沛公甜品 (已搬遷) 新店位置

２７號去ｆｄ　到整電腦～記得ｏｐｅｎｒｉｃｅ有介紹呢間甜品店就特登去試啦行左一陣先搵到～　不過去到好多人．ｄ位開到出面我知你店細．．．不過真係好似大牌檔呀　（冬天係食風．．．）咁就睇ｍｅｎｕ啦～～　好多款好多相好似好好食咁朋友就一早睇定所以就叫左ｂｌｕｅｂｅｒｒｙ千層我就因為好凍所以想食熱野．叫左燉海底椰仲叫左個ｓｔｒａｗｂｅｒｒｙ　河粉ｓｈａｒｅ到有野食啦．朋友個ｂｌｕｂｅｒｒｙ就不過不失．不過我個燉海底椰真係超級難食！！！　ｄ　海底椰片係苦家！！　個糖水又勁難飲難為我個大胃王　ｆｄ幫我飲埋喳！個ｓｔｒａｗｂｅｒｒｙ河粉又係超難食個ｓｋｉｎ成尺厚！　而且完全冇味．．．．．．不過叫做平既．３樣野都係５８元．．．不過我真係唔會再去。最嬲既係．我番去睇ｍａｇａｚｉｎｅ話原來千層係＄１多一件．但間店完全冇ｐｒｏｍｏｔｉｏｎ而且ｗａｉｔｅｒ亦無提過囉！！！　唔駛咁呀？？？

因為生病，本來是沒甚麼胃口的；不過在蘭苑吃罷一碗清甜的綠豆沙，竟讓我胃口大開，想繼續吃甜的；路經沛公，就買了一個法國栗子千層班戟。沛公我本人沒有吃過，只是因為其榴槤味勁，買過一次榴槤布甸回家孝敬娘親 (不過還被complain指榴槤味不足，哀~~~)；今次我一個人能夠吃畢一大件"法國栗子千層班戟"還是成疑，所以還是買回家與娘親分享。這次的"法國栗子千層班戟"倒沒讓我們失望；很多層煎得薄薄的班戟皮 (我沒仔細做，應超過十層)，每層中間夾著又滑又香的栗子忌廉；栗子忌廉很滑，栗子的芳香四溢，加上班戟皮富有蛋香，每層也厚薄均勻，做得很有心機，吃下時，更是口感非凡；美味得很！太公一向偏好傳統甜品 (如綠豆沙、芝麻糊等)；讓我留下深刻印像的新式甜品，這是第一個。不過這裏的服務員，總好像見你只買一樣甜品，就態度冷淡...實在有待改進！

我叫左既係「心花怒放」呢@@"芒果基本上大部分都甜既，而Pancake皮唔錯好有蛋味唔怪得佢以千層Pancake做招徠＊而布甸呢，淡左少少Wor似乎......而個綠豆沙媽子就劣評如潮.....一時稀一時杰，都唔知想點@@"算啦，荃灣嘛，仲有好多好雪糕舖既*

本人是住在荃灣, 久聞這家甜品店的大名, 於是一天晚上, 便到了這兒買了久聞其大名的千層蛋糕, 我要了曲奇千層. 坦白說, 這兒的千層確是不錯的, 有層次, 味道不太甜, 不過略嫌較硬, 不夠鬆軟. 不過本人想月旦的, 是該店店員的服務態度. 當本人正站在甜品櫃前選擇應該買哪一種千層時, 那名MK打扮的年輕女店員, 只懂得在一旁跟同樣MK打扮的男子傾計, 絲毫沒有理會客人. 這樣的工作態度, 我心想, 如我是老闆, 我已經會第一時間炒了你, 因為這樣的工作態度只給人一個唔想做的感覺. 若該店老闆有心想把甜品店搞好, 或許首先應該先聘請一些工作態度較好, 較具熱誠的員工.另外, 有一個疑問是, 不知道該店這樣將坐位擺放出來是不是牌照內允許的呢???? 有沒有構成阻街之嫌?

琴晚十點去食甜品, 之前睇過雜誌介紹, 唔理三七廿一叫左:1個心花怒放 $28 (MANGO + MANGO PUDDING)1個LIME CHEESE 千層PANCAKE $22心花怒放冇咩SPECIAL 亦冇咩問題, D MANGO都甜丫不過個PANCAKE出事未食...就聞到成陣榴槤味!!!我同男友都係絕對唔食榴槤, 所以好敏感同個STAFF 反應, 但佢地 (一男一女, 男的應該係boss) 話" 冇可能ge, 我地同蓋"club" 住ga "仲要話係cream cheese 味..................................超無奈.........一d 悔改之意都冇只好唔食頭個幾層pancake......d 野食全完係一早準備好係雪櫃, 但唔夠凍, 唔多新鮮....唔再食la.......

10pm下課後，肚子餓得很（雖然上課前已吃了一點麵包）。逛呀逛，荃灣實在有太多選擇、太花多眼亂了，想不到該吃什麼。他突然建議到《沛公》吃甜品（skip了晚餐）…之前看過了雜誌介紹，已很想試試看的了，而且這裡是走到巴士站的「必經」之路呢（其實是故意「必經」吧，每次走過均說一次「很想試試…」）！店子面積很少，桌子只能放於行人路上，很大排檔的感覺（也許是荃灣食肆的特色），不過仍經常堆滿了食客…以榴槤作配搭的甜品不少，故店子附近均充斥著一般濃烈的榴槤香，不過我選擇的是「鎮店之寶」-- 心花怒放，即是一個被班戟皮包著、上面放了忌廉及芒果花的芒果布甸吧！芒果有點酸，沒辦法，當造期是夏天嘛…另一樣「鎮店之寶」-- 千層班戟，就是一層班戟皮加一層忌廉、層層疊疊的製作成蛋糕般的樣子，口味選擇挺多的（芒果、藍莓、青檸芝士、曲奇、榛子、栗子、朱古力等等，不能盡錄），我們對藍莓及青檸芝士較有興趣。間爭扎良久，最後選了藍莓，味道普普通通（真的只是製作得比較花點心思及工夫的班戟罷，而且「雪得」挺硬的），也許青檸芝士應該會特別些…以上兩款的甜品味道均普通（當作是吃她們的「手工」吧）。不過在冬天的街頭上吃凍甜品，真的

雖然間嘢細細地，不過啲甜品總算幾好味。話晒都鍾意食甜品，今次睇雜誌介紹，約咗幾個同學入去食。我哋叫咗個芒果千層，因為唔係太甜，而且芒果都好新鮮，班FRIEND都話好OK，另外，我哋又叫咗白裡透紅，聽老闆娘講，好似話呢個係佢哋另外一個皇牌，試食之後，我哋都驚訝佢哋用椰汁可以做到包住紅豆既「腸粉」物體，又白又滑。。。值得再試下唯一唔好就係宜家咁凍天氣，佢哋啲甜品多數凍食，仲要喺寒冷天氣之下坐喺門口，真唔係講得笑，好在佢哋有個「沛公薑茶」，因為薑汁既關係，我哋都可以暖啲。。佢哋咁鍾意創作新既甜品款式，應該喺熱食甜品多落啲工夫，等鍾意食熱嘢甜品既人多啲口福囉﹗

睇openrice搵食，見到沛公甜品有千層cake買！去到時，以經有三，四位人客買緊千層cake！千層cake選擇都幾多，有栗子，芒果，曲奇，朱古力，m&m，樽子等等諗左緊要咩味，我問我：「樽子同朱古力邊個好D？」店員：「下.........我都未試過，我唔知點答你！」..................過左30秒左右！店員：「朱古力會甜D......」最後選擇左樽子！樽子千層cake - 第一啖，完全無樽子味 cream味蓋過晒，再食落都係無樽子味，整個cake我就食緊cream咁，每啖都係cream cream cream D cream係超市都可以買到既cream，食多兩啖再無尼個衝動食落去咪係我揀左錯？

11月23號 - 下午5點幾左右嘉樂之後就行左去路德圍試試沛公甜品。 我今次想試個千層班戟, 但是不知道他們有什麼班戟。 所以看看他們的櫥窗。 我看的時候突然有個員工比張餐牌我。 我好欣賞她熱誠的生意態度。 無白費劉天王的廣告。 最後我揀左"日本青莓千層班戟"。 我看到它就想即刻食la。 因為它的賣相實在太吸引la。 食入口雖然不覺得太甜。 但是味道好好。 食左都不需要驚會肥。而18蚊的一個千層班戟都可以接受的。環境方面都覺得OK。 但是大部份的座位是在出面的。 不過覺得好舒服。 值得再來試試。

見咁多人話好，於是就去買D甜品返屋企食啦，去到無芒果、青檸芝士同栗子千層班戟，於是為有叫左藍梅同西梅千層，一件曲奇千層，一碗雜果撈馬蹄一碗楊枝甘露，D千層班戟好多CREAM好滯，無乜特別，碗雜果馬蹄樣OK，味道都唔錯，個楊枝甘露樣唔得，傑得滯，加上D西柚有渣，唔靚。但價錢絕對唔算平，間舖好細，個凍櫃放係舖外，成日開開關關，衛生成疑。

某夜到荃灣一遊,回程前專程在路德圍尋找這間甜品小店;以綠色為主色的小店燈火通明,門前餅櫃裡的各式千層蛋糕的確吸引,問過店員小妹原來漂亮的心花怒放是芒果布丁,不過那天不太想吃布丁,反而對這些千層蛋糕更有興趣。芒果千層的pancake皮很薄也有蛋香,每層中間的芒果忌廉很香滑,份量也很充足,忌廉做得幼滑不算很甜,就算多吃也不會很膩,質素不俗!芒果粒熟透香甜,混在忌廉裡更為甜美,比記憶中的金x船同類蛋糕更出色,下次可以試試其他口味。餅櫃裡還看到一個千層蛋糕加上芒果花,相信用作生日餅也很合適!! 在餅櫃前選擇蛋糕時傳來陣陣榴槤味,對於像我不喜榴槤者是一大挑戰,不過也相信店內的榴槤甜品應是很夠味道頗為出色的。

同事正生日日，大家打算下班後跟他慶祝。壽星仔之前說過想吃班戟，碰巧發現附近新開了一所甜品店，其中更是主打千層班戟呢! 終於到達沛公甜品，整家店子都裝修成青綠色，位置比較幽靜。老闆安排我們坐在門前的一張長桌，跟他說我們要替朋友慶祝生日，會點蠟燭，可否轉到比較昏暗的環境?怎料老闆竟然說沒有問題，到時他們把店子的燈關上便可以，又替我們冷藏著蛋糕。店員給我們送上餐牌與相簿。餐牌上的款式眾多；而相簿則拍下了甜品的模樣，供客人參考。當我們還在猶豫的時候，老閣捧著兩款甜品讓我們試吃。嚐了青檸芝士千層班戟和胚芽好立克鮮奶布甸。前者大家都感覺有點膩；後者則軟滑無比，兼有很香濃的好立克味呢。經商議後，我們先後點了以下甜品分享。胚芽好立克鮮奶布甸：大家都讚不絕口的滑溜布甸，試食過後，決定要Encore!芒果千層班戟：一直不太喜歡吃班戟，因為不喜歡滿口忌廉的空洞感覺。　　　　　　　　　　而這千層班戟口感豐富，忌廉厚度適中，加上夾層的芒果中和了忌廉的飽膩。白裡透紅：椰汁味的腸粉包裹著紅豆。曲奇千層班戟：這曲奇口味比芒果的，更討我歡喜。椰汁西米露、蜜瓜沙冰、芋香雪香、芒果沙冰：某同事說芋香雪香的味道比較淡。六人一

曾經嚐過金龍船的千層蛋糕而驚為天人，今晚在荃灣一片綠光中再次遇上！晚飯後，我倆在荃灣街頭閒逛尋找歇腳甜品店，在繁華路德圍附近，遠遠看見一間仿似精靈居所的綠色小店，賣的是自家手製甜品，就坐下稍息，店主親自奉上： 法國栗子千層班戟：原傾心於榴槤千層，奈何早已售罄，退而求其次之選而已。千層由十五層班戟皮叠成，層與層之間鋪滿栗子蓉忌廉，每層均極幼細，心血非凡，用羹一瓢，質感實在，嚐一口，冰凍而甜美！班戟皮蛋香滿溢，栗子忌廉既滑且甜，不經不覺已消失殆盡！ 榴槤甘露：榴槤先製成果凍切成粒狀，再配上西米及榴槤果肉，香有餘而味稍淡，還是九龍城金滿堂稍勝！果凍彈牙，感覺還是滿有趣的！是夜在一片綠光中吃罷再次踏上歸途，不忘問店東是否師承金龍船，他笑笑忙不迭否認並大發男兒嬌嗔強調其自家千層比金龍船更精緻美味，更有心思！的而且確，味道比金龍船實在優勝，今夜相會，定當再臨！

今晚同男友去試下呢間開左無耐既甜品屋,叫左一個留連PANCAKE,紅豆沙可粉,PANCAKE有留連味,唔太甜!$24可以一試,唔會令大家失望!紅豆沙可粉($24)既糖水,好明顯D紅豆係煲到起沙,好味!好可惜係無相機影低,唔緊要,下次都一樣會去食,其實佢仲平過小X甜品屋,又好食過佢TIM!

今晚又護送女朋友反荃灣,我地都算係沛公甜品的熟客,因為真係好好食,今晚叫左心花怒放同mango pancake,心花怒放係有一個由mango做的玫瑰花,顏色令,賣相好,老闆次次都同我好有耐性甘解釋比我地知我叫的甜品的野,玫瑰花下面係mango布甸 ,味道好好,仲有mango千層pancake,大約有15層,層次分明,層層都好薄,味道唔會好甜,推介比愛食mango的人~