江仔記粉麵專家

营业中

休息中

陪朋友去CWB剪髮，剪髮前當然要先祭五臟廟LA，朋友帶我來江仔記，一來話魚蛋、魚餃係自家製，好出名喎，其二又近髮型屋，方便D WOR~難得嚟到，當然叫個四寶米($24) 試下啦，四寶包括:魚蛋、魚片、魚札及魚皮餃，咁送到嚟時，我見好似無四款喎，我當然用筷子抄下嗰底LA，抄嚟抄去，比我搵番齊四款，真好，如果唔係我一定會叫伙記換過LOR~但朋友話換咩喎? 我就係嗰D好硬頸同好有原則既人，如果係店方比少左，我一定會出聲LOR，我做唔到忍氣吞聲好彩有齊四款，如果唔係我實發火，HAHA魚蛋同魚片好普通，無乜魚味，周街都食到既味道!!至於魚札只有一粒，有無咁小家呀? 乜魚札成本貴好多咩?? 但而家好少地方會自製魚札，呢款叫OK LA~魚餃就有三隻，同超市買盒裝既分別不大~碗內粒雲吞係朋友比我的，係細細粒嗰款，雲吞皮都幾滑，但我偏好大大粒既新派雲吞LOR以 $24 價位食呢碗粉，我寧願去南記食LOR

1月25日, 今日晏晝喺times附近, 想食個粉, 諗起呢間都開咗好耐嘅江仔記, 就去試一試先~::: 墨丸河 ::: $24河粉嘅湯好似好多咁, 搞到好稀, 加上個麵又好清, 所以未食都知道佢會幾淡下~ 飲落其實真係清淡嘅, 不過都有淡淡嘅魚湯香, 但係我地主要係食個粉, 尤其河粉咁索湯, 淡湯底就好難令到個河粉好食… 墨丸都幾彈牙, 唔會咬落成口粉, 算係上等貨色~::: 牛腩麵 ::: $24牛腩麵個湯底可能有多d腩汁, 味道比墨丸河濃d~ 牛腩肉質軟淋, 食落牛味都幾香濃, 不過牛腩就比較肥, 而牛筋比例都唔少. 麵呢唔錯~ 爽口彈牙, 有少少鹼水味. 整體都算ok.::: 炸魚皮 ::: $13魚皮脆就脆, 不過又係冇乜味, 加上除咗面頭嗰幾塊大大塊, 其他都好碎, $13貴咗d…::: 油菜 ::: $12油菜望落幾鮮, 幾嫩綠, 不過有少少苦.估唔到, 以為佢開咗咁耐應該有佢成功嘅原因, 不過食完有少少失望, 質素又唔算高, 下次想食粉麵, 都係搵番d平靚正嘅.

今天，同老細辦好事情之後，又到了中午飯時候。三個人，向登龍街方向尋找食物，行到一半老細叫回頭。原來他看中了這一家小小的麵店。說簡單的食碗麵就好啦。人未多，三個人不用在門口排。直接的安排我們經過廚房，再由後梯上閣樓。雖然是相同的世界，但地方冇咁迫，坐得舒服好多。雖然是以魚蛋馳名, 但獨愛牛腩麵的我總要食下肉才安心. 牛腩粗來了, 味道是十分的濃，十分的香。牛腩，帶筋，柱候腩要求的腍完全的顯現出來，五香粉加上牛肉本身的味道，特別的濃香，夾帶腩汁的麵條，啖啖牛肉味，濃濃的，就是五香腩的重要性。又濃又香又夠腍不肥，就是一個靚五香腩的象徵。

印像中呢間賣地道港式魚蛋粉類嘅食店水準都可以,而且今日又趁時間,諗都唔駛點諗就入去幫襯.坐喺最近 open kitchen 嘅位置.鍾意食魚類,當然最好係四寶啦.我好小心架,叫之前問定四寶指邊四寶先.係 (1)魚蛋(2) 魚餃(3) 魚片(4) 魚扎okok,我最鍾意魚餃,其次係魚扎.唔...唔要粉,轉米粉啦...好喇,碗粉嚟咗啦.影返張相先... ...總係覺得有 d d 唔對路... ...開始食... ...係噃,魚扎去咗邊????????????????問幫我落單果位呀哥,好似係少東掛?佢先講,呵,係呀,無曬魚扎,師博用咗片頭代替...嘩,大佬,乜你唔係要話我知嘅咩,我可能唔叫呢個架喎!你又知我鍾意片頭?就算鍾意都唔一定同魚片一齊叫啦,咪又係差唔多?????????????我見佢無乜覺得有問題,於是我隔無奈就又"舊事重提",慌死 d 師博聽唔到,佢先十分"有誠意" (係唔係扮出嚟我就唔知喇...)同我講:真係唔好意思...知道了...日後會留意...但我就唔稅見佢有同師博就此事溝通,同佢地講其他嘢就有!到埋單為止個疑似少東一共比我哦咗三四次!!!呢餐食得條氣唔多順!米粉: 正常

This is my favorite fish ball noodles shop, when I am craving for fish ball noodles...this is the place I must go to.The fish balls are bouncy and the soup base is so tasty. Not too salty.

年多前在九如坊吃過一次江仔記,記憶中是水準不錯的.這天午飯吃得甚少,到三點多已感到肚餓!想起這咐近也有一家江仔記(不知兩店有否關連)便從公司走了出來吃碗麵作下午茶.想不到下午時段也差不多全場滿座!望望同檯其它食客一副等吃的樣子,還是先叫炸魚皮吃住等為上!炸魚皮----跟魚皮一起來的湯是微暖而不是熱的.炸魚皮厚身是硬脆而不是鬆脆!而且味道還頗鹹,放在湯中一浸並不會像夏銘記的出品般發出霹靂啪嘞的聲響.四寶河----和上環一樣也是有六寶在內但質素大有分別!除魚蛋、魚片及墨魚丸是尚可的外,魚餃的餡料不知為何咬下去的質感像"液態"軟軟散散的.魚扎有一般不新鮮的腥味.豬肉丸更難形容!咬下去不是爽彈而是鬆泡泡有些筋連著.河粉倒是質感滑溜帶點咽韌.湯底種類不是個人所好只覺頗超自然.辣椒油辣度頗高,香而不死辣.出門口埋單時看到麵檔師傅嘴角斜刁著半支煙在淥麵.這不會算是老店風味的一種吧?

這裡的魚片, 魚片頭及魚鮫質素很好每次來都是外賣做餸, 因怕這裡太多人, 沒有來堂食魚片, 魚片頭缺點是頗鹹, 但食出實材實料, 魚多粉少, 沒有味精, 所以常賣來做餸.魚鮫最為出色, 很大粒及味道很好, 用靚料魚片 $68/斤魚片頭 $66/斤魚鮫 $32/打是打邊爐買料的好去處

一個人在銅鑼灣, 要找個地方吃東西不難, 但要找個又平又靚又正的麵店, 就首選江仔記!廿多元就醫飽一餐, 在銅鑼灣時代廣場附近, 連一杯飲品/ 一球雪糕都不止這個價錢, 江仔記位置方便之外, 樓面亦相當客氣, 招呼不錯, 在這家由早忙到晚的麵店來說, 實屬難得!我最常點的是牛肚河及水餃河, 湯底雖然不算十分出色, 但勝在原汁原味, 一吃就知是潮州人的口味, 河粉尤其出色, 比起別的'出名'潮州粉麵店, 這家的河粉更出色, 強力推介!每次一個人在銅鑼灣SHOPPING後, 有點餓又不是十分餓,傍惶惆悵要吃些什麼時, 江仔記都會讓我餓著的入去, 又滿意又飽肚的出來~

週日下午茶時段於江仔記吃下午茶，點了雲吞麵一碗。雲吞大小適中，蝦肉爽口，調味不重，不俗。麵質煙韌彈牙，咬落更有「shot shot」聲效，頗為美味。吃了同行好友的魚皮餃及墨魚丸各一粒，前者無乜特別，後者則做得不錯，有鮮味有口感。整體質素令人滿意。

在銅鑼灣逛街之後, 在鵝頸橋橋底等車過海之際, 看見這老店正在對面, 要乘搭的 112 又剛開走了, 不知要等多久, 於是直撲這店.下午四點小小店還是九成滿, 阿姐指示坐在小小的二人方枱, 不假思索便要了大路的雙丸麵 24元 , 加炸魚皮 13元.五分鐘有得食, 雙丸是牛丸和魚旦. 哂士普通, 湯水很多, 一看是味精水的格局, 一試果然. 雖然牛丸不是我喜愛的筋丸, 不過也爽滑可口,魚旦是淋滑的品種, 也可以接受. 魚皮很脆口, 浸過湯也不易腍, 沒有油膉味, ok.不明白這普通不過的店是憑什麼出名, 不算好味, 不算抵食, 不算舒適. 不會特意再來.

一間位於鵝頸橋旁，差不多隔天便經過，但未曾光顧的粉麵鋪，今晚終有機會一試了。小店門面不大，格局與一般中式粉麵鋪無異，但較為光猛潔淨。除了排得密麻麻的桌椅，在店中央處還掛起一幅碩大招牌題字，甚為搶眼。 與同事二人找個位置坐下，在查看菜牌期間，已經有不下十數客人進店，店員一直說「有位、有位」，但卻不見有座上客結帳離開。 原來走進店盡處，還有樓梯上通二樓雅座，小弟雖未曾上走一看，但見客人魚貫進場，估計面積也不小。最後我們除了主打的粉麵外，還點了油菜等幾個小吃，再加上飲品，令小小的單據擠得滿滿哩。 魚蛋墨丸河：有聞這裡的雲吞及魚蛋為招牌菜，小弟不好雲吞，便改為魚蛋與墨丸雙併河粉。魚蛋魚味較重，但入口鬆散，口感較差，暗想這就是招牌菜嗎？ 墨丸相反比較硬，也較為黏口，有幸味道還不錯。湯底略帶香茜味，比較對口，但最好的卻是個河粉，薄身得來也滑溜。整體味道不算突出，而且份量不多，但以廿多元貨色算是合格了。 淨魚片：魚片浸在湯中，份量看似很多，但切得較薄，口感雖比魚蛋實在，但始終略欠質感。而味道也與坊間如出一轍，不用特意點選吧。 鮮炸魚皮：炸魚皮炸得香口爽脆，雖不算十分鬆化，但也不會太硬

晚上十時多來到江仔記，似乎比晚飯時段更多人。舊式粉麵點的特點就是分量較少，更適合下午茶或宵夜。最大的驚喜是四寳米是有六寳的。魚蛋不怎麽好吃，太軟了。反而貢丸味道清香，有幽幽肉味，十分好。其餘幾寳覺得魚皮餃和魚扎質素較高。湯底幾乎是水來的，加了蔥蒜才有一點味。吃完后沒什麽飽肚的感覺，回到家也不會滯住來睡。當小吃來吃很適合，正餐就免了。

今日靜雞雞去接大金魚收工，佢好surprise呀!氹你一次咁多啦!! hehe突然好想食雲呑咁就去左江仔記食佢D餐具都印左logo, 應該係老字號黎架雲吞併水餃+四寶河D水餃入面有蝦，豬肉，木耳，笋蝦又大又鮮甜，豬肉醃得好入味加埋D木耳同笋，好有口感好味呀!小金魚話水餃值得一試

八月上旬．熱！仍然沒胃口，不想吃粉麵，但吃個淨雲吞又不錯。坐低發現，佢個「招牌鴛鴦」係魚旦加雲吞，貪心的我，又轉了軚，不了這個雙併。雲吞及魚旦各四粒，先吃雲吞。不大粒，幾好，內裡蝦多肉少，不是我喜歡的味道。不過如果你喜歡「蝦餃雲吞」的，該會滿意。魚旦鬆泡泡，不見佳處，竟然也是「招牌」食品之一？不明。湯底是鹹鹹的「味」底，見對面OL吃的河粉幾薄身，不錯。可惜我在下午仍然對澱粉質未有興趣。埋單21元，沒胃口，吃碗淨雲吞，也是出路。

會考放榜啦!!!同同學係放榜日無咩交流實在擔心 所以今日相約友人到cb行行街諗起都開心行完times.超肚餓.朋友推介馳名江仔記佢話食過先知原來好出名.金就即刻過黎試試啦入到門口.以為full左.點知原來有樓上成場我地四姊妹玩晒 好野XD!我叫左牛筋河個湯好濃郁 應該出名就因為金牛筋都幾淋.吾錯:>河粉無咩特別.太俾勁多.最後食完胃痛XD!之後仲點左炸魚皮哩個炸魚皮都幾與別不同如果你齋咬一定牙痛但放湯食又幾正幾好味所以奉勸各位炸魚皮一黎就要放晒落d湯到金就最好味啦:>