波士冰室 (已結業)

好多懷舊冰室都有自己焗麵包，見到門口一個個大這手掌嘅菠蘿包，終於忍唔住入去食返個下午茶！咸牛肉炒蛋番茄脆皮菠蘿包 配雪糕紅豆冰 $36菠蘿包熱辣辣，大過我隻手掌唔係講笑，脆皮菠蘿皮堅係脆皮，微甜，餡嘅份量都唔細，都幾飽肚，呢個下午茶餐配雪糕紅豆冰，一飲就知同快餐店嘅紅豆冰差好遠，呢個牛奶味好濃，好抵食！手打牛肉煎蛋漢堡伴薯條 $52 加凍鴛鴦 +$3手打牛肉好有自家製嘅感覺，肉嫩彈牙，成個漢堡連埋芝士同雞蛋食，好豐富，薯條熱辣辣新鮮炸起，點埋茄汁會不經意地食咗好多。招牌鮮茄焗豬扒意粉 $60平時食開焗豬扒飯，今次將焗飯轉做意粉，超級驚喜，多芝士多茄汁唔再講，底下嘅意粉同茄汁混為一體，每條意粉都沾上茄汁好均勻，甜甜酸酸好開胃好喜歡！