永年士多 (寶城洋樓)

营业中

休息中

放假既時候我最鐘意就係跑步或行山今日同老公去左行山 — 元荃古道由荃灣行到元朗大棠一早plan左行完山去食永年醫肚雖然天公不造美行行下落大雨之後又勁出太陽行到我好想中途放棄回家算但我真係好想食永年所以我要堅持經過4小時日曬雨淋終於完成完成了去吃喝一餐真係好滿足每次到永年有幾款都係必食的炸魚皮、豬紅 呢兩款一定要食我諗豬紅除左永年之外其他我都睇唔上眼🤣🤣炸魚皮好鬆脆兩個人食要叫一碟先夠我唔太食得辣微辣就岩哂我另外我叫左雞翼、菜加左凍檸樂可樂絕對是我的運動後的—救命水😂😂

啲間車仔面可以話係我幫襯次數最多次既一間一如往常 永遠都係勁多人排隊 勁長排當初只有元朗鋪到而家有分店而有一點係非常重要 就係好難揾位泊車**格離就係警察局即使係咁 我都好想食 我係咪有引呀？！餐廳內放枱既地方 都可以話已經儘能力放最多排隊買叫完野食 下一關就係等攞 而等位就係打大佬通常食客都好好 知你等緊 佢地食完就會離開一個微笑 一個點頭 唔該你幼面 雞亦 芝士腸 蘿蔔 少辣湯底 凍檸茶我諗我鍾意食既原因 係因為面爽爽蘿蔔甜 辣湯底一邊食一邊流鼻水🙈幼面 魚蛋 魚皮餃 豬紅 唔辣 凍奶茶陳皮魚蛋好食 有咬口豬紅夠多 湯底係甜味的至於一個人一碗份量 係夠剛剛飽(一面三餸+凍飲)x2=$100(齊頭)食飽 唔講住喇 後面有人等緊到我盡公民責任 我要讓座喇 走先👋🏻

好耐之前都有食過幾次永年士多嘅車仔麵，記得好好味😋 呢幾日一心想再食多次，咁岩琴日經過見唔係好多人排隊，即刻行去隊尾排埋一份，大概兩個字時間已經可以叫野食啦🤓我就叫咗四餸：牛肚，牛柏葉，牛筋，流心蛋，跟餐叫咗抹茶紅豆冰🍹，牛肚牛柏葉都算入味同埋幾冧，牛筋好好味，感覺入口即化，而個流心蛋可能因為我最後先食所以只有少少流心，永年最出名係佢嘅辣汁，我自認都幾食得下辣嘅，叫咗細辣，不過覺得好辣，頂唔順要不停飲野😓 如果唔係好食得辣嘅建議細辣都唔好輕易嘗試😂 抹茶紅豆冰感覺普通應該唔會encore啦仲有鮮油煉奶多士+樽仔奶茶。多士唔係好脆，不過一啖多士有埋牛油同煉奶好滿足亦都好邪惡🤭呢枝奶茶個人覺得甜咗d牛筋，牛肚同埋流心蛋都好好味，下次叫微辣應該岩岩好😋

【美食偵探社調查報告】講到元朗其中一間老自號， 一定有永年車仔面份。 身為美食偵探又點會錯過呢。 一去到門口， 已經有十幾人係度排隊， 非常熱鬧， 我地一人一個 車仔面(三餸), 一個咖央多士。 不如講下有咩餸我覺得係做得出色架啦， 個豬腸真係好食， 非常新鮮， 而且鹵水夠入味， 鹵水雞翼肉質彈牙又夠哂大隻。 個流心蛋亦都做得很不錯， 蛋黃香濃， 咬落去蛋黃慢慢充滿齒頰， 真係好滿足。 最後不得不讚個湯底，。真係好用心去製作， 味鮮而不太咸， 係令人可以飲哂既湯底。 佢三餸一面都係38蚊，就食到咁高汁既車仔麵， 真係抵到爛呀， 必食！流口水速度：8

唔知點解每次去元朗都會好想重拾我既童年回憶🤤成日都會掛住永年想食。雖然已經重新裝修左 無左以前既舊鋪樣但係都仲可以保留住細個種既味道不過 而家都仲Keep住聽到個把鉸剪聲🤣（食開既都知道我講咩）進步左既係而家比以前簡約。乾淨。整齊既風格坐得比以前更加舒服無論你幾多人坐 都可以有唔同既選擇👍🏻所以我自己有時間都會突登出去元朗食😎回味一下😆而家仲出埋樽裝奶茶 （都算出色👍🏻)利申：本人係奶茶控😜

天氣熱辣辣，還特別由天水圍出元朗吃午餐，一去到還見到一條長隊，本來覺得心情悶熱的。不過，排隊時間不算太久，大概不到半小時吧！入到去，很快找到位坐下，等叫飛拿食物，十分八分鐘吧，就有凍冰冰的凍檸茶及熱辣辣的車仔麵吃。兩個人叫了碗大碗麵，本以為像三哥的夠兩人吃，但原來是不夠的。下次還是要一人一碗。大碗麵，小辣，我覺得不辣，但老公說因為我用小碗吃，沒有盛起太多辣醬的關係。湯底小小甜，好味開胃。入面有豬紅五六小方塊（好吃，有口感）、雞翼尖4隻，雞翼兩隻（魯水的，好吃）、魚旦兩迷你小粒（硬、味道一般）魷魚、菜心（嫩）、紅腸（ok)，米粉加上甜甜的湯底亦是perfect！凍檸茶是滿的，我先喝一口，才拮檸檬。茶味夠，碎冰，加上檸檬新鮮，檸檬茶真的很好喝。冰凍檸茶match車仔麵，真的超正！要再來，一人要每人叫一碗。

今日入左元朗工作，同事都介紹呢間車仔麵，話好出名、好好食。咁我就好有興趣去試下喇。然後我十一點半去，原來未開門，要十二點先開。一到十二點我就行過去，十二點十分，已經排長龍排到咁，我都嚇一嚇。但咁出名，都想試一試，一排就排左二十分鐘。呢度令我好 surprise 的是，原來係採用快餐店模式，先落單然後自己取食物自己找位。不過我今日一個人，所以都唯有捧住去搵位。食物，我揀左唔辣、米粉、豬腸、牛筋、豬紅、流心蛋。唔辣結果有小小辣，個湯都算幾油。米粉正常。豬腸味道正常，但好似有小小拿拿地的味。牛筋不是淋的，係硬硬地果種，不過我唔太岩食。豬紅岩我口味，偏甜，都多。流心蛋，係因為女朋友鐘意食，想試下如果好食帶佢食，但對我來說，呢個比較似一隻普通烚蛋，流不流心真係見人見智，我覺得係熟哂蛋。服務，是不要有期望，未有見到任何同事有笑容，一開工就唔開心了。室內都好熱，本身不是大汗人，但食到流哂汗。坐係店內聽得最多的是 “自己攞”。出菜個店員不停叫人自己攞，我問 “飲品呢”，佢話 “自己攞” (出菜處有好多飲品排住，但客人係見唔到單號的)，但我係飲凍檸茶走甜，我真係唔識搵，所以唯有麻煩佢幫我攞。只係我係度諗

車仔麵係港式食物裏面 一直都係我嘅首選🤩今日嚟到元朗搵食 梗係要試吓呢間係元朗好出名每逢食飯時間都排晒長龍既 永年士多🤩🤩食飯時間 門口有成20幾個人排隊啱啱圍住間鋪頭一個圈😵😵😵大概排左半個鐘可以去到落order 人氣小店來講算合理👌🏻👌🏻三餸車仔麵 連飲品 大概$45 視乎你飲汽水定係佢啲特色飲品我哋叫咗兩碗面 一碗係三寶 豬紅豬皮蘿蔔另一碗係餃子糖心蛋雞翼尖調味相當唔錯 辣汁好惹味 不過偏辣小辣都頂唔順 要不停飲嘢解辣三寶做得好好 全部野都相當入味餃子係自家製 多菜少肉 餃子控表示欣賞 👍🏻依家尖沙咀都開咗鋪頭九龍人終於唔使特登入新界食👍🏻👍🏻👍🏻👍🏻

永年由原本只得元朗一間鋪，開到而家尖沙咀都有，甘以後隨時想食就方便好多啦好耐無梨過元朗鋪，今次照舊叫我最中意既豬腸同埋雞翼，豬腸舊舊都脹卜卜，好入味，份量多好滿足!! 至於雞翼都係大大隻，另外叫左蟹籽丸，味道正常，麵底就叫左油麵，總係覺得食車仔麵最夾就係油麵哈哈另外叫左件咖央多，香脆可口熱辣辣，醬既份量唔少，每啖都食到麵包同醬，正!!

食咗永年好多年，一直都食唔厭，幫襯咗起碼5年，每次去親元朗，都會食番一碗先安樂，今次閒日5點幾，唔算太多人，唔洗等位，正！叫咗碗四寶油麵小辣，有豬腸，豬皮，蘿白，魚蛋，四個餸剛剛好，最正係豬皮，索曬d汁，夠曬入味，食車仔麵，叫個少辣就足夠食到個頭標汗，好彩有叫杯凍奶茶，最鐘意佢用碎冰，好懷舊，茶味夠濃，成個餐食曬，都係50幾蚊，飽飽！而且裝修得幾好，冷氣又足夠，夏天入去涼下冷氣真爽，不過，假日真係好多人，爆曬棚，烈日當空下等位真係會曬到燶！

湯底屬清水完全無味不用講，只吃到餸既油味。我地是比較遲(9:29pm)入舖的，不知他們何時關，但他也是招呼我們入店內迅速落單。到9:30pm他們一野關閘，一野撞了我朋友他肩也沒道歉，只顧一味收舖。到我們一路吃著，他們一味吵著要快快收拾好，大大聲推枱櫈，我們還在吃已經肆無忌憚地掃地拖地，完全造成壓力影響食慾。員工態度奇差，食物質素又欠佳，絕對不會再光顧，亦不想有其他朋友瀨野！

有朋友講過點解車仔麵都要排隊 但食過就知佢足料 湯底都十分入味 係高質既 而且我好鐘意入佢既奶茶或抹茶紅豆冰 食完油膩既車仔麵 入返杯真係好爽！但的確要排起碼20分鐘隊🥺🥺

試過幾次呢間車仔麵，微辣都已經足夠刺激味蕾，加上重味精湯底，的確係傳統車仔麵。是日點咗我最鐘意既白蘿蔔，還有牛筋同韮菜餃。白蘿蔔勁好味，又淋又入味，放咗陣浸下仲入味，連d辣味都浸埋入去，真係超野味牛筋就不夠淋，但都入味，尚算ok,韮菜餃就真係一般，下次唔會再點。再加杯紅豆奶茶冰真係無得彈朋友叫咗紅腸、豆卜及魚蛋，但唔知點解佢d餸份量少得驚人豆卜得一粒半，紅腸有三大片，魚蛋份量就正常。唔知係咪家下d豆卜好貴呢？佢又叫微辣，但成碗都係辣醬，辣到佢呢⋯⋯應該係廚房攪錯咗原本好好地一碗麵就變得唔好了。

今日終於試到呢個勁出名嘅車仔麵排左差唔多半個鐘隊，入到去梗係要食返夠本～啲餸無論係蘿蔔雞翼定係豬腸都超級入味，湯底好濃郁，我仲叫多咗份多士餐奶茶勁香滑！就算要排半個鐘都覺得好抵

永年士多，其實都唔使點介紹，出晒名嘅車仔麵每日都吸引到人喺佢哋鋪頭門口排隊！其實佢啲餸正正常常，符合返佢嘅價錢，不過我今次叫咗中辣，佢哋做得最好就係個辣醬，次次都食到出晒汗，不過好過癮！豬腸一定要食，其他你哋可以試吓，豬腸嗰個口感真係不得了。