江仔記粉麵專家

营业中

休息中

今天行完街有點攰，所以就到時代廣場旁邊搵嘢食。我來到光仔記享用下午茶，選擇了淨魚皮餃和魚蛋魚片湯河。下午大約四點到，不用排隊和不用搭枱。🐟🥟 湯是清湯的，鮮甜可口。魚蛋的口感非常彈牙，真是值得推介！魚片也比較大塊的，有魚的鮮味。魚皮餃真的是魚皮做的，但是有點太厚了。🍲 看到隔籬枱點牛腩牛筋麵，下次會試吓這一碗。食完嘢又可以考慮買一包魚皮打包回家做零食。😃環境乾淨，價錢也相當合理。💰✨ 不過要注意，這裡有最低消費每位$25。付款時也接受八達通，方便快捷。總體來說，這次的用餐體驗滿意！👍🍽️

我一個人星期日下午1:45左右響附近搵野食，經過門口有個阿姐勁落力咁話裡面有位，咁我未食過呢間就試吓啦一坐低阿姐已經問我食乜飲乜，我睇餐牌嘅時間只有5秒，就order咗碗麵同一杯凍飲嘢食都幾快上枱，咁我一個人食，唔使15分鐘已經食完碗麵，食完撩緊牙嗰陣，有個阿姐收走隻碗，當時我杯嘢飲仲剩2/3左右，近門口有個阿姐望吓我張枱，然後好大聲嗌”仲有杯嘢飲呀！”，嗰仲大聲係全場都聽到，因為我係坐最入嗰張枱，佢大嗌之後，又有另一個阿姐行近我張枱望望，之後又係好大聲咁嗌”仲有杯嘢呀!”我啱啱放工，過嚟食個lunch，已經食得算快，都要聽D咁難聽嘅說話，心情真係搞到有D差。阿姐收我隻碗時，我對面先有個人嚟搭枱，之前個場一直都未滿。佢兩個阿姐咁大聲嗌，我都醒水即刻飲埋杯嘢即走啦，埋單時間係2:03pm，即係全餐飯先食咗大概20分鐘，食餐飯又急又受氣，究竟standard係用幾多時間食lunch先啱？見啲阿姐見到熟客就勁客氣，你唔係熟客真係完全相反，我都唔預有乜服務，但咁俾人趕真係第一次，仲要響銅鑼灣喎，無得頂呀

在香港，剩下的粉麵店不多，剛剪完頭髮想搵個地方食少少野，於是我選擇了這家。當時下午五點，店內只有兩位顧客。員工卻堅持要我坐在一張對著其中一位顧客的細枱，這張枱根本只能勉強放下兩碗麵。我話張枱好迫，但她竟然反問我點會迫然後一直催我點餐。我感到非常不滿，無法理解為什麼他們會這樣對待顧客。那時並不是高峰時段，周圍還有這麼多空枱可供選擇。 我唔想受氣即走佢重口噏噏 「咁都迫？」唔加強顧客服務，改善服務員的態度好快消失

始於1994 銅鑼灣堅拿道東(鵝頸橋側）的江仔記，專注魚旦超過二十年，香港製造魚旦自設工場，祖傳秘方豬骨餚製湯底。魚蛋魚片足料彈牙，絕對喺熟客摰愛。偶然都會想過來食下～鮮蝦雲吞米粉+蠔油菜芯

26號晚叫咗外賣 一打雲吞一打水餃 但只有10隻雲吞 還有一隻是穿的。之前都經常買外賣， 都冇咁嘅情況， 信任他老字號， 唔通經常買外賣都要揭開數數， 因為返到屋企先至看到， 十分不開心。

又是會不斷惠顧的老店江仔記在銅鑼灣鵝頸橋側歷史悠久，有時在鰂魚涌老家吃完清淡晚飯，就起癮想來江仔記吃個鴛鴦河。而在日常經過銅鑼灣時，也是會想起來吃一碗。今天4Apr24約了朋友唱K，午餐就來吃碗粉麵，我點了鴛鴦河，另外3位朋友都點鴛鴦麵，是雲吞和魚蛋雙拼的麵，每款三顆，只是三四十元，能在銅鑼灣營業這麼久，質素和性價比自然很高。我們4人剛剛好坐一個卡位，小店當然別期望坐位寬敞。對於我這個二分法的人，當然覺得無論河粉，雲吞，魚蛋和湯底都是好味的。然後我問朋友他們好不好吃，他們說ok，麵沒有大陣傳統的鹼水味，而且麵的份量比其他雲吞麵店充足，奶茶是正常味道，不過不失，跟隨粉麵點飲品，熱飲加8蚊，凍飲加9蚊，以銅鑼灣來說，性價比算很不錯。

[ 江仔記粉麵專家 | 銅鑼灣 ]After passing by this fishball specialist store for years, I have finally become a customer. I had quite high hopes given their fame and the fact that they were very busy on a regular Wednesday at 6 pm and most guests were solo diners that seemed like regulars. Price-wise , it is not the cheapest option and you can tell they increased the price after their fame which might have affected the quality they are delivering. —— —— 雙并墨魚丸魚旦紫菜河 $48 I placed my order and within 5 minutes

曾經在cwb混過一段日子，江仔記係食魚蛋河既 first choice, 位置就腳，灣仔cwb交界，價錢公道。就算離開左一段時間，耐唔耐都掛住江仔記魚蛋厚實但彈牙，魚片爽滑，河粉又好食連秘製辣椒油都係造得非常好

唔該牛丸河加紫菜!我幾乎每次都食牛丸河加紫菜。全因牛丸Q彈好似乒乓波,爽得黎juicy,紫菜新鮮又無沙,兼且河粉幼細順滑唔肥膩。仲有一樣野大家有所不知,就係嗰個湯碗嘅設計,比較深同窩形,令到碗粉食到底d湯都保持熱辣辣。呢樣我發現唔係間間魚旦粉面店做得到嘅。另外係佢嘅魚皮餃,魚片頭都好得,爽口彈牙,我買過返屋企打邊爐,個個都讚架。地點就腳,幫襯咗十幾年,有時唔知銅鑼灣食咩好,我就去食佢,包冇令我失望

Kong Chai Kee Noodles House 江仔記粉麵專家 In Causeway Bay Hong Kong 🇭🇰🇭🇰Auntie Lilly's latest discovery in Hong Kong is totally worthy of sharing with you guys! I have been craving a good "Yu Dan Fun" bowl since arriving in Hong Kong a month ago! 🍜🍜Google for this & discovered the Best Homemade Fish Ball & Fish Cake Noodle Shop At Causeway Bay ~ it has captured the hearts and stomachs of diners by serving assorted fish balls & fish cakes with hearty flavour and tempting aroma. 😋🤤MMMs Awards Eaters’ Ch

近年市面上潮州粉麵店都有得叫墨丸，但係好多都唔夠彈牙，又冇墨魚味，唔係好正宗。但係江仔記嘅淨墨魚丸就唔同啦！佢地好用心咁製作，每粒墨魚丸都係飽滿嘅墨魚粒，食落去爽口唔黏牙，好好食！而且佢地用嘅材料真材實料，食落去質感都唔會好膠或者好粉。湯底亦都好正，清甜唔會太濃，食落去都唔會覺得口渴。最後，要提醒大家一定要加啲紫菜！江仔記俾唧紫菜份量都唔少，加完紫菜可以令湯底更加豐富，加埋秘製的辣椒油，味道更加出色。如果你係墨丸愛好者，黎到銅鑼灣附近，一定唔可以錯過江仔記！

大家好，我第一次寫食評，多多指教😊要介紹嘅喺我銅鑼灣真心推介江仔記食湯粉麵係香港人至愛，但係係銅鑼灣呢個租金咁高嘅地方，想搵一間有質素嘅粉麵店其實已經買少見少了。 我今次叫了四寶河， 四寶河其實有多過四味， 有魚蛋，魚片，豬肉丸，墨魚丸，魚扎，魚餃，紫菜就要另外加錢， 魚蛋和墨魚丸都是出色， 魚片只是薄薄一片但係真係好好食😁河粉不是寬闊嗰種，加九蚊有一人分量炸魚皮， 可以按個人喜好走蔥。雖然而家唔係打邊爐季節，但係買一啲外賣返屋企加餸都係一個唔錯嘅選擇。

今次叫咗雙丸麵（魚蛋+雲吞），幾鍾意佢啲麵底幾彈牙，魚蛋同雲吞就正常水平，叫多咗碟菜，勝在lunch時間唔使等好耐位，好快就入得，上菜亦都好快，如果趕時間lunch, 絕對可以考慮呢度。

江仔記由中學第一次食，已經係我心目中有一定嘅位置最鐘意佢嘅魚蛋河同炸魚皮，間唔時自己都會去食，回味一下加埋佢嘅辣椒油，真係好正架平時去開，都會幫襯下，今日就去咗買魚蛋同魚皮返屋企食！開心

地理位置優越，係時代廣場行幾步就到。平日下午5點左右去到，都要排3-4分鐘，都算多人幫襯。入到去，坐就緊係唔好坐架喇，卡位一拆二，坐到我呢d肥仔好辛苦呀！侍應姐姐手腳快，但都有禮貌既魚蛋河 - 聽到好多人叫，但我覺得麻麻地，魚片魚蛋d味唔出，但河粉質地爽而滑，總括而言中規中矩啦。菜心 - 呢個份量對得住$18牛腩麵 - 牛腩份量麵算多，有4-5大舊既，又唔會太硬，唔會太淋，口感適中。麵就出色喇，食落係有蛋香味既，推薦大家試下個麵