波士頓餐廳

营业中

休息中

朋友是灣仔老街坊，同時亦是識食之人，是日請客。於是一行三人嚐一嚐這地道灣仔老店：波士頓餐廳。它位於修頓球場旁邊，相當顯眼，據悉不久前裝修過。給我的感覺有點像高級點的花園餐廳。到達之時，樓下已有人排隊，幸好朋友已提早訂檯，所以一上樓即有位坐。窗邊位景致相當不錯。先來餐包和餐湯。不得不說，這裡的餐包微熱的，軟乎乎，有淡淡奶油香，比一般茶餐廳的好一點。羅宋湯亦是真材實料，令我對接下來的菜式更期待了。朋友極力推介這裡的火焰牛柳Beef Brochette Flambé($173)說是鎮店招牌菜。侍應有禮貌地詢問我們：要不要觀看過程？(因為他會先在一旁點火，否則危險)危險？太誇張了吧？後來見到才知道，他一點都沒誇張，那個火焰才真誇張！侍應戴上手套，拿著一個肉架，串著牛肉和配料，底部加上助燃酒。先把酒潑灑在鐵板上，「蓬」一聲馬上著火。然後把兩件牛扒逐一沾上酒再放入火焰中炙煮，最後把剩餘的酒再倒入鐵板上。店員駕輕就熟，淡定中帶點優雅，此刻令我聯想起「執事」(日式管家)。我地睇到咿嘩鬼叫最後火焰熄滅後淋上黑椒汁（可選黑椒/蒜蓉/燒汁/洋葱汁）視覺效果令我很震撼。不知道味道如何？切開牛肉約莫六、七成熟，

細個屋企人成日帶我黎食，今次黎到已經裝修到唔同晒。之前食開知成日都要等好耐，今次突登早啲去，6點鬆啲就到左，唔洗等坐低左之後比枱邊啲污積整污糟左件衫即刻叫個侍應抹番佢，佢都好細心咁濕左d紙巾比我抹 足料羅宋湯跟餐包 -精選肉眼扒5成熟($148)配蒜蓉汁，個肉眼好腍好好食，一啲都唔痴牙，又大塊，好正-美式什扒餐($148)比較普通但勝在份量多，好足料，有豬扒，牛扒，雞腿，煙肉同腸仔跟鐵板仲有得揀飯或者意粉，識揀意粉加茄汁，係細個既味道

和同事夜晚9點收工諗住食餐好少少,點知失望到極點!!1.問員工wifi密碼,他說wifi是比老闆用!覺得好笑嗎?但wifi名係私人用就唔好叫boston restaurant啦!2.點了餐湯,食完面包都未上湯。3.點了厚切西冷,4成,到了一點都不像厚切,係半切就真,份量像比人切了一半,4成熟就似8成熟,一點肉味都冇。4.跟意粉,一點汁都冇,係白意粉。5.就連凍0茶都難飲,那就太過份了。如沒大躍進,想再食都難!!

今晚我們去咗灣仔盧押道嘅「波士頓餐廳」食晚飯！我們叫咗石斑扒、厚切西冷扒同火焰牛柳！餐湯係羅宋湯同忌廉湯！羅宋湯嘅味道相當濃郁！忌廉湯亦都幾香滑！餐包好香滑鬆軟！石斑扒嘅外層炸得相當金黃香脆，石斑嘅肉質好嫩滑！厚切西冷扒真係好厚切，肉質非常鬆軟，肉味好香濃！火焰牛柳喺上碟嗰陣，店員會喺我們面前將兩大塊牛柳火焰畀我們睇，牛柳嘅肉質亦都係非常厚身同鬆軟嫩滑，火候控制得恰到好處，唔會有好「嚡」同好韌嘅感覺，而且肉味相當濃郁！

有朋友介绍湾仔修顿球场附近有间历史悠久的排房，我同我老婆一於去试下传说中的火焰牛柳，去到吓一跳，一间较旧式的面包铺，原黎要上多一层的，可能由于我地下昼5点几到，不需要等位，（但系食完后，好多人在一楼排队）.于是点左火焰牛柳$190和肉酱千层面$78，需要加一，尼2款都好正，火焰牛柳即场用火烧，我地ORDER左7成熟，尼个时间一定系相机食先，牛柳好淋，好多肉汁，千层面都好好味，就系餐包和餐汤失望，其他都好好，喜欢食牛柳的朋友真系值得一试，因为去果度食的人都会点火焰牛柳。

行完美食博覽會都成8點想剧扒諗起老字號但冇得訂位一定要企係度等,門口超多人等左半個鐘有得入啦,點左個肉眼扒同火焰牛柳2個蘿宋湯,湯飲我出用好多材料煲成好濃菜已經溶晒又甜又酸教得好好,火焰牛柳可以上菜時先通知唔會係枱面點火如果想睇可以去出菜位睇有小小失望,牛柳好香酒味不過肉質冇想像中咁林但肉味夠,肉眼扒肉質反而比較林肉味雖然冇牛柳咁濃但容易食好多,黑椒汁好香夠辣,薯條炸得呂夠透吸滿汁都唔好食

新裝修後第一次去。完全沒有想到是一次失望近乎心死。例湯水份太多，鉄板溫熱,缺乏往日滋滋作響的香味，火焰牛柳火酒太多，亦沒有看見火焰。可能水凖不高也有一班慕名以來的新客，根本沒有動力，誠意，熱誠去進步。波士頓再見，童年回憶幻滅。心痛心碎心死。

當想据個平扒，都會諗起波士頓，裝修後企理咗，但少咗份老式平價扒房feel...是日食咗個咸猪手，外皮炸得好脆，肉還嫩滑，只係太細隻；鐵板魚柳：一貫大份抵食搵唔番之前食過啲相，佢嘅鐵板猪扒都幾正，煎得表面甘香肉嫩一啲都唔un，少食猪都不由得讚一讚佢哋嘅食物水準一向平穩，唔係走精緻貴價路線，不乏捧場客

波士頓，鐵板火焰牛柳... 對唔住，第一次食，中伏。集中好多張單一齊「表演」火焰，因此所有鐵板都唔熱，大X樂果啲熱好多。牛柳、薯菜，全部都苦！因為火焰係有酒精，要酒精先燒到，我明！但係真係全苦喎！火焰雪山都用酒精，點解唔苦？因為大鄉里第一次食，我特別請教經理，經理話：「係呀！全部連埋舊肉都苦架！」後來侍應小姐細細聲同我講：「其實好多客都頂唔順架，下次叫佢少啲酒精啦！」仲有，杯雪糕紅豆冰$40，杯身高，但係杯身勁幼，紅豆唔淋，奶同糖水都少。以一間老字號扒房嚟講，有啲失望。因為啲野食帶苦，我食唔到舊肉有幾正，唯有話...下次想食港式扒，會去翠X或大X樂。**裝修後廁所新淨，讚！**我會再俾多次機會佢，食純鐵板餐，睇下有冇金雀既水平

新界區朋友仔難得黎香港區行街，突然諗到帶佢黎食包佢開心返屋企😊黎呢到食火焰牛柳是常識吧😂兩個女生實在太肚餓，坐低點薯蓉田螺，呢個不過不失，最重要梗係點最出名既火焰牛柳先，我叫既係6成，牛柳嫩口，仲有淡淡酒味，配埋薯條簡直一絕👍🏻最後成功k.o 😂食完個肚仲覺得差dd, 心思思試埋呢到既心太軟😂略嫌少少心太硬😂我俾唔合格佢😅朋友食得開心，自己都開心啦😉

Wine & dine Festival 前相約友人們在灣仔晚膳, 位於路口位, 招牌搶眼的波士頓餐廳吸引了身心俱疲的我。60年代開業,但重新裝潢後感覺高檔, 打開餐牌, 除了鐵板餐外, 其他都是散叫, 鐵板餐全部叫價百多元, 點了雜扒, 另一份T骨扒。雜扒質素不錯, 但T骨扒上桌時,完全搶了風頭, 一大塊的, 比鐵板還要大,7成熟不多不少, 略嫌汁比較少, 一間已比鐵板燒乾。

波士頓餐廳 @ #foodki灣仔火焰牛柳 (5.5/10)($168)波士頓餐廳其實係一間灣仔區既港式扒房，60年代已經開業，唔少爸爸輩都會去波士頓鋸扒😂。但其實foodki已經好多年無去波士頓鋸扒😉，一黎性價比唔高，二黎都唔會特登走去灣仔食。今次有幸同兒時朋友一齊去食，傾下計，吹下水，講起從前往事😢，先再醒覺時間真係過得好快，事過境遷。今次食既係佢地既最最出名既火焰牛柳😂，其實主要係相機食先，睇佢表演，將牛柳淋上酒後放火燒，真係超大火超高😍😍。但好可惜睇完呢個表演後，牛柳超重酒精味😂，唔好食，肉味完全被掩蓋，雖然肉質仲係幾嫩😂，但太重酒味foodki完全接受唔到。

今日要去湾仔辦事，又想鋸扒，在樂意餐廳及波士頓之間，選擇了後者。1:30pm左右到，剛好有張兩人卡座，坐得舒適。我地點了一份午餐(黑椒牛仔粒)及一份鐵板夏威夷豬扒($108)。午餐的份量較少，但只索價$65，牛仔粒嫰口，牛味十足， 可算抵吃。豬扒份量超大，最興奮莫过於上枱時鐵板發出的吱咋聲，睇到也口水流，芬香撲鼻，厚厚的豬扒，唔覺得有用鬆肉粉“嗱”过，但一點也不鞋口。另外不能不提是那羅宋湯，材料豐富，味道甜甜酸酸，超讚。除了食物好味， 呢到嘅服務態度也要比10個like。一般舊式西餐廳(如太X館等)，多數是由一班老臣子管理，無論在衞生或服務方面，總有點同現代的要求有段距離。但波士頓做到了令人有賓至如歸的感覺，由踏入門口的一刻已感受到熱誠的款待，有卡位馬上安排，送上的餐包是用食物挾挾到麵包籃內而非用手的(在太X館我見过是用手的)，上鐵板時侍應会叮囑小心睇熱慢慢享用，離開時也會說多謝光臨、慢行等。整體今餐非常滿意，keep it up.

波士頓餐廳在我細細個時侯就已經存在，亦見證灣仔由一個舊區變成商樓林立的社區，面對時代的變遷和商業社會的激烈營商環境，至今依然屹立不倒就一定有它的理由。 講到鎮店之寶當然是火焰牛柳，鎮店之扒除了食得之外重有視覺聽覺的享受，好像才藝表演，估唔到食扒都有禁多「花臣」。但今次我想介紹的是廚師推介的鴛鴦扒，豬扒足料厚扒，肉質鬆軟嫩滑，牛扒同樣吸引，入味非常。超抵食雜扒餐，普普通通，勝在份量豐富，一定夠飽！雖然平均要百五蚊一個餐，但份量、品質並不求其！！

無寫過食評，快人快語，入正題想左黎食好多年，上次黎撞岩裝修食唔到。終於今日試到佢咩料要排隊既地方我不嬲唔去既，所以5點半就到左，但係都有超過一半入座率，餐牌唔係太多選擇，專注我鍾意，印象Main Course無超過200蚊既，除非你加野。兩個人叫左火焰牛柳同肉眼扒各一，因為係鐵板上，叫左5成熟。紅白湯各一，湯中上，當然係以港式西餐廳既標準喇，餐包正常。主菜到，各兩大件，其中火焰牛柳會係你附近你見到既地方火焰俾你睇。兩份牛都好好，當然都係果句係以港式西餐廳黎講喇，成數都控制得幾好，牛柳肉味濃d，不過有d牛騷味，不喜勿點，肉眼好正，再強調，係有各兩大塊！呢個價錢呢個質數呢個份量如果各位知道香港有邊度夠佢黎既請一定要話我知，如果有人喜歡食x鳳、x鷹、x園既話請一定要黎試下，呢度會讓你最起碼知道扒最基本應該係點既。點餐前本來唸定飯後要整返個火焰雪山既，不過主菜份量真係好足，要留番下次喇，下次兩個人叫一客西冷夠喇，見隔離台食超大塊，果兩公婆一人叫左一客，我走果陣見佢地食到呆晒，都係一人食左半塊度。三百七十幾埋單，超值！已入選我最喜愛頭10間食肆。大家要幫襯晚市唔想排隊請早d黎，六點已經要等位，我