波士冰室 (已結業)

是咁的……今日去咗呢間冰室食午餐，因為第一次幫襯，所以就跟咗餐牌上嘅推介叫咗碟肉醬意粉同芝士海鮮伊麵，仲叫咗杯雪糕紅豆冰同凍0T，首先係上杯雪糕沉咗落底嘅紅豆冰，搞到成球雪糕都係俾冰包住，最神奇係杯嘢完全無紅豆味，好似只係飲緊冰水咁，之後個肉醬意粉淡茂茂…… 仲衰過7仔啲叮叮意粉……最後個伊麵就絕對係世紀級難食，無論係芝士醬汁，定係啲海鮮，仲鹹過海水，好似生吞鹽咁，仲以為揀餐牌上最貴，有推介嘅就安全，點知真係大失所望……食得咁唔開心，諗住同啲侍應反映吓……點知個阿姐就咁收完啲碗碟，哦咗聲就若無其事繼續做嘢……咁最後只晌俾錢賣單嗰時同收銀嘅再講……不過我諗佢都係"意見接受、態度照舊"……永遠不再幫襯!!

荃灣真係好多餐廳，今日咁岩經過波士，當然要一試啦！叫左個平日成日都食沙爹牛肉麵，配櫻花蝦炒蛋，多士。個炒蛋配櫻花蝦，真係好特別！但d蝦只係放係上面，冇煮過！😓沙爹牛肉麵其實都係正常，都冇咩特別！環境都幾好，地方都大，位都好多！

成日經過呢間冰室都未食過終於今日走去試下佢既午餐午餐時間都坐得幾滿 幾多人一入到去好彩咁岩有位坐低呢間冰室裝修設計都好新式 唔係好傳統舊式冰室黎睇餐牌午餐餐牌好似係日日唔同但唔多岩口味 所以揀咗常餐食餐牌都幾有趣 扮日報既設計見到下午茶好吸引 可惜未夠鐘食瑞士雞翼撈公仔麵 配牛乳炒滑蛋丹麥多士有三隻雞翼配撈麵 味道都ok 正正常常 唔算有驚喜反而丹麥多士熱辣辣 脆卜卜整個甜甜地 又香口 但烘得有啲膿均勻既牛油 幾鍾意食呢個炒蛋都幾嫩滑 都好味

這晚和家人一起到位於荃灣沙咀道，賽馬會對面的波士冰室晚飯， 由於居住在附近，所以家人都把波士冰室當作飯堂。餐廳環境寬敞，小炒有鑊氣，套餐有湯，有飯又有飲品，非常優惠。加倍芝士焗腸仔肉醬意粉～把芝士, 肉醬和腸仔混合便可開始食了,蕃茄醬酸酸甜甜的，小朋友都食唔停口，一碗接一碗。乾炒牛河～牛肉入味軟淋， 河粉配上韭菜和豆芽， 炒得香而且有鑊氣，是每次都會點的菜式。魚香茄子排骨煲～茄子軟而不爛，排骨嫩滑，食得出是新鮮排骨，而不是是雪藏貨色，值得一讚。四季豆炒豬頸肉～這個菜式帶有一點辣度， 適合喜歡刺激的我， 豬頸肉香口，好味道。職員有禮，小炒有鑊氣，價錢相宜，很高興找到一間父母都喜歡食的餐廳。

今日經過附近想食個下午茶就見到呢間波士冰室，個名聽落已經好吸引入到去即刻坐低叫個瑞士汁雞翅，熱狗🌭️，招牌冰波奶茶瑞士雞翅味道濃郁，完全就係我鍾意味道加個熱狗成個前臂咁長真係平靚正招牌冰波奶茶我覺得就同出門普通奶茶冇分別，只係特別凍有小小失望😞不過總體都好好食！值得再去

當日跟太太及其父母到波士冰室食晚餐，店員殷勤招待，座位亦舒適我們點了幾道菜，其中前兩款是晚市套餐，配了飲品及餐湯，實惠第一款是蟲草花雲耳蒸雞，雞很滑且雲耳很入味四季豆炒豬頸肉火辣且非常香，很適合配飯另點了魚香茄子排骨煲及咖哩薯仔牛腩煲，排骨有想不到的鮮軟而茄子非常香咖哩則很香濃，牛腩亦一點也不硬，很美味乾炒牛河炒得很有水準，牛肉很滑，河粉很入味芝士焗腸仔肉醬意粉同樣出色，芝士及茄醬香濃，非常開胃整體來說這頓晚餐很有驚喜，難怪常常客似雲來

香港近年越開越多懷舊冰室🇭🇰今次經過荃灣沙咀道發現呢間波士冰室幾多野食😍食物款式超多 除咗基本常餐、碟頭飯之外仲有農夫包、熱狗、櫻花蝦炒滑蛋等✨各式各樣都好吸引🤤仲有新鮮出爐麵包賣！就入黎試下啦😆瑞士雞翼撈公仔麵配滑蛋多士 $50（7.5/10）同坊間茶記冰室既多士好唔同！🤤用咗丹麥多士 熱辣辣 烘成黃金酥脆✨比起一般的多士更做到外脆內軟的效果💯牛油味更香濃 融化係多士上💛正到不得了🥳炒蛋生熟度剛好 落左北海道牛乳炒果然唔同🥛好香奶味又夠嫩滑 正呀😋💙而瑞士雞翼撈公仔麵 賣相色澤非常靚🤤雞翼大大隻厚肉 肉質嫩滑但唔太入味呢😢瑞士汁都唔夠香同唔夠味 須調整改善下公仔麵煮得啱啱好唔會太淋😆有口感夠爽滑💕手打牛肉煎蛋漢堡伴薯條 $46 (8/10)漢堡包因為係自家製 所以整得更加厚外層烘過微脆 搽左層薄牛油 麵包內非常鬆軟 夾住芝士、太陽蛋、漢堡肉、沙律醬💕漢堡牛肉嫩juicy有肉汁 有厚度煎得兩面都好香 配埋半融芝士同蛋汁🤤每啖都係大大滿足😆💯如果加塊番茄🍅解膩 增加清新感 會更高分！薯條夠熱夠脆🍟薯仔味突出！正呀🤤整體呢間冰室質素都算中上😝食物選擇多有特色同凍檸茶凍咖啡都整得好好飲！檸茶

今天下班真的有點累，想趕快吃了飯就回家休息，就在附近的波士冰室，吃了便算吧。我們點兩個晚市套餐，和一些小食。先來蝦醬通菜炒牛肉，好有鑊氣，通菜爽脆鮮嫩，牛肉厚身，只是63元套餐，份量真的好多。瑞士汁雞翼味道濃郁，芝士流心西多士，多士中間有爆滿的芝士，傳統中夾雜特色口味，真的女士至愛。波士冰室十大必食，果然美味出眾。涼瓜炆黃花魚，因倉魚買晒，轉了黃花魚，酥炸香口，魚肉嫩滑。配菜涼瓜大大件，苦中帶甘，都系個句，份量真的好多，大大條魚，抵食。裝潢設計，滿溢懷舊氣氛，令人滿有美好回憶。加上他們的員工超有禮，殷勤，親切。

在荃灣沙咀道收工，行到寶石樓，見到綠色的波士冰室，幾得意。晚餐70元左右，唔太貴。點了蝦醬通菜炒牛肉，送飯，湯和飲品，63元，掋食。湯鮮甜不太咸。牛肉也不錯，挺彈牙。奶茶也不錯，香滑。

同朋友想食茶餐廳， 見到呢間冰室用懷舊香港做主題好似幾得意，所以就入去試下... 牆上面嘅晚餐menu唔太吸引...都係啲蒸魚同住家小菜，反而有興趣佢menu上邊嘅10款推介食物... 點咗瑞士雞翼、芝士腸仔肉醬意粉、芝士流心西多士、咖哩牛腩撈伊麵同雪糕紅豆冰！我覺得芝士流心西多士係一定要食！雖然聽個名已經好邪惡，不過西多士煮得又香又滋味，裏邊嘅芝士有拉絲效果，配埋牛油同埋糖漿真係不得了！另外咖哩牛腩撈伊麵都係比較少食到嘅味，佢嘅牛腩煮得好腍，唔鞋口，而且有牛筋，好彈牙炆得好入味，我最鍾意佢嘅咖哩偏向街邊魚蛋鋪嘅咖哩味，好有香港情懷！至於瑞士雞翼個人就覺得偏鹹，要配飯食比較好，不過佢嘅瑞士汁煮得好入味好香！ 肉醬意粉就有好多芝士同腸仔，好足料，食完係超級飽！雪糕紅豆冰點咗雲呢拿雪糕，紅豆份量多，溝埋牛奶，好香濃，兩種味好夾！另外要讚下收銀嗰個阿姐，因為一入嚟佢已經好好服務態度，又主動走過嚟幫手加水，反而另外兩個年輕嘅店員都冇佢咁細心... 好欣賞呢位阿姐敬業樂業的態度，多謝你，下次會再嚟幫襯！

宜家周街都有好多xx冰室,其實真係唔知冰室同餐廳啲分別,總覺得裏面食物啲選擇,都差唔多。講番這冰室,位於荃灣沙咀道,可能係地鋪,同人流多關係,佢啲早餐價錢嚟講,都唔平。今朝叫咗個炸魚,豬肉腸,櫻花蝦炒蛋+多士,飲品,至於食品質數,不過不失,塊魚啲肉都幾厚,個蛋都幾滑,但要成$43,真係唔係我呢啲基層,可以日日食嘅早餐

除左Kolour千色匯，呢到係荃灣新開第二間分店眼見人流比千色分店少，早餐時間不爆場，一入到去仲有好多卡位選擇。食物方面，我order左早餐D (番茄薯仔排骨煎蛋螺絲粉) 配 牛油厚多士.番茄🍅湯底夠濃郁，牛油厚多士都鬆軟好味。而餐飲叫左杯凍華田，呢樣係令我稍為有點失望😞，凍華田味道好淡，只係飲到奶味，柯華田粉不足夠。服務員方面，好多都幾nice的。坐低無耐，就會主動問你需唔需要落單先。環境清靜，唔會好嘈如果想靜靜地嘆個早餐，呢到都不失為一個好選擇除左杯野飲令人失望，整體黎講Okay!

如題因為唔想日日食金記先去試下...1）芝士旦漢堡如圖，無醬汁👎🏻 漢堡好削👎🏻乾珍珍芝士唔溶可以想像唔太熱👎🏻2）焗肉醬意粉個味道唔錯，茄醬有少少甜芝士可以多d整體而言荃灣有幾間冰室金記的食物質素係最高！炒粉麵，茶餐，菠蘿油樣樣都好好紅茶冰室都唔錯，只係太多人要等同迫同遠但個沙嗲牛麵好好食嘉樂就抔凍0茶紅豆冰好飲，西多士，鹹牛治，其他野食一般呢間未入流喎⋯⋯

今日同朋友跑完青公,好彩跑完先下雨換完衫行到出沙咀道搵野食好彩好快有位坐見到都好多都想食真係好懷舊FEEL叫左奇趣芝士雞腿農夫包,鮮茄焗豬扒飯叫餐加特飲有優惠價,正呀奇趣芝士雞腿農夫包-連個包都食埋,口感良好,芝士味超正呀,雞腿係炸脾熱辣辣脆口鮮茄焗豬扒飯-焗左芝士好香,豬扒夠晒淋,蕃茄味都幾香原味冰波凍奶茶-由於佢以奶茶去雪冰所以唔會因為冰融而淡,茶底幾香黑牛-有雪糕食又有可樂飲,爽晒,可樂撞雪糕D泡升返上黎睇見都正呀

今日早咗收工約咗朋友在荃灣吃飯不過都係簡單一餐飯, 所以就揀咗間茶餐廳 餐廳環境都不錯, 而且好有懷舊感覺好似返咗同年兒時。 餐廳餐牌有十大必吃食物 ，我就揀咗咖哩牛腩飯啲牛腩份量都好多，而且咖哩味道好適合我， 啲牛腩好嫩口唔會非常硬 ，所以我覺得加埋D咖哩汁連白飯吃 ，簡直是絕配 。還有瑞士雞翼啲雞翼醃得好入味， 我個人就比較鍾意吃啲雞翼瘦啲因為太過肥D雞皮也好肥， 其餘還有公司煎蛋漢堡 ,漢堡包連埋蛋一齊吃口感非常唔错， 不過最緊要啲漢堡唔會太硬, 最後飲埋杯菠蘿特飲真係非常滿足。