡得好好😋「泰之味海南雞半隻」 嫩滑有啫喱都係基本功，一定要試埋佢地個靈魂醬料—泰式酸辣醬！個套餐有得揀「蒜蓉/馬拉盞炒通菜」，我就最鍾意食馬拉盞嘅味道，估唔到呢度既街坊餐廳，個馬拉盞又炒得幾有鑊氣😙是日甜品「紅糖千層糕」，唔算太甜，口感煙靭！老實講，表面嚟睇就真係唔係幾靚仔，但係原來「紅糖千層糕」係佢哋自己廚房全人手製造，唔係攞貨返嚟㗎！😱另外提一提呢度免收+1，附近仲可以泊車，啱晒揸車人士過嚟試吓🚗🚘🚙｜經典二人餐 $258｜✦ 泰式地道肉碎生菜包✦ 泰之味海南雞半隻✦ 蒜蓉/馬拉盞炒通菜✦ 甜品（紅糖千層糕）

❤️無骨海南雞配油飯無骨海南雞肉質鮮嫩搭配滑潤的油飯飯粒吸收了雞肉的精華口感極佳❤️傳統喇沙海鮮湯粉湯底香濃帶有濃厚的椰漿風味海鮮新鮮度湯粉的口感滑順❤️泰式串燒3串這三串串燒肉質鮮嫩醃製的香料味道濃郁並且烤得岩岩好外焦內嫩搭配沙嗲醬，正👍❤️香茅豬扒香茅的香氣彌漫讓豬扒的味道更加層次分明肉質軟嫩且多汁搭配蔬菜無咁油膩❤️椰青椰青的清甜與清爽椰汁的天然甘甜與椰肉既嫩口十分解渴❤️珍多冰這道甜品的口感爽滑甜而不膩搭配各種配料讓人感受到多層次的味道❤️自製越式烤豬頸肉脆片這道小吃十分獨特豬頸肉的香氣與脆皮的口感夾到岩岩好讓人一口接一口十分過癮💁🏼‍♀️泰之味 (九龍灣)👣九龍灣宏光道80號麗晶商場地下G8號舖

小食拼盤種類繁多，個人比較鍾意食蝦餅，彈牙可口。春卷外脆內軟，餡料充足，豬頸肉表面燒到香脆，肉質嫩滑，唔會乾身。手撕雞撈檬以滿滿既配料鋪面，令人驚嘆。除雞絲外，仲有爽口既青瓜、紅蘿蔔、白蘿蔔、生菜絲，連同花生粒，多種口感，可以按個人愛好加入泰式秘制酸甜汁，酸甜酸甜，非常開胃泰式地道肉碎生菜包豬肉份量十足，調味恰適，帶有少許辣，非常惹味。如果配上一碗飯就錦上添花。第一次去食泰式美食，估唔到兩個人都食到好飽。

晚市泰味2人餐只係$238，真係好抵！份量仲好足夠！餐廳平民，環境都算品唔錯！ 首先炭燒豬頸肉，燒得啱啱好，外層微微焦香，口感爽口，帶有淡淡嘅炭燒香味，點埋泰式醬仲惹味～～～～跟住就係香芒蟹肉炒飯，粒粒飯都炒得乾身，加上香甜嘅芒果同鮮甜嘅蟹肉，味道層次豐富，真係好開胃～～馬拉盞炒通菜都炒得唔錯，通菜爽脆。最後甜品糕點煙煙韌韌～～～呢個價錢，食物不錯，豐富又夠飽！ 我地仲加左椰青同咸檸梳打～～～好爽！！

🔹️到九龍灣麗晶探朋友👭 朋友帶我到她經常去的 “泰之味” 食泰國菜😋 店內設有多坐位, 環境舒適自然☘️ 食物新鮮高質👍店員親切有禮👩🏻‍💼👩🏻‍💼 價錢親民💰🔸️泰之味小食拼盤🍱食材以彈牙蝦餅、香濃魚香魚餅 、香脆春卷 、惹味雞卷 、爽口豬頸肉, 加以泰式秘製醬汁Yummy🤤🔸️香芧雞翼🐔雞翼炸至色澤金黃💫 外皮香脆、肉質鮮嫩👍🔸️傳統喇沙海鮮湯粉🦐🦑以中辣程度喇沙, 河粉幼滑, 海鮮以蝦、青口和墨魚, 加以豆腐卜, 完全吸收湯底精華😋🔸️紅糖千層糕🧆送來時外觀有點像燒鵝🤩 口感煙煙韌韌, 甜度剛好😊🔸️椰青🛖冰凍、清熱、解渴😎🔸️熱檸水🍋消滯解膩👯‍♀️

今日去到九龍灣食泰國菜，點了個二人餐，真係好開心！首先上桌的是燒豬頸肉，色澤金黃，表面香脆，吃起來肉質嫩滑，味道鹹香，有少少燒味，配上泰式醬料，簡直無敵！接住而來的是蒜蓉炒通菜，通菜炒得恰到好處，保持了青翠的顏色和鮮嫩的口感，而蒜蓉的香氣亦十分濃郁，令整道菜提升了味道，真係好開胃！最後是芒果蟹肉炒飯，炒飯粒粒分明，米飯吸收了蟹肉的鮮美，加上新鮮的芒果塊，為整體增添了一絲清新的果香，口感上也非常豐富，令人一試成主顧。依間泰國菜無論是食物的味道，還是餐廳的環境服務都令人難忘，絕對值得再次光顧！如果你都鍾意泰國菜，強烈推薦你們去試試！

座位寬敞，而且價錢親民，即刻試吓😋🌟#火車頭湯粉火車頭湯粉十分足料，有牛肉，牛腩，牛丸，蘿蔔等等，材料份量豐富👍🏻搭配滑嫩的河粉，加入少許香菜和辣椒，讓整體風味更加分明✨🌟#傳統喇少海鮮湯粉傳統喇少海鮮湯粉以海鮮為主角，湯底濃郁，味道鮮美。湯中加入了蝦、青口，魷魚，配上河粉，吸附了湯汁的精華，濃郁美味😋🌟#泰式串燒泰式串燒揀咗三種不同口味：🐖豬肉串，肉質鮮嫩，彈牙帶有微甜的味道🐂牛肉串，肉質厚實，搭配特製的沙嗲醬料，香辣可口🐓雞肉串，外焦內嫩，非常嫩滑香口🌟#馬拉盞炒通菜馬拉盞炒通菜鮮嫩爽口，獨特的馬拉盞醬料帶來微辣的風味，襯托出蔬菜的清新👍🏻🌟#椰汁紅豆冰椰汁紅豆冰椰汁香甜，紅豆細膩，冰冷口感讓人瞬間清爽，淋上椰汁後，整體更加豐富濃郁✨

餐廳：泰之味地點：九龍灣宏光道菜式：泰國菜餐牌：午餐有炒粉麵飯、撈檬、湯粉、焗飯同小食好多款，主食價錢大部份都係$70樓下，仲送熱飲，凍飲加$5，特飲就原價，無加一。金不換香辣牛肉炒河 $65金不換香辣牛肉炒河熱辣辣上枱，用左隻葉形碟上。河粉份量好多，炒得滑溜夠味，味道少辣，食哂都唔覺太油。撈有唔少嫩口牛肉片、蛋、爽口芽菜、洋蔥、燈籠椒、紅蘿蔔絲同蔥條，口感非常豐富，好有鑊氣。泰之味無骨海南雞配油飯 $62泰之味無骨海南雞有齊雞胸雞髀同雞翼，連靚靚黃色雞皮，都有好多肉食。墊有生菜一片，伴有青瓜片同車厘茄半粒，面頭有新鮮芫荽。伴有酸辣醬同薑蓉可以自己調味。油飯係黃色，帶好香黃薑味，粒粒分明。泰式鳳爪 $78泰式鳳爪好大碟，爽脆酸辣鳳爪有唔少，撈埋洋蔥條、蔥段、西芹、紅蘿蔔絲、車厘茄，墊有生菜，加有新鮮芫荽。味道都頗辣，好醒胃。芒果沙𣲙 $32芒果沙𣲙大大杯，味道唔假，好滑溜，甜度適中，超解渴，解辣一流。附上獨立包裝紙飲管，夠兩個人分享。熱柚子蜜熱柚子蜜跟餐都唔洗加錢，味道唔錯，要搞起先好飲。今餐特別鍾意炒野，好有鑊氣，而且大碟兼足料。服務員態度友善。

麗昌花園商場終於有泰菜食喇！係呢度食飯會有種好親切嘅感覺，大家都係街坊客，員工勁nice ，當然價錢仲好親民添。經典2人餐 $250 🤍泰式地道肉碎生菜包脆口嘅生菜包住啖啖肉碎 ，香辣惹味。份量之足，三人行其實都夠食。🤍泰之味海南雞半隻足料嘅海南雞大隻兼啖啖肉，肉質嫩滑，沾上開胃泰式辣醬，真心唔錯。🤍馬拉盞炒椰菜苗 用馬拉盞炒菜夠晒惹味，我哋加咗$10轉椰菜苗，唔加錢嘅通菜都好多人帶讚。 🤍甜品煙煙韌韌嘅千層糕唔算太甜，大人細路都啱食。依家仲做緊滿 $300 可以+$1 換半隻海南雞，堂食或外賣都可以，換購門檻唔高，相當抵食！

呢間餐廳位於九龍灣，呢度環境都幾光猛深綠色既鋪面幾易認，入面都幾多人食，食物選擇多，我地叫左一份白咖喱焗豬扒飯，咖喱汁好香，焗豬扒飯塊豬扒好軟熟，口感一d都唔鞋口。另一碗叫左牛肉湯河，河粉滑溜，牛肉彈牙，仲有牛丸，豆卜，牛筋等配料湯河味濃郁好濃牛骨湯底味。炸蝦餅小食呢度比較特別係因為蝦餅會加入墨魚肉同蝦餅夾埋一齊食咬落更有口感，彈牙同蝦味濃郁d甘食落好食d。泰之味九龍灣宏光道80號麗晶商場地下G8號鋪

- 泰之味🍽️-冬蔭功海鮮湯2個人叫細鍋就夠個份量好多🤣冬蔭功唔會好辣酸酸甜甜好開胃😋海鮮有蝦/青口/魷魚😋-咖哩黃金蛋虎蝦呢個咖哩不得了一定要叫埋蒜蓉包沾哂個咖哩汁😍虎蝦d肉又彈牙又甜仲要有成8隻好抵食😋-金不換芒果蟹肉炒飯食夠$300加$38就有個炒飯勁抵😂不過如果蟹肉再多d就好但$38咁平冇要求了🤣-🌟評分:🏅🏅🏅🏅📍地址: 九龍灣宏光道80號麗晶商場地下G8號舖-#foodieluveat#foodieluveat_hk#foodieluveat_九龍灣#foodieluveat_泰國菜#hkfoodie #foodiehk #foodiehkig #hkfoodblogger #hkfoods #hkfoodlover #foodiegraphy #hkfoodblog #hkfoodbloggers #香港美食 #食在香港 #相機食先 #吃貨 #食好西 #九龍灣 #泰國菜 #冬蔭功湯 #泰式炒蟹

位於麗晶花園嘅泰式餐廳，主要做街坊生意，食物款式豐富，中午有午市套餐，價錢由$58-$68不等，包括一杯熱飲，價錢親民💁🏻‍♀️🍴泰之味小食拼盤（$138）小食拼盤相當豐富😆有蝦餅、魚餅、雞卷、豬頸肉、春卷。豬頸肉表面燒到微微焦脆，配上酸辣汁幾惹味👄魚餅調味濃郁，好重香料味。蝦餅、雞卷同春卷外皮金黃香脆，點上酸甜嘅泰式辣醬，開胃唔油膩👐🏻🍴泰式串燒（$28/3串）串燒可選擇豬、牛同雞，我哋每款各要1串，沾上特製沙嗲醬，令串燒更惹味，如果再多少少肉汁就更加好☺️🍴咖喱牛腩焗飯（$68）焗飯賣相幾靚，表面焗到微微焦脆，飯係炒飯底，炒得夠乾爽有蛋香😋牛腩肥瘦適中，肉質軟腍，咖哩香濃惹味，唔錯👍🏻🍴珍多冰（$28）珍多冰接近有半杯都係粉條，非常足料，椰汁味道香濃~🍴龍眼冰（$28）龍眼冰清甜解渴，仲有粒粒龍眼肉，配泰菜一流😆

泰之味九龍灣宏光道80號麗晶商場地下G8號舖經開九龍灣，老友推介地道泰菜，環境舒適，食材新鮮，入去 Chill 下先。😋我哋叫咗二人泰味套餐，即叫即製，正呀喂！💖炭燒豬頸肉外層香脆，口感煙韌，肉汁豐富，面層加了芝麻提升層次，點秘製醬汁效果更佳，推薦！😻香芒蟹肉炒飯配料有新鮮芒果肉、蟹肉、飛魚子、雞蛋、洋蔥、紅椒和生菜。即叫即炒夠鑊氣，鹹度適中，口感鬆軟，香氣四溢，少油不肥膩，必食！🤤馬拉盞炒通菜炒得夠勻循，少辣剛剛好，通菜吸收了醬汁的精華，爽口惹味，好味道！😽千層糕口感軟滑，甜度適中，椰香味濃。😉唔係幾夠喉，追加咗香茅雞翼，即叫即炸，炸油新鮮，雞肉嫩滑。😃泰之味 環境舒適氣氛好 食材新鮮高質，炒飯豬頸肉正，侍應服務態度好，回頭率高。😎🤘🏻

今天要介紹的餐廳位於九龍灣麗晶商場，靠近啟德站，是一家食泰菜的餐廳。這裡的餐牌除了可以散叫，還提供兩人、四人和六人的套餐，價格非常划算。餐廳空間寬敞，座位舒適，環境乾淨，非常適合附近居民聚餐聊天。經典二人晚餐 $258 包括：泰式肉碎生菜包、泰之味海南雞半隻、炒通菜同甜品。但要留意呢個餐冇包飯，要飯的話要另加。 泰式道肉碎生菜包 這道菜可以選擇辣度，可以感受到辣椒的香氣。肉碎中有魚露和青檸汁的味道，層次感非常豐富，搭配新鮮生菜一起吃，既增添了味道，又減少了油膩感。泰之味海南雞半隻 海南雞已經去骨，可以選擇加薑蓉或泰式酸辣汁來食，個人更喜歡泰式酸辣汁的味道，食落酸酸辣辣咁。蒜蓉炒通菜 通菜即叫即炒，通菜的口感適中，蒜蓉的味道香濃，炒得火候剛好，非常惹味。泰之味 地址：九龍灣宏光道80號麗晶商場地下G8號舖 交通：港鐵啟德站D2出口，步行約10分鐘