沛公甜品 (已搬遷) 新店位置

我都食過呢間野，我覺得最出色都係芒果千層pancake，真係食過想再食果種，簡直係必食推介。我數過啦，千層蛋糕有13層pancake砌成，每塊都好薄，口感十足，有d似當年金龍船的芒果千層pancake。不過太遠，好難成日專登入去食。

今日罕有踏足荃灣, 辦完正經事當然又係搵食時候. 出名鍾意食甜品既我, 行過見到間好 shape綠色嘅甜品店, 立即食心起, 唔理食到幾飽都要試下. 甜品店細細, 門口貼有好多甜品相, 令人未食先垂涏三尺. 經老板娘介紹後, 我和兩個家姐三人點了鎮店之寶心花怒放, 芒果千層班戟, 紫霞仙子, 杯芽好立克布丁同酒釀桂花果凍. 三個人食五個甜品, 飽到差點要行唔郁. 但太好食最後食曬無剩. 小妹實在太飽, 如果唔係仲想試紅豆沙河粉. 不得不讚, 個心花怒放實物同門口影相一模一樣, 好難得! 味道當然正! 老板娘仲同我介紹當客人點後才即整, 個芒果花真係好靚. 由於芒果千層班戟實在太吸引, 家姐最後成個買返公司同同事分享.

雖然下午已到小樽一回, 但心裡很不爽, 因為此小樽跟彼小樽相去甚遠, 也從未教人滿足, 難道荃灣區真沒有像樣的甜品店嗎?同一個晚上經過這裡, 青綠色的店舖份外搶眼, 店舖小得很, 外面只有數個位子~ 也沒甚人氣~ 不過, 想吃甜品的心還是不會死的~點了一個有荔枝的糖水, 名字忘了, 材料大概有綠豆邊, 馬蹄, 雪耳等等~ 甫上檯, 膠兜來的~ 覺得不甚環保, 這也算吧~ 在糖水上有5粒整整齊齊的荔枝, 邊吃邊數, 也不是一整粒, 而是半顆呢~ 至於糖水呢, 十分「杰撻撻」, 完全沒有消暑解渴的感覺~ 看材料也知道是帶點爽的~ 可惜馬蹄不甜~ 而且, 不知道有甚麼不妥當的地方, 整碗糖水味道都帶點「酸宿」, 似是快要變壞~ 吃了幾口便停了~友人的芒果布甸也好不到那裡, 味道人工, 下多了花奶, 質地偏軟, 內裡沒太多果肉, 外面也欠缺芒果裝飾, 其實自己在家做的也比這裡好~一整天, 沒有一碗好好的糖水慰藉心靈~ 也找不到HD在7仔的限量白桃雪糕, 愁爆...

呢間青BB的甜品舖，係最近路德圍既新開張，我同朋友三個人星期六晏晝去，都冇特別想食咩，店主就推介佢地的拿手的榴槤忘返,即係以椰汁皮像腸粉咁包住D榴槤，我地只有一個FRIEND係榴槤FANS, 佢食完就係咁話好滑好味。我地兩個就食左芒果千層糕同胚芽好立克果凍，個千層糕真係有好多層，好有心機，D芒果O岩時候，中間每層CREAM唔算太厚，唔會話太肥膩，總之就係晏晝三四點唔飽唔餓時好合適既甜品。個好立克果凍老闆話係細路仔恩物，但我同個FRIEND都覺得OK，有時去茶餐廳飲好立克唔係甜爺爺就係太多冰凍得滯，呢個果凍就O岩O岩好。我地埋單時先知新開張有價減，每樣野平兩蚊度，都OK，唯一唔夠好係地方細D同冇冷氣。