影片
同巴士迷朋友坐930X入到荃湾时已经系下午茶时段，我地呢几个盲炳就乱入一间冰室，于是就帮衬左波士冰室。我同另一个朋友冇话好饿，就叫左轻食。菠萝油都靓仔嘅，后生仔先有quota食。西多士个西多就比较普通，千祈唔好期望切开会有咩爆酱效果。照烧鸡扒漩涡蛋包饭呢个巴士迷朋友就真识食，个饭超巨型。果碟汁系芝士酱黎，最正系，啲饭系炒饭底，入面仲加左啲饭素，都真系有啲心思。即睇黎讲，呢度都系一间唔错嘅市民饭堂～见到附近好多人都食炒野，日后有机会真系要试下～
继续阅读
堂食叫咗萝卜牛腩煲、沙嗲鸡扒公仔面加炒滑蛋，点知嚟到萝卜牛腩煲冇牛腩，沙爹鸡扒公仔面冇沙嗲，炒滑蛋喺煎蛋。。。牛腩得个一两粒+几条肉丝萝卜超级硬，好难食$72。。。沙爹鸡扒公仔面完全冇沙嗲menu系写炒滑蛋唔明点解嚟到系煎蛋。。。。如果要自己拣嘅话，落单完全冇问我要煎蛋定炒蛋，default系煎蛋嘅话，menu凭咩写系炒滑蛋？？？煎蛋好油好难食
继续阅读
我钟意食菠萝包、焗猪、饮柠茶今次去荃湾波士冰室食哩度装修有怀旧港风feel除咗茶餐饭餐日头仲有新鲜港式包/蛋挞架！不过我夜晚去到卖哂了～叫咗：🔸海南鸡饭餐（$82）🔸招牌鲜茄焗猪扒饭（$79）🔸瑞士鸡翼（$34/3只）🔸小菜（$70）🔸百香果梳打🔸冻柠茶.． 真心件猪扒真系几好食，厚身、松软、少少肥，食落好香又有口感，茄汁属偏甜个种，仲焗饭仲有一大pat芝士，好邪恶😝。． 瑞士鸡翼出色！个汁咸咸甜甜又入味，必点！．白菜仔配金菇、干瑶柱丝，口感丰富，个芡汁几好味。． 配咸食我多数会叫柠茶，有几片真柠檬🍋，茶底浓度适中，唔错。夏天仲推出咗百香果梳打特饮添。
继续阅读
今日同家人到波士冰室食晚饭，点左菠萝生炒骨，土鱿蒸肉饼，鱼香茄子班腩煲，芝士火腿滑蛋丹麦多士三文治，怀旧雪糕红豆冰，热柠檬水，咸柠七喜。菠萝生炒骨：好多配料，新鲜三色椒，洋葱，菠萝清甜。生炒骨肉质好，甜酸度岩岩好。土鱿蒸肉饼：肉质好好加埋土鱿香，将菜式味道层次再提高。鱼香茄子班腩煲：班腩都好多，味道配合白饭来食好夹。味道好，茄子肉碎加起酱汁就系绝配。芝士火腿滑蛋丹麦多士三文治：芝士融入火腿同炒蛋中，令到多士更好食。炒蛋唔会炒得太干，整体好味道。怀旧雪糕红豆冰：雪糕几好味道，红豆够淋。热柠檬水：正常。咸柠七喜：热辣辣天气整返杯即时解热。例汤：唔会太咸都叫ok,都好多料。
继续阅读
又一个放工唔想煮饭嘅日子～波士冰室就系我嘅饭堂啦！！！🛎 $55 瑞士鸡翼捞公仔面配炒滑蛋多士瑞士汁甜甜地，鸡翼超入味😍用黎捞公仔面一流😋多士烘完十分香脆！🛎 $60 干炒牛河牛肉应瘦而有嚼劲👍🏻炒完都保持鲜嫩河粉弹牙而腻🥰仲吸收埋牛肉同酱汁既味～值得一提既系～几有镬气，火候控制得好好！🛎 $70 瑶柱金菇扒时蔬优质嘅瑶柱、鲜嫩嘅金菇，加上时令嘅白菜仔完美吸收高汤既汤汁😋非常美味～🛎 跟餐 +$16 怀旧雪糕红豆冰呢啲咁怀旧嘅餐饮真系好难揾到啦🥹红豆馅配上云呢拿味雪糕，清凉爽口既同时～又有著温暖浓郁既口感😋正！！！糖度亦恰到好处～
继续阅读