永年士多 (寶城洋樓)

营业中

休息中

#永年食番碗賀一賀佢先☺️絕對係會令人上癮既湯底甜得黎又夠辣！必點 ： 羅白💗豬紅💗豬腸💗入曬湯底陣味，正！豬紅洗得好乾淨，沒有沙羅白好甜又林食到標汗都要繼續食😋P.S. 菜就唔嗌都得～唔新鮮又洗唔乾淨😅評分： 8.8 / 10

話說星期六朝早十一點零鐘嚟到元朗，處理完啲事之後，又未到食飯時間，諗住hea到12點食飯。跟住突然靈機一觸，不如去試下永年士多嘅總店喇。其實呢間餐廳想試好耐架喇，由佢未裝修之前去到而家一樣係大排長龍，每次經過見到咁多人等位都唔使入去 ，望一望手錶，大約11點九，鋪頭都未開門，應該未有人排隊啩。點知去到就出事喇，原來已經排咗一堆人，間鋪12點開門，最後都順利被一輪入咗去。難得嚟到，一於就試過最勁嘅面。十寶大碗麵。一見到碗麵都覺得好誇張，啲餸疊得好高。十寶麵包括左魚蛋，豬紅菜，紅腸，魷魚，豬皮，豬大腸，雞翼尖，雞翼，蘿蔔。豬皮真係好爽好大牙，豬大腸就好入味，蘿蔔亦都好爽甜，真係唔怪得佢有咁多人等位。都係嗰句，難得嚟到，唔爭在試埋佢兩個特飲，綠茶紅豆特飲，綠茶有些少苦澀，但配上紅豆就恰到好處，奶茶紅豆就相對甜些少，兩杯都好飲嘅，就睇下大家想甜啲定還是清啲呀。

在元朗住的個個都認識永年士多，是一間道地的車仔面店。雖則店名為「士多」，但實則店內環境舒適，有時尚的裝橫，不像一般車仔面店般舊式裝修，而且不會過於狹窄。細心之處是，永年士多的托盤，它是防滑的設計，減少打瀉面食的機會。今次吃的是三餸面，盛惠$44，價錢是在車仔面中較高的店。韮菜餃可見到是一粒粒的，不是用攪拌機所弄碎的。而且肉質鮮味，豬肉與韮菜的份量控制得很好。雞翼是用陳年滷水醃的雞翼，非常入味，而且咬下去啖啖肉，不是「細小」雞翼喔。湯底是由老雞、豬筒骨、雞腳、果皮及藥材等熬製出來的，但味道絕不是藥材味，而是偏甜的味道，個人很喜歡呢!配合彈牙的油面確實一流!

元朗車仔面名物永年士多，以前有唔少港島九龍人都會特登入黎食，不過自從永年係各地區開左分店後，感覺元朗總店都好似少人左d，無咁迫。我食開元朗總店，呢晚夜晚黎食，唔算好多人，唔洗搵定位。不過星期日可能日頭多人食，我心愛既豬紅賣晒，於是就叫左豬腸＋菜＋流心蛋油面小辣。朋友就叫左豬腸＋豆卜＋牛根油面唔辣，另外我地仲配左鍊奶多士同檸檬柚子蜜。1. 豬腸＋菜＋流心蛋油面小辣永年既車仔面一向係偏甜，但我偏偏又好鐘意呢種甜甜辣辣既口感。特別推介一定要食永年既豬腸，臭臭地甜甜地，好過癮！菜就係普遍菜心，不過幾新鮮。流心蛋大失望，成粒變左熟蛋，我個人就麻麻地熟蛋蛋黃，同車仔面唔夾。2. 朋友就叫左豬腸＋豆卜＋牛根油面唔辣豆卜幾新鮮，好有豆味，又幾索味下！ 牛根好”林”好軟，都唔錯!3. 鍊奶多士同檸檬柚子蜜落單時我地唔記得左加牛油，剩鍊奶多士，所以失色左d，大家一定一定要加牛油，因為好味度會提升一百倍！檸檬柚子蜜都唔錯唔太甜，通常我同朋友都會share飲品，因為覺得一杯野品都算幾大杯，食完個面通常都好飽，share飲就岩岩好!

五個朋友去食車仔麵，其中兩個朋友入去等枱，企係張枱旁邊，等客人食完，另外三位朋友在門口排隊落單比錢，結果等枱等了10分鐘，排隊落單排了12分鐘。餐廳內人多，出入容易有碰撞，冷氣夠凍很舒服。蘿白超甜，表面有少少綠色。山根軟硬適中。流心蛋很滑。魚皮餃正常。雞翼一般。冬菇可接受。清湯湯底清甜。微辣和少辣湯底均很辣。凍樽仔奶茶16元，香濃幼滑。抹茶紅豆冰15元，大大杯，多紅豆。

因為要等人，所以差不多9點先到永年食晚餐，門口外面都有三四個人排隊。先付錢買食物再入去搵位坐既。終於有機會試試元朗的永年了，我第一次食永年，之前尖沙咀經過都無行去食過，因為不係總店嘛。 湯頭不錯，點了粗面 蘿蔔 豬皮 。 但是，我應該要點油面的，點錯了！ 我唔太中意食依到既粗面。另外呢，依到烏冬跟河粉要加兩塊錢哦！ 蘿蔔入味好食既。不過，太遲去了到啦，唔可以坐太耐，Last Order 係9：30。開始食既時候都見到職員係到清潔緊，食緊既時候，聽到叫人地唔好再坐某d位，職員態度一般般。

一直聽到永年個名 但係都未食過 終於有一日 諗住行吓之後經過見到一間裝修唔錯嘅食肆 原來就係永年 一向車仔麵比我嘅感覺就係餐廳裏面嘅裝修比較殘舊 但係永年打破咗我對車仔麵嘅定義 裝修唔單止好靚仲好新 環境非常乾淨 坐落去非常舒服 至於啲嘢食嘅味道 我覺得比較普通 同普通車仔麵冇咩分別 啲餸嘅選擇都係差唔多 價錢比起同佢嘅其他車仔麵貴少少 但係我都覺得值得 如果你係想食得舒服啲嘅話 永年真係不二之選 環境舒服 交通又方便 直行就可以去到輕鐵站

提起永年士多, 門口收錢嗰個員工相信大家都對佢串串供個樣印象深刻. 冇錯其實永年士多係冇服務可宜. 有的只有味道, 第一次食佢一定要食辣, 對於我都算食得辣嘅人嚟講中辣已經係足夠. 豬紅豬腸魷魚係我必食之選, 豬紅非常入味, 豬腸夠香, 魷魚彈口. 三餸一麵都係30幾蚊. 每次嚟都必定大排長龍, 我多數都係叫外賣食, 但係分湯又要加錢. 至於環境方便, 由於排隊人數眾多, 店內座位不足, 所以基本上地方好細又人迫, 坐喺度食最好食完快啲走. 如果唔係會畀人眼啤啤.

香港美食文化裡面不可或缺的除了茶餐廳、街邊小吃、麵包店。車仔麵絕對也佔一職位！每天上班下班總是人潮湧湧，扎根元朗30年就是不一樣😌因為我媽👩超愛車仔麵，回去忍不住跟他分享😂沒想到她已經吃了幾十年～👆兩餸一麵 蘿蔔+牛筋+米粉+凍檸茶+小辣 $50（推薦指數：★★★★★）濃濃的湯底用了雞肉、豬骨、雞腳、果皮跟十幾種中藥材熬煮3個小時，自備了中央製作工廠🏭，食材特別新鮮，蘿蔔熬煮透徹香甜，牛筋嫩口膠質豐富。👆兩餸一麵 蘿蔔+牛筋+米粉+凍檸茶+小辣 $50（推薦指數：★★★★★）然而，辛苦了一個上午的我，能坐在這個小窗邊享受這一個小時的午餐，絕對心滿意足🤪

本人住元朗，細個一直有食開呢間，但好耐無去食過，某日獨自行經附近，想再次去試食。因為一路以嚟都聽到好多人對呢間店舖各方面的意見，想親身試一試。是晚下雨，沒有太多人，而且很容易搵到位。在收銀處買食物時，沒有預期的好黑面，只是選擇食物時木無表情，好有壓力。總結而言，食車仔麵係唔會揀呢一間，因為連食車仔麵嘅甜醬咁基本都無，服務亦唔講得上好好，因為差不多全程都係自助模式，只可以稱得上係一間車仔麵形式嘅快餐店，而價錢亦比一般貴。

今日清明節假期專登去元朗就係想食呢間「永年士多」雖然我唔係第一次食永年但食過翻尋味專一既我仍然會繼續幫襯今次我叫了：炸魚皮、豬紅、牛柏葉、粗麵、微辣，抺茶紅豆冰我既推介當然係豬紅&炸魚皮啦叫了唔會後悔炸魚皮緊係要叫一碟食啦唔會浸住係個湯度咁樣食就脆卜卜香口無比佢地餣得個豬紅超入味簡直又好食到停唔到口抺茶紅豆冰見新野 幫襯下我都係鐘意菠蘿冰多d～哈哈🤣呢間永年次次去親都超多人所以有定心理準備要排隊&等位為左食好西忍耐一下吧😂

因為永年同我屋企唔係好近，所以之前試過其他元朗區嘅車仔麵，一路食都係掛住永年嘅車仔麵。所以今日特登過嚟中午食個午餐，叫咗粗面雞翼豬紅豬腸，呢三款餸係我每次都必嗌。雞翼入味得來入邊啲肉仲好滑，豬紅豬腸唔使講啦係食車仔麵必叫嘅餸，咦呢度嘅朱紅豬腸我覺得比其他車仔麵做得好味。

由細到大都好鐘意黎食佢既車仔麵！細細個覺特無咩特別。反而大大下就鐘意左食。特別係食佢既辣！佢既辣比其他車仔麵再辣d，好香口🥰我琴晚叫左蘿蔔，勁入味！唔會過overcook搞到過淋，仍然有返d口質係到😍

早前放假同朋友們一行五人專程揸車入去元朗永年士多聽人講好好食就點都要去試下啦遠處已見一條長人龍我地排隊排左3.4個字首先點餐然後搵位等叫餐模式當到我地點餐時候已經得返唔多餸選擇，好多餐廳推介既食物例如魷魚 蘿蔔 豬紅 豬腸 豬皮 等.....都售罄，好失望19:30pm去都得返好少野揀而且所有菜都無同朋友們一致認為都是普通車仔麵無論湯汁同食物都係一般水平可能岀名好食既餸菜都售罄我地期望過高但價錢方面真係抵食的有機會下次要早d去食

好多元朗人都會推介呢間車仔麵!星期六黎過! 大排長龍! 所以簡左平日再入黎食10餸！係門口點餐! 拎埋碗麵搵位!開動! 大碗麵包括豬腸，豬紅，豬皮，魷魚，魚蛋，紅腸，雞翼，翼尖，羅白，菜心全部係係我想食既餸！一次有齊曬!真心覺得全部好好味！好出色！分少少俾朋友！女仔都絕對食得曬！大家慕名而來! 一定唔會失望！值得我再搭車入黎食佢