永年士多 (寶城洋樓)

营业中

休息中

今日國慶日，但對我同小公主黎講，最重要都係多左日假期，俾我地做出巡日。今次出巡第一個目標又係我地既喜愛--車仔麵。之前有一次無意間係食評見到呢間車仔麵檔，見到笑臉都算幾多，於是就心血來潮走去食，點知差唔多八點去到果時，竟然已經見到佢打烊!!唔係真係賺到有錢都唔願搵呀??心有不甘，決定擇日再臨。今日專登12點多去到，午餐時間冇理由唔開啦，終於有得食啦!!未去到，係天橋已經見到出面有條人龍，我心諗...唔使咁樣食車仔麵呀嘛??去到跟住條龍排排排，差唔多十五分鍾，終於都到。嘩，個男伙計真係好似全家人岩岩死哂咁，黑口黑面，問我要唔要辣，我話要小小，佢就俾句『要辣就係要辣啦』，勁!小公主叫左碗雞翼、豬腸、蘿蔔米小辣，我就要牛筋、魷魚、豬紅烏冬。有樣要講，就係佢地為左唔使洗碗，全部用發泡膠兜，好唔環保。首先佢地個湯，老實講，味真係幾濃，唔似淨係味精湯，雖然碗湯色好淺，好清，但係咁夠味，真係有料到，公主話佢個辣汁都配得唔錯，但係真係小辣就已經夠。我食既烏冬，唔知點解，好有味道，係湯果d香味入哂去，但我見佢係咁易過兩下水就上，唔明點解咁夠味，可能係之前制過，唔錯唔錯。雞翼幾香同入味，係五香味，豬腸夠爽

下午茶時間剛巧經過這裡, 見到有人排隊, 於是好奇之下, 不喜歡排隊的我也走去排一排, 試一試. 一向都喜歡吃車仔麵, 但好吃的車仔麵檔已經很少. 這間雖然食物普通, 但勝在夠辣. 店內每一個人都是一邊吃一邊拿紙巾抺汗, 除非他不是吃辣. 我老爸叫了碗牛肋蘿蔔米走辣, 蘿蔔可以, 但牛肋的梳打粉味很討厭. 我就叫了豬腸蘿蔔雞翼尖油麵加辣, 幸運地叫了比較好吃的那幾樣餸, 但可惜平時吃開加辣的, 今次也只能吃一半便棄權. 嗜辣的朋友可以不妨試試.

住在元朗10年多才第一次試這間車仔麵,原因是不想排隊.但為了抓出排隊的真相,一定要排一次啦,一排便排了15分鐘.....想死因為企在條街上好熱呀...排到我了更加熱...是心熱,我向買麵的姐姐問下幾錢一款餸呀???她面一沈回覆款款不同的你要咩呀???即是幾錢呢????算啦我想貴極有限啦..不要影響後面的人..因為真是好苦的,我便快快的叫(米粉溝幼麵底)+....我未說餸的時候她便開口說是不是一個幼麵+一個米粉呀???我立即回覆是呀...她又再自言自語的再說一次一個幼麵+一個米粉,還未開始落麵去煮,我再說出要邊樣餸的時候她同樣的重覆說出我要的餸.表面上可以說是清楚交代你要的食品.但想真一點個個客佢都是這樣的問兩三次要用多少時間呢????唔排隊才奇怪啦....但她們成功了因為香港人最愛排隊的,因為覺得排隊多數有好處,唔好的話何來排隊呢????但這觀念大家一定要改了,這間車仔麵排隊後你一定會覺得白白的排了.因為我食這個排隊麵後覺得好像食味精麵,湯賣點是辣真的辣但無香味得個辣字.不如直接食辣油好過啦....魚蛋腥味,豬皮淋,我想到周星馳的食神內的形容一樣.請勿排隊呀..............

bf 話細細個就黎呢度食咁我今日就黎試下3點到唔係太多人,排左3分鍾就到我我叫左魚蛋,豬紅,"游"魚+粗麵搭多條菜收我$15 ..好抵味道都唔錯,叫左小辣真係幾辣!下次再會黎

細佬時食佢D腸粉,中學時食佢D車仔面,好好味。

講聲大家知, 永年由今日起到8月11號會停牌暫停營業，等大家唔使白行一次。唔怪得無端端幾個月前開始轉哂膠碗, 原來因為隔離鋪無食肆牌，呢次停牌14日應該係判返之前2次既違規。好彩岩岩個星期日食左一次, 下次要2個星期後喇, 大家記住8月11號之前唔使去喇!岩岩個星期日食0個次, 叫左例牌豬腸, 羅白, 亦尖, 豬紅, 米粉, 要小辣(都已經好辣了!!)QUOTE: 2007年07月29日【on.cc專訊】元朗一間食肆因屢次違反《食物業規例》，被食物環境衛生署署長飭令暫時吊銷牌照14天。該食肆位於元朗教育路88號寶城樓地下19號鋪。由今日至8月11日，店鋪需暫停營業。食環署發言人稱，今年1月及4月，上址店鋪人士因非法擴展營業範圍，兩次被法庭定罪，共罰款8000元，而食環署亦根據違例記分制記下食肆持牌人30分，店鋪因此被停牌十四天。

d味ok的，好夠味的，湯底同d料都好香口的，食完會想再食的。不過如果隨麵附送的通菜要再洗乾淨d，無蟲蟲就好喇!~食完唔好太口乾會更加好喇!

呢間食店,係我咁多年食野最好味, 最大碗一間, 推介有蘿蔔,雞翼- 好入味豬腸- 好爽豬紅- 甜甜的辣椒油- 好勁辣我今次去有米粉食的, 另外個烏冬有d似上海麵, 煙煙un un好味.

食過好多車仔麪,但係永年真係超,超,超正,又有得泊車,正!連門口都泊得,又免費..不過你一定要食佢個三寶*豬腸--卥水汁,超正,又冇臭味.*蘿蔔--超甜,不過可能用糖水浸過,都係超好味*雞翼--又係卥水,不過好入味鍾意食辣的朋友..甘一定要去分大,中,小辣,不過我真係未試過大辣,最多都係中辣,唔知你又可以食到咩辣呢叫麪個陣時,記住唔好叫米粉,因為佢地淨係有,烏冬,粗麪,油麪,幼麪..下次去試下啦!!

5/11/2007 3:30PM如果無睇過openrice, 都唔會無啦啦去永年食, 但每次經過此店都見有人龍, 所以今日專登約左bf下午茶時段去試, 妟d都驚d野賣晒~排隊就預左喇, 不過都好快, 因為都係執餸攔麵. 5分鐘有得食.我頗肚餓, 叫左3餸 (九菜餃, 豬皮, 蘿蔔) 要粗麵., 走辣, $20. 用即棄膠碗盛著, 方便嘛~ 九菜餃早已淥定, 皮頗厚, 料幾多, 味濃(味精也). 豬皮色澤深, 看似入味, 果然! 浸左鹵水吸晒d味., 而且爽口, 成碗有5, 6片, 不錯~ 蘿蔔相信只是用清水炆淋, 故保留了蘿蔔清甜, 入口無渣. 但若然用上生記的牛腩清湯黎炆就一絕喇! 粗麵有咬口, 無乜鹼水味, 合格~Bf只要淨餸, 豬紅, 雞翼, 豬腸. 三樣野都應該用同一種汁煮, 都入味.p.s 食先有d渴呀...

因為學校近所以成日都會去食通常我係叫豬腸- 超好味!!!魚蛋- 有咬頭蘿蔔- 入味``正!!! 辣汁好好味但真係好辣但係唔辣又唔好味WO``通常都慣左同佢\講少少辣-v-價錢都幾抵``食得過!!!

平時都好多人排隊既～Ｄ野都幾好味，幾有風味咁啦！尤其Ｄ豬皮好”冧”好軟，索晒Ｄ汁，勁正！不過服務態度差左Ｄ囉，Ｄ員工好似好趕時間咁，叫野食都要人快手Ｄ．．．．唔多友善，有次去買野食前面果個人仲未走，我未叫野食住，個阿姐就話：”喂ＸＸＸ（學校名）果個食咩架你！！”野係幾好味，不過因為佢生意好，所以佢\仲大過Ｄ客人囉！

間野由細食到大今日食左油麵+雞翼+墨魚丸+豬腸+蟹子包加埋野飲都係$30一定要加辣

元朗最出名既車仔麵，同男朋友經過所以試下。叫左2碗麵，試左蘿白、豬腸、菜餃etc....比較有印象只有呢3款。蘿白，幾甜，不過有少少渣，豬腸只係試左一舊，因為我本身唔好，但係我覺得麻麻，可能洗得唔太乾淨，食落有味既。至於菜餃，個3款入面我最鍾意既食物，可能我本身真係鍾意食餃子啦，個味好濃，唔錯。不過一定要提既係佢既辣汁，睇外表真係估唔到原來咁勁，食落去真係好正。服務，全程只係問要咩，叫你快d，之後叫你俾錢。講真，經過試下無妨，如果唔係黎開元朗區而山長水遠入黎為左食車仔麵，唔值。

事先聲明食完車仔麵去o左喜利買林狗隻DVD所以先套用可愛教主語言敬請留意都係響openrice先知道永年士多個大名..'近'搞笑永年都到好鬼多人排隊..超低能第一次去是在元朗運動場練完跑之後.o的車仔麵好鬼辣..超低能之後常常想帶阿MO去食（因爲佢食得好辣..勁搞笑)上個禮拜揸車去到見條龍唔係好長終於同到佢去我地叫o左豬皮- 夠爽豬腸- 超好味魚蛋- 有咬頭蘿蔔- 無渣但係就無豬紅..超低能上次食過牛根同豬紅, 都唔錯辣汁好味但真係好鬼辣.超低能眼水鼻水都出晒o黎.勁搞笑阿Mo話辣汁落左好多咖哩粉頂唔住...勁搞笑!!!!!!!!!