江仔記粉麵專家

营业中

休息中

從朋友口中得知江仔記這間潮州粉麵店已經是很久遠之前的事，當年朋友因為工作需要遊走不同地方跨區工作，去到邊食邊，為省時快節，多數光顧快餐、粉麵舖居多。若然人在灣仔，很多時都會到江仔記，因為出品快、靚、正 ，不過平日午飯時段排隊排幾耐就要看運氣睇你彩數了。朋友嘴刁，幫襯開的食肆差極有限，我當然要銘記於心，今天我們仍舊來光顧，享用那滑嫩的河粉以及舖頭自家製造的辣椒油。差不多排到龍頭頭幾位，門口的姐姐便會幫你預早寫定落單紙 ，入座後，將落單紙遞給伙計，不消一會，大大碗雲吞、水餃麵  ( $ 43 ) 便奉上。雲吞、水餃各有三顆，飽滿地浮在奶白色的湯面上。先喝一口湯，鮮味不算太突出，但清清地不太咸，再夾起湯河，依舊厚薄適中，滑溜爽口；雲吞、水餃粒粒皮薄、餡料豐足，內有豬肉、完整的鮮蝦，水餃則多一些黑木耳絲、筍絲，口感爽脆，非常鮮味，蝦肉新鮮彈牙，一吃便知是新鮮製作。來到江仔記當然要添一點他們自家製的辣椒油，辣度視乎你加多少份量，本人最沉迷便是那股麻香味，入口有適量辣的刺激感，不過份嗆口，不全完蓋過主角們的味道最合適，所以每次只會加數滴。其實今次來光顧的另一個目的，便是帶一樽江仔記辣椒油回家，因為

通常到銅鑼灣大家都可能去TIMES SQUARE / HYSEN / SOGO / 皇室堡等商場內既食肆.但其實有些小店還是不錯的.這家江仔記都已經是到登龍街那邊必經既一家店, 店內都是一般粉麵店既裝潢主打都是魚旦.魚片. 而我今天叫了招牌鴛鴦河是魚旦加雲吞.魚旦不錯, 雲吞就沒有特別大驚喜.但就銅鑼灣食肆既價錢來看, 是屬於值得一試.品質不算差,價錢亦公道這個魚皮我個人認為西環東興既比佢出色之後再點了一碗牛丸河. 沒有特別大驚喜

大家都應該明白好多野只要變咗外賣都由好食變唔好食，雲吞麵就係其中一樣，外賣返去皮都溶，甩皮甩骨咁，睇見都無胃口啦，有得堂食一定揀堂食👍🏻江仔記除咗魚蛋雲吞出名，我最like 係佢個辣椒油😼😼勁香，又夠辣真心推，一定要堂食👍🏻

今日去銅鑼灣店買外賣，問店員可唔可以多要少少辣椒油，竟換來白眼，兼對住我話：鍾意食辣椒油，咪買一樽囉！仲要話做生意就係不嬲孤寒㗎啦！老實講，咁嘅疫情，咁嘅時勢依然幫襯及支持，竟然換來一肚子氣！想下次再幫襯都幾難！😡😡😡

而家好食的雲吞已經好難搵，如果你鍾意大地魚，江仔記的雲吞絕對係吸引，唔係成口肥豬肉，濃濃的蝦同大地魚的味道，魚蛋都爽口彈牙👍🏻招牌野黎，減肥食魚蛋米就啱啦，江仔記的辣椒油都係好味，辣椒好香，同埋都算辣👍🏻！銅鑼灣咁多野食佢都可以做咁多年就知堅野啦

和朋友出到銅鑼灣買一點東西，買完都差不多十點，感覺好肚餓，即刻搵野食醫肚，唸起好耐無食既江仔記，入到去坐低即刻就叫左碗金錢肚湯河粉加碟全走既菜心，而朋友就點左墨魚丸湯河加紫菜，配埋他們既辣油，味道好夾。每碗餸既份量都幾多😋，沒有認真數，金錢肚我諗大概都有十件左右，而墨魚🦑丸都有五粒，食飽相當滿足。金錢肚湯河，金錢肚好爽，湯底熱辣辣好夠味，好好食墨魚丸湯河加紫菜，紫菜無沙👍🏻，墨魚丸有墨魚味及墨魚粒👍🏻菜心，味道清甜👍🏻

咳咗成個星期，口淡淡，最好去銅鑼灣食江仔記魚蛋，叫咗一個魚蛋粉，同一個淨四寶魚蛋粉有四粒魚蛋，三片魚片，河粉切得好幼條，好滑，配合個魚味濃厚嘅魚湯，加少少魚露，魚蛋嘅鮮味出晒嚟，無胃口都變有胃口淨四寶有兩粒魚蛋丶兩片魚片丶兩粒墨魚丸丶一粒魚扎丶一粒魚皮餃，魚蛋好彈牙，我最怕食太淋身嘅魚蛋，好有魚味，魚餃同魚扎就一般，唔係話好好食，但亦都唔係難食，不過墨丸就差啲，嘅唔彈牙，又冇一粒粒碎墨魚，冇乜味，扣分下次都係專一D，食魚蛋粉👍

午餐同同事經過見到江仔記就入去試試。同同事已經是來吃多次的，原因是他們的食物價錢相比很好這裡平民化設計，朋友食魚蛋粉我當然食這裡最代表性的鮮蝦呑麵！麵只能給70分，因為湯底較淡口，而麵質帶點鹼水味雲呑就超乎預期，鮮蝦雲吞每顆中等大小飽滿。咬下湯汁溢出。一百分之作。座位不算闊落不過桌子間有隔開一段小距離。每桌均設有配料如辣油、醬油等。總體而言，平民化食堂，價錢合理， 食物質數高，可一去再去。短短十五分鐘，原來很多熟客入來一班又一班

銅鑼灣雖然好多餐廳，但江仔記係每次去開都會想再食，因為係香港要搵一間好食既魚片粉已經有啲難。每次下午去都要排一陣隊先有得食，但都好快有得入座。今次叫左魚片魚皮餃紫菜河粉，但食物黎到變左魚片頭，可能落錯單，不過唔緊要，都可以試下。湯底清甜，飲完一啲都唔口渴，魚片頭彈牙，但味道比平時食開既魚片淡口，魚皮餃應該都係自家製，入面會有少少炸蒜，幾好味！河粉幼滑，而額外加既紫菜都有好多。雖然我唔太食得辣，但都要加少少佢地既秘製辣油，令到個湯有啲香辣既味道。

這就是銅鑼灣低調而平淡的寧靜. 江仔記的本店在這𥚃過了很多的秋與冬, 週圍的, 除了時代廣場外, 其他的也因著時代而改變. 她的味道和老店一樣, 就是那像Classic, 牛腩依然是瘦底, 方切但不會”鞋口”, 上面薄薄的脂肪甘香令其有點題的味道. 魚蛋彈牙而又充滿魚香, 雪白的色調和高湯的黃金色相映成趣, 而高湯咸香中沒有濃重的味精味, 這些簡單的配搭就足夠成為眾老饕的Comfort Food. 只是, 我竟然忘了添加這𥚃馳名的炸魚皮呢, 唉!

馳名江仔記🤤每次一收工都會跑去食完講魚皮餃米粉，或者係牛筋牛腩米粉因為啲牛筋勁彈牙，牛腩則係入口即溶最重要既係啲湯汁夠濃郁，每一次都會飲曬啲湯底🤣 當然唔少得腐乳菜心🥰🥰

銅鑼灣寸金尺土，難得呢間位於時代廣場對開，係餓頸對面的老牌麵店仍屹立不倒！講的就係江仔記！呢到長期都滿座，而且座位有d窄，通常都要同人搭枱食！晚上如果地面座位爆滿，會開埋樓上座位！就算係咁都客位雲來，就因為好食，價錢又親民！好似我今日食的招牌魚旦雲吞米，魚旦雲吞各有3粒，都只係$37！魚旦夠彈牙，雲吞夠爽口！ 加多杯凍檸茶都只係$7！旺區超值之選！平時如果同老公黎食，會加多碟腐乳通菜，另外炸魚皮係我老公至愛！香脆可口，食落唔腥，伴麵食一流！

今日同D朋友食過D雲吞麵好食，D價錢合理，仲有D牛腩入味好食，這一區食雲吞麵，牛腩麵，朱肚，非常好食，可以的話會再去食，仲有D樓面態度好，地方可以坐多人，有新鮮魚旦 魚片，雲吞都可以賣

而家要搵一間食魚蛋粉既舖已經越黎越難 要搵一間好食既更係難上加難 有幾年無食江仔記 今次再食 水準重keep 到魚蛋彈牙 一啲都唔腥 魚片切到薄薄一片 個湯好清 唔係平時乜都薄腩汁個d 唔可以唔提佢個辣椒油 好香好清好辣 唔會好咸 完全無破壞到碗粉 😍

放工自己一丁友去銅鑼灣行街散心，見有啲肚餓，就去返食我至愛既江仔記，每次行過都好想再食。每次都指定要魚三味河😍，因為實在太好食。又有魚蛋，魚片，魚皮餃同豬肉札，岩晒我衣啲心多多樣樣都想食既人。先講魚湯，夠濃味又唔會太咸，加埋少少冬菜吊味，好好味，每次都飲晒成碗湯。連啲河粉都索埋啲魚湯，勁好食。再講啲餸，魚蛋同魚片好彈牙，又滑lu lu ，又夠魚味又唔腥，好正。連啲魚皮餃都好大隻同滑lu lu，又有出面食唔到既豬肉札，豬肉札裡面有少少蘿蔔絲同雲耳絲，好爽口，叫做有少少蔬菜好似健康啲。👍🏻所以每次都一定叫魚三味河。