泉章居 (已結業)

６個人叫了個８人套餐，盛惠４0８元，仲要免茶芥！鹽焗雞一隻 - 咸味夠但雞味不足，但今時今日食雞都不可有太大期望。赤小豆、粉葛、豬肉湯 - 湯料甚多，但味偏咸。梅菜扣肉 - 可接受。椒鹽鮮魷 - 夠香脆，佔魷魚可能係雪藏貨，冇鮮味。枝竹、火腩煲 - 份量甚多，味也可接受。蝦醬通菜牛 - 普通大路貨色。整體來說，份量十足，味道就是大路貨色，但環境清潔光猛，服務也好。如果家庭聚會，同事午饍，絕對超值，開飯之選。