影片
食记 (139)
今日去荃湾 咁岩经过沛公甜品 搞特价每件＄9 我就买咗北海道牛奶布甸同埋绿茶千层 个布甸冇牛奶味 仲要太甜 𠮶绿茶千层冇绿茶味 d红豆抢晒啲味 如果唔系搞特价 我觉得唔值得食 好伏
继续阅读
沛公甜品未搬铺前,曾经光顾过1次~果阵买左最出名的胚牙好立克布丁, 讲真~真系好好味呀~我本身都好喜欢好立克,配上布丁的甜品实在相当特别~很香滑,而且浓浓的好立克香味呢!!再加上胚牙,更加健康!因为而家都有推出胚牙好立克饮品~胚牙并非同好立克混成一体的粉末,口感很不错~ 另买栗子千层班「cake」我都系第1次试,层次感真系相当之丰富,虽然我唔识整呢款甜品,相信制作过程也颇复杂吧?!栗子cream打得好滑,而个班「cake」够薄身~ 360度睇,卖相都系非常讨好 层出不穷~~~~
继续阅读
呢间野嘅感觉系“唔出名”嘅通常比较好食呢次买左士多啤梨千层班戟同果冻（因为$20有3个），再+$15要左个芒果千层班戟先睇下各种班戟我地无影到果冻感觉上个芒果好甜，但配落千层班戟就好漏（但一般班戟又无咁嘅感觉），而士多啤梨味就同忌廉好配合，酸酸甜甜，中和左D忌廉（因为整蛋糕、班戟唔可以用太熟嘅士多啤梨，唔系会烂晒，所以一定系酸嘅，同埋可以保持味道嘅稳定性）今次买嘅果冻有桂圆红茶果冻：上次试过唔错，有桂圆味道，不过无乜红茶味道（呢个系市面上比较少见嘅味道）绿茶果冻（唔记得正确名称）：无食到，不便出声菠萝伏特加果冻：有菠萝味道，不过唔知系咪因为系屋企摆得耐，所以无佢系雪柜唯一无变成冰嘅野！原来日头系无枱凳嘅，所以一定要外卖
继续阅读
巨P有时咁啱睇到我之前写的食评, 佢就会扭计话:「哎哟！妳同爸爸成日背住我地去食好嘢, 」「哦......(被识穿, 尴尬中)......我同爸爸周围去试食, 好味的话就会带你地去食嘛......(口震震)」今晚喺时候啦....路经路德围....谂起巨P这番说话.....咁就去一去沛公, 然后再去一去熊猫只是晚上7:45左右去到只感觉铺头有点乌灯黑火, 只有一堂食客在吃甜汤; 店内有两名女职员负责厨房及接待。买嘅当然要买招牌的千层班戟, 后来见到甜肠粉, 再买然后职员话加$5可以换购＜芋香椰果奶冻＞Total $51榴莲甜肠粉肠粉皮是椰汁弄出来, 内里的馅是忌廉沟鲜榴莲肉; 椰汁皮食得出带有椰油味而榴莲馅也不算少肉我买的是日式青梅千层班戟, 青梅先用盐腌咸, 质地爽脆, 再配合肥腻忌廉与蛋香班戟皮, 那咸咸酸酸的青梅可以带味蕾冲出肥油感, 带来耳目一新的食后感芋香椰果奶冻------打开盖有很重的芋香味飘出, 椰果是晶莹的粉紫色, 奶味不重, 整体来说是香精及味精的结晶品结果饱餐一顿后所得到的回应是:「多谢, 妈咪」
继续阅读
见到沛公甜品入选为热店 "荃湾"，之前帮衬过食布甸，今次不如试吓千层班戟。买咗：曲奇千层班戟 $20班戟做得十分工整，层次分明！加入朱古力曲奇碎，有口感！我食咗一部分，其余俾细佬食。班戟甜味恰到好处！ 反而混入忌廉之后，我觉得有一点馏。始终觉得布甸最合我口味！
继续阅读