沁沁麫 (已結業)

今次黎到筲箕灣，終於一試呢度馳名既醉雞卷($23)。一碟大約有6舊，每舊都係好滑嫩既雞肉，係無骨的！啱哂我呢啲為食懶人醉雞食得多，但呢度既醉雞係好滑仲要唔乾身，酒味浸到好入味但冇蓋過雞味同冇抽乾個本身既水份。好奇心驅使下問咗好人老板，先知道啲雞咁滑咁正係因為加咗蜜糖！鹵水汁雞翼($13/3隻)都好入味，入味得黎又唔乾。媲美文記既雞翼。但呢度雞翼好似再入味啲，正見到芝士蜜糖雞槌($23)又忍唔住叫埋，炸得好脆，芝士蜜糖都好夠，如果再燒溶啲芝士就更加好食完咁熱氣，整翻杯羅漢果下下火~