沛公甜品 (已搬遷) 新店位置

唱完k經過路德圍就同朋友黎試下呢間甜品鋪見到D相好似好靚咁 好吸引本身佢地收晒台架啦..之後可能我地成班人黎所以D waiter好好人咁開番2張台俾我地我地叫左個朱古力芝士皮千層班戟,芒果千層班戟,m&m千層班戟,好立克布甸,仲有個唔知榴槤咩...當然唔小得心花怒放可能係我個人口味問題....我食o個個朱古力芝士皮千層班戟...完全食唔出芝士味, 朱古力味都唔太強烈 只係不斷食到一大pat cream我覺得呢個甜品係幾有創意既 但係好唔好食就真係好個人感覺睇下你鍾唔鍾意食佢pat cream囉我個朋友食個心花怒放 開頭佢以為下面o個舊係芒果班戟點知原來係芒果布甸...佢話面o個D芒果係甜...但係個布甸就好淡反而個好立克布甸有驚喜唔錯唔錯幾好味 至於其他o個d就so far so good個店員仲送左個好似菊花味既jelly俾我地食不過可惜我地冇人識欣賞......

本來想食招牌甜品--心花怒放，可惜撞正V.Day，太多人訂，只係6點幾已經無貨，唯有叫另一人氣甜點--千層班戟。芒果千層班戟賣相好靚, 有心機整, 而味道方面, 始終芒果都係唔當造, 唔覺得甜。同埋雖然睇落好千層, 但食落唔覺有咩口感。蘆薈紫霞仙子所謂既「紫霞仙子」，就是利賓納加泰國明列子。個人認為呢個甜品就麻麻地。首先只有利賓納既色而無其味，朋友仔話佢溝得太多水；蘆薈用甜到漏既蜜糖水浸住，即使撈埋無咩既明列子都係勁甜。

由於男朋友路過見到好想食~於是就去左試啦~記第一次買果時係榴槤布丁同埋柚子果凍本來都無咩奇望...以為榴槤布丁都係同出面果D一樣有香味但食落得個甜字果隻...點知唔試真係唔知...食落有榴槤肉而且好滑~真係好正咁之後就試埋柚子果凍啦~ 雖然好有果肉...但比較硬身...唔算太好食~由於之前試過榴槤布丁實在太正~於是今次又走左去試榴槤班戟~ 結果無令我地失望~ 而且仲比布丁好食好多~食落去好似真係食緊榴槤咁~食完個口仲有榴槤味!! 如果你係榴槤迷一定會鐘意!

約了同學來地頭荃灣傾 Project. Final Year 嘛, 格外忙碌.回程途中, 行經沛公甜品. 早前看過雜誌知道店東曾是西餅師傅, 對蛋糕布丁有一定保証. 平日在荃灣夜間出沒都有留意, 難得與同學同行, 就拉著他一起試試看. (其實係我屈佢請我食)小店對著粥店, 不時聽到對面落單叫聲此起彼落. 露天的坐位不多, 也只有三四檯. 不過當時下午五時多, 人流疏落. 店舖燈光也很充足. 以這帶的甜品店比較算是較好的一間.點了榛子千層斑戟($20) 和栗子千層斑戟 ($18).斑戟層次分明, 賣相也很討好. 用匙切下一小件吃, 很順暢. 斑戟皮每層都夠薄才做到. 入口滿口榛子香甜, 很 creamy. 而忌廉又不會過甜, 很好吃. 入口斑戟一層層, 又不會太厚身, 蠻不錯.嘗了一口同學的栗子千層斑戟. 大致上斑戟皮都有相同水準. 味道上少了榛子的香, 卻有栗子的甘甜, 由於有點栗子蓉的關係, 忌廉較企身, 我那件的 cream 則較削.斑戟水準不錯. 下次會再來嘗嘗布丁

補返個1月中的食評先...之前見u magazine介紹呢間店見倒芒果千層pancake幾特別就試試佢芒果千層pancake: 真係好多層呀....睇得出好花心機整....味道都唔錯木瓜布丁: 呢個係加$1換的...估唔到又幾好味....好重木瓜味...裡面真係有木瓜肉o係到之後仲試過好評的胚牙好立克布丁....個人覺得冇咩特別

食環署的朋友~喜歡在人地旺的時候嚟踩場的~話說很完花市~附近的甜品店迫晒人~咁嚟沛公啦~點知一張枱一張椅都冇~原來遠遠食環署的朋友在繞圈咁唔開得枱出嚟~只好見住生意流走~我們懶得再行~買左甜品坐喺樹下食..........年初一食到咁....真係..............................4個人叫了3件千層pancake~一杯嘢飲~食了朋友的日式枝豆味一口...............難食到................朱古力味同埋我食嗰個芒果味好得多不過唔知係唔係生意難食~新春太多人買~d千層起碼少左三分之一~cream多到死~真係好易搞到人地冇下次呢~

呢間野唔錯, 補返個食評讚下先!1月31日個晚餐令朋有失望, 於是帶佢地來食甜品補償, 叫了:1. 榴在心中 ------ 好正! 好香榴漣咪, 個皮爽口好得意;2. 芒果千層糕 --- 好味! 好多芒果肉, 不過無驚喜;3. 芒果黑糯米 --- 好大碟, but朋友話椰奶唔夠椰子味, 整體只是一般;total $66/3人, ok啦!

點了芒果和曲奇千層餅...曲奇的味道跟千層餅唔match..還有點苦苦: (很失望..芒果味就不過不失...但無乜特別..就是忌廉味加芒果味...值得一讚就係班戟皮做得好薄..都唔會爛但整體就普通..無乜動力去食多次..

自從早個幾月黎呢度試過一次之後就經常黎勒。試過榴槤、芒果、曲奇同榛子味千層班戟，非常美味，忌廉很幼滑；但近期吃過日本青梅千層班戟就不太喜歡，可能d味食唔慣啦。胚芽好立克鮮奶布甸很香口；薑蜜和薑汁糖丸的薑味比在其他甜品店吃的勁很多，天氣凍之下既好選擇；榴在心中用椰子味的外皮入面包住榴槤，好似腸粉咁，都好好食；另桂花果凍同蜂蜜果凍都幾好。呢度d甜品整得都好有heart，唔怪得而家咁多人。不過d服務態度就退步勒，老闆就好好招呼，仲同你有講有笑，但有個四眼姐姐就真係唔ok。早陣子有個買任何一款pancake加一蚊送一款指定pancake，外賣時先用不客氣既語調話「d優惠你知架啦？﹗」落單時口快講錯左已經旋即好串咁話「你唔明呀﹗」咁既態度同趕客無異﹗﹗

響開荃灣番學,見住佢開頭好似好唔掂,到而定一諗起食糖水就去沛公,真係短短3個月!講真,荃灣一諗到食糖水就會去左小樽果邊,因為多選擇,但係果邊D妹妹仔D SERIVE同埋坐出街既哥哥仔,個個都食煙,真係未食都食飽2手煙啦!講番沛公先,PANCAKE,我試過栗子,榴槤,CHOCOLATE,呢3隻都OK!布甸就試過好立克(估唔到落左柸芽係0甘香既,因為之前買過佢話柸芽賣哂,所以無得落)CHOCOLATE 男朋友話都係好立克滑DMANGO布甸同楊枝甘露,係我個女既至愛!番薯糖水我都覺得好好食,因為佢好重薑味,仲係好SPICY TIM!椰汁紫米都好食!係個青APPLE JELLY同季花JELLY麻麻地!開頭PANCAKE買一件加$1買多件指定味道既,都只係得CHOCOLATE,COOKIE既一路都未試過!而家好似縮皮0甘,PANCAKE連果兩個味都唔整,只係買JELLY!希望呢間野唔好得個講字啦!

新假期的威力由此可見!看著這間沛公甜品~由一個人都未~到依家坐滿唔係因為佢做好左個口碑~係因為新假期話說我喺對面粥店食開粥的~d人行嚟叫中式糖水時~如果賣晒的話~幾乎冇一個人會過去對面呢間沛公的~而且鮮綠色....奇奇怪怪咁...連我咁敢試新嘢都冇去食過但新假期出左介紹佢的布甸之後~d人湧晒出嚟!!而且佢又開始左加一蚊可以食多一個果凍或布甸我都試了一次啦~食左佢個千層栗子班cake~栗子味好濃~而千層做得很不錯可以用叉拮到落底時~會好有快感~真係聽到一層層被cut開的聲音~而我加左一蚊~買左個好立克布甸回家夜d食不喜歡面頭的胚芽...又唔脆又唔冧...奇怪本身甜品做得唔差~加埋新假期嗰個廣告~有賺啦食左2個月西北風之後~果然肯拎錢出嚟宣傳啦~

琴晚同fan過o左來來呢間店道食甜品,呢間店勁細,d位都係坐o係條街道食,好似大排檔咁,試o左個芒果千層班戟,,好食,佢d千層皮做得幾好,又軟滑唔太甜,芒果肉都ok好味,唔錯,佢仲要抵到加$1多一件朱古力或曲奇千層班戟,埋單不過$23,真係超抵,唔錯!

(1/1/09)在報章見到有加一蚊多一件,行過順便睇睇,買左兜西梅布甸$12、梅酒蘋果啫喱$16。原來西梅mix奶類,好唔match。雖然係有ok份量的西梅,但做布甸真係十個怪味!梅酒蘋果啫喱,淡爆!話係加一蚊,但十幾蚊,一d都唔值。

一月四日 (星期日)與老公仔及朋友仔行完南生圍,照原定計劃到荃灣覓食首先以紅跑車作晚餐,結帳,趕忙到一街之距,一河之遙(大河道)的沛公甜品店,很多人呢原來在做推廣,買任何甜品,只要加多一元,就多一個布甸或果凍(芒果及榴槤味除外)按原定計劃點了以下兩款:榴槤千層班戟由十五層班戟皮層叠而成,每層都有豐富的忌廉,很有層次感,食得出"千層"的感覺,榴槤味適中,很香口,但又不蓋過忌廉味,很傑出的配搭胚芽好立克鮮奶布甸由於在推廣,只需加$1,形同免費,但不代表馬虎上桌前,服務員先細心加上胚芽,吃下,很"好立克",很滑,味道細緻,加上胚芽更是一絕,令味道更濃,更有口感最後決定買多四杯回家孝敬家人(每杯12元,加2元多兩杯,即四杯只需26元)!!!這間開業不久的創意甜品店值得推介!!!除了以上兩款,還有法國栗子,茘枝,曲奇,藍莓,榛子等外間少有的口味供選擇,像老公仔喜愛榴槤的朋友亦不彷一試,因為有很多榴槤的創意甜品供應!

今日夜晚食唔飽..諗住食甜品!~男友提起千層餅..咪即刻話好...仲第一時間諗起沛公...成日行荃灣都經過....想試好耐la.....睇openrice..知佢有promote..加1元..仲可以多一件千層餅10點幾...人都好多....望下間鋪雪櫃仲有朱古力千層餅同曲奇千層餅..即係加一元換0個隻..搵位先....坐低諗住落單......叫極冇反應law..有個做外買女人知我0地想落單..叫店內個員工幫我落單..但叫0左幾次個女員工冇咩反應..遠處聽到個店內男店員同另一張枱落單...話朱古力千層餅同曲奇千層餅已經賣晒...我個心第一反應....頭先仲有0係個雪櫃...之後..幾經辛苦..叫到呢個男店員過0黎落單......(我明知換晒,但因為見雪櫃之前有)於是我死心不息問佢...係咪加一元有朱古力或曲奇千層餅換..得到個回應都係換晒...但佢就話可以加1元換布丁or果凍(芒果榴槤除外)...咁我即刻又問咁有咩款呀仲..(其實我已經唔開心同埋我想知佢有d咩都冇等我唔使叫).佢個態度唔多友善叫我"你自己睇0下meau先...."即刻去0左另一張枱落單.....0個一刻真係好火囉..跟住