波士頓餐廳

营业中

休息中

平安夜緊係食聖誕大餐，今次去十幾年冇去過既波士頓餐廳，貪佢有火燄雪糕可以比細路見識過癮一下，點知節日關係暫停供應5:50pm去到攞飛，已經誇張到要等幾十張枱，人齊入座都正常，但巴閉到要預早10張問定喺唔喺度，仲要全部人舉手數人數先準繼續等。卒之7:15pm先有位上去，好在除咗聖誕set dinner之外，有得order火焰牛扒，好過冇。點之侍應奉上時先知火焰牛扒既火焰已經熄滅咗，原來送上嚟前無通知一聲就喺隔兩張枱既路口完成咗點火儀式，我地唔知亦無影到相，果火焰先係主角嘛，咁我叫普通牛扒都得啦，以前會到面前整，上枱後啲火仲會燒多陣先熄，好在塊扒都叫做不過不失。至於聖誕大餐個黑松露湯幾好味，但塊牛仔扒雖然入口溶化，但奇怪無乜牛味，跟餐甜品朱古力蛋糕就唔錯。好在餐廳環境比起樓下排隊等位好得多，呢餐都算食得輕鬆愉快，不過招牌火焰牛扒都冇火，冇晒氣氛，食扒基本上唔使再嚟波士頓啦。