永年士多 (寶城洋樓)

营业中

休息中

7.23(日)知道屋企夜晚無飯開,番屋企之前黎左呢到買碗外賣番屋企食要左羅白,豬腸,豬紅,冬菇粗面加辣羅白又甜又無渣豬腸肥美乾淨又淋又入味豬紅同冬菇就無咩特別最大問題係個湯實在太咸~咸到我食左一半都唔夠就放棄~比起大埔萬利,仍然爭好多皮~太咸~唔會再食~

每次經過這裹門口, 從中午開門到黃昏關門'一直都有一條十多人之長龍在排隊, 是好奇心令我入去試吓.豬腸幾好味,牛丸,豬皮普通, 豬長粉不夠Ｂ仔滑,架喱汁ＯＫ, 但碗麵食到一半, 發現有4條頭髮在裏面, 巳經有點反胃, 雖然店員服務很好, 但衛生很重要呢!我想我未必會再來.

這店從中午開店到晚上關門,都有一條十人以上在排隊的龍, 我也只是好奇心去試...豬腸幾好. 豬皮,牛丸,都很普通,架喱汁OK, 腸粉不及Ｂ仔滑, 不過食到一半,發現碗麵內有四條頭髮, 任麼胃口都沒有了, 店內服務員態度很好，但衛生很重要.

之前去果度, 其實唔知佢原來咁特別同咁出名既!所以唔抱太大既期望,D火記好NICE, 叫魚旦送蝦丸>V<"20蚊就已經好豐富!!!D辣真係吾錯架, 不過我就吾食得辣,所以噴哂火咁!!!=.="

辣汁真係好辣，不過辣得好味，有時會辣到食唔到，而豬腸就真係好快賣哂，仲有就係條隊太長喇，真係有排等

記得以前係元朗反工,久唔久都係呢樹食LUNCH,講真佢地O的車仔面係真係我食過最好味,O的尤其是豬腸,真係好正,唔似得平時食果O的一係就冇味又或者係太肥,再唔係又係O的汁好咸,所以如果你地有機會去要試下呀^^""仲有唔好錯過佢O的雞亦尖呀!!!!

我本身都係住元朗, 雖然已經久仰呢間舖頭既大名, 但咁多年黎都無幫襯過. 上星期六終於行過買佐碗外賣返屋企食.感覺上淨係得個辣字, 又唔係特別好食/特別難食. 如果要食車仔面, 我寧願幫襯元朗廣場巴士總站隔離果間(唔記得叫咩名~~)

woooo~~真係幾鐘意食架...其實辣汁係佢既精華所在,明知o個d係毒藥,都會叫佢多d辣,多d辣~真係幾辣架,不過真係好正~!!知道佢d朱腸係正,但係少食,必叫既係蘿蔔,因為好甜,好味!!!呵~~不過唔係好常去,一來唔係成日o係元朗,二來成日都要排隊,都等好耐架,所以隔耐d先去一次,特別好食,哈~o個d人都幾惡架...叫慢d都會比佢話,同埋要大聲d...

今日終於有機會o黎呢度試試車仔麵啦！我叫o左：豬腸、尤魚同雞翼尖配米粉，佢仲送o左舊冬菇俾我添！豬腸係我食過咁多間最好食o既。我又試o左朋友o既豬皮，都十分之爽，唔似其他舖咁淋冇口感。而佢o既辣汁都十分好味，但其餘配料就冇咩特別。我有o的不滿o既係十二點二先有車仔麵買，等o左我大半個鐘。仲有呢度好似冇河粉食架，咁簡單都冇，我諗佢地都要改善下。

各位有冇見過棺材鋪排長龍?元郎就有,,,,因為永年那渣麵隔離就係棺材鋪,假期週不時排隊去到果到,唔好食都冇咁多人排啦,貪利事乜....必食---猪腸,冇臭味,---羅白,四季都咁甜,---雞尖,入晒味, 記住一人等位一人買麵,位好少, 老細好口花,女仔買會多d,hehe,個人意見,,,,,, 唔好食菜,老細隻手習慣成日掂住個褲袋,之後用手掌壓平碗麵d菜,好難頂.... 記住小辣都好勁.....

中學時代, 人人都說, 永年好, 永年好. 是好, 但再好的多的是.是嗎?是不珍惜而矣. 兩條馬路, 三分鐘, 就這麼多. 畢業以後, 偶然也吃車仔麵. 原來沒有比得上永年的.是心理因素吧, 我認, 但客觀因素也肯定存在. 門外長期有條龍, 繁忙時間還延至殯儀館門外. 騙不了人的.車仔麵不外乎湯底、豬腸、豬紅. 永年的, 都是一流.特地帶非元朗區的朋友去試. “嘩, 係好正喎!”算是推廣了本區.

其實呢間野真係既唔鐘意佢,但又要食佢.都好矛盾下.但冇辦法啦,鬼叫佢d野好食咩.我都好認同佢落味精真係落得非常過份,食完之後幾個鐘就麻煩喇,要成日飲水.我呢個唔鐘意味精既人應該對佢避之則吉先係架.但同時間佢既用料又真係唔差囉.冬菇好有菇味,蘿蔔仲要好難得咁一年四季都係有蘿蔔味,好甜架.我除左晌屋企會食到甜既蘿蔔之外,都未試過出術食到喇.我不嬲都唔食乜野豬內臟既,所以唔知豬腸同牛雜係唔係差成咁啦.但個鹵水汁真係幾好.所以雞翼都幾好味.至於丸呢,晌出面買貨,所以都冇乜好講.但好得意咁有時如果唔係好夠餸既,係會搭少少其他既餸囉.呢樣野真係幾好既.而我係一個無辣不歡既人,所以我好buy個辣汁架.雖然真係辣左少少,但我次次都會叫大辣,食完出身汗幾正架.但係呢,個環境同埋服務真係唔好喇.如果唔係一早1200或者過左1430去既話,基本上係要等10分鐘以上先有得叫野食.同埋仲要等位,都咪話唔麻煩.個環境呢,都真係幾差架.排隊買野食既時候,總係見到個極度污糟既垃圾桶.同另一樣野幾接受唔到既就係佢地既服務態度,如果多人呢,就要你地快.同埋問多少少都唔係太想囉.呢樣野都真係幾唔好既.所以如果各位係睇左去食

聞名已久的永年大寶號,我同朋友老遠見到一條人龍排隊,果然與早前本吹水雜誌<飲食男女>介紹一樣,我排左約廾分鍾終於到我啦,眼見面前的食物與其它麵店無大分別,都是個幾樣,不過我望多兩下就已經被個亞嬸叫我快Ｄ講食乜野,態度極之惡劣,於是我很快叫左碗豬皮,豬腸,牛腩,豬紅的油麵加友人話必食的辣汁,跟住去隔離度搵位,人多等左幾分鍾先有位,捉住碗麵罰企都幾無隱架, 首先, 碗麵的賣相絕不吸引,瘀瘀黑黑的,沒有香味只有重重的滷水及豉油味,僅僅聞到少許從那pat 辣汁發出好似係咖哩的咖喱氣味,豬皮普通,豬腸有屎味,牛腩又實又鞋又怪味,我睇佢地連簡單的炆牛腩都不懂做的,豬紅又勁咸夾甜味,個辣汁只得一個死辣,我食左不到三分一已經投降,這樣的一碗垃圾賣廿幾蚊!!! 我真係不明白這檔垃圾車仔麵又會有咁多人排隊去買難受,捉住碗麵等位又好似個乞兒,排隊買麵又似輪街症，d亞嬸又寸，最慘我食完碗垃圾，隔左一陣就肚痛，屙左3次，差d要去睇急症，打死以後都唔會再黎食呢個元朗正宗垃圾車仔麵!!!

d 味精多到好似唔駛本o甘, 成碗o野咸到阿媽都唔認得......d 辣汁really 好辣......豬腸有d 豬味,臭臭o地....牛筋ok, 豬紅ok, 蘿蔔ok, 不過一切都好好好咸, 都唔明why 可以咸成o甘.......d麵就一般啦不過佢really 是但收$ ga ja, 無標準ga!我都未必會再食了.....

今日有幾聲咳唔舒服睇完醫生,同女友下午二時多去幫襯,我一早大聲叫左唔要辣,但有個新阿姐照落辣汁俾我,我喝停時已經遲左啦,我同女友話明些少辣都唔食得,排我隊後面一位女士聽到,即刻話:「唔緊要啦,佢果碗俾我啦!」, 我當時亦同意後面位女士咁做作出和應,點知俾餸我果位新阿姐一於少理,佢喺我不斷反對及投訴下,只將我碗麵上辣汁隨意兜走,但麵內尚留些少辣汁。雖知一個人唔舒服而且咳,就算平時食開辣都好,咁既情況下都係避之則吉,之後我都因為幫襯左咁耐,費事再發脾氣落去,如果係其他食店,我早已經拂袖離去喇!我真係唔明點解呢間野,兩個阿姐都同一時間整緊麵俾客,而且兩個客食既餸份量都一樣係三款,又係果樣麵底,點解唔可以調換兩碗麵咁簡單處理都唔肯做?咁既服務態度唔怪得成日有食家批評啦~