沃川自家料理

营业中

休息中

尖東南洋中心一帶好多餐廳今晚同朋友去左日本料理🇯🇵❣️刺身拼盤拼盤好豐盛，有海膽，油甘魚，吞拿魚，飛魚等，每次吃日料海膽都係必點刺身，餐廳會送幾片紫菜包住食，海膽顏色鮮豔，鮮甜濃郁的口感和嫩滑的質感，值得推薦～油甘魚魚肉呈淡粉色，肉身油分高，淡淡甘甜，每口都充斥住魚油香氣，具有獨特的清爽口感，加上脂肪含量低，蛋白質豐富飛魚刺身我都係第一次食，肉質非常有彈性，原因係運動量大～幾乎唔會有脂肪，食到肉質的細膩❣️自家製厚燒玉子呢款玉子食落又厚又綿密、軟嫩滑順、香濃蛋味裡帶有甜味，札實的厚度讓你大口享受，喜愛雞蛋料理一試就愛上❣️稻庭烏冬平時都係吃湯烏冬比較多，呢種沾醬吃法好少吃🤭將一個蛋黃倒入特製醬汁，烏冬麵和沾醬係分開上，吃的時候將麵條沾取沾醬食用，好特別～烏冬彈牙醬汁濃郁❣️海中蝦天婦羅天婦羅炸至金黃色，即叫即做，上枱熱辣辣，沾上咖喱鹽，鮮嫩美味，香而不膩👍另外一番風味❣️雞頸肉串這部分是位於雞頸周邊的肌肉，每一隻雞只有一塊，極為稀有且珍貴～肉質好有彈性、咬落富嚼勁，經燒烤後肉嫩爽口❣️蕃茄豚肉卷串好特別的串燒，以豚肉包住蕃茄🍅酸酸地減輕油膩感❣️燒牛小排牛小排的油花分佈均勻,質地柔軟～牛味及油香兼備

【 沃川自家料理 】尖東居酒屋🏮 係地鐵站站行過去都要有一段路仔嘅南洋中心 店舖位置唔係好大 食飯時間座無虛席 店員都好有善😆 會不斷主動斟茶，亦都會介紹每樣食物~刺身拼盤 頭盤先上咗刺身，擺盤精緻，食材新鮮度滿分！ 日本廣島蠔🦪蠔身肥美飽滿，海水味唔算好重，但勝在鮮甜清爽，肉質厚實有彈性，咬落去帶微微嘅奶油感螢光魷魚細細隻但驚喜十足！一咬入口，爆漿嘅鮮味瞬間湧出，帶淡淡鹹味，口感滑溜又帶少少脆身😆蜜柑鯛魚魚肉透亮有光澤，入口清爽甘甜，帶淡淡柑橘香氣，油脂分布均勻，口感細膩柔軟珍寶帆立貝超驚喜！帆立貝大粒厚肉，味道好鮮甜 咬落去爽嫩彈牙😗 呢個好好食！自家製厚燒玉子燒玉子燒做得極有層次，蛋香濃郁，口感鬆軟得嚟帶少少濕潤，甜度剛好，仲有淡淡高湯鮮味，好有心思！ 燒鵝肝石鍋燒飯鵝肝煎到外脆內軟，入口即化，油香滲透落飯粒度。石鍋飯燒到有完美飯焦，脆口得嚟又唔會太硬，撈勻鵝肝同醬汁，邪惡又滿足😌雞頸肉平時少見嘅部位，肉質出奇地嫩滑又有嚼勁，燒得香口，帶少少焦香，簡單用鹽調味已經好出色！ 牛舌串厚切牛舌，燒到外層微脆，內裡柔軟多汁，咬落去肉香濃郁，仲有少少炭火香柚子鹽燒白鱔白鱔皮脆肉嫩，

ᵕ̈ 廚師發辦刺身 $𝟑𝟖𝟎ᵕ̈ 燒牛小排 $𝟏𝟗𝟖ᵕ̈ 魷魚餃子 $𝟔𝟖ᵕ̈ 燒紫蘇梅子墨魚棒 $𝟒𝟓ᵕ̈ 雞頸肉 $𝟑𝟐ᵕ̈ 雞𝐩𝐚𝐭𝐩𝐚𝐭 $𝟑𝟐ᵕ̈ 雞皮串 $𝟑𝟐ᵕ̈ 蕃茄豚肉卷串 $𝟑𝟐ᵕ̈ 羊肉串 $𝟑𝟐ᵕ̈ 秋葵 $𝟏𝟖ᵕ̈ 蒲燒鰻魚飯 $𝟏𝟒𝟖ᵕ̈ 五目炒雜菜 $𝟕𝟖黎到發現原來呢度叫刺身係可以比個𝐛𝐮𝐝𝐠𝐞𝐭師傅等佢發辦比我地，最後上菜都幾驚喜，有【北海道海膽、螢光魷魚、吞拿魚、八爪魚同埋魷魚】!! 最有驚喜既係魷魚同海膽，魷魚好厚切爽彈，海膽就同想像中一樣咁鮮甜主菜我最鍾意就係佢地份【燒牛小排】，外焦內嫩燒得啱啱好，睇相都應該𝐟𝐞𝐞𝐥到佢係有幾粉嫩٩(ˊᗜˋ*)و 串燒同燒物我地都試咗幾多款！整體黎講全部串燒都係𝐚𝐛𝐨𝐯𝐞 𝐚𝐯𝐞𝐫𝐚𝐠𝐞，我自己最鍾意係【魷魚餃子🥟】、【雞頸肉】同埋【燒紫蘇梅子墨魚棒】!! 魷魚餃子係師傅每日親自包既，隻隻都好飽滿，第一次食用魷魚做餡料包既餃子，內餡口感好豐富，推介!! 【雞頸肉】呢個部位我就覺得比平時食既雞肉串更加爽彈~ 跟住想特別講下佢地個【燒紫蘇梅子墨魚棒】，店員話係師傅自創既菜式黎，爽彈既墨魚滑配上微酸既梅子同清新既紫蘇葉碎，係個新奇得黎

日本刺身串燒幾時都係咁吸引😻知道媽咪鍾意食海鮮，呢日就帶佢去尖東呢間樓上日式居酒屋歎盡不同時令日本海鮮🥳居酒屋位於科學館附近，牆上貼滿日本裝飾，好有地道日本居酒屋感覺。不少刺身都用上直送時令海鮮，就算今年唔飛日本都可以食到最新鮮嘅日本味🇯🇵🥒前菜 $40未叫嘢食先上前菜，有海帶青瓜蜆肉沙律，幾惹味開胃😙🍳自家製厚燒玉子 $68玉子燒好鬆軟有蛋香，幾好食😽🍣刺身拼盤 $500一次過歎盡金目鯛、油甘魚、螢光魷魚、岩手縣室津蠔及帆立貝，極盡奢華。岩手縣室津蠔超級無敵肥嘟嘟😚有海水鮮味。金目鯛味道淡鮮，可以點酸汁食。油甘魚頗厚切，魚鮮味濃😋🐟燒吞拿魚下顎 $298媽咪鍾意食魚，呢個肥美邪惡嘅燒吞拿魚就啱晒佢😈吞拿魚下顎啖啖肉，要用刀叉切嚟食，面頭燒到脆口，裡面嘅魚肉夾雜油脂香氣💦肉質嫩滑，毋須過多調味已經夠煞食。🍢雞軟骨 $28、牛舌串 $38、番茄豚肉卷串 $28、一口蕃薯串 $22其他串燒質素亦不錯，牛舌好彈牙juicy💦番茄豚肉卷亦酸甜多汁😋🦀甲羅燒 $68邪惡美食陸續有來😎甲羅燒滿佈濃濃蟹膏，蟹膏加上蟹肉及三文魚子撈勻再搽喺脆卜卜多士上一齊食，鮮味濃郁，口感豐富👏🏻🦑沃川魷魚鬚 $48

😋今次同朋友一齊來到尖沙咀一間隱世高質居酒屋，真係好驚喜！入到去見到有bar枱座位，仲有幾間私人房間，啱晒一班朋友聚舊，氣氛好輕鬆。👍🏻呢間小店經營咗23年，熟客支持唔少，晚市通常幾滿，建議大家記得提前book位！服務態度非常好，店員都好有禮貌，令人感到特別舒服。💯🌟最期待嘅係佢哋嘅季節刺身拼盤（$540），新鮮得嚟又抵食！梳子魚、活石蠔、油甘魚、螢光魷魚、甲烏賊，每一款都鮮味爆棚，真係令人一試難忘！👏🏻小食都唔可以錯過，龍蝦沙律（$88）爽口彈牙；日本粟米天婦羅（$68）特別香脆鮮甜；田樂豆腐（$68）更係好特別，面頭鋪滿麵豉醬，口感豐富，鹹香惹味 ！🥳燒西京銀鱈魚（$198）外皮焦脆恰到好處，肉質鮮嫩，超級好食。仲有燒蝦菇乾（$78），酥脆可口，配返啤酒更加完美！特選牛肉野菜鍋（$138）真係必點，牛肉份量好多，肉嫩多汁，湯底香甜。最後，鮮蟹肉蝦膏炒飯（$108），粒粒飯都吸咗蟹肉精華，真係食唔停！

尖東日式居酒屋，交通方便，啱晒同朋友食飯飲酒🍶🍻，人多仲有房。呢度好多熟客嚟幫襯，職員都好熱情有禮，對顧客有講有笑，而且食物水準相當高。🐟店長精選時令刺身特上$498北海道海膽40g、鮮帆立貝2粒、吞拿魚3件、油甘魚3件、八爪魚3件、赤貝1件、牡丹蝦2隻、三文魚子1碗刺身肥美好新鮮，最愛海膽入口即溶😍🦀蟹籽沙律 $58青瓜絲清爽再加埋蟹籽卜卜脆，清一清味蕾。🫕朝鮮物豚肉野菜鍋$138泡菜湯底味道微辣，豬肉片、金菇、本菇、秋葵、粟米芯、紹菜。🍢田樂豆腐 $68薄薄麵豉醬燒豆腐，表面焦香帶炭火香氣，豆腐香滑超讚👍🏻🍢秋葵$18、蕃茄豚肉串$28、牛舌串$38串燒水準高，燒得焦香，但仍保持濕潤。🐔爆炒橫膈膜$108店員推介，一隻雞只得一個橫膈膜，呢度一碟好多隻雞呀，估唔到肉質爽彈，仲好有鑊氣。🍚蟹肉蟹膏炒飯 $108蟹膏蟹肉鹹香爆棚，撈埋個炒飯食香噴噴。

「尖東有間隱世居酒屋」嗱，小編絕對無濫用「隱世」，今次就帶大家黎到尖東，同大家介紹一間位於南洋中心角落頭，已開業廿幾年既隱世居酒屋 一 沃川自家料理 @yokukawa🌟芥末八爪魚 $68作為前菜，非常開胃🤤👍🏻🌟日本枝豆 $48枝豆上面沾滿海盬，本來以為平平無奇，點知食下一條，食下一條就無哂😂🌟時令刺身 $480而是日既時令刺身分別有六款：肉質飽滿肥美既生蠔、鮮甜既帶子、肉質爽脆既八爪魚、令人驚艷，睇相都睇得出油花細膩既吞拿魚、大拖羅、中拖羅，真心大推🤤👍🏻👍🏻🌟海鮮天扶良 $298即天婦羅，佢地既天婦羅炸漿做得好輕盈，而系「帶子包海膽天婦羅、生蠔天婦羅、大蝦天婦羅、魚仔天婦羅、茄子天婦羅、南瓜天婦羅」入面，小編最鐘意創意之作帶子包海膽天婦羅、生蠔天婦羅🤤👍🏻👍🏻🌟苦瓜炒豚肉 $108豚肉食得出肉香，苦瓜青而不苦，加埋炒蛋同木魚碎🤤👍🏻🌟秋葵 $36小編個人而言幾鐘意秋葵個口感🤤👍🏻🌟牛舌 $76牛舌彈性十足，食得出油香🤤👍🏻🌟免治雞肉棒 $64小編個人而言幾鐘意免治雞肉棒，表面塗上醬汁燒到金黃，一咬落去就系肉汁，仲可以點蛋黃食令口感更滑溜🤤👍🏻👍🏻🌟炸豬肉餃子 $68餃子炸到金黃酥

呢間居酒屋回頭率100%，店裡仲設🈶包廂房間，私隱度高龍蝦沙律面層有蟹子，龍蝦肉肉質鮮甜彈牙，既有海鮮嘅奢華感，又帶來輕盈嘅口感刺身揀咗日本生蠔🦪、蜜金鯛、飛魚他他➕厚切劍魚腩，生蠔肉質嫩滑，鮮甜肥美，蜜金鯛肉質細膩，入口鮮味十足，用紫菜包上飛魚他他食，口感豐富，劍魚腩油脂適中，咬落鮮美燒牛小排選用優質牛肉，食落充滿牛香，肉質鮮嫩多汁，點上醬汁食就更滋味呢度嘅串燒都係必試👍🏻蕃茄豚肉卷串口感豐富且清爽，既健康又美味雞腳筋串好有咬口，雞皮串酥脆香口，帶有微微嘅油脂香氣豬腩肉串肥瘦相間，外層微焦，內裡香滑美味牛舌串切片厚薄適中，保留咗肉質嘅鮮嫩與彈牙口感，入口帶有濃郁嘅牛味沃川黑醬油拉麵湯頭濃郁，拉麵咬落彈牙，搭配肥美嘅叉燒與蔥花，每一口都能感受到日式拉麵🍜嘅極致風味牛油雜菌🈶多款鮮菇，每一種菇類都吸滿咗醬汁嘅精華，口感滑嫩且香氣撲鼻

餐廳裝潢好有日本居酒屋feel, 提供bar枱座位, 普通坐位和私人箱房，啱晒情侶或者家人朋友聚會同傾計飲吓野都得!*前菜 ~ 海帶青瓜蜆肉小食，小小辣辣地, 好開胃*刺身拼盤 *師傅發辦俾我地, 包括有時令空運薄切魚, 飛魚, 油甘魚, 各款魚刺身鮮甜, 有彈性, 肉質細膩, 侍應介紹可以點酸汁食或者包紫菜黎食都得, 包住紫菜食就多了重口感鯛魚白子, 有驚喜, 食落緊緻爽滑的質感,又很肥美嫩滑, 我很喜歡*串燒:柚子鹽燒白鱔 ~ 燒到外皮脆而肉質爽彈又juicy, 加埋柚子鹽，更提味又有柑橘香味道, 雞全翼, 雞腎, 秋葵, 豬腩肉, 蒜芯各款串燒都好惹味*濃湯蝦烏冬, 一食難忘, 侍應介紹用上蝦頭和蝦殼煮成濃湯, 唔怪得之咁甜和香濃, 烏冬煮到剛好爽口掛汁, 蝦隻好彈牙, 加埋蝦米, 一齊食好有口感層次非常豐富!*五目炒雜菜炒到香噴噴

這家日本居酒屋在尖東區來講也算是很高質。
無論前菜、刺身、主食都質素好好，有心思既烹調方法及攞盤，誠意十足。店員服務態度很好，會主動加茶，換碟。整體用餐體驗非常滿意。推薦鍾意食日式料理嘅朋友，值得一試。1）刺身拼盤 我們點了蜜甘雕魚刺身，刺身非常新鮮。再加兩隻岩手懸膝樽生蠔、飛魚卷、鱈魚白子，擺到一盆靚盆。鮮嫩沒有筋，油花好漂亮，不用點匙油跟芥末，因為會有一個調好的醬汁給你點魚生吃，不錯。上菜後，店員會好有心每個刺身介紹給我們聽，加上會講解某部份建議食法。重點是那個擺盆真的很吸眼球，好有誠意
2）茄子漬物茄子口感清脆，酸甜適中，令人開胃。搭配米飯或單獨享用都不錯。3）荔枝豚肉卷，雞肝，雞軟骨，雞皮，蒜心豚肉卷融合荔枝香氣，雞肝和雞軟骨口感豐富，蒜心增添層次，讓人回味。4）天婦羅：番薯、南瓜、粟米、蘑菇天婦羅外脆內嫩，南瓜甜味和番薯綿密感突出，沾醬更添風味。5）豚肉拉麵豚肉拉麵湯頭濃郁，肉質鮮嫩，麵條彈牙，每口都充滿滋味。

同朋友仔慶祝生日🎂佢話想食日本🇯🇵野, 搵下OpenRice 睇下有咩推介見到沃川自家料理(近尖東)都幾多好評, 所以去試下啦去到有D似日本的居酒屋感覺🎌見都幾多人叫酒飲, 原來都做特優惠🍻🍻反而呢一餐令我最印象深刻係個<<店長精選時令刺身(特上)>>🐟🐟個海膽真心幾甜, 個三文魚籽係搵醬油整過, 所以唔會死咸, 帶鮮美😍😍幾多刺身都相當新鮮🍢🍢串燒都唔錯荔枝豚肉串, 甜甜地, 幾好味牛舌一D都唔UN, 剛剛好最後都要介紹返🥟🥟炸豬肉餃子好香口, 入面都仲幾有肉汁仲有叫左唔少野食, 都OK既值得一試, 由其是刺身, 相當新鮮🍱🍱P.S 店員都幾有禮貌, 服務都唔錯同埋冇收切餅費 加分✅

刺身🥢刺身除咗可以單點，仲可以請師傅發辦，有機會食到多啲時令款式，依個師傅發辦嘅刺身盛就有原條飛魚，賣相相當吸引，生蠔肉質爽脆，油甘魚同鯖魚都係厚切，口感佳，而帶子夾喺檸檬之間非常清新🍋鱈魚乾又薄又脆，好食到一塊接一塊，迅速清碟😋海鮮天婦羅🍤海鮮天婦羅甚有驚喜，食材豐富得嚟有心思，炸漿頗為輕盈，有生蠔、炸蝦、茄子、南瓜等，仲有帶子夾住海膽同埋紫蘇葉包住魚仔，好特別！沖繩苦瓜炒豚肉🐷串燒叫咗羊肉、豬腩肉、蕃茄豚肉卷、秋葵，個蕃茄一咬落去爆晒汁🍅稻庭烏冬配上冷麵汁、生蛋黃、蘿蔔蓉、蔥、wasabi，簡單而美味👌因為間居酒屋喺尖東，依晚有唔少食客係食完之後去睇演唱會，侍應喺入座時會主動問係咪睇演唱會，可以調整上菜嘅速度，非常貼心。另外，依度有啲包廂，私隱度高，亦見有唔少book咗枱嘅熟客～

嚟到呢間居酒屋坐冇幾耐就會發覺好多熟客嚟幫襯，職員都相當熱情，同顧客有講有笑，嘢食都相當有水準，而且新鮮自家製厚燒玉子蛋香濃郁，口感鬆軟得嚟帶少少甜味，火候控制得幾好。刺身拼盤好新鮮，油甘魚腩肥美，蜜柑鯛有淡淡果香，鯖魚甜美，白子滑溜，鮟鱇魚肝甘香豐腴。鱈魚干燒得香脆，送酒一流，唔會太鹹。雞腳筋爽口彈牙，燒得夠香，調味適中。牛舌串厚切，咬落有嚼勁，炭火香幾出。雞肝串燒得外脆內軟，冇腥味，但略嫌油咗少少。秋葵簡單燒過，保持到爽脆，幾清新。羊肉串羶味唔重，口感實在朝鮮麥豚肉野菜鍋湯底微辣開胃，豚肉片夠薄，蔬菜吸晒湯汁好入味。炸豬肉餃子外皮夠薄同脆，餡料多汁燒鵝肝石鍋飯鵝肝油香濃郁，撈埋燒汁同飯焦幾惹味

當天消費$1500有朋友介紹的店舖，難得另一個位好友從外地回港，又非常喜歡吃日本菜，所以帶他到這店。我們主要叫了刺身，老實說，食材的確滿新鮮的，配菜和配搭的汁都很好。但是可惜員工的態度令人失望。首先叫菜的時候，我們叫咗四道刺身，其中一道是一整條魚，然後侍應提醒我可能會吃不完，開頭還覺得他只是善意的提醒，然後我說不要緊，我們吃得下，後來他三番四次再說，並試圖減去我們其中一道菜，感覺便開始奇怪，我說不用，他下單後還是把其中一道菜減去了。後來因為份量其實並不多，所以我們加單時查詢後才知其中一道刺身沒有下這個令我很無言。然後，其中一道菜我們是叫了一整條魚的刺身，當我們吃完之後詢問他那個魚頭他們會怎樣處理，他們才告知會造成魚湯，這個魚湯足足等了1小時，其後魚湯到來時，就是清清的一碗魚湯，魚頭不見了，他們亦沒有詢問我們有關魚頭是否需要。因為已經到尾聲感覺已經不太好，所以亦沒有再追問。其次，我們是被安排在其中一個包廂旁邊，而當天包廂是有客人預訂的，明白空間狹窄，距離會比較接近，但是員工多次在包廂大叫呼喚其他員工，多次打斷我們說話，這個也讓我感到很不舒服。還有一點小細節，就是每次來為我們添水時，聲線都

好耐冇食過日式料理‼️聽朋友介紹，南洋中心內有間高質居酒屋「沃川自家料理」。未入店已從店面感受到餐廳嘅日式風情🎏再加上食物質素高，服務態度好（店長非常用心，詳細介紹每道美食）💕難怪平日晏晝會座無虛席呢🫢🔸自家製厚燒玉子厚燒玉子入口綿密鬆軟，蛋香濃郁，每啖都充滿層次感👍🏻🔸精選時令刺身刺身拼盤擺盤精美😻鯛魚肥美厚肉，富有鮮味，鯛魚白子口感軟糯，味道濃郁，炙燒高部魚燒至外皮香脆微焦，魚肉則保持細膩嫩滑口感💋最後再品嘗嚟自岩手縣嘅室津蠔，肉質飽滿，海水味濃，總括而言，款款都令人相當滿意💯🔸雞腎串 雞腎燒至外脆內嫩，食落肉質結實爽彈，且具雞鮮香味✅🔸雞軟骨串 酥脆雞軟骨香氣四溢，口感彈牙，誠意推介💁🏻‍♀️🔸豬腩肉串 豬腩肉焦脆得嚟又保留到豐沛肉汁，配搭醬料更惹味👏🏻🔸雞腳筋串 雞腳筋串係較為罕見嘅雞部位，食落口感爽脆，嚼勁十足😋🔸海鮮天婦羅炸得金黃酥脆嘅海鮮天婦羅，當中包括炸蠔、炸蝦、炸沙甸魚等，蘸上天婦羅醬汁後更能突顯鮮美🔥🔸朝鮮麥豚肉野菜鍋鍋物份量豐富，軟嫩豚肉配搭清甜娃娃菜，簡單而美味，湯底帶微微辣味，飲完即刻暖胃又飽肚🫶🏻🔸燒鵝肝石鍋燒飯石鍋飯上枱時熱焫焫，鵝肝則充滿油脂香，入口細膩醇滑