波士頓餐廳

营业中

休息中

同事經常都會去呢間，我聽咁多次真係一次都未去過，聽聞要等好耐架喇，我本身好攰，如果唔係朋友話等，我可能走左喇😅不過好彩，等左30mins就入得！(果刻我都已經叫曬救命)樓下係等位及賣麵包的，行樓梯上樓上才是餐廳，環境雖然不是四四正正的，但每張枱都闊的，有好多卡位。紅湯不過不失，餐包賣相麻麻地西冷牛扒，點了七成熟，塊鐵板應該超熱因為啲汁等左好耐都仲係彈彈下，冇耐性嘅我唯有試下切，點知真係會彈手，而且下面D配菜都有少部份已經燶左🙈不過鐵板夠熱都有個好處，因為我都好怕血水的，所以切開牛排後我可以在鐵板煎一煎先食😁牛排味道不錯，一般質素👌🏻同埋原來每份扒都會跟意粉或飯，但唔係落單時叫埋，而且唔問就唔會俾，我見有D人係冇叫到的😉朋友點了紅酒牛尾飯，佢話味道不錯，但唔知咩原因牛尾每一舊都有一小部分乾，同埋整得唔夠淋飲品夠大杯整體我覺得麻麻地，我寧願去花園餐廳，平D抵D，質素仲好D😉

幾年沒有回港，今次特意回港看看变化，順帶相約三五知己聚餐，懷念一下在港的美好回憶，我便想起童年時常去的波士頓餐廳，大家便充滿祈待地相約週日晚共聚晚餐，可惜他們沒有訂座服務，那麼我們相約6pm齊集餐廳門囗等，我先到達，想著先取位，怎料已好多人排隊等位，心想有排等，取飛時，接待話需人齊入座，剛好朋友們都同步到齊，隨即告知職員，出奇地立即有枱，上到樓上原来装修了，很舒適，而且坐無虛席，但大枱只得幾張，主打卡座，全場只得我們的一張空枱，真好彩，怪不得要人齊入座，原來如此，我們一行6人都多年沒有光顧此店，都不知怎選餐，看了openrice評論又不太討好，便找來職員推介及建議，太耐冇食真的難以决定選餐，四眼姐姐推介了火焰牛柳及大蝦沙律，海鮮焗飯及肉醬千層麵，我便問夠吃了嗎，她便說笑地話要留肚食甜品，便可一晚內試盡餐廳所有美食，我地便試試看，怎料果然夠食又不會太飽，最後便叫了最出名的火焰雪山及布朗尼伴雪糕來試試，真的好好食，為今晚劃上了一個完美句號，成晚無論服務及食物質素都好有水準，食得非常開心，為今次回港留下了美好回憶，返到美國一定介紹多D親朋好友來支持一下，走時職員都禮貌地說多謝再見下次再來，非

我本來也很喜歡這餐廳，但是從今天開啟再也不會去了。好好反思一下吧！你們這樣做生意的方法。很讓人反感。我倍我80多歲的老母去吃飯。她們竟然要求點人頭，不到齊不給枱。這也算了，等我們人齊，她又說沒枱。就讓2人枱的上。免得麻煩。你們就真這麼會做生意嗎？？？？？？讓我80多歲的老母站40分鐘。一點歉意都沒有。記得你家說要倒閉。我們每星期都去支持。現在你們這樣對客。我看看你們還能做多久！

朋友在灣仔收工，加上呢間只食過西餅未食過西餐，有好多antie都讚過呢間餐廳就去試啦。呢間係要walk in，無得book位。而且係要鐵板才有套餐大蝦加牛扒牛扒加豬扒餐湯餐飽其實仲有跟餐的意粉呢餐兩個女仔食到飽到嘔咁濟，餐廳客人都幾多，食到中斷已經滿座，by the way，佢的西餅-鮮果卷我好中意食，都係7.5一件

傳統港式豉油西餐，鐵板餐，你就出名。早餐又睇下點？嚟得冇理由食公仔麵餐。吉豬蛋啦。又做到喎。吉豬冇用鬆肉粉，件扒冇被切開過（好多茶記/餐廳，驚炸唔熟，會切開試下。厨藝高下立見），件扒有吉列應有的脆口，冇油淋淋。沙律醬有粒粒酸青瓜。煎蛋係我鍾意果款。太陽蛋兼熟蛋白加燶邊。（見不到冰涼透明蛋白“群“邊，如鼻涕咁）唯一敗筆係個餐包，係“叮“熱，唔係焗爐出的，叮完個包有點韌。早餐仲有炸魚柳/牛扒選擇（應唔會有安格司）服務都好老餐廳味道。室內環境可啦以啦。有境睇添（垃圾站）

好耐冇食火焰牛柳，諗住去食下，點知⋯⋯⋯真係難食咗勁多首先餐湯，忌廉湯味道淡。最期待嘅火焰牛柳，呢家冇好似以前咁係你面前點火燒下，然後淋汁，睇住d汁係鐵板喳一聲咁彈下彈下，真係好正！呢家全部整好晒就直接上，我切開塊牛柳中間仲要係暖暖地，唔熱⋯，已經係鐵板上仲要唔熱真係好誇張囉肉質勁淋，可能落咗鬆肉粉。另外我叫咗蒜蓉汁，中咗伏2條友，2個火焰牛柳set，埋單380幾蚊，好唔抵，亦唔會再嚟食！昔日嘅火焰牛柳已逝去

星期五夜晚出街食飯少不免要等位，今次3個人食大約要等35分鐘先有位。餐廳下面等位，有位就行樓梯上樓上。基本上餐廳入面好多都係卡位，我地都被安排坐係卡位。這4人卡位尚算寬敞，環境都唔錯。餐廳整體佈局色調偏暗。我揀左精選牛柳(7成熟，洋蔥汁)($165)，另外兩位揀左精選肉眼扒(7成熟，燒汁)($155)以及石斑拼羊扒(7成熟，蒜蓉汁)($145)。每個鐵板餐都再包飯或意粉、餐包，羅宋/忌廉湯及餐飲(凍飲唔加錢，但如果要華田/好立克要加$4)。落單後無耐，餐包同餐湯就到。個包都幾暖，而個湯就好熱，都算好飲既。見友人個羅宋湯好似好多料，佢幾滿意。我個忌廉湯好似食到少少海鮮咁啦。等多15分鐘左右，3個扒餐同時送到，原來D汁係上台前已經淋左係面，所以冇比想像中咁「ja ja」聲。鐵板送到後，呢個時候店員先會問你想要飯定意粉，食完呢餐我覺得揀意粉好Ｄ，同埋本身佢俾既汁唔多，建議要再問店員拎多Ｄ汁撈黎食。3個鐵板都跟炸薯角，一舊蕃茄同少量豆角先講精選牛柳，首先舊牛柳係熱既，都算厚身，但牛味冇想像中咁香同濃，亦都比想像中較「鞋」口，可能因為我叫7成熟掛…… 另外份量睇落好似好少，但一路食落去都唔覺太少

环境很好的一家店，中午人很多，需要等位。餐很全，有汤，主餐，餐后有饮料，都在套餐里，不贵，但是有服务费。海鲜奶油汤里真的有海鲜。但是不得不说味道一般，不是很惊艳。也许是因为价格的原因，等位的人很多吧主餐还不错，牛肉粒做的很赞。如果约人聊天，感觉是个不错的地方

上得山多終遇苦，平時食咁多好嘢，估唔到波士頓餐廳帶領我走進地獄!今日難得有國內同事來到，為左盡地主之誼,當然要推介灣仔美食，波士頓餐廳歷史悠久，必定有番咁上下水準，於是決定帶佢哋試一試。一到餐廳，人頭湧湧，接待處不斷要求我點算人頭，點完一次又一次，仲煩過立會泛民拉布點人數，確保人齊先比入。點了個set lunch 套餐，有主菜，湯，餐包及飲品。飲過紅湯，食完餐包，味道尚算正常。之後開始食主菜- 白汁海鮮焗飯，份量不算多，海鮮都足料，拿起匙羹，吃下第一口白汁飯，嘩!!!好咸呀～ 感覺像把一茶匙鹽擺進口中，避開白汁飯唔食，再試下青口，嘩! 好吉脷! 原來有塊青口殼碎片未清理，深怕割傷口腔，差點草間人命! 可能鹽分佈不平均，再食多幾淡白汁飯，有冇搞錯，成個白汁都係咁咸，每食一淡都咬到一堆未溶解的鹽，迫住要飲杯水止咸。 對這個焗飯的感受, 就好似平時Gordan Ramsay 起地獄廚房駡人時候講: INEDIBLE!!!!! 中譯“不能食用!”召換侍應過來，向佢投訴這碟飯超難食，得不到侍應關心之餘，道歉都冇句，還要問“你想我點? ” 仲訓示一開始太咸好應同佢講。將一份不能食用的焗飯煮比客人食

今日同同事食收爐飯，午飯去了灣仔好耐無光顧的波士頓餐啦，看過餐牌見到午餐有～1.香煎肉眼扒加黑椒汁2.焗豬扒飯同雞蛋露荀雜菜沙律(千島沖。我選了一号肉眼扒⋯⋯先送上濃濃的紅腰豆粟米忌廉湯同餐包。再送上香煎肉眼扒 ，其來上滿意。都係個句～份量微微增多會好的。希望下次去食有改進啦

我家的妹很喜歡吃肉，所以即使平時都不喜歡出門去吃晚飯的她～是會因為晚餐吃什麼而改變。就像這天～因為我和媽媽有事會到灣仔那邊，順道吃吃很久沒去吃的「波士頓」這家餐廳在灣仔已經很久～而且是專吃扒的！在很久之前有裝修過，所以現在的環境已經好了很多大部份的桌子也是有梳化的卡位~坐起來也滿舒服的喔！既然說這家餐廳是專吃扒的，所以當然是點特色鐵板扒餐吧！這套餐除了主要的扒外，選會有：餐湯＋麵包～湯有兩款可選，就是羅宋湯和忌廉湯。我選了前者的！配料很豐富～而且煲到那些雜菜很軟稔，湯的味道亦很濃郁。餐包翻熱了，吃起來也很鬆軟的呢我點的是 T骨牛扒 ($145) 很大的一塊扒，比鐵板還要大一點。除了扒外，還有西蘭花、番茄、粟米、青豆、薯條等等的配菜要了5成熟～肉質鮮嫩度剛剛好又不會太生！這塊帶骨的牛扒肉汁豐富之外只有少許的血水，肉味亦很濃！有幾款的醬汁一選擇，我選的是蒜蓉汁～惹味得來又不會像黑椒汁那樣辣！如果覺得汁不夠，可以和店員說的喔^^另外一個則是 鑊仔牛柳 ($165) 不喜歡吃骨的話這個也是不錯的選擇！同樣是要了5成熟～但對比前者，這個的肉質會沒那麼嫩口的喔。最後套餐還配有意粉或飯～和媽媽一樣點

佳節當前沒有外遊，享受了一個繽紛的在地假期。食肉獸的美食之旅由一連三回的港扒揭開序幕。第一站是波士頓。餐廳由1966年開業至今，之前裝修後曾來過一次，當時覺得不太討好，是次再臨期望有所改進。波士頓有散賣的麵包，出品自然不差。甜暖的餐包塗上牛油來吃，滋味無比。羅宋湯不似一般的紅湯那麼烯，內有很多蔬菜，驚喜的是有紅菜頭，酸酸的一口湯加一口包使人不覺肥膩。焗田螺的薯茸較為乾身，欠了些牛油香；幸而田螺仍是濕潤的。大時大節豐富一些，一於來一客大蝦牛柳！五成熟的牛柳到來時已達七成，再在嗞嗞作響的鐵板上繼續煮，慢慢的變成差不多全熟了……不過牛柳質數尚可，肉仍是嫩的，趁著香而不嗆的黑椒汁，食味甚佳。大蝦雖然看起來很乾，其實勁脆，連蝦殼也可以吃掉！而且蝦味濃郁，蝦頭更有膏！配菜方面亦見進步，伴薯再不是急凍的波浪薯條，而採用了薯角，香脆而有咬口，用它來沾滿黑椒汁來吃，結果整碟汁被吃到一滴不留呢……店方很是聰明，每枱都放有一樽水，供客人自行添飲，避免因為客人多而手忙腳亂，很是方便。就連餐飲的檸檬都極鮮香，這次的體驗絕對令小人刮目相看，難怪人龍長排長有！

平安夜緊係食聖誕大餐，今次去十幾年冇去過既波士頓餐廳，貪佢有火燄雪糕可以比細路見識過癮一下，點知節日關係暫停供應5:50pm去到攞飛，已經誇張到要等幾十張枱，人齊入座都正常，但巴閉到要預早10張問定喺唔喺度，仲要全部人舉手數人數先準繼續等。卒之7:15pm先有位上去，好在除咗聖誕set dinner之外，有得order火焰牛扒，好過冇。點之侍應奉上時先知火焰牛扒既火焰已經熄滅咗，原來送上嚟前無通知一聲就喺隔兩張枱既路口完成咗點火儀式，我地唔知亦無影到相，果火焰先係主角嘛，咁我叫普通牛扒都得啦，以前會到面前整，上枱後啲火仲會燒多陣先熄，好在塊扒都叫做不過不失。至於聖誕大餐個黑松露湯幾好味，但塊牛仔扒雖然入口溶化，但奇怪無乜牛味，跟餐甜品朱古力蛋糕就唔錯。好在餐廳環境比起樓下排隊等位好得多，呢餐都算食得輕鬆愉快，不過招牌火焰牛扒都冇火，冇晒氣氛，食扒基本上唔使再嚟波士頓啦。

叫咗一份下午茶係安格斯牛柳粒但係水準冇之前咁好有少少失望同埋啲牛柳粒係凍嘅不過以正價叫咗個鐵板西冷牛肉 水準就依舊咁好肉質鮮嫩叫咗六成熟所以如果再返嚟食應該都會俾多少少錢食正價嘅

I wanted to go but wife does not want to. So I secretly went ther  myself while she is meeting up with Ellen.Tourist moment when I was waiting for my table for 1 by the reception.Me: Do you take credit card?Reception lady: Uhhh..."gave me a weird look"...we take..."she then looked at the sign by the window"...visa and master card.Me: OorBest sizzling plate EVERRR!!! But my wife will for sure find me sticky later...but best sizzling plate EVERRR!!!