江仔記粉麵專家

营业中

休息中

#江仔記粉麵專家 (銅鑼灣)銅鑼灣堅拿道東2號地舖-----（$34）魚蛋拼墨丸河-😝成日路過燈籠街同鵝頸橋之間條馬路ge時候 都見到呢間麵店好多人排隊😝所以B仔都忍唔住黎試下 個叫左最簡單ge配搭都已經覺得好唔錯🥰魚蛋爽滑彈牙 魚味濃郁 唔係好似四海個種得個彈字 墨魚丸都係自己手打 非常有誠意 好明顯唔係出面是但買黎煮 湯底清清地 米粉非常幼細 有d似新竹米粉 雖然只係一碗雙丸粉 但係簡單得黎已經好好味-----B仔整體評價：8.5/個👍🏻B仔抵食程度：9/10個👍🏻B仔環境評分：6.5/10個👍🏻（幾逼）B仔味道評分：9/10個👍🏻B仔回頭機會：9/10個👍🏻-----

成日約朋友去銅鑼灣行街後都煩惱食乜好，因為旅遊旺區周圍都迫爆自由行，如果想食好少少都一定要過百蚊一位~所以今日打算求其食d平平地魚蛋粉，聽講江仔記港式魚蛋粉麵經常坐滿人，今晚夜咗食飯 ，我地10pm 先嚟到都一樣爆棚 !!😒😒😒我地叫左牛筋面($36)同招牌鴛鴦($36), 熱辣辣送到，先講湯底，味精唔重(當然唔多唔少一定有d), 飲完唔會好口渴，牛筋炆得淋滑，好出味，面質就一般魚蛋粉鋪感覺la, 無乜特別，未去到好出色，但overall 我都滿意是次晚餐😄

平時行過，無論咩時間都見到好多人排隊，今日行過終於有時間可以入去試吓。我只係一個人，但係都要等左10分鐘先入到去，不過最好嘅就係個阿姐會喺門口已經幫你寫定食咩，入到去即刻比啲侍應落單，所以啲食物好快就送到。今日我叫咗個雲吞牛腩河，加多個炸魚皮，仲有個腐乳通菜。啲雲吞真係好好食，因為見到佢真係自己包，裡面d料好足，唔會好多味精，啲蝦好爽口，皮亦都夠薄。炸魚皮就一般。呢度最好嘅就係食完你唔會覺得好口渴，所以下次都會再嚟幫襯

在鹅颈桥的711附近，下午还蛮多人排队，奶茶很正，茶味浓亦不会太甜；鱼皮炸的好香脆，就算放在汤里浸泡，还是没软；点的鱼蛋粉，鱼蛋味有点淡，鱼豆腐比鱼蛋正好多，但都系一般般，河粉偏薄，汤底不会太咸

由於工作地方好近呢間鋪頭，所以成日都嚟呢度食。佢真係會令你耐唔耐就想嚟食嘅。有一樣野你要有心理準備嘅就係佢每個時間都會好多人，而且每個時段都會有人喺門口排隊，不過好快就會入到去，因為係出面已經叫定啲食物，而入到去又會好快上到菜。今次我就寄咗個牛筋墨魚丸米粉$44加多個腐乳通菜$16。其實對一間粉麵店來講，佢真係唔算平，不過佢啲牛筋真係煲到好林，食落去好有骨膠原嘅感覺❤️而墨魚丸好彈牙，而且個湯底都好惹味。值得一提嘅係佢嘅辣椒油一定要落落去個湯到先好食。唔好期望佢會坐得好舒服，但係佢嘅食物一定會令你有驚喜。

港式的粉面，是朋友帶我來品嘗的，他在銅鑼灣工作，極力推介這一間粉面店。原來店鋪昏了上下兩層。想不到這裡的白魚蛋也10分彈牙，座位一定不是寬敞舒服的，就是地道的粉面，這樣的店鋪才吃到最正宗的味道呢。值得一提的，是他們的辣椒油，辣味十足。

今日lunch time時間走左去食江仔記。江仔記，有樣野不得不佩服，無論你lunch, tea, dinner 去都係禁多人。不過佢又好厲害，永遠唔洗等好耐就有得入去食。可能入得去食，大家都有個共識，就係快快趣食完走人唔好阻住人做生意。今日叫左個牛根腩雲吞河，腐乳通菜。牛根腩雲吞河（$44）：一個價錢，三個享受。有齊晒牛腩牛根雲吞，餸既份量亦都唔細。河粉咁多年嚟都保持到水準，好滑好吸湯。腐乳通菜（$17）：其實好大碟，不得不讚佢個腐乳。有人覺得佢比較鹹，不過小弟我本身比較食得鹹，所以覺得啱啱好。今時今日香港地，咩都要快，要保持水準本身已經難。重要咁多年都保持到水準，難上加難。每一次食，都會諗返起舊時細個味道。

江仔記，歷史悠久，長期排隊，這天剛巧路過，也看到沒有太多人，就入來一試。原來這裏也有 2/F, 樓下即使坐滿，也還是有機會有位置，我就被安排坐了 2/F。服務招呼以粉麵檔來說，絕對合格之上，有聽 order 也有重複 order, 態度甚好，我很滿意。我叫了牛根麵，麵身爽滑，牛根也冧，炆得也很入味。油菜叫了菜心，非常軟熟，絕對無渣；我最喜歡無渣的菜心，很嫩。來到這裏，當然要叫她們的招牌魚蛋粉。魚蛋及魚片是新鮮的，水準中上，粉則是中等之作，我喜歡華姐那種軟腍腍的粉，這裏的也不會差到那裏去，但未到驚艷水準。湯底也是中等，不是最鮮甜那隻，但也合格。整體建議，路過不用排隊一試無妨，要排隊則不必。

朋友曾介紹，就把心一試。下午茶時間，3點3，人算中上。有幾位買牛丸魚蛋及魚片。見其實價錢比較貴。96蚊斤。但都多人買。我都等了十分鐘先有位。入到去叫我上2樓。地下地方比較細小。上到2樓。見有數陪工人包雲吞。地方清潔乾淨。同比較大。坐下來。原來有下午茶時間。2半至6半。但其實是加飲品7蚊。我同朋友都叫了炸片頭河。凍奶茶。食物到了。比較細碗。先飲湯。好甜清湯味。加了小小魚露及辣油。辣油辣度幾好。片頭有6舊。好有口感。好好味。成碗都很快食晒。凍奶茶不夠茶濃。可改善。但可以再試其他

上次食江仔記都係9月中嘅事，因為星期五唔想咁早返屋企，OT完就由灣仔行咗過嚟銅鑼灣，諗起上次話要食嘅魚蛋粉，就叫咗碗同埋扣埋底（好采扣咗底唔係嘅話實食唔曬），再加1碟腐乳通菜走油。點解我咁鐘意來江仔記🤔因為覺得店員招呼好，唔會話偷懶唔做嘢，坐底就問你食咩🤔如果太多人佢哋會盡量請你調去其他位置坐，大家相就下，之後不停咁同你講唔好意思👍食嘢隨了食味道，環境，服務都係好重要，如果更好食，服務唔好就不如唔好去食🤗魚蛋粉～首先講個湯底好清甜，魚蛋好彈牙又唔係太鹹河粉好夠滑👍腐乳通菜～落咗勁多腐乳，好好味 菜又夠多同新鮮👍

今日午飯時間經過銅鑼灣，未諗到食咩，見到江仔記門口好多人等位，心血來潮又想食返碗，於是走入去叫碗外賣雙丸米外賣。本身舖頭好細，午飯時間日日都好多人等位雙丸即係牛丸同魚蛋，本身有2粒魚蛋 3粒牛丸牛丸好正好有牛味，魚蛋都夠彈牙，加上叫外賣自動波將米粉同湯分碗上，細心有加分，米粉無俾湯浸淋，仲好有咬好，湯本身唔算濃味，應該無乜味精，加埋自家辣椒油，好好味！總括係銅鑼灣食到有平靚正既粉麵真係唔易，呢間江仔記值得翻食。

喺放工同埋剪髮之間抽到半個鐘食個靚晚餐，就喺頸橋底嘅江仔記叫咗碗牛筋麵同埋 腐乳通菜。因為係食麵我必然要落好多醋，但喺未落醋前當然要飲啖靚湯先啦，唔係嘅話會浪費了啖湯。真係有好多牛筋🐃，好夠冧身同入味😋😋同埋碗麵都幾大碗，仲有碟腐乳炒通菜嘅份量都唔少，幾嫩幾好味😋😋見到好多人叫魚蛋河，相信係這裏嘅招牌，等我下次都要試下🤤🤤差啲忘記講嘅係每個店員都好耐心咁招呼客人，真係好難得👍👍

已經唔係有好多地方有魚扎食，還要好味的我食過只有兩間 第一間係香港仔謝記山窿魚蛋粉但可惜因拎靚魚缺問題而結業，而另外一間必定係江仔記莫屬，魚扎好彈牙爽口，總之就好好味啦！另外重點推介：還有炸魚皮魚皮餃，佢啲河粉都好滑

由於好晏先食完午餐，而且嗰餐超級漏，所以另一半提議我哋清清地食碗粉麵。嗰陣係大概六點，但入面都係九成滿座。我試過晏晝嚟係排隊架！入面嘅伙計都唔少，而且手腳快，又唔會話出名多人幫襯就鬧人。今次我叫左四寶河，另一半食魚角魚片河。四寶係唔止四樣嘢架喎！豬肉丸、魚皮餃、墨丸、魚片、魚旦、魚札。特別想講講魚皮餃同魚札，魚皮餃個皮唔同一般食到嘅，個皮係一塊厚嘅魚肉做嘅，而且冇平日食嗰啲咁漏！魚札係我未喺第二度見過，都係魚肉做皮卷住啲長條型嘅肉、木耳同一舊嗰知係蕃茄定紅椒嘅蔬菜，食落幾特別，我見到有人外賣魚札添。另一半嘅魚角又係好好味，厚厚的，連佢怕魚鯹味都好中意食。兩碗河粉每碗30幾加9蚊有嘢飲，如果想平平地喺銅鑼灣呢頭食一餐都係唔錯嘅選擇。最好係食完唔口渴

今日翻到屋企， 因為夜晚無煮飯既關係我地只可以買外賣翻去食啦！！諗極都諗唔到食咩好， 最後屋企人話想食河粉江仔記！ 價錢不貴， 扺食之餘仲要好好味！而且都好多種類可以揀我既魚蛋河粉， 本黎想食米粉！但太夜人地賣哂嚕 只可以等下次再食。不過而個都好好食， 河粉吸哂d湯汁， 再加埋d白魚蛋， 超級彈牙 認真一流！！魚片頭河粉！ 一樣都係好正！屋企人都好中意食而間野！而且佢地仲有d秘制辣椒🌶️加小小落去更加香湯底都更加正啊平靚正！