江仔記粉麵專家

营业中

休息中

好耐無黎呢度食，生日0向timesquare訂0左雪糕蛋糕，想起呢間江仔記，於是同同事一齊食。lunch time 1:00 仲有位，可能依家樓上有位坐，所以無以前咁爆。粉麵依然保持水準，雖然裝修無變，但多0左冷氣，坐得舒服。同事都話好食！搵日又再去！

8.6 (mon) dinner成日個胃都唔係咁舒服，食貴野可能會浪費，食ｄ平靚正就最o岩（朋友話呢間ｏｋ）叫左魚旦河、油菜心、炸魚皮。唔記得朋友食咩。但我地都話河粉幾好味(口感、味道)，炸魚皮ｏｋ但咸左少少，魚旦魚片幾彈但食完係幾口渴!坐得好迫，佢要我地坐同一行，搞到對面o個個人被迫聽晒我地o既對話因為之前無理地發左脾４，應承呢餐係我o既，多謝朋友睇住我個荷包兩位食到飽飽$60

lunch冇帶飯都好多時係度買外賣,湯同粉會分開2個盒,食果時再加湯,唔會返到公司一打開個蓋已經冇晒湯所以幾鐘意係呢度買外賣,但係堂食就未試過喇~

魚旦正有魚味!湯底甜, 無味精!炸魚皮另加只係4蚊, 都算好食!d魚皮交好好食!通菜d腐乳汁幾好味!d野飲都o.k. 既!唯一就係食完想new牙~ d人一見你食完就五知係邊度閃出黎, 聱收碗收筷子, 好似趕你走甘, 我就試過new完牙想放支牙簽落隻碟度點知個伙記同一時間黎收碗, 結果趺左落佢隻手背度! 超搞笑!

平日下午吃飯,食一碗粉+ 一凍飲=$21.現在$25. 加幅19% ..... 真狼死!!!!!唯有改上街市食.... $16.

叫左個四寶米, 好足料, 湯有陣鮮味, 加小小魚露同辣椒油就好完美了!!! 銅鑼灣粉檔首選!d 侍應個個都好nice! 有個後生仔做野仲好快手tim!!

老公仔帶我去食..叫左淨墨丸..好味!!雲吞..腐亂通菜..一般!!係銅鑼灣平靚正o既選擇~~

河粉滑，雲吞正，魚蛋有魚味，湯底夠甜夠香；老闆謙虛，簡直現金難能可貴的粉麺店

有好幾年沒有去過江仔記食河粉，昨日突然想起，到那兒開了一餐。叫了墨丸河，雲吞麵加魚皮，腐乳生菜。墨丸河—墨丸很新鮮，河粉又幼滑。雲吞麵加魚皮—雲吞皮滑，蝦新鮮，魚皮一般，麵底很有水準。腐乳生菜—菜很嫩，腐乳很香，但稍為細碟。服務一般，埋單$50，咁又一餐。

買0左碗水餃雲吞河加凍檸水做LUNCH，水餃雲吞河依然咁好食，但D檸檬就雪到硬晒，點督都督唔入，下次要留意下喇...30幾度熱到死，有得望無得飲確係好鬼慘~

呢度既魚蛋，魚餃同魚扎都好好味，食到好有魚既鮮味同用好少粉撈埋整。唯一無咁正既係湯底無乜味，通常都要加啲魚露先得。河粉好滑好幼，但係唔知點解通常好快就吸晒水，不過如果你出聲，佢地都會同你加水。不過呢度既待應生通常都係黑面既。不防一提，我有次食完野，去咗行出去轉右既舊式雜貨舖買個大紅A水桶，佢見我一個女仔收我250蚊，當時我都覺得貴，不過未買過諗住都唔差得遠，而且總係覺得呢類舊式店通常都好老實。不過，之係當我去其他地方發覺通常都係140-160蚊到。激死我，你地都要小心呀.....

27/7（Wed）又係OT，費事返屋企食，是但食Ｄ0野就算，見公司樓下有間江仔記岩岩裝修完（其實裝修前都係江仔記），即管試下∼雲吞水餃米﹣總共有3粒雲吞，2粒水餃。米粉爽口，湯底都好味（話之佢係咪師傅湯一碗，點都要飲幾啖先甘心∼），雲吞唔係大大粒，而係好的式細細粒果款∼0岩0岩好包住隻蝦，都尚算ok，水餃裡面有雲耳切條，爽爽脆脆咁∼0岩我鍾意食爽口0野0既人跟熱Horlick走甜，並無因為走甜而淡左，証明老細無慳住慳住∼加分∼！！