波士冰室 (已結業)

好多懷舊冰室都有自己焗麵包，見到門口一個個大這手掌嘅菠蘿包，終於忍唔住入去食返個下午茶！咸牛肉炒蛋番茄脆皮菠蘿包 配雪糕紅豆冰 $36菠蘿包熱辣辣，大過我隻手掌唔係講笑，脆皮菠蘿皮堅係脆皮，微甜，餡嘅份量都唔細，都幾飽肚，呢個下午茶餐配雪糕紅豆冰，一飲就知同快餐店嘅紅豆冰差好遠，呢個牛奶味好濃，好抵食！手打牛肉煎蛋漢堡伴薯條 $52 加凍鴛鴦 +$3手打牛肉好有自家製嘅感覺，肉嫩彈牙，成個漢堡連埋芝士同雞蛋食，好豐富，薯條熱辣辣新鮮炸起，點埋茄汁會不經意地食咗好多。招牌鮮茄焗豬扒意粉 $60平時食開焗豬扒飯，今次將焗飯轉做意粉，超級驚喜，多芝士多茄汁唔再講，底下嘅意粉同茄汁混為一體，每條意粉都沾上茄汁好均勻，甜甜酸酸好開胃好喜歡！

路過叫了雲家米線店的小食，等太久又餓，結果內進這家餐廳下午茶因為前唔多幾個路口那間價錢仲貴，因此便試了這一間，都是叫了個30多元的下午茶，有少少嘢食加杯飲品。瑞士汁也不算太差，應該是大批製造的，瑞士汁雞翼，中間的雞肉都有點甜，外皮都盡吸瑞士汁。西多士半份，中間都算花生醬不少，另外給你少許糖膠，都不算太吝嗇。而那個咖啡味道和平日港式茶餐廳那些酸味較濃的咖啡有點不同，沒有那麼酸澀，算是港式餐廳來說比較好喝的咖啡。不過門口那個座位有點兒燈光在閃爍，令到環境氣氛好像不太好

。。。荃灣波士早餐。。。餐廳裝修有花心思，餐牌都好多選擇，早餐揀左多士加長腸加櫻花蝦煎蛋。。。煎蛋同多士幾好食，其實煎蛋唔使加櫻花蝦都可以hahha.員工有禮，可以encore

食返個下午茶先難得尋日放假梗係對自己好啲，晏晝食得唔夠飽，再嚟多個下午茶先🤣餐廳主打十大必食餐牌，一於叫返兩碟波士瑞士汁雞翼嚟食下先🤪再叫多個沙律，食完都飽晒😚🐔波士瑞士汁雞翼☕️跟餐加$10叫多杯熱檸水一碟3隻，食完覺得唔夠喉🤣瑞士汁好深色，甜鹹適中，浸到雞翼唔單止外皮深啡色，食落去仲好入味，肉質唔老唔硬～🍎🍍🥥🥒蘋果椰果雜果沙律🥛🥚跟餐加$16叫多杯蛋白杏仁茶一聽蛋白杏仁茶就感覺健康養生，飲落口好幼滑，杏仁磨得好幼細，而且蛋白仲要係啱啱熟，有啲似半生熟狀態嗰一隻～沙律裏面咩都有啲，蘋果. 菠蘿. 椰果. 青瓜. 粟米. 車厘茄等等食飽抖夠，雙腳又起行😎

荃灣沙咀道有着不同嘅商舖，如藥房、雜貨鋪、銀行、餐廳，能滿足唔同人嘅需求。食嘢方面，我經常去波士冰室，我覺得佢有冰室嘅質素，而且食物種類媲美茶餐廳。今晚食完晚飯，再買埋明天早餐，又正又方便。鴛鴦炒飯而家喺酒樓或者茶餐廳食到鴛鴦炒飯，真係買少見少，據我所知因為工序繁多，起碼要清洗三次鑊，所以唔係間間餐廳肯做。今次食到絕對冇令我失望，茨汁下是炒得粒粒爽口的蛋炒飯，蕃茄紅汁嘅酸度適中，白汁味道濃郁，蝦球不算大隻，但份量好多，夠新鮮，味道一流。腰果炒肉丁腰果保持鬆脆，芹菜亦都爽口，整體炒得唔會太乾身，夠鑊氣，味道媲美大酒樓。蛋撻、椰撻朝早焗返嚟食，蛋撻皮還很鬆脆，蛋味濃郁。椰撻味道夠傳統，椰絲份量好多，啱晒我。

嚟到荃灣 食晚飯 找間茶餐廳坐低 輕輕鬆鬆食過晚飯， 見到呢間波士冰室地方好闊落 就坐低。 首先我哋叫咗個精選 梅菜豆卜蒸 盲曹， 係呀冇睇錯 係原條盲曹 盲曹魚一條 喺街市買都要五六十蚊。 呢條魚原汁原味 而且仲有豆卜索上魚的鮮味 各自由像整得好好味。之後就叫咗 黑椒薯仔牛柳粒 牛柳粒炒到好有鑊氣 薯仔椒香好味 拍照咬落 醒胃 彈牙。牛柳粒香香地 有好多粒多到我哋食唔曬 配上三色椒 非常醒胃 咬落可口仲有原味中湯 附送 係紅青蘿蔔湯我哋叫咗杯凍咖啡同凍奶茶 又係完美的一次

今晚在荃灣寶石大廈辦完事，順便在附近食晚餐，發現這家波士冰室就來試試水準。餐廳裝飾的懷舊香港作為主題，有不少香港的特色設計，位置空間感足夠，亦有不少卡位。餐牌選擇十分之多，有各種港式小菜、常餐等，亦有焗飯等，還有不同的出爐麵包。脆皮菠蘿油看似平凡的菠蘿油，一入口卻令人驚喜萬分，菠蘿飽上面的一層脆皮雖薄卻脆，鬆化香口，入口香而不膩，加上厚厚的鮮牛油，邪惡感爆燈。炒滑蛋、丹麥多士炒滑蛋澄黃香濃，而餐廳用上層層鬆化的丹麥多士，牛油香氣滿溢，香脆可口。瑞士雞翼撈公仔麵瑞士雞翼一試便知道是真材實料，滷煮入味，口味甜而不膩，肉質軟嫩不乾，醬香馥郁滲透骨肉，有齒頰留香之妙，而公仔麵則恰到好處，口感爽彈不過腍。綿香辣椒油特別一提餐廳重本用上綿香的勁辣辣椒油，極香極辣，配撘公仔麵一流。招牌鮮茄焗豬扒飯熱烘烘的上枱，豬扒肥瘦均勻，肉汁豐盈，甘腴可口，而微酸微甜的鮮茄醬汁，與有誠意、粒粒分明的炒飯底十分相襯，每一啖都滋味豐美。乒乓波黑糖奶茶餐飲加錢轉了特飲，奶茶真材實料製作，加上兩大粒乒乓波大小的奶茶冰，能品嚐到香濃茶香及幼滑奶味，十分不錯。自家製蛋白杏仁茶看到有少見的蛋白杏仁茶，立馬點一杯，一呷杏香雋雅，

喺荃灣買完餸，路過見到大大的麵包櫃，展示的麵包又大又精美，原來係呢間冰室嘅一部分，剛啱行到個肚又打鼓，一於就入去擦番餐！就係呢個麵包櫃，吸引了我哋嘅眼球入到去，滿滿的懷舊feel !餐牌上的食物都充滿懷舊感!煎蛋厚切午餐肉菠蘿包配上雪糕紅豆冰，一絕👍燶邊雞蛋煎得香口，午餐肉又唔會好老，夾在脆皮菠蘿包中同食，場景即刻回到舊時!招牌豬扒包豬扒外脆內嫩，生菜又爽又脆，配上鬆軟麵包，好味飽肚又滿足生炸雞脾沙律，大大隻左脾，炸得外皮酥脆、內裏鮮嫩有肉汁，很久沒有食過咁高質素嘅生炸雞脾啦！紅豆冰我要了多奶，水吧大哥也毫不吝嗇，濃濃的花奶香，令杯豆冰更添醇厚，而且紅豆煮得起沙又入味，入口即化又夠甜，兒時味道返哂嚟！佢哋杯‘乒乓波黑糖咖啡’，竟然係用即磨咖啡做底，非常香濃，再配上兩球黑糖咖啡冰，就溶於咖啡內,都不會溝淡原本的咖啡味😋餐牌之中仲推介幾款用丹麥多士做嘅三文治，不過今日太飽了，下個禮拜再嚟試吓！

今晚落到好大雨，黎左呢邊食返個飯先。第一次入黎呢間冰室，冇諗到d野又幾好食wor門面見到呢度仲有麵包買，d包仲大大個漲卜卜，睇見都流曬口水。餐廳入面好光猛，又乾淨，而且座位都多卡座，而且唔會坐得太迫，都幾舒服。睇下餐牌，呢間冰室好多野食都有，如晚市既小菜、客飯餐、煲仔、咖哩、扒類意粉/飯、焗飯、常餐、小食等等今晚同爸爸撐檯腳，我地點了一堆野食，再一齊開心分享。首先講下呢度既瑞士雞翼，眼前一亮。雞翼十分腍身，而且瑞士汁超濃同惹味，好好味，呢款小食一流。另外點了一份黑松露炒蛋多士，炒滑蛋好嫩滑又好味，唔錯呀，上面仲鋪左好多黑松露，鍾意黑松露既我覺得超香超吸引。黑松露同滑蛋放在又厚又鬆脆既多士上，口感味覺都一絕，好滋味。之後要講一講呢個招牌蕃茄焗豬扒飯，超級香同惹味，上面鋪滿了蕃茄同芝士咁，味道好香好濃蕃茄味，而且仲超多汁，每啖飯都充滿了蕃茄味，好好味。炒飯底好有誠意，滿佈蛋絲，口感一絕。仲有好多件啖啖肉豬扒，正。呢個焗飯份量好多，好抵食。大滿足。最後我仲加了杯雪糕紅豆冰，又食雪糕又食紅豆冰，好好味。現在都好少冰室會有雪糕紅豆冰了，好滋味。紅豆又大粒又腍，好好味。

在尋日本人在餐廳內點了一隻熱狗，我不知道熱狗有芥辣隨即叫服務員可否去芥辣，這服務員隨即通知廚房不要芥辣，但食物上枱發現還有芥辣，我隨即叫這個男服務員跟進，點知他的態度非常差，還說了一句⋯落單前又唔講，這個問題明明係你哋廚房忘記去芥辣，但將這件事源頭賴落個食客度！非常差！

六點後又禁堂食，接🤴🏻放工都5:20，問咗幾間都冇得入，好彩仲有‘波士冰室’，Order完後好快5分鐘之後上菜😊😊～～～白汁火腿燴雞皇飯～～～白汁超多超豐富🤩🤩，味道濃郁配飯一流，內裏嘅雞扒有4-6塊，可惜雞扒就乾咗少少🤨🤨，但可以接受😙😙～～～瑞士雞翼撈公仔麵🍜+炒滑蛋+丹麥多士～～～唔好俾佢深黑色嘅瑞士汁外表欺騙，平時食開嘅瑞士汁都略帶甜味，但這款只有好淡嘅鹹味，只留於雞翼及公仔麵表面，感覺好唔夾😔😔！好彩🤴🏻嘅白汁雞皇飯啲汁勁多，出奇地公仔麵溝白汁又幾好味😋😋咁算唔算發現左個新滋味呢？🥰🥰跟餐嘅炒蛋正常水準，丹麥多士外脆內軟👍🏻👍🏻

2022年2月2日😊年初二，約會好友 於荃灣，一起逛街 ，大風 ❄️冷凍天氣，彼此都穿上厚厚衣服😀 下午 3:00 幾，有啲疲倦，搵個地方休息座座路過沙咀道 「波士冰室」，下午茶時段，客人多多，好彩有個卡位😊睇吓餐牌：西多士、公仔麵、意粉、熱狗🌭️、波蘿包系列… 等等，任君選擇T1) 厚切餐肉煎蛋公仔麵 $34兩片午餐肉，確實係厚厚切微微煎香，麵質一般啦，味精湯底😋T7) 波士瑞士雞翼 （2隻）併 花生🥜醬西多士（半份） 好深色，濃濃瑞士汁，雞翼夠入味 西多士味道麻麻哋，糖漿另上奉送熱飲： 熱奶茶☕️ 香滑 茶味濃 👌

菠蘿油凍及硬,似包櫃冇開.成舊包完全食唔落口班員工落單錯誤嚴重頻繁，落完單仲要多次同員工確認自己落左乜野餐，仲要依然漏單前線後廚0溝通，食物不過不失，不過無下次

同朋友返完教會，大約1點半，又到了午餐時間，於是係荃灣周圍揾食，諗極都諗唔到食咩🤔行過泰國餐廳、台灣餐廳、日本餐廳、多國餐廳，好似都唔係好岩心水，咁就不如食返最地道嘅茶餐廳啦！黎到波士冰室，見到對面食客點左乾炒牛河😋牛河炒得好靚，於是我都叫左一碟，牛河炒得好有鑊氣，令人食完一啖又一啖😋朋友就叫左紅咖喱豬扒飯，咖哩味好香，豬扒好入味，而且好大碟，男仔一定夠食我地叫嘅午餐都會包湯同飲品，2個人食到好飽😆

1920分叫了魚香茄士班腩。豆腐火腩煲外賣。等了半小時才話無豆腐，廚房無出聲。拿拿聲退錢，拿一個外賣回家。反到家中。魚香茄士班腩變了魚香茄士肉碎。火都拿。打電話落去投訴，男人聽電話，我單都係打了魚香茄士肉碎，無收多錢。。奉勸各位以後外賣小心睇單。以免中伏。。p.s. 太太唔鍾意吃甘多肉碎嘅野。一陣我要再落去買野比太太吃。