江仔記粉麵專家

营业中

休息中

上星期日晚到新伊館睇演唱會，係銅鑼灣站行上去，途經江仔記，於是入去食碗麵先去睇演唱會。入到去未睇menu，有位阿姐已經企係度問食乜。我話等－陣睇睇menu先，佢已經黑哂面唔多高興。見佢咁，我唯有拿拿淋叫野😩魚蛋魚片頭河粉 - 魚蛋好彈牙，魚片頭好味，河粉好滑。

下午茶太豐富，晚餐時間還未餓，但又不能不吃東西，免得晚一點餓了又要找宵夜，剛巧在鵝頸橋附近，想起有間粉麵店，每次經過都坐滿客，便來碰碰運氣。晚上大約8時多，幸好內裡尚有兩張二人枱，就決定在這裡解決晚餐。我不太餓，就點一碗淨雲吞。雲吞的size幾好，對男士來說算是「一口雲吞」，有原隻蝦，也有肉。一碗6粒，配了些通菜。味道一般，但我想應該是有點鹹，原本沒打算喝東西的我，忍不住點了一杯凍檸樂，很快就喝光。同行者點了招牌鴛鴦麵(魚蛋、雲吞)，各有3粒。麵底OK，魚蛋是白魚蛋，味道普通。我們還點了一碟油菜，今次揀了菜芯。雖然賣相有點微黃，但算是甜甜的，算不俗。這裡所有碗碗碟碟都印有店名，怕你帶走，還是打卡位﹖

都好耐冇嚟呢度食麵通常都係買佢啲魚蛋 魚皮餃返屋企自己整以前想食一碗佢嘅 湯麵真係要勁排隊今日竟然唔使排隊就入到去食不過啲樓面都仲係好勤力咁樣 希望你快啲走 吉番啲位出嚟畀下家食食完 真係有人排隊喎講返碗 魚蛋雲吞河先呢度嘅魚蛋真係名不虛傳非常彈牙雲吞又皮薄餡靚河粉非常滑溜朋友嘅魚皮餃都極之好味但係最近佢啲魚片真係極之鹹一大班人如果想入嚟食就有啲困難同埋有遊客就真係要去第二間食或者係晏晝下午茶嗰段時間如果你唔想食得咁趕不如考慮下買返屋企食算數

今日晏晝想食粉麵，就黎咗江仔記!魚皮餃魚蛋麵👍👍👍走蔥又得，唔走蔥亦得，得咗! 魚蛋好彈牙，魚皮餃更加有口感，而且任加嘅辣椒油好正!腐乳通菜👍👍唔算太特別，不過勝在菜夠新鮮!

铜锣湾江仔記出名鱼蛋粉，但今日吾知做乜，入去竞然叫咗个雲吞麵。周邊基本上全部是吃魚旦粉。湯底吾系大地鱼加蝦頭，而系好香芳濃郁嘅鱼湯底，加埋香蔥、冬菜和帶點胡椒味，非常好味，凈飲都不為過！配上弹牙、又爽又滑嘅蛋麵（吾覺得是鹼水麵）；溯埋啲魚湯，又別有一番口感和風味。最後雖然不是江仔記主打嘅魚旦，但其雲吞還是保存傳統制作，細細粒，有蝦又有豬肉，皮薄有咬口。雖然是錯配，但質量還是保證了老子號的金漆招牌。

本身趕時間要買一份外賣返鋪頭 以為粉麵檔會係最快 因為自己係附近既Times Square 返工點知遲過我黎兩分鐘一個人叫4份外賣既人竟然會早過我拎咁我問姐姐點解啦佢問返我點解一分鐘都唔等得好 我忍 就等多一分鐘其實如果我當初知道要等咁耐我一定唔會選擇佢最後我叫左金錢肚雲吞麵返到公司先發現無比雲吞又要受氣又要收多我錢垃圾！生存20幾年 佢係第一間食檔令我要安裝個apps打負評既餐廳！勁嬲 唔會有下次總結係服務態度差！ 時間耐！外賣又執溜野！

今日落開CWB做野，就問下CWB朋友有乜平靚正推介啦，佢話江仔記。諗番我都成幾年冇食過江仔記喇，星期六日經過都見排晒長龍，香港人又有大陸人又有，總之就係勁多人。今日7:30落到去，岩岩好有兩個位唔洗等。我叫左個魚蛋墨丸河走青$33，另外二家姐就叫左碗牛筋牛肚河。落左order好快就送到黎，一黎已經聞到好香。魚蛋同墨丸都彈呀好味，河粉又幼又滑，唯一美中不足係碗麵彼油。而二家姐碗牛筋就又淋又入味，反而牛肚就麻麻地切得又幼。總括黎講江仔記真係平靚正，兩個人都係食左$78蚊。

今日同媽媽黎到銅鑼灣，媽媽話想食以前返工附近的江仔記。雖然澄子小姐唔系第一次食，但第一次寫江仔記食評。星期六江仔記門口排滿長龍，有港人，又有旅客。媽媽話原來已經傳到有旅客黎食，果然已經出晒名😂我地叫咗魚片河（多蔥）同腐乳通菜，河粉非常滑溜😍 魚蛋魚片彈牙，魚味充足。辣椒油都十分香口，可能自家製造，味道有d唔同。好耐無試過食過咁滑又薄的河粉，有少少回想起童年的味道。偶然路過食完簡單的魚蛋粉，有點兒幸福的感覺

記得好多年前在銅鑼灣上班，有一段時間愛上了江仔記嘅魚蛋粉，每天放工都心思思想回家前食番碗。之後轉咗吾係銅鑼灣返工，有時都會特登去食番碗。喜歡呢喥D河粉又幼又滑，湯底食完吾會口渴，而且魚蛋有魚味之餘又彈牙，雖然不及以前香港仔謝記嗰D魚蛋好食，但比其他店舖好味。但價錢已由以前二十幾蚊加到現在三十幾蚊一碗了。還有呢度啲炸魚皮都有好多捧場客，別的店子魚皮一浸落D湯度就好快淋，但呢度啲魚皮浸咗好耐都仲脆卜卜。

在銅鑼灣行街前 要先食飽飽反正食百零蚊 和 三十蚊 的食物 都係一樣咁飽為何不食平d 和食香港菜？早前睇電視 見到連外國飲食節目都介紹江仔記 提醒了我 咁耐無去 下次去銅鑼灣唔使再思考直接去食魚蛋河湯裡加了蔥和冬菜 感覺這樣先係魚蛋粉魚蛋 魚皮 有5-6粒 夜晚的河粉都好新鮮 食完熱辣辣的河粉 感覺醫好了當時不停留的鼻水 

四寶河 $36 唔算大碗，但內有魚蛋、墨丸、魚片、豬肉丸、魚皮餃同魚扎。先呷一口湯，有淡淡大地魚香，比平時既味精湯好得多😋丸類彈牙有口感，最鐘意魚蛋同豬肉丸，魚蛋好有魚味，唔係落大量麵粉溝果啲，而且豬肉丸滲出淡淡麻油香，令豬肉味更出😍比較特別既係魚扎，係魚肉包住蘿蔔、芹菜豬肉，不過我自己都係較鐘意丸類。河粉幼身爽滑，索晒大地魚湯，真係好正。加左腐乳通菜($17) 同 細炸魚皮($8) 。魚皮炸得脆口，不過略嫌有幾塊較碎。

五六年前朋友帶過我黎食，今日行過，就再食下啦！人多到呢～我係門外排第十個啦～臨入去前同呀姐落單寫單，埋位就交張單比伙亮，行動迅速～我地上左樓上，雖然滿座但好靜，可以放返慢步伐。五分鐘左有就有野食。沙嗲金錢肚河$35沙嗲金錢肚唔係好辣，沙嗲味一般，但係就很入味。河粉份量唔係好多，食完係會肚餓嘅。魚三味河$37 有魚旦、魚皮餃同魚扎～魚三味河，魚蛋爽口彈牙，魚皮餃好好食～而係出面好少食到嘅魚扎，外面係薄薄既魚片/魚膏，裏面包住少少菇絲同蘿白絲等等，幾好味。原過一樣河粉好少，食完係幾肚餓架，不過久不久on diet還好啦。 

The shop was closed for renovation but I didn't notice any difference in decor. Nice place to go for HK style quick noodles. Always a queue outside and a lady standing at the entrance asking your order before giving you a seat.I got 四寶河, 通菜 with beancurd and fried fish skin. 四寶 includes fish skin dumpling, cuttlefish ball, fish ball and pork ball. The cuttlefish ball taste different this time, it is hard. Others taste good as before. The noodles include spring onion and dried garlic, matches wel

每次喺銅鑼灣返工 諗唔到食咩嘅時候 想食得平平哋就會來呢度食 但係早排佢裝修 休左一個月 呢日終於可以再食番💖💖呢間粉麵真係好地道香港style 無論裝修 侍應 食物 都係 今日我就叫左鴛鴦麵 同腐乳通菜 出街食好少食到菜 同埋呢到個腐乳醬好正所以我通常都會叫一碟菜食鴛鴦麵 就會好彈牙嘅魚彈 同好好味嘅鮮蝦雲吞 麵依然好彈牙爽口 湯都係大地魚湯味再加埋呢到嘅辣椒油落去 一齊食 真係好滿足 係銅鑼灣黎講 50蚊左右一個晚餐 真係算唔錯👍🏻👍🏻

今天去了江仔記吃了一個牛腩撈粗。這家麵店頗適合肚餓的朋友來吃，原因除了因為份量足外，落單後很快便將食物送上也是另一個原因。此店客似雲來，雖然侍應密密做，無停手，但服務態度都不會像某些食店，大呼小叫，沒有禮貌。至於食物方面，份量、材料都很足，男孩子不用加底應該夠飽，幸好我沒有多叫一碟油菜，因我連麵也吃剩了一點。吃這個撈麵，第一口感到有蒜香味，是幻覺嗎？味道比想像的好味，牛腩忟得很入味，雖然偏瘦，但不會韌。湯方面，與其他麵店有點不同，一般吃到的都是雲吞麵的湯，但這家卻是魚旦麵的湯，大家可能會問，真的有分別的嗎？但我覺得是有分別的，感覺較為清。