沁沁麫 (已結業)

上星期收工經過西灣河，本應打算求求其其食個車仔麵就算數，眼見隔離開左間新野，價錢又吾貴，所以就膽粗粗走左入去！本身打算食麵既我，俾佢個飯吸引左：臘味雞煲飯！於是我就叫左呢個飯！個老闆都幾nice，等既途中都傾左一陣，原來佢地既野係吾落味精，全部都係原汁原味，仲要好多都係老闆既手工菜最衰當時得我一個，如果吾係我真係好想試！飯到喇，份量比我預期中多，本身仲有潤腸嫁，不過因為我本人吾食，所以就無要到！出奇地我食呢碗飯既時候，好有住家感覺，好似係屋企食飯咁，連個口味都好似，d飯好入味，d臘味既精華焗左入飯，但一d都吾肥膩，抵讚睇得出老闆都幾用心機！臘腸都吾會好似一般市面上食到既咁肥，所以食落口吾會好似一堆油咁！雞好滑，夠晒入味！係街食到既臘味飯黎講，佢都算冠軍最後埋單都只不過係39蚊，能夠用39蚊食到一個咁有住家feel既臘味飯，我覺得係超級值