波士頓餐廳

营业中

休息中

唔經唔覺都成大半年無同班Asso朋友出黎聚舊啦🙈難得全男班出到黎一於成班做下食肉獸黎呢間有50年歷史既排房啦我地嗰晚都成9點半先到好彩我地可以趁10點last order前快趣叫野食我叫左個個都推薦既火焰牛柳🔥一開始我認為只係純粹名黎但有個師傅拎一大壇野開哂壇作法咁🔥🔥我地成班都俾壯觀場面嚇親睇個師傅喺度玩火都幾過癮玩完我地就開大餐啦我喜歡比較生少少既牛排所以我叫左5成加埋啱啱俾火燒多次 熟度剛剛好而且食落無根之餘仲有啲酒味色香味俱全

最近睇左篇介紹講各區懷舊鐵板餐，身為食肉獸既我梗係睇下有冇邊間想食啦，咁岩行完一年一度百萬行，行完三個鐘好鬼肚餓，好啦就一卡食過heavy d 既午餐啦...大約點幾鐘去到，知客安排座位，上到去，大把位，唔知係咪裝修過既關係，一d 懷舊味都冇，係得個暗字，唔緊要，食左先講！叫左個雜扒餐，同行叫左個肉眼，之前睇食評有人話佢唔夠熱，今次我地又冇呢個問題，一淋汁上去，沙沙沙，即刻要搵餐巾遮住先！跟餐有飯同意粉，叫左個意粉，好乾，雖然有蒜蓉炒過，可惜應該擺得太耐，乾到一個點，試左幾條就真係食唔落喇....到正題，雜扒份量正常，但係就真係冇咩好形容詞，唔難食又唔好食，老實講，近兩百蚊既價錢，真係試完就算，我行多幾步去薔紅食個平價鐵板餐都係差唔多

諗唔到食咩，行經灣仔，見到咁多人排隊等，就一於等埋一份，去据下扒啦！得左幾個鐘呀⋯⋯⋯⋯但等左咁耐唔繼續等好蝕，於是繼續等⋯⋯入到去即刻就叫野食啦 餓死啦可能好餓既關係，覺得個餐包都好好食！熱辣辣夾塊牛油落塊，好好食呀！叫左紅湯，加埋一齊食，一流！個湯好多菜，飲完個湯同食埋個包，都填滿左一半肚啦。呢度signature係火焰🔥牛柳！我叫左五成熟～同埋洋蔥汁～waiter好貼心同我地講會係則邊點火，因為好大火，唔係我地張台度點火，怕會危險。我望坐佢點火燒啲牛柳，真係好大火呀！食落真係有啲酒味，我叫左五成熟，岩岩好，佢唔會太熟，仲有少少血水滲出，好like!啲薯條加埋啲汁食，正！

多年未去此餐廳,星期日晚排了ㄧ個鐘,以為咁多人排隊,水準ㄧ定有返咁上下,點知叫了個火焰牛排要七成熟,結果血淋淋得三四成熟,另外T骨扒要五成熟,結果同ㄧ塊扒,ㄧ边五成ㄧ边九成熟,得個快字但唔好食,唔會再帮襯。

諗住開開心心試下新野點知原來..唉 叫左個火焰牛 咁起初見佢燒得幾精彩以為味道應該都可以 但原來最好既地方就係凈係得燒果下 食落去..唉 其實我飲緊酒定食緊野? 定係倒瀉左啲酒落塊扒? 味道真係..唉唯一値得讚既係待應既態度都好好既..in short, pls think twice before u come and try this restaurant..their steak sauce is really..different.

呢間係屋企人介紹食，都食左好多次，今次同友一齊去食，叫左個龍蝦湯但無龍蝦味，last order個陣，侍應生又黑面又態度唔好咁問仲有無咩要，扒又等左勁耐唔黎，唔會再食

做冬太懶不煮飯，既然經灣仔，又聖誕節，決定來吃一份扒吧等了一會兒，之後能夠在窗口卡位，實是愉快，記起小時候父母一定帶我前來慶祝聖誕節。對上一次來是四年前和先生慶祝拍拖一個月，希望再前來會帶我倆的小孩。我們選了火焰牛柳和西冷扒，價錢合理可惜，西冷扒放在先生面前已經灑了黑椒汁，完全不熱，唯有要換一換火焰牛柳不再在面前表演，也是失望了😞更失望是所有汁，也是灑了才放枱希望，可以改一改這些安排吧，雖見其他食評說差了很多，但波士頓也依舊是我愛的扒房。

今日發左癲。打完拳，再gym.超餓。雖然，好多專家話，做完運動唔好食咁飽。。。之類。但，我的另一格言：咁辛苦做運動，都係想食豐富d一客蝦羊架餐，一但客豬腿，跟經典紅湯。因為個人唔中意鐵板，要碟上。除此外，傳統“波士頓“味道齊哂。紅湯加暖暖餐包。可惜件羊架好騷味重，重有大大舊肥膏。豬腿好多肉。運動完的空位，填滿了。。。（服務好友善，環境唔錯，此終裝修過。但再見唔到，油淋淋到反光的麻包袋地毯-通常放係厨房/厠所門口）

波士頓餐廳我相信好多大小朋友都知係咩餐廳黎，係一間係灣仔就有半世紀而屹立不到嘅餐廳。今日我就再黎幫襯喇，記得之前都有幫襯開，但每一次食完都覺得比上次更差，今日就再比多次機會佢。今日叫了一份美式什扒，記得以前侍應會先上咗個鐵板扒，啲汁就要自己倒落去，睇住 D 汁彈黎彈去好有生氣。但今次餐廳竟然倒埋落去先出餐比你，黎到枱時完全好似一堆唔太熱既野咁。。。。。。失望美式什扒味道就普普通通，其實如果以呢個價錢食呢 D 質素，真係一 D 都唔值囉，唔通餐廳依家窮得只剩名氣嗎？。。。。。。失望

今天早上去了波士頓餐廳嘗嘗它們的早餐，因為是老字號，所以一直都想嚐嚐。於是便點了早餐c，套餐包括可揀的多士或餐包，我選了多士，還有吉列豬扒，豬扒大大塊，香脆好吃，豬扒不算厚身但也不是薄，配著特製的沙律醬來吃，很有老派西餐的感覺，當然還有腸仔和煎蛋，叫埋杯凍奶茶。為星期五的早上醒晒神，又可以努力工作一天了。😋😋😋

原本諗著開開心心慶祝生日，懷著快樂心情去，背著憤怒心情離去，事情係...點完餐後，上左餐，男職員話餐一定係配薯菜，但上左餐後，薯菜無！係無！同店員講，佢叫我揭開塊牛排俾佢睇下，之後態度極差話補返！店員服務態度差！冇下次！

約咗朋友响灣仔食Tea，佢哋話不如据扒，就帶咗我嚟呢間食。佢哋話細細個就嚟呢度食，呢間已經開咗好耐，係老店嚟餐廳對住大街，離地鐵站5分鐘左右好方便。食嘢位置響2樓，入去格局唔似開咗好耐啲老店咁。位置環境都幾乾淨，下午3點都有7成滿座我哋叫咗2份T-Bone同一份下午茶燒雞脾餐，T-Bone叫咗5成熟，等咗3分鐘左右就上餐湯同餐包，無咩特別，餐湯味道有啲淡過多5份鐘就上扒，出餐好快朋友鐘意多汁仲額外叫多咗個汁添。燒雞脾嘅雞皮燒到脆，肉質一般唔算滑，汁較少，整體無咩特別T-Bone好大塊，大過塊面好抵食，肉質好腍，醬汁味好濃，蓋過牛味，不過以量計算好抵食賣相: 4/5口感: 3/5味道: 3/5番食率: 3/5

呢間扒房開左好耐，所以個環境都好懷舊，好有特色。一直都想來試試。今日難得經過附近，就來試一試 😁好彩都唔洗點等位就入得去。被安排的位置冷氣機滴水 😅😅好彩員工再安排我地調入去卡位坐。👍環境都幾好，幾有情調。都幾岩食下野傾下計咁。黎呢度當然要叫餐廳既招牌菜“火焰牛柳”食啦！😁期待畫面出現喇！！個職員會係你面前表現咩叫火焰牛柳。點落好大既火，燒舊牛柳一段時間。個火大到，睇到我都擔心佢會唔會燒親 😨個牛燒完，都唔會話好老好熟！👍肉質幾好，幾嫩！😄仲叫左個炸豬手！都唔錯！炸到個外皮好脆。啲肉咬落都好滑！再沾埋啲醬，幾開胃！唔錯

甘岩睇睇下打拳比賽，有d 肚餓就行左黎呢度食dinner, 見到有幾個人等緊位。佢地係樓下拎飛仔，再等嗌號碼先上去食野既。佢地會隔一陣就會嗌下你張飛個號碼，睇下係咪仲有人等緊，定係走左既。但其實甘樣有時會以為佢嗌即係有位，有次都誤會左。我地等左20分鐘左右，終於嗌到我地張飛。因為等位個時已睇定左食咩，所以一上到去就即嗌野食，因為已經9點，好肚餓了。我就嗌左牛眼扒配蒜蓉汁。一個朋友就嗌左西冷扒配黑椒汁。另一個都係嗌西冷扒，但佢係碟上。原來有得要求碟上，下一次我再黎食都要碟上，朋友話因為甘樣塊扒放係個鐵板上，又會再熟左d，變到唔係自己要求果個熟既程度。之後店員就拎左麵包同湯比我地，個麵包好好味，好軟身。而個羅宋湯唔酸，同埋都幾多菜同蕃茄，幾好飲。到主菜，朋友嗌西冷扒，碟上既，佢話個扒都好似仲係熟左少少，因為佢嗌4成，但都幾好食。面另一個鐵板上既，朋友係嗌左5成，佢話好夠熱，但就有好多脂肪係塊扒既邊位，所以結果唔係食左好多。而我個肉眼扒，我嗌左6成既都係，夠林身，唔韌，但唔係好多肉味，不過就冇脂肪，所以都ok 既。之後我地嗌埋餐飲，一餐飯每人百幾蚊左右，都唔錯啦。

今天放假跟姐姐一起去吃下午茶，順便懷念一下之前吃過鐵板火焰牛柳、羅宋湯、餐包、火焰雪山⋯⋯真是好懷念啊！今天選擇吃了鐵板牛脷、鐵板牛柳絲炒麵還有凍檸茶、可樂，也很好吃！餐廳環境感覺舒適，服務生又不會來騷擾我們，價錢合理，現在在灣仔區可以找到這樣的餐廳真是難得。因為灣仔區已經改變很多，能夠找到這樣歷史悠久的餐廳，價錢合理又好吃，所以我覺得值得推介給其他人來這裏嘗試，雖然餐廳不是豪華裝修，但是感覺舒適、清靜真是覺得這樣才是真正的享受！